Le Rêveur at Flower Market

營業中

休息中

食店的位置旺中帶靜，在界限街體育館附近。早上剛開店沒多久就入內用餐，已經有兩檯客人。我們二人點了一份「香榭麗舍特級早餐」、一份「法式橙酒班戟」、一杯「蝴蝶夫人茶」和一杯「巴黎人朱古力」。蝴蝶夫人茶：上桌時聞到清幽的花香味，帶點成熟的風韻，就像少婦一樣，難怪有如此取名。入口取而代之有淡淡的果香，和鹹食或甜點都十分匹配。香榭麗舍特級早餐：定位係All Day Breakfast，食物內容大致和其他食肆的全日早餐差不多，但選料和煮法有些分別，炒蛋是法式炒蛋，而且有Medeleine和油漬番茄拌扁豆，Tolouse Sausage和煙肉也不算油膩，是這份早餐的特別和優勝的地方。巴黎人朱古力：朱古力粒和牛奶分開上桌，趁牛奶還暖就倒進朱古力粒內攪拌，可惜手腳慢，飲到底仍然有些未溶的朱古力。整體上不會過甜，和接下來要介紹的法式橙酒班戟十分配合。法式橙酒班戟：有三片班戟，質地本身都偏濕潤，伴有暖暖的橙酒醬，橙酒醬不會太少 (吃完班戟還有剩下的醬)，偏甜，淡淡的班戟沾上橙酒醬，味道剛好。整體來說，可以一試。

進入餐廳就像進入花園一樣，綠葉鋪滿牆身，燦爛的花朵吊滿了天花，感覺舒服又休閒。菜式並不是普通，而是用心做的，配搭也有特色。前菜菠菜及風乾蕃茄意式蛋餅，雖然是蛋餅但不嚡還點滑。自家製馬莎拉香腸不會太重肉感，不油膩。帶子意粉用上椒煮汁，帶子大大粒，喜歡意粉味道清又不滯。酥皮內裡是黃花魚，魚肉厚身又滑溜，酥皮很脆，就算放涼了也不會硬及乾。甜品超級有驚喜，千層酥配鹹蛋黃無花果，凍食的咸蛋黃配千層酥原來幾夾，鹹蛋黃味道都幾吸引又好味道，今晚夜了不能喝咖啡，下次必定要試咖啡。

生日嚟到靚靚cafe 慶生氣氛幾好👏兩款前菜分別係自家製法國腸配多士同羊奶芝士葡萄多士, 自己比較鍾意食後者, 羊奶味濃唔會好羶而個葡萄又解膩, 互相平衡👍👍三款主菜分別係牛肉卷配薯蛋餅, 多寶魚配羊肚菌同pasta 。牛肉卷牛味重, 但略嫌鬆散無咩口感, 夾雜筋同肥膏, 本人鍾意食比較瘦啲, 墊牛肉卷底嘅薯蛋餅, 蛋皮包住薯絲有口感味道啱啱好。多寶魚較濃味。pasta 口感ok, 但痴住一舊難分開一條條略嫌汁唔夠, 牛肉卷同多寶魚份量比較少服務方面星期六晚只有幾檯, 服務ok, 前菜多士有朋友整跌咗一份都會補番俾我地, 真好人👍👍

休閒的星期三😊😊😊吾打吾撞book左哩間cafe仔，入面環境好好，坐得好舒服，可能星期三關係冇咩人坐好耐都冇人趕你走1. 芫荽濃湯🍵（一個勁憎食芫荽既人，竟然走去點左哩個湯，但又出奇地好味）2. 巴黎朱古力奶☕️（係用真黑朱古力再加熱奶，完全同溝粉既朱古力奶係兩個味道，完全吾甜，好正）3. 阿根廷西冷配莎莎🥩（吾錯）4. 法式橙汁班㦸🥞（哩個就真係一般，比佢個名𠱓左）整體嚟講幾好，下次會再嚟食過！

上星期同朋友total 4人book左7點食飯睇一睇menu有8成既菜式都係小食比較飽肚嘅得意粉一款(仲要係紅菜頭 唔係個個都會食)同燒雞睇咗一陣之後 店員定唔知老闆行過嚟同我哋講個Menu轉左，但係佢介紹到一舊舊咁...我地覺得自己scan QR code睇menu仲好啦😂由於食物種類唔多 我地點左一隻雞先 老闆行過黎問我地會唔會改做半隻雞 因為另一枱客想要半隻🤷🏻‍♀️佢話半隻每人分到一件（心諗: 下？每人分得一件你都要我地同人分半隻?) 所以我地堅持要返一隻 咁佢就死死地氣走左最後total叫左4道菜，咁呢度做法國菜都知要等得耐啲啦食晒頭三樣，等隻雞黎既途中得返我地一枱客(當時大約8點) 啲店員已經係咁望過嚟 令我地感覺阻佢收工咁🤦🏻‍♀️如果你地想8點閂門就唔好俾人book 7點啦⋯隻雞到左 個賣相令我打咗個突🤦🏻‍♀️居然係成隻腳上!! 仲要冇剪腳甲🤮望到已經扣分好彩味道搭救🙈最後我地拿拿臨食埋蛋糕走人 埋單8:45左右服務不了 食物一般🥱

首次食法國菜，真喺精緻為主，欣賞佢會不斷改menu⋯⋯環境都好啱女仔打卡，因嗰日去嘅 多數都喺女仕紅菜頭醃三文魚，忌廉芝士，青瓜，米餅$78對於我對紅菜頭一般嘅我，真喺食唔到紅菜頭味三文魚都唔錯，加咗少少嘅芝士，同青瓜，令淡淡嘅三文魚增加味道同爽口感，可惜嘅喺，佢嘅米餅唔脆亦爽口，似水份太多做成嘅怪怪口感。千層酥配鹹蛋黃和無花果 $78鬆脆千層酥夾雜住鹹蛋黃 真喺特別  濃濃嘅鹹蛋黃味 做成香滑嘅忌廉真喺唔錯，之後食返半粒 無花果 等嗰口冇咁膩。菠蘿汁烤加利西亞牛肋骨，煙燻薯蓉，刀豆  $ 198最想像唔到到嘅喺菠蘿汁烤牛肋骨可以咁夾，有少少嘅甜甜地 但完全冇蓋過牛肋骨嘅鮮味，咬落去仲冇冇少少香烤味，再加上厚實而完全唔韌 ，每一啖都咬到好有肉感同肉汁，而佢嘅配菜煙燻薯蓉同刀豆，完全唔喺單純嘅配菜咁簡單，夾埋嚟食都唔錯嘅選擇。劍魚腩，意青黃瓜，車厘茄 $38 真喺超級精緻 ，但味道就比較一般。。。

去花墟之前諗住飲杯咖啡，先開始我嘅花墟之旅，見到依近cafe超近花墟，就走咗入去，天氣咁熱所以就叫咗個甜品試吓，咁就叫咗個拿破崙，佢同平時嘅拿破崙有啲唔同有少少fusion嘅，叫做紅棗桂花雪梨拿破崙係menu一見到呢個item，我就好想試吓，呢個拿破崙唔係好甜，都會食到啲紅棗肉同埋啲吉士感覺都唔錯，感覺好清新，大家有機會都可以試吓✌🏻

係正花墟附近，有間法式風情滿滿嘅cafe，一入門口，抬頭就係柔和且繽紛嘅花形吊燈，好似一盞盞小天燈咁樣～配埋樹葉牆紙，成個法式鄉村風嘅interior好完整咁呈現🍃燈嘅造型就好夠，但光線去到入面就唔太充足🤣所以Jenny揀咗窗邊high chair 位～特別欣賞埋佢嘅高櫈，係黑白色藤編pattern，為鄉村風加添modern嘅感覺𝙁𝙤𝙤𝙙🥑Elegant avocado toast $98連個名都要提elegant，就知個presentation 會做得好精緻～將牛油果整成cream 狀，擠在toast 上面，加上煎香嘅魚粒同食用花瓣，養眼度1000😍牛油果同魚肉亦非常夾，唔係得個樣喎😚🍮開心果焦糖燉蛋 $48就喺平時嘅焦糖燉蛋上面，加上粒粒開心果碎～脆焦糖加上開心果碎口感十足，配搭滑嘟嘟嘅燉蛋，唔錯𝘿𝙧𝙞𝙣𝙠𝙨🫖盛夏緋紅茶 $75果香味重嘅南非紅茶～係一壺上，仲有得refill，可以慢慢嘆～法式cafe較為少見，裝潢同食物都咁精緻，得閒嚟扮吓french girl都有得諗😚𝙋𝙝𝙤𝙩𝙤 𝙨𝙥𝙤𝙩 @hungry_meanjenn小彩燈High chair門口位花磚

今次嚟到位於太子嘅小店🥰喺鬧市中可以享受平刻嘅寧靜，Cafe入面嘅環境好靚、好精緻🥳好適合各位去打卡，晏晝嚟嘅時候陽光曬入嚟成件事真係好寫意🤣嗌咗份medium嘅牛排🐄牛排煎得剛剛好，上面仲有啲青醬喺上面，伴碟有西蘭花同椰菜花，輕輕煎過。牛排好有肉汁，火喉控制得很好🥰油封鴨腿配長通粉🥳呢個意粉好得意🤣好似係到食緊一個西式版嘅燒鴨米咁，個湯好濃郁，配以白菜同粟米荀，個鴨腿皮好脆、充滿油脂，個鴨肉用叉輕輕力就可以叉開，鴨味好重🥰幾有驚喜呢間cafe嘅咖啡質素都幾高！嗌咗杯Cappuccino同Latte，拉花拉得好靚，咖啡師好有心機🥰咖啡豆冇酸味，比較偏苦，小編比較中意啲冇酸味嘅咖啡，所以小編都幾中意！人均消費：～150/head

味道好一般，特別想講個海鮮意大利麵，d麵淋到黐埋一舊，海鮮入面有蝦魷魚同鯖魚，未見過有人放鯖青煮意粉，鯖魚唔好好處理會好腥，所以呢兜意粉係又淋又腥，d蝦同魷魚就正常。另外份量都好細，我地叫咗五樣野，雖然我地係女仔，但個份量細到咁好似攝牙啦咁，野食Menu得一頁，選擇少。野食唔好食都算，因為朋友生日，買咗蛋糕係到食，切餅費收$80，攞蛋糕出嚟冇幫我地點蠟燭，問職員借火，佢竟然話「呢到冇人食煙」，敷衍咗我哋，之後走去問另一個職員（應該係經理or老闆），佢係廚房拎咗個火機出嚟幫我地點，真心搞笑，第一次去餐廳慶祝生日食蛋糕，係冇幫點蠟燭就拎蛋糕出嚟🙄

今天朋友跟我補足生日，聽了這一家角落的小店，環境很舒服，店的位子沒有很多，所以不算很吵。點了三個午餐，牛排，烤豬肉，烤魚，然後分來吃，牛排跟豬肉味道很好，有肉香，不會太硬，特別那個豬超好吃的，如果你不怕肥的話.反而咖啡就比較普通沒有想像那麼特別· 唯一是靜電的時候安排好像要排隊不能拿飛，比較麻煩.

Amazing little hidden gem amidst the busy flower markets of Mongkok. Hong Kong, is notorious for being crowded and super busy and if we have to choose which part of Hong Kong is the busiest, Mongkok is probably one of the strongest contenders. Le Revuer is hidden away on the end of one of the main streets near the famous flower markets. Once you walk into this little cafe, it’s almost like you’ve been transported to an absolutely different place. For our first visit, we went as a trio with the i

cafe既環境幾靚，食物還好。服務真係好唔掂，希望餐廳大大力改善，雖然唔係發生係我身上，但我成餐大開眼界(文末講解).🔸香樹麗舍特級早餐($108)分量唔算多，一個女仔來講啱啱好夠食，味道唔差，特別嘅係佢有馬德蓮同可麗露，不過佢中間碗油漬蕃茄拌扁豆味道有點淡。.🔸海鱸魚小棠菜車厘茄龍蝦汁意粉($128)海鱸魚咬落彈牙，少少鹹，唔腥，意粉唔濃味。.🔸法式橙酒班戟($68)啲汁實在太太太少，有三塊pancake，食完一塊半都冇哂汁，要超級慳住食。.🔸Cappuccino($40)平心而論，咖啡係唔差嘅。.服務問題事件一：男侍應收枱，杯水倒瀉咗，隔離枱見到提左佢，佢有抹張枱但冇抹櫈同地，下一位客人坐落去嘅時候條褲濕晒。。。事件二：另一枱客未走，收野倒瀉啲有色嘅野係人哋個袋上面，但完全冇通知個客人，到客人發現時為時已晚，嬲到crazy。。。事件三：客人需用自己手機落單，有位女士落單嘅飲品Remarks咗少冰，嚟到嘅時候係熱飲，以為比錯左，侍應話得熱冇凍，睇返張單話係客自己禁嘅，冇得退，問題係，正常見到客人係熱飲備注少冰，都同客講聲睇下係米落錯，如果客知道係熱飲都唔會打少冰。。。事件四：嘢食嚟咗

早上食brunch，人不太多，坐得很舒服。叫了all day breakfast (佢個名太長看唔記得)。每一樣都好好味，尤其個煙肉，佢係較厚身，唔會乾真真咁。這個是紅棗香梨千層酥，fusion得好好，很討喜。前面的是黃金牛奶，香料和牛奶很夾。這裡所有奶類都可以選全脂或脫脂，或者加幾蚊轉燕麥奶，很不錯。後面那個是腐乳芝士蛋糕，很濃的腐乳味，本人很喜歡，但同行的朋友表示不能接受🤣整體面言，我覺得值得再去。見到旁邊的三文魚Bennedict好似好好味，下次試😆

雖然呢間鋪在花墟附近，但佢位置偏靜嘅小街入面桌與桌之間都算闊落，牆紙同吊燈都以大自然做主題，店內的花都係真的大家講野又唔會好大聲，除咗食物外，飲品選擇都唔少。例如手工咖啡同手工啤。我地係下午茶時間黎，見到有人都係點杯飲品，坐喺度靜靜地用iPad。同我哋一樣，我地都係想搵個地方靜靜地飲杯野，睇下書呢度用QR code落單，網站仲介紹左手工咖啡嘅資料，唔錯！ 如果有埋食物相仲正。我就揀左伯爵茶，男朋友揀左咖啡。D餐具都好靚我地就靜靜地做自己野。可能飲咗茶消滯，我之後又想食野叫左個Egg Benedict流心蛋熟度岩岩好，個沙律汁酸酸甜甜好開胃難得係鬧市搵到個可以休息嘅地方我同男朋友都好滿意