🐯𝑴𝒂𝒎𝒂 𝑻𝒊𝒈𝒆𝒓 𝑵𝒐𝒐𝒅𝒍𝒆𝒔🇹🇭📍中環九如坊12號地舖，係由灣仔人氣意大利餐廳Trattoria Felino團隊主理，請來曼谷知名麵店Thong Smith嘅前主廚Thanit Changchai坐鎮，主打泰式fusion麵食同曼谷街頭風味。餐廳裝修充滿活力同泰式元素，靈感源自泰拳，例如有泰拳短褲啟發嘅凳子同色彩繽紛嘅老虎圖案，打造出好似置身曼谷夜晚嘅熱鬧氣氛🐟 𝗦𝗟𝗜𝗖𝗘𝗗 𝗥𝗔𝗪 𝗛𝗔𝗠𝗔𝗖𝗛𝗜（油甘魚刺身）油甘魚肉質鮮嫩，配上香茅同酸甜青辣椒汁，味道清新開胃，辣度輕微，更能帶出魚嘅鮮味。🍙 𝗧𝗵𝗮𝗶 𝗔𝗿𝗮𝗻𝗰𝗶𝗻𝗶（泰式炸飯糰）外層炸得香脆，入面係黏糯嘅米飯同泰式紅咖喱醬，辣中帶少少甜，口感豐富。🥟𝐖𝐨𝐧𝐭𝐨𝐧 𝐬𝐞𝐚𝐟𝐨𝐨𝐝 𝟐 𝐩𝐜𝐬（海鮮雲吞）雲吞皮薄餡足，入面係蝦肉同魷魚碎，蘸埋青辣椒汁同芫荽，食落鮮味又爽口。🍤 𝗧𝗵𝗮𝗶 𝘀𝘂𝗸𝗶（泰式炒粉絲）用咗虎蝦、魷魚、椰菜同蛋絲一齊炒，粉絲乾身彈牙，芝麻同蔥花增添香氣，味道清淡唔油膩。🍜 𝗠𝗛𝗘𝗘 𝗛𝗔𝗘𝗡𝗚 𝗖𝗛𝗜𝗖𝗞𝗘𝗡 𝗱𝗿𝘆 𝗻𝗼𝗼𝗱𝗹𝗲𝘀（雞肉乾拌米粉）雞肉片嫩滑，加埋脆雞皮同酸辣汁，撈勻泰式米粉一齊食，酸甜微辣，幾開胃。🍛 𝗕𝗲𝗲𝗳 𝗠𝗮𝘀𝘀𝗮𝗺𝗮𝗻 𝗰𝘂𝗿𝗿𝘆（牛肉瑪莎曼咖喱）咖喱汁香濃，牛肉燜得腍身，加入咗薯仔、菠蘿同車厘茄，味道甜中帶辣，配返塊酥脆嘅薄餅一齊食好滿足。🐟 𝐒𝐞𝐚𝐛𝐚𝐬𝐬（蒸海鱸魚）鱸魚蒸得岩岩好，肉質滑溜，配上發酵豆醬同青檸汁，味道鹹鮮帶酸，面頭嘅脆豬皮增加咗口感。🍦 𝗖𝗼𝗰𝗼𝗻𝘂𝘁 𝘀𝗼𝗳𝘁 𝘀𝗲𝗿𝘃𝗲（椰子軟雪糕）椰子味香濃，雪糕質感軟滑，加上烤松子同粟米，口感得意，甜度適中。🍮 𝗖𝗿𝗲𝗺𝗲 𝗯𝗿𝘂𝗹𝗲𝗲（斑蘭焦糖燉蛋）燉蛋有濃郁斑蘭香，面層焦糖脆脆哋，配埋椰子雪糕同青檸皮，味道清新唔膩。…查看更多
