L.D.K. by Ufufu Café (新城市廣場) (已結業)

自從pokka cafe 搬走左之後，就無左日式咖啡飲要自己沖。依家多返間日式西餐廳，就即刻約朋友黎試試前排好hit嘅厚身pancakes😋我大概下午3:30到，嗰時唔太多人，等左一張枱就有位。一見到季節限定嘅士多啤梨pancake就忍唔住要叫，再加一杯熱咖啡☕️perfect! 朋友叫左蜜瓜pancake加水果茶。Our pancakes 🥞ancakes 都好鬆軟，加埋cream&雪糕簡直係perfect，要趁熱食因為好快就會無咁「彈」。因為未食其他餐廳嘅pancakes所以未可以作出比較邊間好食啲&fluffy啲，大家慢慢發掘吓啦😆👍🏻pancakes都係即叫即整所以要預返20-30分鐘，要食好嘢要有啲耐性😝Overall Ufufu嘅環境、服務、食物都OK，pancakes下午茶時間先供應，甜品黎講價錢會貴啲因為水果都係季節限定。下次會想試試佢嘅主食！

同老細去左新城市試新野。由於係tea time，大部份餐廳呢個時間都比較靜，但佢竟然好多人等位。我地叫左個三色丼$128， 佢有三個飯。燒牛肉飯係熱嘅，牛肉好有燒汁味，下面嘅飯亦都充滿咗燒汁，細細碗啱晒老細。中間嗰碗係吞拿魚蓉飯，佢面頭鋪左好多蔥，仲有姜絲都幾惹味。仲有一碗生嘅刺身飯，係大大隻帶子刺身加三文魚子粒，好有質感，I like it ! 呢個三色丼好啱我哋，細細碗，各有所好。食完飯之後老細order左甜品，莓家族乳酪芭菲$78。個樣真係一流，但係貴左少少。生果同埋乳酪都good，但老細話啲餅乾同埋蛋捲淋左，唔好食。係老細嘆甜品嘅同時我亦都自己嘆杯啡，呢杯冇得輸嘅。總體來講都可以接受，係價錢貴左少少囉。

LDK係新城市開左好耐，是沙田少見既日本甜品屋😳😳開左好耐一直都未有機會試，⠀⠀⠀⠀⠀⠀⠀⠀⠀⠀⠀⠀⠀⠀⠀早兩日難得同爸爸拍拖行街，所以就帶佢試左😍😍⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣Ufufu Café來自日本九州，L.D.K則.是Living、Dining及Kitchen的英文縮寫，於日本常用來表達家居中包括客廳、飯廳及廚房的方式，代表時尚舒適的生活態度，故整體裝修風格都以和風為主😝😝⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣福岡八女抹茶💲38💭抹茶味頗濃，而且佢個回甘味都ok自然😋💭本身都無甜味，所以會另上一包白糖😳💭甜度由自己控制🤤整體而言不過不失⠀⠀⠀⠀⠀⠀⠀⠀⠀⠀⠀⠀⠀⠀⠀2⃣靜岡蜜瓜招牌班戟💲168💭蛋香味好濃，咬落空氣感十足 😍😍💭但有一股生麵粉味，稍微影響味道 😣💭不過上面既牛奶忌廉超正😍💭個奶味極濃郁且滑溜，但係無甜味 😳💭所以要加埋楓糖漿食😍😍成件事就超夾💭蜜瓜係日本靜岡蜜瓜，好清甜😍😍💭而且有四大舊果肉😝😝⠀⠀⠀⠀⠀⠀⠀⠀⠀⠀⠀⠀⠀⠀⠀🔘每日2.30-5.00pm供應🔘

新年流流吾係飲茶食中菜食糕點，就係食西餐，真係有點膩。 最後一日假期想食d 日式fusion 菜， ufufu 就啱晒啦。最吸晴既就係佢既日本直送哈蜜瓜梳乎厘pancake , 不過原來晚飯時間吾供應的，唯有下次先試。 不過佢的其他菜式同樣有水準。 脆炸廣島蠔真係要小心燙到個嘴！ 外層脆卜卜，內裡十分juicy ! 忌廉明太子烏冬，入口creamy 無比，烏冬有點腍。 牛肉壽喜燒烏冬，好好味！ 就係我想食的味道！ 份量吾多，所以個胃有位置食埋甜品！ 綠茶一向都係我的摯愛， 綠茶的甘碗上黑糖的糖漿，糯米池煙煙靭靭的，真係夠晒應節，團團圓圓，煙煙靭靭麻。 另外糯米池朱古力芭菲用料十足，食到我倆好滿足！

之前已經好想試呢間餐廳嘅甜品...可惜個次太多人等位,最後都喺無食到今日去沙田買野...經過見無人等位,就馬上去試下啦和風抺茶法式吐司~法包外脆內非常軟,仲有好重嘅蛋味加上抺茶雪糕,紅豆茸& cream一齊食,真係好好味又唔會太甜~Tiramisu 抺茶芭菲~個賣相真係好吸引呀仲好大杯添成件Tiramisu放係上面,仲有好多cream,裡面有一個抺茶,一個雲尼娜味雪糕,紅豆茸...最底層仲有抺茶啫喱碎抺茶味又香又濃, Cream又好幼滑香濃食完真喺好滿足呀

係呢個出名行李喼同人一樣咁多既商場，黎到都少不免俾啲喼轆幾下，行過見到新開呢間洋食料理，本來都冇咩期待，就試下啦。淨係睇MENU 都幾吸引，每樣野都會有圖俾你參考，叫左海膽汁醬蟹腳帶子魚子意粉、肉汁蛋包飯同一杯紅豆綠茶。海膽汁醬蟹腳帶子魚子意粉首先個醬一上已經有香濃既海膽醬味道，同CREAM 既比例適中，唔會太杰亦唔稀，份量一般。意粉爽口，蟹腳都鮮甜，出乎意料真係幾好食。肉汁蛋包飯蛋包飯被濃厚既肉汁包圍，蛋唔會太熟，內裡既飯有蕃茄香，雖然未至於好正宗既日本蛋包飯，但已經唔錯，係飯既份量比較少，反而蛋同肉汁都頗多，有點喧賓奪主既味道。紅豆綠茶本來諗住係平時已經較好甜味一杯上，但原來佢係分開糖漿同綠茶，飲到綠茶本身既味道，紅豆都係一般。呢個價錢係呢個商場都屬正常水平，味道亦唔錯，可以ENCORE!

呢一日同屋企人嚟到沙田 聽講新城市開咗間日式西餐廳 就同屋企人一齊去試吓我地叫咗一個鹿兒島和牛漢堡排咖哩蛋包飯 一個肉汁繪牛肉蛋包飯 一個鐵板鹿兒島和牛漢堡排 同埋一杯抹茶紅豆白肉拿鐵呢一間嘅水準真心不錯😋佢嘅漢堡肉份量好夠 牛肉味好出 肉質鮮嫩 十分吸引😋 加上咖哩蛋包飯更加正！😋佢嘅蛋炒得啱啱好 配以半熟嘅蛋汁令飯嘅味道更上一層樓😋 肉汁繪牛肉都不錯 牛肉唔會太韌 仲配埋牛肉味突出嘅汁食 十分美味😋佢嘅抹茶拿鐵都幾好飲😋鐘意飲抹茶嘅人可以試下

行到有啲肚餓,見呢間餐廳幾多人等位,應該唔差卦,所以就拎張飛等位.估唔到平日星期五1pm都要等20分鐘,而且限定入座起計90mins還枱.我同朋友都加咗$48 (+$20再+$28)轉餐&升級抹茶飲品粟米忌廉湯味道同一般罐頭湯無分別,只係啲粟米比較大粒同脹卜卜牛肉壽喜燒烏冬雖然無個爐俾你自己燒,但個鍋上枱時係滾到出泡泡嘅,湯夠甜,牛肉都ok,但烏冬就好一般,一夾就斷...日式肉汁燴牛肉蛋包飯咖哩真係好一般,比起日本街頭求其一間都唔夠香甜,牛肉粒ok,可以再稔少少.個蛋整得幾好福岡八女抹茶紅豆白玉拿鐵我哋一個點凍,一個點熱. 成餐亮點反而喺個飲品,雖然紅豆同喺日本食嘅紅豆無得比,抹茶亦唔係好出色,但整體幾好味 由於呢間餐廳來自九州,而且定價偏貴,食物份量亦偏少,味道自然應該要有番咁上下質素. 希望餐廳可以跟番日本店嘅食物水平,尤其個烏冬丶紅豆,如果食材係一樣嘅話,咁飪調方法一定出咗問題.雖然食物未及日本店質素,但侍應們嘅親切服務態度值得一讚!

呢間開左不是太耐 等候人數每日都好多 決心黎食 就5點幾就要拿票等 等期間 要睇下有咩好食 等左40分鐘 有位啦 叫左鹿兒島縣和牛漢堡扒咖哩飯 焦糖香蕉法式吐司 -鹿兒島縣和牛漢堡扒咖哩飯 咖哩汁好好食 日本咖哩不會辣 因為甜甜的味道 重點*和牛漢堡扒* 真係超好食 肉汁完全鎖住 份量剛剛好 撈埋D飯食 好入味 -焦糖香蕉法式吐司 第一次食 吐司厚厚的 比較硬身 雪糕配上焦糖香蕉 連埋吐司一齊食 好味 但如果吐司不是硬身應該會更加好食 仲有好多芭菲同甜品都好吸引 下次會再去食  ~ 

沙田好多餐廳都食過曬，係未食過呢間，所以今晚就來試一試。可能我接近7點去到，咁早所以都唔駛點等位，去到拎張飛就入得，5分鐘都唔駛。坐在近門口的圓枱，呢個位置一般，張枱亦唔夠大擺放野食，好逼呀！我地兩個人都叫咗呢個漢堡牛扒set，味道係唔錯，個牛味都好濃，但食到尾覺得好油！仲有粒薯仔會唔會細咗d呢？我要食曬成個飯先唔覺得餓食到將近尾聲，個職員走埋黎話個用餐時間就到，唔該埋咗張單先！但係我入座果時冇人同我講有用餐時間，咁即係入座計幾耐呢？我完全唔知喎！好在當時我地都差唔多食完，但唔該下次人地入座時講清楚有計用餐時間丫！

見好多人食Ufufu嘅蛋包飯，一直好奇係咪真係咁好食，終於黎試咗！嗌咗漢堡咖哩蛋包飯同吉列豚咖哩蛋包飯，兩樣都$148，價錢都唔平。飯嘅份量唔算大，一開始擔心食完唔飽～但最後都算係啱啱好嘅。豬扒炸得超脆，好滿意！蛋好滑，啲飯有啲蕃茄汁，略甜，唔係特別鐘意，但味道都同咖哩夾。漢堡多肉汁又軟身，但出好多油，容易食到滯。總結黎講今餐幾滿意，蛋包飯同預期中一樣好食，但價錢太貴，最後連加一每人要大約$160。試一次就夠喇～

今日一行二人即興 dinner去左呢度DINNER試菜.環境唔錯但如果夜啲黎坐係外面嘅地方可能都會有另一感覺.而今日5點45分開始入座,人流唔算多,但最大嘅賣點係7點30分前結帳離開就可以全單65折,真係好抵食的~今日共消費約$380,每人平均$190就可以了.今日點左3款食物以及2杯野飲.1. 德國豬手 , 啲外皮夠脆肉夠嫩,但有少少美中不足的係鹹左少少及無一個醬料可以配搭黎食,我諗如果有個薄荷醬的話可以會更好食.2.無花果沙拉. 份量算多,足夠3個人食.3.炸蝦串, 比平常食嘅天婦羅更好食,炸皮剛剛好又唔粉,蝦亦都會有彈性,配合埋佢地個醬真係好好食~4.GINGER LIME (無酒精) 味道有啲似齣檸7,配合返味道濃嘅食物真係唔錯. BERRY LICLOUS (無酒精) 味道甜中帶酸因為有BERRY.呢度嘅飲品都有好多無酒精,所以適合好似我唔飲酒嘅人.(讚)因為今日得2個人食所以未可以試埋其他食物,我見其他點了香腸都見到唔錯,但沒有辦法,我們兩個人容不下太多食物了~ 如果想睇戲前一行幾人黎食個飽晚飯就真係好抵~

前2日行沙田，岩岩發現到一間新開就去試，雖然都要等位，但唔算算好等好耐，入到去我地2個人點左3份，其實每份都算大份，下次2份都夠，可以加d小食🙈呢個碎吞拿魚腩海膽丼，真心推介正到爆💥💥💥炸牛漢堡咖哩飯，呢個炸得好脆，正！👍🏻👍🏻反而呢個和牛漢堡芝士海鮮麻麻地，漢堡煎太乾，芝士海鮮裡面得隻青口，唔知係咪因該我已經食飽左呢😅😅😅🤤流口水服務算唔錯👍🏻，價錢合理👌🏻，味道好好🤗，會再幫襯😊

以和風西餐&甜品開始新的一年沙田人多的程度已經超乎了我的想像無論多早用app攞籌 還是要等雖然主打甜品 但都不乏主食選擇而且質素都不太差 味道唔錯不過真係太貴! 定價不太合理咖哩蛋包飯 | $92蛋幾滑 咖哩汁味道濃但其實唔係咖哩味就如其他日式咖哩一樣不辣但惹味這個沒有奇怪甜味 算很不錯裡面的飯其實有少許味道 加上有菇做配料就咁食飯都有味但以一個純蛋包飯黎講 真係好貴囉又唔係驚天動地咁好食 性價比好低明太子意粉 | $98意粉硬度剛好 個人喜歡有咬口所以幾鐘意意粉的醬汁比較稀 有點像清酒煮蜆之類的湯汁明太子就咁一pat放在意粉上有點似💩同樣地什麼肉類都沒有只有少少的明太子同菇做配料收這個價錢實在唔合理抹茶tiramisu | $88甜品方面 Tiramisu配上福岡抹茶 抹茶粉已經在杯內 (唔太識分佢係碗定杯)另有一杯熱水去倒入去再用個掃去攪拌整個過程都係gimmick玩意野Tiramisu: 抹茶蛋糕同cream層次好分明味道唔錯都有抹茶香 個人覺得㙇田個個好食d抹茶蕨餅 | $48抹茶味濃 質感略為太軟 不夠黏韌度不算最出色 但仍是不錯的蕨餅🍞法式吐司 | $68係做到外脆內軟而且

醉吞拿魚腩海膽，普普通通味道似港式牛腩+日式咖哩草莓奇異果梳打 ，糖水自己加，味道都ok,不過不失喇酸酸地好醒胃飲完想繼續食野，所以追加綠茶蛋糕好重綠茶味既埋單加埋蛋糕大約450貴左d總括黎講都ok既，消費時間90分鐘，如果平日有時間可以坐耐得，公眾假期要排15至30分鐘。食物賣相都靚既，可以影相打咭一流，味道就普通，無咩特別，綠茶蛋糕好重綠茶味，都可以試。我個人應該試過一次打完咭就算，留肚試其他新野多謝大家收看