Maison Du Mezze

The menu at Maison Du Mezze showcases a wide variety of authentic Middle Eastern dishes, each bursting with flavor. The mezze platter is a must-try, featuring an assortment of small plates like hummus, falafel, and tabbouleh. The flavors are fresh and vibrant, and the presentation is visually appealing.For mains, the grilled meats are a highlight. The lamb chops are perfectly cooked, tender, and juicy, while the chicken kebabs are well-seasoned and packed with smoky flavors. Accompanying these d

好耐無去東涌，今日專登入去搵食，睇左幾間都唔岩心水，誤打誤撞見到”Mezze”，睇完餐牌知道係黎巴嫩菜，食物同價錢都ok，決定試一試！Woo😯入到去環境好靚，眼見都係外國人，突然有種去左外國既感覺。😙嘗未肚餓，點了一小食同意粉💰$158 Shrimp Fatteh賣相好靚，炸香既蝦🍤浸係酸乳酪，醬入面仲有紅石榴同松子，再加橄欖油，感覺好清新。最驚喜係芝麻麵包薄脆，芝麻味香濃，非常香脆，點乳酪醬食絕配🤤另外點了兩塊pita bread💰$18/1 口袋飽即叫即烤熱辣辣上枱，烤得好乾身，配乳酪醬停唔到口💰$198 Shrimp Linguine🍝雖然主打中東菜，估唔到意粉都好出色，數隻大蝦好爽口，另外醬汁掛滿每一條意粉。另外點了支Sparkling Water，淺嘗中東菜，$500/2，不錯！總結地點偏遠，東涌站行約15分鐘或搭酒店shuttle bus，環境一流，食物同服務不錯，絕對值得一試！👍🏻

去到東涌，成日都離唔開食西餐，於是今日決定試吓呢間特別啲嘅黎巴嫩中東菜，估唔到都有驚喜！餐廳環境舒服，室內有植物佈置，座位舒適入到去坐低，睇緊Menu嘅時候，侍應姐姐已經好好，問我哋想飲乜嘢，同埋介紹Menu入邊嘅嘢食，然後再俾埋前菜我哋，紅蘿蔔、橄欖、辣椒，酸酸甜甜！諗咗一陣，終於叫咗嘢食叫咗個熱嘅開胃菜叫Shrimp Fatteh顧名思義除咗有蝦之外，仲有一啲脆嘅麵包碎，再配上熱辣辣嘅Yogurt汁，酸酸地，果然開胃！之後就叫咗呢個燒雞肉，值得推介！夾餅都係配Yogurt汁，配搭一流雞雖然有少少燶，但整體燒得啱啱好再食埋洋蔥配菜👍🏻👍🏻主菜最後仲食埋呢個，羊肉燉飯份量大，羊肉燉得好，不過有少少羊騷味唔食慣嘅可能會覺得唔好味，整體味道一般最後仲嗌咗一個Vanilla Gelato Ice-cream! 好味 ($48)整體餐廳環境服務都好，食物質素都高下次有機會會再嚟食特別係啲燒物，值得推介！

呢間又係一直都想去試嘅餐廳，打開餐牌見到有個西瓜沙律本身覺得好似冇咩特別，但係食完之後覺得大家可以試吓，味道跟芝士是一個不錯的配搭呢❣️然後經過職員推介之後我就帶咗呢杯有煙熏味嘅酒，我覺得都好適合女仔飲，下次一定會再嚟試吓其他cocktail💓💓

聽聞東涌有間黎巴嫩菜餐廳，專程來試。餐廳燈光、顏色、傢俬等配合，感覺和諧；配上中東風格的輕快音樂，卻活潑起來。🍺 啤酒買一送一（ $70 ），當然不能錯過。🥜 鷹嘴豆 Lebanese Hummus （ $98 ）混了芝麻醬、檸檬、橄欖油和少許果仁，伴暖暖的pita bread，非常好的開始。🐟 炸沙甸魚 Fish Basket（ $158 ）炸過後魚味不太濃，配鮮番茄醬或芝麻醬；用來佐酒OK。🐙 炭烤八爪魚酥鬚Chargrilled Octopus （ $178 ）味道鮮甜，但肉質較綿；加了乾晒番茄烹調，稍帶酸味。🥓 烤羊肉串 Lamb Skewers（ $238 ）香嫩，香料配合微微羶味，散發中東風情；配上乳酪，平衡口感；高質。雖然不是每道菜都適合自己口味，但餐廳性價比高，職員服務有效率；特別日子來慶祝氣氛不錯。

未能跳出香港，也想試吓一啲平日少機會食到嘅菜系，這間隱藏於東涌喜來登酒店內的「黎巴嫩菜」，環境舒適闊落，食客以酒店住客為主，身處其中有如置身於外國的感覺。主理人為黎巴嫩人，堅持採用新鮮食材配搭各式香草，絕不添加味精或者雞粉等，食得自然健康又有特色；店內採用真火炭爐燒烤，食落帶有獨特的炭火香味，味道香濃清爽又細膩。尤其喜歡前菜醬汁加麵包、沙律菜、鮮魷魚，最後上的甜品，更是為主角特別製造的驚喜，再次預祝好友「生日快樂，身體健康！」。Maison Du Mezze地址: 東涌怡東路9號香港東涌世茂喜來登酒店地下G10號舖電話: 23300131

上次來了Sheraton workation，無意發現這裡有很多很有特色的餐廳，今天去的這間從裝潢開始已經感受到濃濃的中東風情，在個中東花園設計更是獲得國際認可，每一個角落都很好打卡，人多的時候坐木檯也不錯。🔹Grilled Halloumi cheese with. Dried fig $138這款前菜可以說是喜出望外，本來我就不特別喜歡吃無花果，但這個像豆腐的芝士烤焦後搭配甜甜的無花果一起吃，柔和又開胃，還真的會讓你忍不住一直吃。🔹Shrimp fatteh $158新鮮爽口煎到金黃色的蝦球浸在乳酪醬裡面完全把油膩感去除，乳酪的算反而令你更想繼續吃下去，上面還有佈滿芝麻的麵包薄脆，這個才是精華所在！上桌瞬間吃感覺像薯片，浸滿醬汁吃軟糯的味道一樣好吃，強推🤤🤤🔹Chargrilled ocotopus $170八爪魚切成粒去燒，處理得非常好，咬下去質感綿密，橄欖油滑口有咸香，而且蒜頭是加分位，讓它更香口，還有一些番茄乾增加微微的甜味，令整體味道均勻。🔹Charcoal grilled sea bass $468原條海鱸魚上桌非常有氣勢，魚皮燒到非常脆，裡面的魚油都逼出來，所以不會有肥

This is one restaurant that worths travelling along into Tung Chung just for their food.No wonder why some people describe Lebanese food "a kaleidoscope of sensory elements". This restaurant simply shows us the richness in tastes and wideness in diversity. It is so polychromatic in favours the whole dinning experience brings you a psychedllic illusion, in a legal and delicious way.Main dishes are perfect but as what their name suggests, they are Maison du Mezze, house of starters. The mezzes rem

讚1 係就係遠左啲 但環境好清靜2 有啲嘢食做得好出色 燒烤類既羊肉 雞肉都好夠火喉 調味香 唔會過油 沙律既汁都好開胃彈1 中東菜常見既泥類 呢度係幾樣嘢都係同一種味 雞尾酒都好重香料味 唔夠融合

山長水遠入到嚟東涌梗係黎試吓呢間黎巴嫩菜,餐廳位於東涌世茂喜來登酒店地下,不過唔係酒店入面,係喺酒店隔離個商場到,聽聞係用炭爐烤肉,做法幾正宗,餐廳嘅環境都幾舒服,幾有情調,座位好闊落,當日12點幾左右嚟到都唔會好多人,成個用餐環境都幾滿意😊《Hummus Kawarma $128》呢個鷹嘴豆泥配炒羊肉真係幾特別,平時唔係太鍾意食鷹嘴豆泥都覺得幾好食,佢整得好滑身,豆味唔會好濃,炒羊肉加左松子仁,口感幾特別,仲配埋個好軟熟既麵包俾你夾黎食,呢個非常推薦🤤《Chargilled Octopus Tenticles $170》烤八爪魚腳基本上枱枱都叫,雖然個碟全部都係橄欖油,但係食落唔會覺得好油,八爪魚腳肉質好嫩,一啲都唔靭👍🏻《Maison Du Mezze Ultimate Mix Grill $558》呢個肉拼盤基本上就係咩都有啲,份量好多,兩個人黎講食得好辛苦😂啲肉嘅調味偏鹹少少,落得比較多香料,不過幾好食😋《Yakult Lemonade $88》呢杯Lemonade幾好飲,加左益力多落去好清新好解膩😀《Signature Cocktail $115》呢杯Cocktail酒精味比

1. Mixed Hummus Platter4款唔同嘅鷹嘴豆泥漿，可以一次過試哂唔同口味，包括original, 紅菜頭, 橄欖油,Truffle組成，由淡味食到濃味， 鷹嘴豆泥漿creamy得黎都好好味😋我最鍾意食紅菜頭味，如果第一次食可以叫哂4種味試哂2. Fattoush（Salad) 呢個沙津最特別係即場係你面前整，好岩打卡🤩，同埋沙津啲菜好fresh，亦會有炸左嘅芝麻包，豐富返口感，而份量夠4個人食🫢3. Grilled Halloumi Cheese with Dry Figs 超特別！！好似硬豆腐嘅口感，係奶味較重嘅芝士，愛芝士嘅人必點🤩🫶🏻 4. Lamb Ouzi真正使用左印度米嘅main course，除左slow cook啲羊肉整到好淋，更值得一讚嘅係飯本身都有濃厚嘅肉汁，感覺好似落左高湯咁，但問返職員先知原來係餐廳煲飯嘅時候直接落免治肉，將肉嘅鮮味帶入飯入面，絕對值得一試，我都決定要encore🤩🤩5. Shush Tawook雞滑得黎好juicy, 炭燒味道好濃烈，配合獨突嘅中東味道唔會太辣之餘，仲一定要配埋店入面嘅sour cream，提升左雞嘅層次6.

生日之際，去咗東涌outlet行街，夜晚順便入埋喜來登附近食飯，難得生日，當然要是一啲新嘅菜式，所以揀咗黎巴嫩菜。👍🏻Chargrilled Octopus Tenticles炭燒嘅八爪魚鬚做得一流，口感爽彈帶勁，橄欖油嘅味道好香，但並不帶油膩感。第一啖香草味會比較濃烈👍🏻Shrimp Fatteh從未品嚐過嘅味道，入口帶有強烈新鮮感，而且顏色鮮艷又奪目，上枱特別吸引。用上乳酪醬汁去烹調，醬汁濃稠帶點奶油香，大蝦煎得爽口，配料例如紅石榴、麵包、松子都直接加上更豐富的口感。👍🏻Fattoush呢款沙律絕對係開胃之選，職員會逐少逐少倒入大木盤即場攪拌，由蕃茄、生菜、芹菜組成，加入紅石榴汁、橄欖油、檸檬汁、白醋攪拌而成。清新得黎又帶有爽脆感，而且可以一解上面兩度海鮮帶嚟嘅衝擊感，整體感覺較酸。👍🏻Charcoal Grilled Sea-Bass海鱸魚原條而上，誇張至極，煎得皮脆香口，肉質並不鬆散，而且冇乜魚骨食得特別安心，特別喜歡餐廳為佢主理嘅調味，可以淋上檸檬牛油醬同檸檬汁，拌碟嘅炒蘑菇味道非常之香，而且份量頗多。👍🏻Lamp Cutlets羊架一客有四件，生熟度烹調得非常合適，入口炭燒

Happy friday 同朋友嚟到東涌喜來登酒店初嘗黎巴嫩菜。餐廳佈置用心，大部份嘅凳都係由竹藤製成，而且擺放左多盤綠色植物，非常度假風，感覺好舒適同放鬆，基本上每一個都係打到卡嘅位置。店員非常好客，知我哋第一次食黎巴嫩菜，都會詳細介紹食物俾我哋認識。叫完嘢食，店員會先送一碟橄欖做餐前小食，橄欖味道濃郁，帶少少酸，幾開胃。Mix Hummus plater 共有四種口味既鷹嘴豆泥，包括:檸檬芝麻醬口味、青瓜味、紅菜頭味同埋黑松露味。另外配兩塊彼得包，店員教嘅食法係將彼得包搣一小塊，再點hummus食，hummus口感順滑，有啲似食緊薯蓉嘅感覺，紅菜頭同埋檸檬芝麻口味味道清新。個人比較鍾意青瓜味同埋黑松露味，味道較為濃郁，帶點鹹香。.Feta Watermelon Salad第一次食西瓜沙律，賣相紅卜卜好得意，西瓜清甜多汁，feta cheese 質地少許濕潤，微鹹重奶味，配西瓜幾夾幾開胃。.Chargrilled Octopus Tenticles 八爪魚鬚有咬口，柔軟得來有彈性，八爪魚本身味道比較清淡，炭燒過之後，焦香味幾突出。Chargrilled RibeyeRibeye大大塊

難得放假同朋友食飯，想食d特別d，搵咗一間大家都未試過嘅國家菜～黎巴嫩菜🇱🇧位置係東涌世茂喜來登酒店，係東涌站旁有shuttle bus去都好方便。入到餐廳完全係比個環境吸引住，置身係外地一樣，成個裝潢充滿異國風情，打咗一陣卡先睇menu，由於未試過食黎巴嫩菜，經理同我地介紹，最後大部分都揀咗經理介紹嘅菜式試下～🧆Mix Hummus Platter $180由左至右：Hummus / Hummus Shamender / Hummus Beiruti / Truffle Hummus頭盤當然要試下傳統黎巴嫩菜「鷹嘴豆泥」，由鷹嘴豆製成，可加入不同調味製成不同口味鷹嘴豆泥。咩都想試吓心態就揀咗混合鷹嘴豆泥拼盤，我同朋友都一致認同黑松露口味最好食！🍉Feta Watermelon Salad $128依款沙律好特別，大部分係西瓜，加上蕃茄同車厘茄，一片紅噹噹，清甜西瓜加酸蕃茄再一口鹹味菲達芝士，口感好fresh🦐Shrimp Fatteh $158食完2個冷盤頭盤叫咗個熱盤頭盤試下，極度推介一定要叫！上枱時見到都覺得幾特別，色彩繽紛咁～入口果刻係衝擊咗我！Yoghurt sauce 係超

香港嘅黎巴嫩餐廳往往都是非常華麗，一進入餐廳門口，就好似去咗異國國度😃食黎巴嫩菜/中東菜，少不了一定要食最經典嘅Cold Mezze - Hummus‼️其實即係鷹嘴豆蓉，通常都會配中東薄餅一齊食❤️原來Hummus係幾好食㗎味道有啲似芝士，質地較稠身，真係好似食緊芝士包🫒Beet Tartare呢個勁好食當中有紅菜頭、蘋果粒、Feta Cheese，整個感覺好refreshing，有唔同嘅清甜味道🍖Lamb Cutlets呢度有個真炭爐，專門for 炭燒selection我揀左羊排，肉質非常軟嫩，而且完全無羶味，炭燒令香味更提升估唔到每碟嘅portion咁有份量，我完全高估左自己🐟無諗過條魚會原條上呢條海鱸魚又係用左炭爐燒，外皮堅香脆，魚肉鮮嫩juicyBlackcurrant & Mascarpone Cake今日我重新認識了黎巴嫩菜😃正宗黎巴嫩菜最大特色係採用最原始、最raw嘅食材❤️