One Pho You (已結業)

Came here for the second time. High quality pho broth with a reasonable price and the pho size is prob more than enough for two ppl to eat. Total:$1000 for around 7-8 dishes with drinks and only around $200 per person. Definitely will come again.

今次已經第2次黎食。因為得2個女仔，食唔到好多野，所以只係叫咗2份小食，1份主食。上）豬頸肉米紙卷 $68 原本打算叫牛油果芒果紙卷，但係無哂牛油果，所以改叫呢個。餡料好多，配甜酸汁食，都幾惹味。但係口感上，應該係牛油果芒果會正啲，因為豬頸肉係乾身，不過都唔係柴嘅口感。下）越式炸蝦多士 $80 一上枱就放入口，點知一咬，就俾入面啲餡“辣”親少少個咀，證明佢真係即炸。上面凸起嘅部分全部都係蝦肉，好足料，入面仲有芝士餡，係會流出黎果款。配埋黑松露蛋黃醬，好食！蝦多士裡面嘅芝士餡主食炸軟殼蟹伴咖喱農夫包 $160軟殼蟹好大隻，咖喱汁好惹味，配包食。不過汁浸住個包太耐的話，會令到個變淋，口感無咁好。個人覺得配飯會正啲，如果可以有得揀配飯就好了。但係整體講都係好食。樓上舖，環境闊落，好適合同朋友傾計。講起越南菜，暫時黎講，呢間會係我嘅首選 👍🏻

呢間樓上越南餐廳位於澳門逸園中心15樓 港鐵銅鑼灣站 D2 出口一出就係 位置係幾便利就腳餐廳裝修簡約 以灰色為主調 值得一提係侍應非常有禮貌 態度好好 喺今時今日香港地好少有午餐有set lunch 大概$80-90一個餐 包主食同一杯嘢飲火車頭骨湯粉 $88 - 湯底唔錯 牛骨味香濃 鮮甜好飲 飲左個湯都唔覺口渴 應該無味精 成碗份量都幾大 餸份量算多 而且肉質OK海南雞拼豬頸肉飯 $95 - 飯係落咗黃薑粉 海南雞加豬頸肉 呢個配搭比較少見 一次滿足兩個願望 幾好 🍽 餐廳: One Pho You🏠 地址: 銅鑼灣軒尼詩道523-527號澳門逸園中心15樓#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover

有日突然好想食蕃茄蟹肉湯檬，左搵右搵之下就發現左呢間越南菜餐廳，係出呢個食評之前已經食過2次，分別食左：🦀蕃茄蟹肉雞絲青口湯檬($85+10%)因為真係好想食所以諗都冇諗就秒點左呢個🤣賣相好有心思，非常適合打卡。配料好豐富，青口有4大隻，亦有大量蟹肉，麵都比得多，但係雞肉反而就唔係太搵到，整體嚟講份量算大，就算好肚餓都會夠飽。不過個湯就覺得有啲失望了，蕃茄味唔夠濃，味道偏淡，調味亦仲有改善空間🥥椰奶亞答子冰(套餐轉特飲+$15)店員將飲品送到嚟個時，提醒如果覺得唔夠味先落糖漿，當時都覺得幾奇怪，第一次見椰奶類飲品會提供糖漿。飲落去就明白個用意，因為都真係幾淡....未到要落糖漿既，但就係處於個種又唔甜又唔淡既尷尬味道，而且椰奶味亦唔濃，係亞答子既口感幾得意，但唔會想飲第2次🐷燒豬頸肉扎肉撈檬($85+10%)第2次嚟就試下佢地既撈檬，揀左全走青所以先睇落冇咩顏色。配料依然比得重手，有好多片豬頸肉，3大塊厚切札肉，同埋酸醃菜，反而檬粉就偏少。豬頸肉整得唔錯，帶啲脆口又夠爽口，醃菜酸酸甜甜咁好開胃。至於撈檬既靈魂甜酸汁<碌冧>，落少少已經相當夠味，呢個撈檬比上次食既湯檬好食

銅鑼灣有好多好嘢食，今次俾我搵到一間新開嘅越南餐廳，餐廳個名幾特別，讀落好似one for you咁🤣越南嘢食除咗湯粉之外，當然都要食佢哋啲小食啦，佢都幾多款式選擇，我就試咗佢嘅「越式蝦多士」同埋「法式蒜茸牛油包」🥪 兩款都超好食！蝦多士好特別，佢入邊有少少好似芝士流心咁 🧀 蒜蓉包就當然係啱啱烘出黎，聞落去超香，好開胃👍湯粉就試咗佢嘅「蕃茄蟹肉雞絲湯粉」 🦀 同埋「河內生牛肉熟牛腩骨湯粉」 🥩 湯粉可以揀河粉、金邊粉或者檬粉🍲 湯粉嘅份量好大，啲湯底都整得幾好，尤其是蕃茄蟹肉雞絲湯粉嗰個啲材料好豐富👍👍 而牛肉牛腩嗰個都好好食😋

第一次食呢間越南餐廳，剛到呢間餐廳既感覺唔係咁好，上到15樓一出𨋢見到有排櫈有人坐咗喺度，隔離玻璃門口旁邊有個櫃位類似接待處，有安心出行既野等，同時間玻璃門入面有個四眼仔望住我，我俾手勢佢✌🏻表示兩位（我以為要係出面等，因為要安心出行之類嘅嘢），點知佢仍然企喺入面望住我，咩動作咩反應都冇，我諗靜止左大約30秒，我推門入去，佢就問我幾多位，XYZ ! 係唔係咁醒目呀？！不過一入到去就聞到非常之香濃嘅牛骨湯味，原本我諗住唔食河粉都即刻好想食。全生翼板牛肉骨湯粉 - 碗粉一嚟到非常香，飲第一啖湯好清甜好飲，碗粉好似唔係好夠熱，牛肉有啲筋，不過整體上碗粉係好食，絕對會再幫襯。河內脆炸春卷 - 絕對有誠意，因為唔係來貨或現成嗰啲春卷，係自己整餡料自己包嘅味道，好食！薄荷葉青檸梳打 - 酸度夠，薄荷味就唔多覺，普通。整體上間餐廳係好食嘅，而且一定會再幫襯，不過佢仲有一個幾大嘅問題⋯⋯（就係怕熱嘅我，覺得冷氣唔夠，有啲焗！）

本身其實想食銅鑼灣另一間比較人氣嘅越南菜，點知去到原來執咗笠🥲誤打誤撞依一間好似新開咁所以嚟咗🤣我哋叫咗個火車頭骨湯粉仲有燒豬頸肉撈檬個火車頭有生牛肉牛丸同埋牛展等等，仲有佢個白蘿蔔超級鮮甜好好食！同埋個湯飲得出係真係自己整！豬頸肉就有勁多塊！我哋兩個女仔兩碗嘢都唔係好食得晒😂好多但係最尾我哋都嗌咗個甜品就係斑斕椰汁糕☺️佢係熱嘅估唔到! 第一次食熱嘅但係都覺得好好食！同埋我覺得間餐廳黑色風為主有別於其他越南餐廳！我覺得都幾特別

有時人的整體喜歡意念，源自很簡單的體會，例如喜歡唐老鴨這個角色，就將迪士尼樂園也喜愛上。而我，年青時就甚喜吃春卷，廣東式潮州式泰國式越南式的，樣樣都嚐過。當比較過之後，發覺越南式的比較鬆脆，從此之後吃春卷就永遠只吃越式的了，從而更喜歡了越南菜式，因此我喜歡越南菜就是源自喜歡了那根東西。女兒知我甚喜吃越式春卷，今天中午主動訂了位，再去吃我的至愛。來到銅鑼灣澳門逸園中心的 One Pho You.中午吃得不多，每人一碗粉一碟小吃就已足夠，今天她點了這店的火車頭骨湯粉，而我是燒牛肉撈檬，再加一碟河內脆炸春卷大家一齊share吃。包羅萬有的湯粉，裡面有牛丸牛腩牛柏葉牛展和翼板肉，只是沒有其他的牛內藏。湯底都不錯，牛骨味香濃。至於燒牛肉撈檬都不錯，牛肉燒得炭香，沒太熟和沒韌，加入魚露倍感開胃。河內脆炸春卷，可能就是脆炸兩個字令我喜愛上，等如吃酥皮蛋撻一樣，不酥不脆的話叫人怎能放得入口。東南亞菜式能溶入香港不是容易，看馬拉菜印尼菜柬埔寨菜等在香港不常有就知道，能立足香港的，相信只得越南菜和泰國菜，比較香港人容易接受。

呢間餐廳位於銅鑼灣sogo隔離既澳門逸園中心，非常就腳，呢棟大廈超多唔同食肆選擇，今次就試下食越南菜。一早用openrice book 好枱，實在非常方便。餐廳可以scan QR code自助落單👍🏻，簡單方便，電子落單除左可以睇到每款食物既相（佢提供個實體版menu冇相）之外，佢連多芫茜走唔同材料，轉麵底既各個選項都有齊，實在抵讚。週末同朋友黎午餐，冇set lunch，要散嗌。同朋友各嗌左一個飯麵，再加兩個小食。我試左火車頭骨湯河，份量大，材料多，飲左個湯都唔覺口渴。朋友試左海鮮炒飯，大大份，熱辣辣😋。小食方面，分別嗌左河內脆炸春卷及牛油果香芒🥑🥭米紙卷，個人鍾意食個春卷多啲，入面包左啲蔬菜再加檬粉，炸到好脆口，好味道🤤宜家餐廳做緊，非酒精類飲品第二杯半價，嗌左杯椰奶亞答子冰試，都幾特別。餐廳就腳，坐位都幾舒服，再加上職員都非常友善，可以再到訪試下其他菜色。

又係同事帶我食好西時間～呢碗pho真係唔錯！·🍜火車頭骨湯粉（$88）一黎就飲淡湯先😋湯頭清甜，配料十足.牛丸、牛腩、牛栢葉、牛展、翼板肉、蘿蔔！加少少辣椒，好好味！不過食完有啲口渴🫢·🍚海南雞拼豬頸肉飯（$88）同事點既，表示好ok～試左件豬頸肉！惹味👍🏻•📍One Pho You銅鑼灣軒尼詩道523-527號澳門逸園中心15樓

全生翼板牛肉骨湯河粉｜⭐️ 6.5/10 看到此Pho 有蘿蔔，代表已經被港式化，湯的味道較薄弱，但加了豆芽菜、九層塔、青檸檬、生辣椒等配料後🌶，有明顯變化，最緊要不是死咸，算是不錯👍🏽。河粉因不是用越南棵條，被湯浸得偏淋，不夠咬口。🐮牛肉份量也算多，而且肉質也可以，性價比挺高。越式蝦多士｜⭐️ 7/10 餐廳必試菜式！面層的蝦膠打得彈牙，中間的流心芝士配底層脆薄多士，將其口感和香味提升😋。蝦多士炸得油而不膩，配搭特製黑松露醬，想讓人一點再點，邪惡十足！😈石仔沙嗲串燒 (豬肉&牛肉) ｜⭐️ 7/10 豬肉和牛肉醃得極之入味，肉汁豐富可口，燒得外面微脆。沙嗲醬用了濃厚花生調配🥜，相當惹味。原隻椰青｜⭐️ 8/10 椰青十分清甜，肉質嫩滑，有如在泰國當地飲的新鮮椰青，必叫飲品！

Customer service - goodFood portion - littleFood quality - pho/very sweet soup base and could not tell much with beef flavour; all others - just so-soComments - too much MSG overall; way too muchWe had three phos plus 3 side dishes for dinner. None of us felt full afterward.

約左朋友聚會， 一入到黎， 侍應服務殷勤，知我地透過openrice 訂座送雞翼一客，會即時同我地講返個優惠， 唔會神神祕祕，又會主動向我地推介食物，說話輕鬆友善，唔似hard sell每樣食物都好食同大大份，粉卷、蝦多士、燒魷魚我覺得係必點， 真係好味， 不過燒魷魚偏辣，唔食得辣嘅朋友就要考慮吓啦飲品就第二杯半價， 椰青除外， 我叫左杯椰汁清心丸珍多冰， 味道一般啦，唔算好特別， 飲品有附糖漿， 可以自己調教甜度， 幾好

一入到餐廳覺得好舒服，有幾強嘅設計感，店舖以黑白灰color tone為主☺️ 地方好闊落, 坐得好舒服😚😚 牆身仲要有style, 可以打卡 😏去到越南店，梗係要試試佢個火車頭🚆 呢間舖頭彩用電話落單，落單嗰陣可以逐樣配料揀要定唔要，方便一啲走蔥走芫荽走芽菜嘅朋友😈上牒時都有心思，將啲芽菜同葉放喺另一碗傻仔嗰度，唔會影響到碗粉嘅賣相☺️ 碗粉嘅份量相當之多！超級足料 🥰 真係食極都有餸！完全唔使擔心要再叫多幾個餸唔夠食🤪牛展夠晒冧！牛丸又彈牙！牛柏葉好爽口！牛肉又好有牛味，一啲筋位都無！☺️☺️☺️ 食完絕對有好滿足同好幸福嘅感覺😚❤️個湯都好好味😋 我飲左好多😅 重點係食完呢一餐飯唔會覺得好口渴😈 you know what I mean🤪P. S. 店員好有禮貌, 好有耐性, 服務態度 💯☺️☺️(同埋佢哋超級主動幫你加水🤪 好正呀！❤️)

試過銅鑼灣不同的越南餐廳，呢間值得第一次寫食評印象最深刻是由初入餐廳至結賬離去，所有服務員態度好nice同好有禮貌，連煮食的職員路過都會同你打招呼，上菜亦會溫馨提示小心熱。叫左生牛肉河，意外地發現牛肉好滑味道剛好。下午時段過嚟食lunch，環境清幽，而且乾淨。