L.D.K. by Ufufu Café (新城市廣場) (已結業)

新店開張我當然唔執輸要嚟試下啦。見到食評啲人話大排長龍，所以我就有準備用新城市果個 app 預先排隊攞飛，所以唔駛等咁耐。（呢下好想讚下自己點解可以咁醒～哈哈）Menu 款式幾多，有啲花多眼亂。簡單叫咗幾款食物，質素都 OK！鹿兒島和牛漢堡扒見到圓碌碌嘅漢堡扒放咗係鐵板上，淋上秘製醬汁時『炸』一聲有時都幾治癒架，味道亦令我滿意。但早知叫流芝士果款啦，見到隔離枱食緊，勁多芝士流出嚟呀！吉列豚肉咖喱蛋包飯有豐富嘅咖喱汁撈飯，而且豬扒亦炸得啱啱好，恰到好處！草莓奇異果梳打放心啦唔係伏，草莓梳打有草莓味（而唔會係藥水味），仲好多果肉添！但點解自己加糖水咁得意嘅？靜岡蜜瓜 souffle pancake疏乎厘班戟係近期嘅大熱之選，以為佢淨係得芭菲，估唔到連疏乎厘班戟都有（雖然只得一款口味），咁就試下佢嘅水準啦！唔錯喎，都拍得住其他現有疏乎厘班戟嘅水準，呢下係有啲驚喜嘅！個人喜好係鍾意配水果甜甜地啱啲，所以静岡蜜瓜口味就 perfect，但價錢相對上高咗少少。都係果句，食埋甜品果然滿足晒！哈

由於我好鍾意吃疏乎里pancake，所以今日放假，專登和老公去沙田睇戲，然後到這裏吃下午茶。但係發現原來蜜瓜疏乎里班戟只於下午兩點半至五點提供，我們入座時已經是4:50 ，所以急急下了單，好彩講得切order。疏乎里要等約30分鐘。我們另外order了一個蜜瓜法式吐司。想不到法式吐司很好吃。他似一個法包但是中間是軟林林的，而且有點甜。我個人認為加蜜糖更好吃。疏乎里pancake空氣感十足，而且有兩大件，可惜蛋蛋不夠，價錢偏貴。吃過那麼多間班戟專門店，個人認為K11那間是最好吃的，其次是element 那間，再其次就是這間了。其實他收＄168一份，我想主要是他的靜岡蜜瓜。但是蜜瓜完全不夠甜，所以未能值回票價。

同幾個朋友試左一直都想試既日洋系料理，果然不負眾望，味道同係日本個時食既一樣，蕃茄卡邦尼意粉最好味掛住食冇影相。個汁濃得嚟幾野味（好中意佢個碟），跟住和牛蛋包飯兩三下已經俾我地攪掂左.......和牛味唔係話十分濃，但係夾埋個滑蛋一齊食又好夾咁仲有個流心芝士漢堡排都值得試！可惜大熱梳乎厘pancake只有lunch同下午供應，同埋可能新開張好多人等，但整體還是好評！

屋企人話新城市開咗間新嘅日式西式cafe，成日好多人排隊，想去試吓。今日12點到已經要排隊，排咗20-25分鐘入座。我揀咗個carbonara，加$38套餐有和風沙律同酥皮粟米忌廉湯，兩樣味道都唔錯。酥皮忌廉湯嚟到嘅時候係漲卜卜，夠哂熱。我好期待嘅意粉到喇，一食！嘩⋯⋯嗰種味道好怪，芝士又唔係意大利嗰種煮法嘅味道，又冇乜煙肉味，意粉完全唔彈牙，好粉！入口係一pat嘢咁，我食咗一啖就食唔到落去！媽咪同細佬嗌咗牛肉丼同咖哩鹿兒島和牛蛋包飯都唔錯。最後媽咪同我交換咗嚟食，佢食咗兩啖都停咗喇⋯⋯

11/11剛試業既L.D.K. by Ufufu Cafe, 淨係睇吸晴相已經衝左去食。過左LUNCH HOUR 14:00仍要等半個鐘。叫左大蝦水菜羅勒忌廉意粉 $138 , 意粉係青綠色, 好有香草味好清新, 麵身亦唔會軟林林。 係有隻蝦唔記得MET 殼另一個牛肉壽喜燒烏冬 $98 好穩陣無驚喜之選仲可以+$30 有沙律同酥皮湯最後主角靜岡蜜瓜招牌pancake $168 , 上菜時D蜜瓜跌晒落黎, 個侍應仲答太薄企唔到,真係倒米。 蜜瓜唔太甜,唔似靜岡蜜瓜,pancake 都唔夠鬆軟; 好失望。隔離仲要埋錯單, 睇黎要再培訓下。

朋友新城市廣場有新餐廳開業，約埋我一齊去嘗嘗鮮😆整體味道和款式都比較特別，睇得出用心製作。雖然價錢不算平，但也值得試試。明太子忌廉蛋包飯蛋好滑，汁好creamy，明太子的味道不會太過，同時稍稍有少少紫蘇梅既味（我覺得似）。作為第一樣上既菜，令我地相當驚喜，一齊share啱好，一個人食可能會“漏”。海膽忌廉烏冬又係忌廉😂 烏冬混着湯汁同海膽一齊食，感覺好滿足丫，口感好滑，推薦～和牛漢堡扒 豚肉生薑燒豚肉口感不錯，漢堡扒都多肉汁，但食唔出有生薑加入烹調。煙三文魚蕃茄意粉相對之下，哩個意粉就比較普通，不過不失咁。不過D三文魚子跌左落湯就好似睇唔到咁，唔好曬左佢地丫😂今次去係星期六Lunch，都要等一段時間。而且好餓，都係點主食，食完已經飽左，下次試下佢d甜品先 😄

新開張無耐都預計到會好多人，其實都係想試甜品，7點半黎攞飛，8點半番到去就剛剛有位，都比想像中快😂揭哂2本menu 都唔見疏乎厘班戟，問左一問先知原來只有蜜瓜班戟($168)，其他就無得叫，有d失望☹️☹️本身想叫綠茶蕨餅芭菲，但係蕨餅賣哂，就試左綠茶栗子芭菲($78)，等左10分鐘就有得食，個賣相超級靚，尤其係上面果粒栗子🤣🤣🤣綠茶芭菲其實只係有兩球綠茶雪糕，忌廉，栗子蓉，紅豆同埋最底下綠茶啫喱碎，呢個組合就係唔會唔好食，但係個綠茶雪糕好滑，d cream打得好好，不過食多兩淡就會覺得好甜😊另外仲叫咗一份法式吐司($68)，一上枱果下就覺得好細份，只係得兩個拳頭咁大既法包，同埋個雪糕嘅份量比較少。不過我法式多士真係好好好好好好食，外脆內軟得誇張，而且個雲呢拿味好香，仲會見到一粒粒嘅雲呢拿籽，不過真係太漏，所以個楓糖漿可以唔使落，同埋三個人share 會比較好，除非你係超級好甜😂😂😂總括嚟講，甜品非常高質，雖然唔係平但係都值呢一個價👍🏿在場都見到好多人食緊咸食，下次有機會都會再食，再戰班戟！而且服務都幾好，會自動加水之餘仲好有禮貌！

I didn’t have the “luck” to enter into this restaurant as it was so “popular”. I took the ticket at 1845 and I waited till 2015 but there was still a long way to go. Ended up I found out my number was finally called at 2100. I am so amazed as it is the first restaurant I came across which waiting time is longer than the “dine in time” of 90 minutes.

最出名食芭菲嘅 Ufufu Cafe 終於有分店，仲要開咗喺屋企樓下。之前尖沙咀嘅 Ufufu Cafe 搖身一變俾人一種全新嘅感覺，新店感覺日本風比較重啲，裝修亦都 modern 少少，佢好似轉變咗形象，新裝修白白淨好光猛好舒服，first impression 感覺良好！Menu 少咗以前嘅 pizza，但係多咗丼飯， 睇得出有花心思重新設計，亦有多款新菜式！今次特登叫咗啲新菜式，好彩都無令我哋失望。帆立貝、松葉蟹腳海膽忌廉汁意粉唔知係咪我隻手太細，我覺得松葉蟹腳差唔多有兩個手掌咁長，大大隻咁好搶鏡，正過平時酒店 buffet 過啲呀。意粉感覺比起平時嘅煙靭彈牙，另外個海膽忌廉汁配返海鮮更加帶出鮮味！肉汁蛋包飯所有焗飯呀、蛋包飯呀，如果係炒飯底會無咁 dry，絕對會加分嘅。呢度唔會用炒飯，但內裡嘅飯係經醬汁處理過嘅。野莓菠蘿果茶通常餐廳都會調好特飲俾你，呢度比較特別係會跟糖漿俾你自己加。頭一啖未加糖漿，就好似凍檸茶走甜咁，味道怪怪的，加返糖漿後反而有驚喜。福岡八女抹茶紅豆拿鐵雖然我唔識貨，但一睇個名都知道係勁嘢！旁邊兩塊杏仁餅仔好香脆，亦唔會太甜。抹茶方面好濃味，如果你唔飲慣咁濃味

可能係新開張嘅關係，星期六嘅中午等咗 15－20分鐘左右先入座，好彩一切都算值得嘅。見到 menu 選擇都幾多樣化，不過下午茶唔想食太飽，少少甜品就足夠了。點咗兩樣都係日本特產口味，好有日本風嘅感覺（去唔到日本唯有咁樣欺騙住自己先啦）。唔少得嘅甜品就有『静岡蜜瓜法式吐司』。我覺得個蜜瓜嘅切法好靚好似藝術品雕花咁，真係欣賞咗一陣先捨得食。吐司比想像中來得大份幾飽肚下，静岡蜜瓜又真係幾掂喎，以為佢係冬季限定，點知店員話全年都有！正丫！再嚟係『抹茶意大利芝士餅配福岡八女抹茶』。意大利芝士餅通常都會用透明器皿裝住，比客人清楚睇到唔同層次，呢度反而用個木盒仔裝又係另一種感覺，仲好配合返餐廳本身和風嘅感覺。我自己就覺得抹茶嘅味道有啲重有少少苦，但友人話，學 DJ 森美話齋，正宗嘅抹茶係會有少少苦味架！食完個甜品再飲返杯抹茶，係自己落手沖嚟飲又幾過癮，仲可以中和返口腔嘅味道，感覺好體貼。

知道有間野新開就要試試~等左足足一粒鐘，唔知係咪星期日好多人，用餐時間有90分鐘，日式cafe ~睇到餐牌D相好靚靚，實物來到也是一樣，份量無話細細份，我覺得咁嘅環境咁嘅質素個價錢都合理。首先食左個炸蠔，個蠔本身唔特別，但個醬加左分，甜甜酸酸去左油膩果種感覺。再來一個芝士肉汁蛋包飯，入面係磨菇飯，芝士仲好拉CCCC……雖然有好多汁，但一點都唔喊。係個炸雞翼，係炸得好好，好脆，但面頭汁太多了，雞翼入面係無味的~等甜品係最最最耐，係超過半粒鐘，無睇錯，唔知係咪多人真係等咁耐(所以個食評係一路等一路打住先)，不過為左食好野應該要堅持下抹茶班戟，好香好好味，抹茶控要試呀!最後我想講D餐具好重，個碗跟本放唔到。

我們不是沙田食客，剛經過餐廳，見新開張，便排隊試試。先點了青口意粉，再加燒雞，後追加朱古力吐司及咖啡。整體來說，食物食材很新鮮，烹調有自家食譜，賣相也很精美，比想像中有風格，服務更是貼心，值得添付小費。比起食開的U ZZ及pocca 明顯有多一點passion！利益申報：我是 UZZ 的擁躉☺️意粉軟硬適中 al dente,燒雞也不肥膩，肉汁剛好。咖啡稍嫌比想像中不夠味道，忌廉奶自己調校過！假如咖啡再加多一點心機，肯定會吸引回頭客。下次要再試他們的梳乎厘pancake。值得推介到是五星，我的最高級別5**。🌟

之前見到介紹呢間沙田新開的日式西餐餐廳，今日經過見第一日開業就去試下。雖然等左真係好鬼耐，又有幾款野食賣哂但服務態度幾好，食物質素亦唔錯，值得再食本來見到隔離枱好靚既雞翼都想試下，可惜已經賣哂。但侍應哥哥好好人咁推介另一款小食-炸雞加上價錢合適就叫黎試下。份量比想像中大，亦唔厚粉。值得一試芝士流心和牛漢堡，一上枱熱辣辣。一切落去芝士流出黎仲有拉絲。明太子魷魚意粉，個汁係我食過咁多間明太子意粉最濃明太子既。雖然魷魚唔太多，但味道真係無得彈和牛海鮮鐵板，和牛味好香。海鮮就普通左少少。飯後甜品就有抹茶芒果芝士蛋糕 同抺茶啫喱抹茶。價錢$4x，都幾抵食。蛋糕好貼心咁配左個好濃既抺茶汁 唔太甜。飲品亦唔太甜，好香抺茶味。最尾當然唔少得我最期待既抹茶蔌餅芭菲，價錢同其他餐廳差不多唔算好貴。好足料，唔會搵cream 係中間堆高佢。整體而言，主菜同甜品選擇都幾多，質素幾好。可惜既係好多野食都賣哂，侍應未熟枱號。但服務態度唔錯，上菜快，值得再食。

睇到post有新食店開張，又仆倒過去試。話明新開張，等，就一定小不免，便服企前台嘅知客，唔知係咪老闆？一直以笑容應付取籌與等待嘅客人，不過下下同人講15分鐘再返來，就未免太過...因為我等左成個鐘先有枱午餐等到T time我聽後到果啲人最高峰要等50, 60張枱 XD 我先等30張。不過咁忙個“老闆”仲笑容滿面，係值得一讚入面枱嘅擺放尚算寬敞，入到BB車，你都知啦香港啲地皮吋吋“甘”。而食物方面，點左：明太子墨魚圈意（$98）：一上枱已經腥味濃濃，心知不妙。。不過我都明白明太子係會有腥味，不過冇prefer咁濃烈，食入口都尚可接受，墨魚圈靠麵的汁調味，入口都彈牙。。有點後悔點了這個壽喜烏東（$78）：哩個係唔錯，湯到烏東，個味都很好，烏東夠煙韌夾埋個湯微鹹中帶甜perfect!可惜面頭果幾片半熟牛係一敗北，冇味又鞋又略韌菠蘿芒果芭菲（$88）：哩個真係不可不點，真係超級好味食過附近另一間類似的，都不太好感，成杯甜但大幅度偏酸，Top啲野又差，價錢又差唔多。但離到哩度食，成杯野都配合得好好，底部酸酸甜甜的芒肉醬，微酸的芭菲，中層甜又滑雪糕，最頂冰冰的菠蘿與芒果（其實仲有塊薄脆,做點綴便好

L. D. K 代表 "Living, Dining, Kitchen", 意指包含了家居中的客廳, 飯廳及廚房等元素, 是日本 Ufufu 集團最近開設的新 Line, 主打 Japanese-Western  fusion 菜式, 在今天 11.11 即雙十一節正式在沙田新城市廣場開業。作為一個超喜歡日式美食的達人, 當然第一時間去幫襯。可能由於是第一天開張, 人潮湧現, 就算寫明每張枱限時入座 90 minutes, 由於不設訂座, 亦要等候了 75 minutes 才可入場進食下午茶, shopping 完再回到 Cafe, 仍要等待一會兒呢！和風蜆肉意粉: 90% 的蜆殼內都藏有蜆肉, 每一粒都肥大飽滿, 配上金菇及蘑菇, 不太飽滯的一碟和風美食靜岡蜜瓜招牌 pancake:  由靜岡溫室農場直送精製而成, 要等待 30 minutes 製作時間也絕對值得, 靜岡蜜瓜鮮甜可口, 果然名不虛傳, 只是可能太多食客 order 這個招牌甜品, pancake 顯得未夠熱度, 有一點兒美中不足！店舖門外的甜品櫃內放滿各式甜品, 若覺得輪候太久, 不妨在此外賣甜食回家品嚐！L.D.