L.D.K. by Ufufu Café (新城市廣場) (已結業)

同朋友行新城市～我負責搵餐廳～因為成日行～ 行到都唔知食咩好～見倒有間新野未試過～日式野～我鍾意wor！不過都好多人排隊.... 好彩一早拎左飛！食物種類都算多，蛋包飯呀、鐵板燒、意粉～ummm 好難揀呀！ 另外可以加錢轉套餐～不過我同朋友散叫～日本富士蘋果汁、芒果汁黑松露忌廉可樂餅完全抗拒唔倒可樂餅ge 誘惑，配埋黑松露醬，真係超好食啊！！外脆內軟， 要趁熱食！！依個係必點！明太子忌廉烏冬本身自己好鍾意食明太子，本身有選擇困難症，但一望倒明太子三個字..就唔洗諗結果係～一試難忘啊！湯底好濃～好creamy，好入味，超好食啊！覺得之後黎食都會叫同一個烏冬，哈哈吉列豚肉咖哩蛋包飯朋友叫ge，佢話都好好食啊其實食完主菜＋小食已經好飽...但佢個甜品都好吸引..原本打算share...但最終決定一人一個！我食ge 莓家族乳酪芭菲好味道～酸酸甜甜～水果新鮮～食完好滿足～小食＋主菜＋甜品＝大滿足！一定會再食多次～ 前提係一定要早d 拎位！太多人排喇

久違了既carbonara😍就算最近愛上左明太子 我都冇違忘左佢 今次呢個最特別既係佢啲煙肉係厚切既 大大粒😯佢個汁偏稀 但都有好濃既忌廉味😋同埋仲有個重點係佢隻碟好靚 隔離嗰個岩岩坐底連menu都冇睇 就話想嗌我呢個🤤真係又睇得又好食 原來佢新開左唔係好耐 水準算唔錯😌

好耐之前已經想食尖沙咀嗰間Ufufu Cafe，但係仲記得第一次訂位嗰陣已經full Booking，跟住就一路都冇機會試，最近沙田新開左呢間L.D.K by Ufufu Café，一於去試吓。由於夜晚係黃金時間，而且呢間餐廳新開左冇幾耐，如果係夜晚去就要快啲去拎位，因為我今次都等左半粒鐘左右。餐廳既食物主打日式西餐、甜品，個人認為日式西餐系一樣幾特別既食物種類，原理同中西fusion餐廳一樣，都系結合左兩種菜既原素。日式西餐除左平時食既意粉之外，仲有蛋包飯、漢堡扒等等既食物，仲有好令人著迷既雪糕類甜品。睇左餐牌先知LDK既意思，原來系Living Dining Kitchen，相信餐廳除左系一個比大家飲食既環境之餘，更想營造一個「家」的感覺比大家。見到咁多種類啲意粉其實都好花多眼亂，因為我本身係好鍾意食西餐，所以對意粉係毫無抗拒力，首先叫咗個明太子意粉試下味先。明太子既形狀好似💩💩哈哈，食落發覺會有小小辣，意粉似乎未經處理好⋯⋯缺乏彈性，汁就吾似出面戈啲咁creamy，所以我會理解成清湯意粉😂整體來講一般。朋友就叫咗一個大蝦野菌忌廉汁意粉，大蝦就幾爽口彈牙，但份量就不算太多。汁同上面

平時去到新城市廣場，覺得食黎食去都係果幾間先好味，點知發現開左間日式西餐廳！見到甜品已經好想衝去食，試下新野啊，正！叫左杯蘋果汁，我覺得一般啦～又試左推薦雞翼，外脆嘅～～不過入面就無咩味囉，下次唔叫呢個啦～一坐低就睇蛋包飯啦～友人叫左日式繪牛肉粒飯，我試左兩啖，覺得牛肉粒有點老汁多味道夠！不過唔係我最喜歡嘅配答～～睇相好似粒磨菇咁，哈哈，但都幾大舊架，蛋係好滑嘅！配埋日式咖哩汁，真係好好味～而且份量都算幾多！

沙田 LDK by Ufufu Cafe🌟莓家族乳酪芭菲🍓$78層次豐富😍士多啤梨雪糕🍓、雲尼拿雪糕🍨、乳酪、米通脆脆、杏仁脆片、威化捲、雜莓🍒酸酸的頗開胃😙🌟水果三文治🥪 $58嘩～～好大份！！！厚厚既忌廉中加入大量水果（香蕉🍌、蜜瓜🍈、士多啤梨🍓……）好食但有d膩🤪🌟和風南蠻炸雞🐓 $48好正好正好好味❤️❤️❤️酥脆可口既炸雞😚啖啖肉，連埋他他醬食好滋味😋😋😋🌟Ufufu 滑蛋沙拉🥚$78配搭新穎，諗唔到滑蛋同沙律會咁夾😎炒蛋真係好嫩滑，煙肉條厚切，油香十足🐽💕評分：😈😈😈😈

呢間 cafe 個甜品 menu 選擇多到不得了，有 pancake, French toast, parfait ... 眼花瞭亂，突然有選擇困難症。我最鍾意食朱古力芭菲，又鍾意食 Tiramisu，今次可以一次過滿足兩個願望。呢杯 Tiramisu 朱古力芭菲$88，成件 Tiramisu 蛋糕插喺上面，好大杯，勁飽肚，最好兩個人 share。中間球雲呢拿雪糕又香又滑，食得出係高級嘢，唔係普通貨色，啲生果亦好新鮮，芒果夠甜，朱古力餅乾條夠脆，整體黎講十分滿意。我見隔離枱個 French toast 個樣好得，好好食咁，下次一定要試。

自從新城市出左訂枱app, 而家已經唔怕約人返沙田食dinner 嚕喺入秋而夏天又未捨得離開既日子，見到呢間餐廳門口既甜品櫃，足以令我1放棄其他水泡，專心等呢間不過好野係需要時間等待既:::終於入座!!第一時間餵飽第一個胃先:: 呢個日式迷你飯仔就0岩曬我地2個 "又想食又要留肚" 既胃~ 由左至右食過去:: 吞拿魚腩蓉鋪滿左飯面，味濃但唔膩中間既帶子飯， 雖然帶子唔係刺身黎既，但係加左柚子汁都相當唔錯!再黎燒牛肉飯呢個真係幾有heart, 牛肉每塊都沾到燒汁，最緊要夠熱跟住就黎個小食:: 黑松露可樂餅::呢個係搞笑既，有啲似炸鮮奶個friend::炸白汁忌廉湯到第二個胃喇::: 芭菲同相既一樣::咁高咁大!!我柯打既係:芒果及菠蘿芭菲:: 佢既芒果好鮮又甜，唔似平時喺香港買到既芒果，而且雪糕又夠凍好似食緊芒果味既雪咁配埋杏仁脆餅食真係正!!睇menu講，佢地既忌廉都係特別做既，食落唔似平時個啲咁油脂味重不過有一點美中不足就係食到最底既芒果果泥就略嫌唔係好夠凍。。感覺即刻返返落人間至於朋友試既栗子綠茶芭菲::就真係要留肚喇，事關真係非!常!足!料!好大粒栗子加好厚既栗子蓉再加忌廉同埋好

住喺沙田嘅我，諗住去新城市食個tea，見到有新嘢，梗係要試試。門口個男仔幾細心，見我大肚俾張凳我坐下先。等咗幾分鐘就有位了。同老公叫咗一個咖哩吉列豬扒飯，一個carbonara，仲加咗個酥皮湯。好快個飯同意粉都嚟咗。豬扒熱辣辣嘅，仲好脆添！應該係啱啱炸好的！我比較鍾意食依個多啲，滑蛋又夠滑，咖哩又好撈飯！carbonara 就一貫carbonara 咁啦，非常creamy!! 主菜就食完了。但係說好的酥皮湯呢？仲未出現嘅？唔知係咪漏單，所以我哋就問下店員，佢話再等一陣就有啦。等咗一陣，個湯終於來了。酥皮明顯係啱啱焗起嘅，可能因為咁就等得比較耐。不過個湯就有啲稀，感覺似茶餐廳嘅白湯，唔太creamy。飲完湯心思思都係想叫個甜品，就叫咗個芒果芭菲。其實都幾大杯呀。兩個人share都好夠食。啲芒果好甜，賣相都好吸精，好適合放上ig呃like so far 依間餐值得一試！我覺得最啱幾個女仔嚟食

話說要慶祝朋友生日，當我地漫無頭緒係沙田新城市廣場行街搵餐廳，就見到LDK係沙田開左分店，俾d芭菲吸引下，我地一行三人就行左去排隊。好在，排10幾分鐘就枱。之前都只係試佢地d甜品，而今次就有機會試埋d熱食。首先叫左個三文魚親子沙律，有三文魚同三文魚子，味道清淡，酸酸甜甜嘅沙律醬，係一個好好開胃菜。之後就叫左個炸蠔，炸蠔好多地方都有，好驚訝，呢個蠔炸得岩岩好，外脆內軟，外層粉唔厚，蠔味又足，推薦。主食叫左芝士咖哩蛋包飯同明太子意粉。芝士蛋包飯係一個邪惡嘅化身，面層大大份芝士加上中層岩岩好嘅蛋，味道唔會太咸同太淡，都好平衡。而明太子意粉相比下就較普通，不過意粉火候控制出色，咬口岩岩好，唔太硬唔太淋。係味道有d過辣，不過整體尚可。主食跟餐仲可以加沙律同湯。重頭戲就係甜品，無需多講，芒果芭菲即使唔係芒果當季都好甜，加埋d芒果雪糕同芒果醬一齊食，你只會想一路食落去，甜品控要小心，因為一唔小心就會食多個😂最後就叫個蜜瓜三文治，入面d cream幫手鎖住蜜瓜d水份，好彩cream本身唔太甜，一啖咬落去，成日都係甜味嘅滿足感，無文字可以形容。回頭值都有7.5分

近年流行打造型格Café，台灣菜、日本菜、泰國菜、Fusion 、甚至米線，加上簡約文藝餐食環境便大行其道，Café 永遠成為該區排隊等食飯的行列中。今次出發沙田新城市中心的Ufufu Café前, 友人告知最好一小時前就係商場App 攞籌，否則一定排好耐。一向偏心日式西餐，除了喜愛烏冬及日式意粉，當然仲有靚靚甜品，可惜因最近病了男友不許Order 甜點，唯有等下次。加錢配套餐，蔬菜沙律，酸汁開胃，建議份量可以大少少。酥皮湯不錯，皮夠脆夠熱。明太子烏冬，湯底味濃而不膩不咸，剛剛好，感覺像有明太子味道的忌廉湯，而且份量好足夠，男友叫多了一碗白飯將剩下的明太子湯底都撈埋飯清晒。壽喜燒烏冬，蛋太熟了一上碟已經一舊熟到偏硬的蛋黃，如有少許半熟流心會更好，牛肉有3-4塊，無根不會太肥，肉香像比較少脂肪的宮畸和牛。小吃點了唐揚雞柳，大份飽肚，沙律汁再擠少許檸檬汁減輕雞柳本身的油膩感，穩陣之選。整體都是誠意之作，加上開設旺區，當晚的客以年輕人、情侶為主。當年香港的日式西餐是UCC 同 Pokka Café 的天下，希望日後可有更多日式西餐Café 跑出。

呢排見沙田新開既ufufu cafe都好多人等位，今晚，終於都少咗人啦，即刻拉埋兩個朋友去食首先沙律，我唔食得辣但係都讚口不絕，個種辣啱啱好，好易入口明太子意粉個明太子大到將意粉同菇撈埋一齊簡直係超好味！雞翼就中中挺挺啦，夠香脆牛肉蛋包飯。左邊牛肉飯係必食既！全晚最出色！牛肉唔乾身，加埋佢既漿汁ichiban反而另外兩個海鮮飯麻麻，後悔冇叫到一個大既牛肉飯如果牛肉飯係最出色，呢個甜品就係最幸福！朱古力糯米糍同下面香蕉雪糕係絕配呀仲有好多生果又有Orel!簡直就係小朋友最鍾意食嘅嘢一次過集合哂係到！我呢個大人都愛不釋手！不過太邪惡，食完要做多啲運動叫左5樣食物，3個大胃王都食到飽哂咁走，抵！

位於沙田的L.D.K. by Ufufu Café，是來自日本九州的日式西餐廳。曾經去尖沙咀的分店吃過芭菲，多達一百種的芭菲令我一嚐再嚐。作為Ufufu的粉絲，得知沙田開店了，我不會不去吧。餐廳人氣驚人，等侯一個小時四十五分鐘才入店，辛苦媽媽預先等位啦。吉列豚肉佐咖喱蛋包飯$148超喜歡吃炸豬扒咖喱蛋包飯阿，有跟我一樣，有共同喜好的朋友仔嗎？每次到日式西餐廳，炸豬扒，咖喱，蛋包飯，是我必點美食阿。賣相極討好的豬扒飯， 蛋包弄得很好，蛋質滑溜嫩口，蛋味豐盈，順滑溜溜，豬扒一共七件，炸得金黃香脆，麵包糠乾身脆口，只是肉質略乾，半邊淋上濃濃稠稠的咖喱醬，甜而不辣，拌飯一流，叫人如何不愛上阿。南蠻炸雞$48吃炸豬扒也要吃炸雞，幸好沒有爆瘡哦。炸雞扒一客六件，外皮香脆，內裡肉質較豬扒肉軟，醬汁甜甜鹹鹹，也屬不錯呢。水果三文治$58是晩甜品重點之一，是我最最最喜歡的水果三文治。曾經在日本吃過這個奇怪的甜品，吃後令我深深愛上阿。白麵包夾著不同的水果和忌廉，口感軟熟綿密阿。水果有草莓，奇異果，香蕉等等，忌廉稠密度高，麵包較為乾了點，味道也不錯阿。宇治抹茶蕨餠芭菲$78吃完水果治後，另一重點是每人點選一

有小小不滿意排隊system！唔知道拎飛嗌飛意義何在？🤷🏻‍♀️每張飛嗌3次，嗌完過左勁耐，啲人過曬飛，只要行埋去，下一張就可以俾返人🙂 守規既人永遠最蠢，早知我都行曬街，過飛勁耐先黎😊因爲噤下一張一定係我！等左個半鐘，其實等係預左，但無預過係等呢啲過飛有得補飛既人。講返野食先，嗌左三色丼、壽喜燒牛肉烏東、炸蠔、加左錢配湯同沙律、綠茶甜品。第一款上枱係壽喜燒牛肉烏東，店員將野食上枱，跌左筷子係枱，講句唔好意思走左，又無拎過對新既，都算...點知得一隻筷子既😐Um....野食真係無咩特別😂我知呢間分店係特色某啲食物原材料係日本黎，但甜品款式同選擇、服務、排隊、野食我會揀返尖沙咀分店食。Total:$440

一去到見到門口勁多人，好彩down定個Apps拎位，如果唔係一定要等勁耐坐低見到兩份menu，左諗右諗完一輪就order咗明太子忌廉飯，牛肉烏冬，雞翼同埋抹茶芭芙明太子味道幾濃，分量都慷慨初初見個樣以為好少 點知食落係食唔曬既😂個雞翼都幾惹味，可以一試由於太飽既關係 牛肉烏冬已經食唔落 不過友人話都唔錯另外值得一提係個抺茶芭芙！抹茶味幾濃 又唔會太甜佢個甜品menu都有好多其他甜品揀 個哈密瓜好似都幾好味 鍾意甜品既可以睇下🤤🤤

今早十一點半左右剛好經過食坊,見佢食客有七八成坐滿。心唸水準應該有番咁上下啩,於是同朋友行埋去試吓。點知落手就打三更企係reception嘅男侍應見到明明有坐位都唔帶位,話要留俾同事負責。及後同事嚟到傾完咪又係負責,仲求求其其叫我哋隨便坐係佢reception counter隔離嘅二人位。我哋要求入內堂坐佢又俾兩個貼近廚房出菜嘅路邊位,最後我哋同另一個侍應講就可以坐兩個由四人位分出嚟嘅兩人位。打開menu一睇都覺得沙田友嘅消費力唔弱喎,食個普通意大利粉無湯無茶都要淨收$130仲未計加一㖭😱分別點咗牛肉飯同埋芝士蛋包飯。朋友嘅牛肉飯單睇賣相好得👍佢話食落就覺得牛肉好鮮嫩,但飯底比較油膩我自己嘅蛋包飯就一般般,裡面有冬菇絲。若果芝士多啲同埋再軟滑啲就比較好喇。依餐埋單差不多兩舊水真係覺得(好唔值得囉)😪😪😪不過時近中午仲係大把人等住入座,況且落坐佢哋已經講明(只可以食45分鐘㗎)