Homeland (牡丹大廈) (已搬遷) 新店位置

開車經過發現呢間小店 好識設計非常溫馨，好有北歐家的感覺。好舒服， 入去試下， 原來新開業。地方闊落，坐得舒服，防疫措施做得非常足夠，食得安心又放心。 煙三文魚沙律份量非常之多，煙三文魚足足有四大片， 芝士C亦都鋪得滿滿， 羅馬生菜新鮮爽脆， 最驚喜竟然有少有的西式鹹魚在內，鹹鹹香香的。 小食拼盤絕對唔係小食咁簡單，份量多到絕對可以當主菜食，或者要四至六人分享先至食得晒。炭烤牛扒亦都非常大份，有牛肉味有咬口，這個價錢， 足夠了。 最緊要係舖頭附近已經可以泊車非常方便。

今晚約左個朋友係大角咀食飯，佢話有間非常優質既黃店cafe介紹俾我，講到咁吸引一於試試佢😎入到去覺得裝修好colorful氣氛好好，店員亦都非常有禮貌同殷勤👍我地叫左個匈牙利牛面頰燉意大利飯，香煎西班牙伊比利亞豬肩肉(伴薯蓉)同埋一件蘋果雜莓奶油酥皮撻share～意大利飯既汁底係creamy蕃茄底，啲飯帶啲咬口軟硬適中，牛面頰煮得超淋超好食！！入口即溶絕對無誇張😱😱 豬肩肉啲坑紋煎得好靚仔，不過可能始終係比較厚身既豬加上唔係用慢煮既方法整出黎，所以不至於好嫰滑，但口感味道都ok ge，伴碟薯蓉入口順滑而又唔會太重忌廉味，我呢個唔中意奶類芝士類既朋友都接受到仲覺得唔錯，真難得😅 另外啲菇好香菇味但唔會有草青味👍蘋果雜莓奶油酥皮撻揀左後上， 落單嗰陣店員已經話見我哋食得七七八八就會叫廚房幫我哋焗，因為都要大約十二至十五分鐘，好周到👍👍 上碟果陣微暖，撻皮鬆化幾香奶油味，裡面蘋果蓉包住啲莓，唔太酸又唔太甜岩岩好😋 莓味清新，連埋面頭既粒粒食脆脆地口感更豐富，呢個甜品幾出色👏🏻遺憾地今晚試唔到佢既西班牙海鮮炒飯，唔記得咗店員話因為賣晒定來貨有問題，下次一定要再黎試下！👍

聽過Homeland的名字很久，不過遠在大埔，沒有很大的推動力到訪。最近得知大角咀開了分店，是日經過店舖門口，很難不被其鐵閘的卡通化麒麟吸引，麒麟也抵受不住手工意粉的味道！餐廳內部大自然裝修中帶點顏色點綴，清新簡潔，感覺放鬆舒適。午餐選擇很多，有麵飯漢堡全日早餐及扒類，簡單跟有餐飲，如果想如我們般加沙律及蛋糕亦可。慢煮嫩雞胸杏甫羽衣甘藍沙律 慢煮雞胸份量不多，但真的很嫩滑。羽衣甘藍有杏甫條、松子仁及黑醋伴食，入口爽脆，味道亦較豐富。安格斯牛漢堡 安格斯牛漢堡賣相極佳，漢堡包烘過，搽上牛油，包身脹卜卜的外脆內軟。安格斯牛漢堡扒亦見鬆軟，但就是少了一點點肉汁，也沒有特別用甚麼調味。香煎西班牙伊比利亞豬肩肉 伊比利亞豬肩肉味道果然是特別出色，豬肉肉質細嫩，即使是全熟，肉汁亦非常豐富。豬肩肉味道鮮甜，即使沒有調味亦非常可口。配菜冬菇塊及車厘茄亦見多汁。薯條是最喜愛粗身連皮的，新鮮炸起熱辣香脆，簡單點上茄汁就已經是最好的選擇。朱古力脆片蛋糕 朱古力蛋糕有點意想不到，原來是朱古力慕絲加脆片，朱古力慕絲味道濃郁滑溜，加上脆片口感一軟一脆，味道比朱古力蛋糕更勝一籌。

這裡是在大埔以外的另一間分店，基本上個搶眼招牌一望就認得，而這間店最出名就係他們的手工麵，而冬陰功海蝦闊條麵只有在這裡獨有，當然要點啦，呢個口味意泰口味又係一個新嘗試！另外加埋個精選全日早餐，兩個人都絕對夠食！冬陰功海蝦闊條麵，同平時嘅完全不同，賣相一啲都唔似冬陰公，但個陣香茅味入口帶點辣嘅味道就完全同平時食開冬陰公味道一樣，廚師將個汁鎖住在煙韌彈牙嘅闊條麵上，基本上麵條十分入味，而且還有大大隻彈牙大蝦🍤，確實唔錯！精選全日早餐，選了太陽蛋，裡面有煎得香口煙肉外，還有最愛嘅煎德國腸仔，當中有款有濃郁嘅芝士味道，而中間位置就係用煙燻三文魚組成嘅三文魚花！大大塊卷成，啖啖肉！旁邊還有兩塊香脆多士，塗滿了牛油，上面加流心太陽蛋一齊食，真係十分滿足！蘋果雜莓奶油酥皮撻就係今晚點了嘅甜品，酥皮鬆化香脆中間夾住蘋果同雜莓，口感十足！兩個人加埋杯飲品，又係一個唔錯嘅選擇！

一提起大埔嘅良心店， 大家都一定會想起《Homeland》。 這間餐廳最近在大角咀開了一間新分店， 同大埔店一樣，都是一間主打溫馨、和「家」的感覺的一間餐廳。餐廳主打各款手工啤酒， 但由於大角咀分店仍在試業階段， 暫時就只有六款手工啤酒， 希望在不久的將來可以齊集各款手工啤給食客大快朵頤。今次點了兩款不同的手工啤酒， 第一款名叫《彩蛋海鹽朱古力》， 名字極具童真， 卻係一款比較full body嘅porter黑啤。 酒精濃度有6％， 慢慢品嚐可以感受到那份海鹽嘅鹹味以及朱古力嘅香氣， 口感豐富。至於另一款係一款非常過癮嘅手工啤酒， 名為《黑鳶Oh, Bacon》。 啤酒係麥芽啡色， 由於用咗煙燻麥芽來釀製， 飲起嚟有非常濃郁嘅煙肉香， 非常適合配以香腸等小吃。飲啤酒有點少得德國腸呢？ 呢一個《德國腸拼盤》有齊三款各具特色嘅香腸。 我最鍾意嘅就係白肉腸，以及微辣嘅辣香腸， 白肉腸口感比較嫩滑， 而且充滿香草味。 至於辣肉腸有少少爆芝感覺， 用來送啤酒真係非常暢快。 有如去咗一趟德國旅行一樣。香腸拼盤亦都配咗薯蓉襯托，薯蓉非常滑溜，入口即溶，充滿咗牛油香氣， 比起美味嘅香腸絕不輸蝕。另外呢

香港早晨 ，呢隻啤酒叫得做香港早晨，係因為帶有柑橘類水果嘅香氣，就好似香港人每朝早嗰杯鮮榨橙汁一樣，唔好以為佢果味咁濃郁就係流嘢啊，個酒精濃度竟然高達七點三個巴仙，最美妙嘅係佢喺柑橘同熱帶水果嘅香氣之下，完全唔會飲到苦澀味，抵讚。紅van大佬，大佬嘅色澤有少少以黑啤，果然酒如其色，入口有好香嘅堅果味道，伴隨住嘅係拖肥同埋焦糖嘅香氣，餘韻帶有少少麥芽嘅回甘，整個酒體霸氣十足，切合返紅van大佬嘅獨特個性，令我諗起 "那夜凌晨，我坐上了旺角開往大埔的紅 VAN" 裏面嗰個林雪，猶記得當年睇完呢套戲仲鐘意到特登追睇番個文字版添。德國腸拼盤，拼盤率先送到，一共有三款唔同嘅德國腸，白色嗰隻係牛仔肉腸，橙色嗰隻最好味，有少少墨西哥辣椒嘅味道，墊底嘅薯蓉亦都功不可沒，有好香濃嘅牛油香味；Sauerkraut 味道正宗，酸味滿足，勝過唔少城中嘅德國餐廳。辣椒炒蜆，炒蜆一放上枱就聞到好香嘅蒜蓉同埋辣椒味道，蜆肉脹卜卜，惹味非常，有少少似西班牙嘅 Tapas garlic shrimp，真係好味到連個汁都飲埋。冬陰功海鮮闊麵，西式嘅冬陰功 pasta 唔係咁多地方食到，對上一次食要數喺年半前，呢度嘅闊麵係

餐廳新開，餐牌只供應指定食品，但係選擇都好多。價錢唔算貴，揀咗冬陰功海蝦闊條麵$118，闊條麵較乾身。冬陰功味幾香，但係都幾辣，蝦夠爽口。另外叫咗澳洲黑毛安格斯西冷$168，揀咗五成熟，安格斯西冷係烤過，有少少燶。西冷肉質尚算唔錯，唔會太老有牛味。而且仲配有牛油薯蓉，牛油味夠香濃，仲有一啲配菜。散叫飲品叫咗橙汁及熱美祿。由於新開餐廳，都唔需要等位太耐，上菜快，算不錯。餐廳仲有甜品，下次有機會就試吓。

店面佈置別緻，天花掛滿花草的燈罩，加上色彩斑斕的粉彩傢俬，迷倒少女心。粉白色的牆紙，配上可愛小餐具，洋溢甜美糖果屋的氣氛。小食拼盤$98小食拼盤，大大滋味，我最喜歡是柚子醬雞翼，入口熱燙，咬開脆皮，內裡嫰滑多汁，加上清新柚子醬，十分開胃。薯條粗身香糯，掛滿半溶芝士，美味又邪惡。炸魚柳脆卜卜；炸蠔包裹著充滿肉汁的蠔肉，香口中帶層次感，配上沙律醬，愈吃愈過癮!香煎黑毛安格斯西冷 $168安格斯西冷厚切肥美，表面深褐色網紋，令人垂涎! 質感軟腍、鮮嫰，肉汁豐厚，加上煙燻醬的調味，香濃肉香在口中回盪。薯蓉吸收了牛肉汁的精華，特別軟糯而綿滑，啖啖細膩、滋味。爆炸楓糖三文魚柳配薰衣草忌廉汁$138魚皮微微帶脆，魚肉輕輕一叉便散開，口感細嫩潤滑。魚油四溢，肉質香軟可口，配上爆炸糖，在口中彈跳的感覺，非常特別。伴碟有爽甜青瓜、雜菇，十分健康，配上奶滑薯蓉，綿密吸引，每口窩心。香辣蕃茄白酒煮藍青口$88藍青口浸泡在香辣蕃茄蓉，每顆肉質挺身，肥美圓厚，令人食指大動。入口鮮味，咀嚼時散發濃郁蕃茄香，加上洋蔥粒點綴，微微香辣，令人欲罷不能! 抹茶蛋糕$38抺茶蛋糕香滑綿軟，抺茶忌廉甜味濃郁，十分細滑。夾層填滿

係社交平台見到友人同網友推介(大埔本店)見奧運開左分店即刻book左黎試試整體價錢親民 食物質素同服務都中上舊址係老掌櫃 新裝修真係改頭換面可能啱啱開張 menu上嘅食物同飲品都未齊先點左火百合花茶、蠔湯同鹹蛋黃醬雞翼之後跟左waiter哥哥推介2個主菜冬陰功闊條麵同煎伊比利亞豬肩肉蠔湯一上枱飄哂煙 入口非常香濃完全唔腥同忌廉份量啱啱好個人好怕果d甜嘅忌廉湯隻蠔肥美 再加左片吸哂湯嘅蒜蓉包絕對係好開始個湯份量大 2個人share啱啱好相對雞翼比較遜色脆口但個鹹蛋黃醬明顯係後加上去所以食得出雞翼還雞翼 醬還醬 有進步空間主菜2個都有驚喜 waiter哥哥冇介紹錯呢個冬陰功闊條麵食得出d麵好新鮮 雖然覺得厚身左少少 但個汁非常掛麵而且濃度剛好 唔會好似食汁果種pasta(個人想像如果撈麻辣應該會勁match)個豬肩肉同樣出色叫左9成熟 佢有少少似豬腩肉層層肥 肉質超腍 好香口但絕對要趁熱食 因為放耐左食有些少油膩配上個酸菜又另一番風味自己鍾意呢個配搭 感覺冇咁肥貪心嘅我最近嗜甜 好飽嘅情況下加左件cheesecake 好紥實 new york cheese style完結前再加加分總結係以

又好耐冇出去食飯 今次又番黎我一向認為係其中一個最多美食嘅區 大角咀 決定去試下homeland 新開嘅分店感覺坐喺度好舒適 野食除左靚 質素仲好高添 當中最欣賞係小食拼盤 熱辣辣 新鮮炸出黎 價格都好相宜 4款小食唔過100蚊 質素都平均地好食🤤 吉列廣島蠔正到傻 外面脆卜卜 入面好嫩滑 啲汁滴晒出黎🤪🤪另外2個人緊係叫番2個lunch set 😋 1個係素啲嘅牛肝菌野菌燉飯 risotto煮得夠綿 同creamy嘅汁融為一體 菌類都落得好重手😍 食每啖都3，4粒 有口感 食落一啲都唔齋另一set係牛油果煙三文魚闊條麪 主要係佢個樣真係好靚🤭 色彩繽紛咁 睇見都開心 味道都唔錯 幾中意佢加左三色椒絲 甜甜地 成功點綴到個粉好fresh 🤗額外都要提一提 見店完清潔枱面時都會用枝消毒噴噴 唔係就咁用布抹完就算 感覺都安心好多💪

因在社交平台看到其他人推介此餐廳，決定和朋友嘗試到訪。 首先，餐廳環境有少少工業風，但又色彩繽紛，適合朋友聚會。 餐廳員工友善，主動推介菜式。 我和朋友兩個人一共點了4個菜式 ，免加一還有餐飲送，整體十分滿意。4個菜式入面，個人特別推介香煎豬肩肉，肉質幼嫩，再配合薯蓉一齊食👍。 小食拼盤有炸魚手指(正常)，炸蠔(外脆內軟，芝士薯條(食得多有少少鹹)，柚子雞翼(正常). 冬蔭公海鮮闊條麵(蝦肉爽脆，手工意粉是店舖每日自家製，冬蔭公配闊條麵是幾特別的配合，味道正常，不過個人比較喜歡creamy既醬)蘑菇湯感覺到真材實料，有濃郁的蘑菇味，有咬到蘑菇粒。

近排特別鍾意去大角咀搵食。最近就有朋友推介我試下福澤街 9-12 號地下呢間新開嘅「Homeland」。據說餐廳喺大埔起家，食物走住家路線，每日新鮮自家手製，健康兼無味精，所以一直深受街坊歡迎，而大角咀呢間就係品牌所開設嘅新分店。。店舖門面好搶眼，離遠已經見到大大個以霓虹燈砌成嘅招牌，旁邊鐵閘仲有幅由街頭藝術家噴嘅塗鴉，兩隻麒麟色彩艷麗，形態各異，讓人大開眼界。店內環境亦相當寬敞舒服，配上色彩繽紛的裝潢，讓人賞心悅目。餐廳午市以套餐為主，共有 10 款可供選擇，定價由 $68 - $128 不等，仲要唔使加一，非常抵食，揀咗兩客午餐。賓尼迪蛋 ($98)  率先送上，嘩！單看賣相已經夠曬吸引。Egg Benedict 打孖上，另外還有煙三文魚、煙肉、香腸、沙律菜和英式鬆餅，材料超豐富，分量十足。將水波蛋輕輕切開，濃稠的蛋漿即時流出，令人垂涎欲滴，配埋荷蘭汁、鹹香惹味的 Sausage 和英式鬆餅同吃，相當惹味。接著上桌嘅香煎西班牙伊比利亞豬肩肉 ($128)  亦非常誘人，豬肩 Size 比手掌還要大，而且有近一吋厚。肉質瘦中帶肥，慢煮後再煎香，肉汁完全被鎖住，口感軟嫩 Juicy，且

有追開Homeland既我知道開分店，仲要開係大角咀添 梗係即刻去試吓啦伊比利亞黑毛火腿清湯 $68 （2位用）今次點了店家推介的前菜之一：黑毛火腿清湯，特色之處用上一個透明小茶具器皿盛著，原本器皿中裝茶葉的位置，就擺了一大片黑毛火腿，底部盛著黑毛火腿清湯精華，創意十足。爆炸楓糖三文魚柳配薰衣草忌廉汁 $138主菜方面點了爆炸楓糖三文魚柳配薰衣草忌廉汁，煎至金黃色的三文魚柳，上面鋪滿一層甜甜的爆炸糖，豐富口感，熱喇喇既三文魚扒，肉質豐厚，蘸上淡紫色薰衣草忌廉汁，味道有驚喜，必點推介之一。焗肉丸芝士四重奏肉醬意大利粉$98另外一道主菜點了經典焗肉丸意粉，但想不到滿滿都是驚喜，肉丸和意粉都是店家自家製，特別是意粉，十分彈牙，口感非常不錯，肉丸好大粒，很足料，加上芝士肉醬，味道無得輸。新店開張送上兩杯飲品，我們分別挑選凍咖啡和熱檸水，不過不失。下次經過大角嘴，又多一間新餐廳選擇了！

今日同朋友去左大角咀行下，開左間新的cafe Homeland 幫襯一下，呢間cafe 色彩繽紛，好大坐得都舒服，五點幾就黎到食個early dinner，所以無乜人，之後就愈來愈多人，仲要等位。冬陰公海蝦闊條麵$118，大角咀店期間限定，食物黎到時候已經聞到好香喇，之前係清邁食過，好好食，今日可以係呢到食到好開心，餐廳主打自製手工意粉，吃得出質感特別煙韌，冬陰公味道濃郁頗辣，好味好滿足。香煎西班牙伊比利亞豬肩肉$148，餐廳推介，九成熟，豬肩肉肥瘦均勻，好香！薯蓉有啲粒粒薯仔，吃到有牛油味，都好好食！試業期間贈送餐飲，有咖啡或茶，汽水等，我揀左凍檸檬茶，朋友揀左凍奶茶。蘋果雜莓奶油酥皮撻 $48，微暖感覺不錯，雜莓加蘋果酸酸甜甜，酥皮撻皮鬆脆，整體都好吃。

今日喺奧海城附近行街，行到攰同埋拎住好多嘢～～行到去大角咀見到呢間新開嘅Homeland好似唔錯，一於去試吓啦。裝修好家居feel，亦都好Stylish，吊燈以型格黑色線條架配上不同的葉子。睇過餐牌後，d野食都係以西餐為主，有前菜、湯品、飯或意粉、主菜到甜品，樣樣都齊哂我哋首先點左一份香草牛油蒜香焗田螺$88，一上枱熱騰騰的， 十分吸引。食落去好惹味又軟熟，好有口感，香草味的確和田螺係絕配，很有法國風情！底下嘅薯蓉綿滑，正阿另外點了一份冬陰功海蝦闊條麵$118，平時食開嘅冬陰功湯粉配粉絲或者河粉，真係第一次試呢款冇湯的闊條麵。雖然話係無湯，但係入面有大量嘅冬陰功忌廉汁，非常惹味，味道較為香辣，個人認為辣度係屬於小辣。旁邊有幾隻爽口彈牙嘅大蝦，非常新鮮爽甜，蝦味仲要好重添，有驚喜！旁邊係有三色燈籠椒，非常之爽口，同成個麵好夾。最後叫咗一份香煎西班牙伊比利亞豬肩肉$148可以揀九成熟或者全熟，我哋揀咗九成熟，用把刀切落去，已經feel到好林，一啲都唔un，果然食落肉質軟滑，肉味香濃。薯蓉非常香滑，帶有少量忌廉牛油味，旁邊亦有少量雜菜：青瓜、燈籠椒，好好食呀！事業期內免+1 ，仲送嘢飲添，我