L.D.K. by Ufufu Café (新城市廣場) (已結業)

知道有間野新開就要試試~等左足足一粒鐘，唔知係咪星期日好多人，用餐時間有90分鐘，日式cafe ~睇到餐牌D相好靚靚，實物來到也是一樣，份量無話細細份，我覺得咁嘅環境咁嘅質素個價錢都合理。首先食左個炸蠔，個蠔本身唔特別，但個醬加左分，甜甜酸酸去左油膩果種感覺。再來一個芝士肉汁蛋包飯，入面係磨菇飯，芝士仲好拉CCCC……雖然有好多汁，但一點都唔喊。係個炸雞翼，係炸得好好，好脆，但面頭汁太多了，雞翼入面係無味的~等甜品係最最最耐，係超過半粒鐘，無睇錯，唔知係咪多人真係等咁耐(所以個食評係一路等一路打住先)，不過為左食好野應該要堅持下抹茶班戟，好香好好味，抹茶控要試呀!最後我想講D餐具好重，個碗跟本放唔到。