Homeland (牡丹大廈) (已搬遷) 新店位置

今日同朋友去左大角咀行下，開左間新的cafe Homeland 幫襯一下，呢間cafe 色彩繽紛，好大坐得都舒服，五點幾就黎到食個early dinner，所以無乜人，之後就愈來愈多人，仲要等位。冬陰公海蝦闊條麵$118，大角咀店期間限定，食物黎到時候已經聞到好香喇，之前係清邁食過，好好食，今日可以係呢到食到好開心，餐廳主打自製手工意粉，吃得出質感特別煙韌，冬陰公味道濃郁頗辣，好味好滿足。香煎西班牙伊比利亞豬肩肉$148，餐廳推介，九成熟，豬肩肉肥瘦均勻，好香！薯蓉有啲粒粒薯仔，吃到有牛油味，都好好食！試業期間贈送餐飲，有咖啡或茶，汽水等，我揀左凍檸檬茶，朋友揀左凍奶茶。蘋果雜莓奶油酥皮撻 $48，微暖感覺不錯，雜莓加蘋果酸酸甜甜，酥皮撻皮鬆脆，整體都好吃。