PokéToké

營業中

休息中

想像到嘅味道，有改善空間。唔係必食，經過可一戰，整體中上😙・・・・・・・・・・・・・・・・・・・・🍱 大滿貫 HK$128・味道：每款餸同配菜份量都好平均，所以每啖食落都幾豐富，不過味道有啲單一🧐。建議食材配搭上加少少酸味為主嘅配菜會再fresh啲😙個人覺得吞拿魚唔夠新鮮～其他都正常好食desu・口感：波奇碗一向sell多料㗎喇，呢個都一樣多口感，脆口嘅沙律菜、彈口菇子、厚實魚生，想像到嘅好食😂🍣 經典雞肉 HK$78・味道：個慢煮雞肉有啲似鹽水烚😅，有味嘅但唔重雞味，其他正常。呢個bowl主打一樣餸only，食耐咗會有啲悶🫥，所以肚波男友另加＋$加咗帶子同吞拿魚～・口感：話係慢煮雞肉但偏熟咗啲，又未到鞋嘅，但又唔係juicy，所以真係一般般呢😐～🥤 牛油果香蕉奶昔 HK$44・味道：天然0甜，不過香蕉甜味🍌有啲蓋過咗牛油果🥑・口感：欣賞佢個奶昔formula，唔會好thick，因為牛油果同香蕉好易榨到糊仔狀，唔夠嘢飲飲落個種爽口液體水感，但呢款水感同時夠味👍。・・・・・・・・・・・・・・・・・・・・🤰性價比：中～🤰9衝度：可試～🤰結論：穩陣好食解暑之選，想食light啲又夠飽肚，旺角

加洲風味碗 $98 （沙律飯）三文魚🍣唔腥的，正常水平吧；其他配料：青瓜🥒、車厘茄🍅、蛋絲、日式胡麻醬、紫菜絲、木魚絲、黑白芝麻，配搭住食其實幾清爽，點精在於日式胡麻醬🫡，令整體口味上升。分數：？/10食物🥘：6/10環境🏞️：8/10服務👩🏻‍🍳：8/10價錢💰：6 /10整體而言：環境其實幾靚，啲牛油果🥑公仔幾得意；店員服務態度又好🫡；但食物質素普通吧，減肥同健康的食物黎講算高汁，但唔夠重口是差了一點😂；價錢（因為無咩肉，我覺得唔值呢個價）

最近天氣好熱😮‍💨又係時候食POKE~之前一直都係食開銅鑼灣嗰間 今日咁啱經過旺角見到 就入去試吓~同銅鑼灣一樣，一樣可以揀沙律菜拼壽司飯(不過佢就冇糙米飯)，配返我最鍾意嘅車厘茄豆腐海帶 仲有鰹魚汁🤣🤣整體來講幾好，銅鑼灣好食少少 但係呢間又平少少，而且就腳少少😂 下次應該會再幫襯👍🏻👍🏻P.S 店員服務態度好好，電子落單嘅小問題 佢好用心幫我解決🥹🥹;; 📍PokeToke旺角廣華街3號百利達廣場地下1號舖

同女性朋友出街，話想食得健康啲，就帶左我黎呢間主打輕盈健康，專食bowl既餐廳。我哋一共叫左個大滿貫同加州風味碗，同埋一杯牛油果奶。-1. 大滿貫7/10-呢個係最齊料嘅bowl，入面有飛魚籽，牛油果，吞拿魚，三文魚同基本嘅配料如木魚絲同蛋絲。配料算豐富，入邊加咗沙律醬，成碗bowl食落層次唔錯。牛油果新鮮，吞拿魚同三文魚腥味唔多，可以接受。但價錢偏貴，我會寧願食返魚生丼😂-2. 加州風味碗7/10-基本上同大滿貫差唔多，但配料相對少啲，多番啲蔬菜如車厘茄。魚生嘅話入面得三文魚，相對嚟講冇咁滿足。價錢方面都唔算平，都係會選擇食返魚生丼🤣-3. 牛油果奶9/10-牛油果奶有驚喜，雖然用嘅牛奶唔係算高級靚嗰隻明治4.3奶，但牛油果落得幾重手，飲落口咁好濃稠，鍾意牛油果嘅必試。價錢可以接受，值得一試。-題外話，本人本身對呢種主打bowl既餐廳印象一般般🤣真心建議如果想食健康嘅嘢食，以依個價錢嚟講絕對有更多選擇。

主打夏威夷蓋飯🙆🏻‍♀️ 可以選擇自由配搭或者餐廳精選的Signature Bowl，亦有日式丼飯及小食提供。配菜、醬料選擇非常多🤤 餐廳空間細，人流好多，需要排隊稍候，可見好受歡迎～食物質素很不錯，份量偏多，性價比高，好適合打卡📸 健康又好味，值得一試👍🏻 💖💖💖食評💖💖💖 自選Poke Bowl ($137)✨八爪魚、蟹柳、三文魚籽、粟米粒、雜錦香菇、秋葵、北寄貝、紫菜絲、木魚絲、鰹魚醬油、冷麵可以加好多款配菜，佈滿整個碗，色彩繽紛😍 冷麵爽滑彈牙，配上鰹魚醬油，好好味！😆 選擇了八爪魚做主菜，大大粒 好新鮮 煙韌可口~ 其他配料份量都十分多，中間鋪滿沙律菜令味道更清新，口感非常豐富，好飽肚🥰吉烈炸海鮮丼 ($98)✨炸蝦、炸蟹鉗、 炸魷魚圈、炸魚手指份量驚人！炸物愛好者必食！新鮮炸起，熱騰騰 非常香脆，肉質軟腍，好飽肚🥰 配上白飯及醬汁一流，鹹香惹味😋

餐廳以白木色為主調, 裡面有高枱, 普通2人枱同吧枱位, 枱與枱之間距離比較近, 繁忙時間用餐75 分鐘。𓊈自選蓋飯 $𝟷𝟸𝟾𓊉Menu 上面有幾款 Signature Bowl, 已經配好曬食材, 亦可以揀自選蓋飯, 如果唔食生嘢, 可以揀熟食蓋飯, 都幾多選擇。我揀咗三文魚, 吞拿魚, 青瓜, 中華沙律同蟹籽, 底層係沙律菜, 配鰹魚醬油。三文魚厚切幾肥美嫩滑, 吞拿魚係赤身嚟, 其餘蔬菜爽口鮮甜。𓊈自選蓋飯 $𝟿𝟾𓊉另一碗揀咗三文魚, 枝豆, 粟米粒同海帶, 都係沙律菜底, 配昆布豉油, 呢款豉油比較甜, 味道無咁濃厚, 同沙律菜好配襯。𓊈牛油果奶昔 $𝟺𝟶𓊉牛油果奶昔好香濃, 牛油果味唔算太重, 奶味比較厚, 幾易入口。

人氣夏威夷蓋飯，將各式各樣健康料理切塊，配上蔬菜、豆類等原型食材，製成營養均衡既Poke bowl🥗 後來受日本文化影響，會將醃製好既刺身放喺壽司飯上，配上唔同嘅醬汁，形成壽司蓋飯，健康又美味🥢 位於旺角廣華街地下既呢既PokéToké，餐廳雖小但五臟俱全，以粉色系列為主，溫馨舒適～ 自選bowl食，推介配料；辣味三文魚、虎蝦仁等，鮮味足料！ 而追加精選前菜；螺肉鮮甜大粒，三文魚豆腐昆布湯亦相當出色，總結而言，係回頭率好高既poke bowl🥙

平時一聽旺角都係聯想到小食、掃街、重口味美食，估唔到廣華街呢邊有間清新健康嘅poke bowl，重要人氣好高🤩 平日夜晚我地未到七點黎重有位，坐一陣已經滿座，出面重排緊長龍😳 可以自由選擇配搭，選擇困難症嘅又可以揀佢嘅signature bowl，點揀都係咁色彩繽紛，望到都好治癒☺️・････━━━━━━━････・💫自選poke bowl （沙律🥗）$144揀左慢煮嫩雞肉做主菜，口感嫩滑，健康之選。值得推介嘅配菜/配料有玉子絲、鮮甜蟹肉（+$10）、好新鮮連殼上嘅虎蝦仁🍤、咸咸地清清地嘅紫菜絲、重有超鮮甜嘅鰹魚醬油（每款額外菜類配菜都係加+$6）！如果想再多啲味道，可以加個酸蘿蔔，撈埋落去開胃同層次更豐富😋 💫自選poke bowl (半壽司飯半沙律菜）$104揀咗一半壽司飯一半沙律菜，唔太heavy又唔太light剛剛好。主菜揀咗鮮甜唔膩嘅三文魚🍣，可以配搭三款配菜同三款伴菜，除咗粟米、中華沙律、蟹柳呢類比較common嘅配菜，重可以加錢加北寄貝、虎蝦仁、溏心蛋等配菜🫶🏻，全部都好fresh🎈醬料我哋揀咗凱撒沙律醬，建議醬料另上，會比較冇咁易膩❤️成個bowl好豐富，夠哂飽之餘又唔洗驚

第一次食呢類型嘅井飯加州風味碗，三文魚俾得好多而且大大粒，好有質感而且碗裏面仲有唔同嘅蔬菜青瓜蕃茄蛋，食落都會覺得好健康鰻魚飯夠晒汁，多汁到有少少偏鹹不過鰻魚質素係唔錯另外佢哋嘅味噌湯好有誠意真係用三文魚肉去煲

💛 PokéToké 🥗近年都好興食呢啲夏威夷蓋飯 Poke Bowl本身我都麻麻哋呢啲低脂低卡既健康嘢但最近本人需要減肥 拒絕引誘約朋友食飯嘅時候就諗住食啲冇咁肥嘅結果啲朋友就推薦左我食呢間啦💛加州風味碗 $98除咗有唔同款嘅Poke Bowl揀 仲有自選款添對於我呢啲選擇困難症嘅人我就揀咗加州風味碗最鐘意呢間舖除咗可以揀壽司飯或者沙律仲可以一半飯一半沙律咁就唔怕會太飽 又可以食多啲菜呢個Poke Bowl 都有好多材料三文魚/青瓜/蛋絲/三文魚籽/車厘茄/紫菜絲/木魚絲/黑白芝麻食落好開心(o^^o)除咗色彩好豐富之外仲可以自己配搭碗內唔同嘅材料咁食令成個口感更加豐富Btw今次貪心仔叫左多醬點知真係好多下次都係帶返少醬或者正常算啦(°▽°)💛牛油果奶昔 $40見到其他人話必飲 所以就落左單牛油果味好香濃 飲落好滑又唔會太甜好似真係食緊牛油果咁飲完即刻覺得好健康

🔸Signature Bowl $128🔸套餐包前菜及湯 +$18🔸冷麵 +$15🔸柚子梳打 $36-咁啱出旺角有嘢做，自己一個搵嘢食，最啱食poke bowl，健康有營養又唔怕獨獨食～揀咗大滿貫超級豐富，有齊三文魚、吞拿魚刺身、中華沙律、雜錦香菇、半個牛油果，蛋絲等等，加配冷麵撈山葵蛋黄醬，味道好清爽，唔會太heavy得嚟又好味😋加$18可以轉套餐，前菜有螺肉，仲有三文魚豆腐昆布湯，濃郁暖胃又多料，超滿足呢～

👉🏻 加州風味碗 $98（三文魚，青瓜，蛋絲，三文魚籽，車厘茄日式胡麻醬，紫菜絲，木魚絲，黑白芝麻）加州風味碗-營養豐富、多彩繽紛。三文魚籽搭配爽口的青瓜，車厘茄等配料，口感相當清新。加上日胡麻醬，蛋絲令口感層次豐富，且味道濃郁。蓋飯底可以選擇半沙律菜半壽司飯，吃起來更健康！👉🏻牛油果奶昔(中) $36牛油果奶昔是滋味的冰沙飲品。口感滑順綿密，牛油果的獨特風味與濃郁的奶香完美融合，亦增添清涼感。此外，牛油果還具有一定的營養價值。喜愛健康飲品的朋友不妨一試。👉🏻波子氣水 $15甜爽汽水，夏天必喝🥤

男朋友話想食poke bowl，見近近地油麻地有呢間咁多好評嘅PokeToke，就去試下。一入門口，店內4個員工8隻眼望住我地起碼5秒，但完全冇諗過問我地幾多位或者黎serve我地，嗰種感覺已經差到想行返出餐廳門口走🫠。到男朋友話兩位，其中一個男員工先話我地知坐邊，其他員工真係戴住口罩都feel到佢地黑曬面咁，完全唔知做乜。店內唔太多人，咁我地就放左個袋喺隔離枱張凳，然後隔左陣，有個女員工走黎收走隔離枱上個食客嘅碗，再好似打眼色話我地袋野阻住加講左句: 我要返呢張枱。❓❓❓我真係俾呢間野啲員工嘅態度差震撼到！其實你想我地拎開袋野都唔洗咁講啦，仲要我地以為有客入黎，望一望門口，冇人㗎喎。咁你要返張枱做乜啊請問？去到埋單，除左講收幾錢，一句多謝都冇，我去茶餐廳俾幾廿蚊食個常餐都好過你呢度啦，俾成一百蚊一個bowl，真係成肚氣！最後野食，係食得飽嘅，味道同香港食過嘅其他poke bowl味道相近，冇話特別平特別出色，覺得都係普通貨色。呢種服務態度，就算係黃店，我都唔會去食第二次！希望大家唔好盲目信佢咁多好評就一定高質！😡

復活節後夏天到都差不多到，講真天氣熱辣辣真係無咩胃口成日去打邊奴，不如食番碗沙律 Powl，廣華街的Poke Toke, 正好係人來人往的地區帶黎清新氣息， 牛油果吞拿魚三文魚青瓜蕃茄等等做成的salad bowl，色彩繽紛,未食都已經夠吸睛開胃。-加州風味碗粒粒三文魚,咸香的木魚絲同三文魚籽,清爽的青瓜,黃黃金金蛋絲，酸甜清新的車釐茄,加埋胡麻醬撈飯，好清新好好食，完全讓人停唔到口！-\而且仲好大碗，跟餐可以加埋前菜同三文魚湯，。--除左沙律碗，呢到都有熱食丼飯可以選擇，肉食愛好者揀和風牛肉丼就最適合，滿滿牛肉，簡單用燒肉汁煮過已經好惹味。'加埋杯即打的牛油果香蕉smoothie 完全無得輸。

位於旺角主打健康夏威夷蓋飯的餐廳。最近真的很流行Poke bowl，於是便決定也跟上潮流，響應健康吃個Poke bowl試試吧。餐廳除了有signature bowl外，更可以自選poke bowl ，自由地配搭食材及主食，款式種類非常多呢~…•…•…▫…•…•▫▪✨自選Poke Bowl 🥙 $88起- 🍚飯及🥗沙律菜- 主食：韓風辣味三文魚(+$15)- 配料：泡菜 。三文魚籽 (+$8)。虎蝦仁 (+$10)- 醬汁：辛口蛋黃醬- 配菜：紫菜絲。木魚絲。炸蒜🧄本來是想再吃得健康點，選擇全沙律菜底，但無飯不歡的我還是覺得要有米飯下肚才行；再加上老一輩總是說"要食飯才夠正氣嘛" OK~收到。主食選了惹味的辣味三文魚，再加上配料的泡菜! 整碗飯橙橙紅紅的，超級韓風!😂 飯的份量比想像中多，吃完其實已經相當飽肚了；辛口蛋黃醬更是微辣微辣的，更添食慾!除了辣味三文魚，更有三文魚籽及虎蝦仁，再加上辛口蛋黃醬，紫菜絲、木魚絲及炸蒜，口感層次相當豐富，微辣香口，非常增加食慾呢～…•…•…▫…•…•▫▪✨大滿貫🍱 $128大滿貫的配料有：三文魚。吞拿魚。中華沙律。雜錦香菇🍄。牛油果🥑。蛋絲 。蟹籽