Honjo

最近留意到《黑白大廚》料理狂人尹南魯及香港fusion菜餐廳Honjo嘅主廚Kyle聯乘推出4 hands晚宴！黑白大廚熱潮席捲全球，連帶實力派嘅料理狂人都號召力十足🔥Honjo推出嘅 hands晚宴供應至11月尾，而17－19／10就有料理狂人率先現身，好彩比我book到，更可以同兩位大廚合照，好開心🥰我睇開料理狂人做韓綜《拜託冰箱》固定嘉賓，一直都想試試佢嘅手勢😛今次呢個限定menu每位$588，每道菜普遍都唔錯，好多都用上新鮮海鮮，性價比幾高。不過我食嗰晚比較full，餐廳分兩輪，上菜較快，感覺匆忙咗啲😂4 Hands Menu $580pp前菜🫛烤日本枝豆、醬油甜蝦刺身簡單嘅開胃前菜，枝豆加入煙燻麻油、海鹽及海苔，味道幾香。甜蝦則只用少許海苔油及大豆鵪春蛋黃調味，突出本身鮮甜味😚小吃🍣辣味吞拿魚他他、鮟康魚肝細卷吞拿魚他他混合赤身、三文魚子、切絲麵糰等，麵糰做成薄脆，豐富菜式口感，不過辣味就唔係好覺。另一道鮟康魚肝卷，驟眼睇以為係海膽🤣入口都幾軟滑甘香😙加入柚子醋啫喱增添味道層次。🐚帆立貝熱情果、牛油香草鮑魚鮑魚彈牙兼好向牛油香草味，幾突出😋帆立貝則幾鮮味，加入咗熱情果虎奶醬、刁草及法國芫茜等香草，酸酸咪咪幾醒胃👍🏻主菜🐟牛油咖喱銀鱈魚呢道菜係料理狂人呈獻嘅招牌菜，銀鱈魚皮脆，魚肉超級嫩滑鮮味😋醬汁帶點鹹香及香料香，混入酸豆增添層次，雖則唔係好食到咖哩味，但整體嚟講味道都幾出色🫶🏻🥩栗子燉牛肋條牛肋條份量十足，連住筋位，可以食到筋位漿口嘅感覺兼牛肋肉啖啖肉嘅肉感😽我就覺得可以再腍啲，不過鍾意有咬口嘅都ok。牛肋條炆得好入味，醬汁鹹甜富層次。面頭灑上不少脆米，提升口感👏🏻🦞熱石龍蝦尾 +$78呢道菜有韓式石鍋飯嘅感覺，趁熱將飯、龍蝦尾及配料拌勻，一邊拌一邊聞到濃濃嘅牛油香😻龍蝦肉鮮甜彈牙，飯帶點飯焦，加上恰到好處嘅配菜，整體味道口感都幾出色😋甜品🍨黃豆粉最中、抹茶焦糖燉蛋估唔到甜品好出色，起咗畫龍點睛嘅作用🌟黃豆粉最中用薄脆嘅最中餅夾住黃豆粉雪糕，雪糕軟滑富黃豆香，裡面有不少雲尼拿籽，香味十足👏🏻焦糖燉蛋亦係上乘之作，薄脆焦香嘅焦糖加上甘醇嘅抹茶味以及唔太甜嘅紅豆，配搭出色😋推介指數（10分為滿分）：8分…查看更多

跨越摩登復古&未來風格日本餐廳Pirata Group旗下嘅摩登日式餐廳HONJO最近推出左SUMMER spectacular夏日menu平時A La Cart set平均$680 夏日menu做緊$398!差唔多有6折Menu仲好豐富!4 course含前菜。壽司。主菜。甜品— STARTER —日本枝豆|海帶沙律|吞拿魚|炸粟米|油甘魚前菜一共5款 太豐富了!!吞拿魚&油甘魚鮮味而且配搭唔同配料令味道層次更豐富 2款都加入柚子味醬料令味道更fresh炸粟米外酥內爽脆 充滿粟米甜味— SUSHI & SASHIMI —CHEF'S SELECTION OF ASSORTED SUSHI3款壽司(赤身。三文魚。油甘魚)2款卷物(加洲卷。吞拿魚他他)全部都好新鮮 壽司上嘅刺身充滿光澤 甘甜飽滿— MAIN COURSE —BRAISED PORK | CHICKEN日式烤雞扒雞肉好厚身 配搭紫蘇蛋黃醬平衡返油膩感烤豬腩肉質感嫩腍 入口唔會油膩 配上角煮醬相當惹味— DESSERT —YUZU SORBET | MATCHA LAVA極流心抹茶心太軟 好濃郁抹茶甘香柚子雪葩好清香而且好解膩!…查看更多

最近同朋友們去左上環嘅HONJO食飯。呢度主打fusion日本菜。餐廳環境寬敞，裝修別緻，有英倫風，好啱喺到慶生或慶祝各種特別日子！黎呢度食佢哋嘅omakase menu。同一般omakase有別，以fine dining嘅形式，有多達13道courses。喺開始omakase之前，仲會有welcoming drinks同埋佐酒小吃枝豆。welcoming drinks係即場調製，可以揀cocktail或mocktail。今次揀左mocktail，係Jasmine base搭配pineapple等清爽水果元素，好refreshing！飲完嘢之後就會帶去omakase嘅特別corner享受10多道美食佳餚。呢個menu嘅13道courses包羅萬有，無論係海鮮、肉類、魚類、主食、甜品等都食得到！混合日式同西式，fusion異國風味相當特別！每一道都有chef簡單介紹所用食材同做法。珊瑚沙律。海藻沙律配柚子松露dressing。酸爽清新得黎有層次，蓮藕唐揚好脆，配搭三文魚籽，增添鹹鮮風味！炙燒三文魚薄片。炙燒過嘅三文魚油脂豐富，魚香突出，但配搭酸甜芒果可以balance返個油脂油膩感。帆立貝。呢個帆立貝鮮甜得黎，配搭松露洋蔥同埋柚子醬油啫喱，仲有濃厚煙燻香，味道豐富！海蠔。呢個生蠔好新鮮。有濃厚鮮味，配味噌sauce同埋crumble，有鹹甜鹹甜嘅風味！韓風牛肉串。呢個牛肉串有啲似日式嗰啲免治雞軟骨，不過變左牛肉同埋韓國風味。韓式辣椒醬dressing配garlic mustard，特別惹味！炙燒和牛。chef即席炙燒嘅和牛。和牛入口即化，肉質好軟嫩，柚子胡椒可以提味，惹味得黎又唔油膩！吞拿魚。呢個吞拿魚混合埋牛油果同埋三文魚籽，好飽滿嘅吞拿魚牛油果卷咁，好滿足！大蝦。King Prawn蝦肉爽口，牛油香菇汁濃郁又唔搶，牛蒡蓉好香口，成個配搭好夾。竹。又一道好特別嘅tempura。炸竹筍蟹肉，爽脆得黎有啖啖有一絲絲蟹肉。紫蘇葉增添清新，黑飛魚籽提鮮。豚角煮。主菜之一豚角煮入味得黎肉質又夠腍。脂肪比例啱啱好，四川胡椒微辣，白蘿蔔爽脆解膩！烤雞肉。雞肉雖然唔算好嫩滑，但係佢個紫蘇蛋黃醬好加分！炒飯。炒飯入面材料都唔少，有牛肉、風乾火腿、蔥、溫泉蛋等，灑上金箔更顯矜貴。抹茶蛋糕。最後嘅甜品都唔馬虎！抹茶海綿蛋糕鬆軟濕潤唔甜膩，Baileys cream酒香濃郁。以呢個甜品作結好滿足。…查看更多

雖然不是開在黃金地段，但一進門就充滿格調。門口是小酒吧位置，熱熱鬧鬧呢。這間餐廳最貼心的地方，就是侍應和主廚都超級熱情，很喜歡和客人聊天，一班朋友去特別熱鬧，每道菜都會介紹背後意念、用料和故事！味道和賣相都令人讚嘆。Coral海藻沙律頭盤沙律的配柚子松露醬，清新開胃，擺盤充滿峇里島風情，原來靈感來自於主廚的峇里島的太太呢。Tataki炙燒三文魚薄片同芒果酸辣醬好match，口感層次豐富。Scallop帆立貝搭配味噌釉的濃郁鹹香，入口即化。紫蘇醬碎屑點綴其中，帶來一絲清新草本風味，完美平衡帆立貝的鮮甜Oyster海蠔好有驚喜，松露洋蔥同味噌燒烤風味令人回味無窮。Beef 韓風牛肉串牛肉烤得外焦里嫩，肉汁鎖得恰到好處，搭配微辣濃郁的韓式gochujang辣醬，芥末籽醬的辛香與蒜香，帶出甜辣交織的風味。Aburi 炙燒和牛濃郁多汁，柚子胡椒同韓式醬料好提味。Tuna 吞拿魚&King Prawn火蝦辣味同鮮味平衡得好好，令人停唔下來。豚角煮入口即化，四川椒嘅微辣好開胃。Chicken 烤雞肉用慢煮的方式，按照35年前主廚媽媽的私房菜食譜，雞肉出奇地嫩滑，但外皮就很脆口。Yakimeshi炒飯都好有特色，炒得粒粒分明，配搭溫泉蛋，豪華又美味。抹茶蛋糕來到甜品環節，蛋糕鬆軟香濃，配Baileys忌廉同抹茶雪糕，完美如尾。整體來說，食物精緻、服務貼心，絕對值得一試！…查看更多

❀ Honjo #上環 ❀❗再推出讓人狂歡嘅黑白大廚聯成菜單❗——————————————————Pirata group 其下嘅Honjo又有新搞作！韓裔主廚 Chef Kyle Lee 聯乘Netflix人氣烹飪節目《黑白大廚》中嘅「料理狂人」尹南魯主廚推出為期一個月的獨家四手菜單🥰非常有幸可以喺10月17號一睹兩位主持嘅風采😍.菜單由 10 月 17 日至 11 月 23 日期間提供，四道菜都只係需要$580，唔使特登飛去韓國都可以食到黑白大廚佳餚🥹兩人聯盛嘅菜式美味又滿足。.先會送上兩款前菜，包括枝豆及非常爽彈嘅甜蝦刺身🍤.然後可以選擇兩款頭盤，分別為辣味吞拿魚他他、鮟鱇魚肝細卷、牛油香草鮑魚及熱情果帆立貝。特別喜歡牛油香草鮑魚彈牙又香口👍🏻.主菜方面真係要試吓藍龍蝦尾石頭鍋飯🦞以 Chef Kyle 嘅招牌石頭鍋飯為基底，選材藍龍蝦尾、大蒜牛油飯、三文魚籽、黑飛魚籽及照燒蘑菇烹製，鮮甜美味 ☺️喜歡海鮮嘅，不妨試吓油甘魚鲛煮物或牛油咖哩銀鱈魚，兩款都係非常嫩滑嘅魚類~當中嘅牛油咖喱醬更係曾經參選嘅醬汁呢😝另外唔少得牛肉、羊肉及雞肉！推薦哈里薩辣醬慢煮羊架 ，慢煮羊架肉質嫩滑，淋上辣味哈里薩醬，夠晒惹味。另外仲有頂級三黃雞味噌燒及栗子燉牛肋條。.甜品仲有茶味嘅最中餅及焦糖燉蛋😚.✷𝑀𝑒𝓃𝓊✷☞ 4 Hands Menu $580.♥ AMUSE BOUCHE ✦ 烤日本校豆✦ 盛油甜蝦刺身.♥ SMALL BITES A (choose 1)✦ 辣味吞章魚他他✦ 鮟鱇魚肝細卷.♥ SMALL BITES B (choose 1)✦ 帆立貝熱情果✦ 牛油香草鮑魚.♥ MAIN (choose 1)✦ 油甘魚鲛煮物✦ 三黄雞味噌燒✦ 熱石龍蝦尾+$78✦ 牛油咖哩銀鱈魚✦ 票子燉牛肋條✦ 哈里薩辣醬慢煮羊架+$78.♥ DESSERT (choose 1)✦ 黃豆粉最中餅✦ 抹茶焦糖燉蛋——————————————————✨整體味道: 4.1/5 ✨環境裝修: 4/5✨服務態度: 4/5✨性價比: 4.1/5✨再訪興趣: 4/5 .💞整體來講偷偷話你知今次嘅四手聯成比起上一次更加出色😋Honjo嘅日式fusion菜一向深得我心，今次聯同黑白大廚尹南魯創造出更美好嘅佳餚，供應至 11 月 23 日，唔好錯過啦😆…查看更多