Homeland (牡丹大廈) (已搬遷) 新店位置

以前覺得大角咀好隔涉但原來奧運站行去好近～又越開越多餐廳～我都去得多咗覓食～今次就嚟咗呢一間Homeland簡單嗌咗幾款野食～餐牌清晰。《慢煮紅酒燴牛面額 $138》牛面肉炆得好稔，調味又唔錯，擺盤都幾靚～《香草牛油蒜香焗田螺 $88》田螺肉大粒，牛油薯蓉加埋蒜碎好香口～《海鹽焦糖芝士餅 $38》新出嘅甜品要試試～焦糖感覺好甜，但加咗海鹽味道中和返無咁膩～《浮華墨紅玫瑰 $48》養生麻😛～個火都幾夠熱架～

本身係大埔分店食過，已經覺得homeland 食物同服務都好唔錯，好開心佢分店開到黎大角嘴😍五係想食嘅時候都要入大埔啦，呢度都可以食到高質小店食物🥰最近我愛上左漢堡🍔😂差唔多日日都想食，叫左個安格斯牛漢堡飽🍔份量剛剛好，最想讚嘅係佢個飽同大大塊啡菇🍄充滿左牛油個香味，個🍄同麵包都吸收曬牛油個香味😍到依家都記得呢個香味，好少漢堡飽可以做到咁有心❤️推介鍾意食漢堡個人一定要試試，一定食過返尋味😋第一道出色菜係 香煎西班牙伊比利亞豬肩肉，餐廳職員建議我地食9成熟，因為口感會更加好，唔會鞋😆我都係第一次食物9成熟嘅豬，果然好好味哦，煎得好香，冇落好多嘅調味料去醃製，更加可以知道食物本身嘅鮮味同肉質，唔鞋👍呢度有手工啤提供，試左一款蜂蜜梅酒，好清甜，酸酸甜甜啱先口味😍好易入口😋

平時大角咀個邊都是昏暗的街道，最近突然開個間色彩繽紛又透出淡淡黃光既新舖，同附近好唔同，吸引左我今晚去試下，原來主打手工啤同fusion菜，仲係黃色經濟圈。店員態度好好，餐廳內好光猛，試有點家的感覺，座位間唔會好迫，有啲私隱，同朋友飲野食飯傾計是不錯，可惜男友要揸車，所以飲水算了。點左一個小食同兩個主菜，都已經好飽。香草牛油蒜香焗田螺-男朋友鐘意田螺，啲薯蓉好香，仲有啲脆口既配料係上面，有啲口感香煎西班牙伊比利亞豬肩肉-店員推介，通常出街食都食牛多，但見佢咁讚賞就試下，好大塊豬肩肉，下面有啲薯蓉同配菜，側邊仲有啲酸酸地既汁配搭，豬肩肉雖然厚，但十分軟冧，一咬落去多汁味濃，又唔會um,真係估唔到呢。（有時其他地方食豬就係厚同鞋，呢個豬肩肉原全唔同) 冬陰功海蝦闊條麵-原本都想試，加埋店員介紹呢個面係自製，好難得有舖頭會自制面條呢，份量都多，兩個人share就好啲，個汁就好肉好濃既冬陰功咁，面條有咬口，仲吸晒啲汁，大蝦爽脆，如果換個碟或者溫度保存好啲就更好，打完卡食完前菜個面就唔熱了，如果熱食應該更正

Boyfriend and I were in Tai Kok Tsui as I wanted to buy something nearby. Thinking what to have for dinner, it started  to rain so heavily, we couldn't go elsewhere! It was at this moment, we just decided to duck into the restaurant we were standing in front of that  and that was Homeland.The place was colorfully decorated. It seemed like a sweet cafe. Menu is in English and Chinese. They served staple Western fair.Browsing the menu, something odd caught my eye.  Popping Candy Rose Lychee Soda (

今次黎大角咀唔食sushi 試新既打咭cafe店內色彩繽紛既傢具，牆上既卡通漫畫、裝飾充滿玩味感覺每一盞掛燈都很吸睛黎呢度一定要試手工啤有light medium full 之分每一枝都詳細介紹我揀左黑啤既《彩蛋海鹽朱古力》重口味得黎咸中帶甜既口感加埋好似Easter 既兔仔label真係好cute 🐰💕 另一枝點左枝名為《閃耀》屬medium 見到酒樽既label 真係好感觸呢枝帶有伯爵茶既茶香，味道清幽回甘。香煎西班牙伊比利亞豬肩肉可點9成或全熟，我點左9成一口咬落好Juicy 嫩滑有彈性 脂肪含量不太多薯蓉充滿牛油香味又吸收左豬肩肉既肉汁 唔覺唔覺將薯蓉吃光光爆炸楓糖三文魚魚柳配薰衣草忌廉汁 好sharp 既伴碟未食已經比佢吸引左三文魚皮煎封得脆口，魚肉粉嫩香滑加埋上面綠色爆炸糖卜卜聲有創意得黎亦很配。

鋪位雖然隱蔽，但入夜後有射證照射，一望就望到！店長店員服務周到，安排入座，仲會寒喧兩句，知道我第一次光顧，推介幾款主食:-冬陰功海蝦闊條麵店長話呢款菜式係大角咀店期間限定! 唔單只擺設靚，餐廳自家製手工意粉，質感煙韌，軟硬度剛剛好。而冬陰公味道，聞落濃郁，食入口就剛剛好，仲有爽口彈牙gei蝦!正!香煎西班牙伊比利亞豬肩肉豬肩肉肥瘦均勻，全熟但食入口唔會韌! 薯蓉粒粒薯仔口感,好rich感覺。仲有新鮮配菜配搭，prefect!皇胎菊 – 清熱明目 見到”延年益老”，不能不叫!Iced latte光顧小店，除左品嚐食物之外，仲體會到人情味！ 加油!

之前喺大埔食過homeland 覺得好正，見到佢而家喺大角咀開咗分店，咁啱去奧運站所以就去食呢間☺️話晒都係黃店叫咗焗芝士四重奏肉醬意粉 ($78) 個碟好精美好靚，上枱香噴噴岀哂煙，芝士唔算多但係都做到拉絲效果，如果再多啲芝士就更加好🤪另外叫咗香煎西班牙伊比利亞豬肩肉 ($128) 豬肩肉煎得好香，但係就乾咗少少，整體味道都OK，加埋薯條炸得好脆好正。叫咗兩個小甜品朱古力脆片蛋糕 ($38)同蘋果雜莓奶油酥皮撻 ($48) 朱古力脆片蛋糕，朱古力味道好濃，個底脆脆地食落幾得意。另外酥皮撻就食落似Apple crumble 甜甜酸酸好好味😛

餐廳開返小吃貨終於可以再出動去食好嘢啦！今次同朋友嚟到大角咀附近呢一間新開嘅餐廳叫homeland ，之前已經聽講呢間餐廳係大埔出晒名好食，但大埔對於我來講太遠啦，所以知道大角咀開咗新分店就同朋友來試吓！😆餐廳嘅佈置好有藝術風格幾清新幾靚,而且有家嘅感覺幾溫馨，仲有好多影相打卡位🤩上網睇呢度出名手打意粉闊條麵，所以第一道菜就叫咗冬陰功闊條麵，喺呢度嘅限定菜式，我哋total叫咗四款菜式平時冬陰功湯粉就食得多啦，冬陰功闊條麵真係第一次食，而且闊條麵仲係手打嘅~香煎西班牙比利亞豬肩肉可以揀9成或全熟，店哥哥建議我地揀9成就滑D，賣相好靚仔一放上枱已經聞到好香~😆烤豬手自己都幾鐘意食豬手，但唔係每間餐廳都整得好食，睇落唔係好大帶切開咗之後份量都幾多最後就係甜品海鹽焦糖芝士餅餐廳整體感覺好好，食物有水準好味道！裝修雅緻， 價錢都覺得幾抵！而且店員服務好好~好友善~抵讚!👍🏻👍🏻👍🏻

被黃之鋒同周庭加持過 作為一個小黃人當然要嚟支持一下💛Lunch set有10款選擇 飯/意粉/burger/all day breakfast都有 我同朋友一人揀咗一款◽焗芝士四重奏肉醬意粉芝士好足夠 好正 望落好似好細兜 但係食完都好飽 不過食到底嘅時候 發現好多油🙈◾精選全日早餐一大份早餐好豐富 多士/炒蛋/煙肉/腸/煙三文魚/沙律菜 好充料 味道亦好okLunch set 價錢由$68-$128 包1杯飲品 算係好抵食 下次再嚟試下其他款

朋友大角咀新屋入夥，我哋兩個人自製自私慶祝，仲差啲要保持兩米距離，揀咗佢屋企附近嘅一間小店，勝在坐得舒服而且食物質素好。凍蜂蜜柚子茶 $20坐低一人叫杯嘢飲，今晚唔飲得啤酒因為夜晚仲要做功課，下次來可以試吓啲手工啤。八爪魚沙律 $58兩個女仔食沙律多菜又健康，好鍾意佢嘅黑醋酸甜開胃，八爪魚鮮甜彈牙，愈食就愈想食呀。冬陰功海蝦闊條麵 $118店長推介一定要試吓手工意大利麵，尤其是最新推出嘅 冬陰功海蝦闊條麵。擺盤漂亮有心思，花瓣裝飾有 fusion 的感覺。味道方面冬陰功味十分濃厚，有香茅加上冬陰功香料和海蝦，闊條麵較硬身彈牙，每條闊條面都掛上醬汁，手工意粉口味正宗，確實不一樣意大利特色。香煎澳洲黑毛安格斯西冷 $168朋友唔食生牛肉就 order 了 medium well ，煎至焦香， 切開有濃烈炭燒香味。牛味好濃郁，肉質超腍，入口多汁，生熟度煎得剛好鎖住肉汁，仲煎得香口添！可口配菜有薯蓉，薯蓉好滑好香牛油味。小食拼盤 $98Homeland snack platter 我必食推介！有我鍾意食的芝士薯條， 勁粗勁大條。酥炸雞翼 配柚子汁，雞翼皮脆肉滑，黑白

友人晌大角咀一頭工作，講到嗰邊嘅轉變，佢話非常之大且快，我都認同，因為年初都嚟過呢頭食飯，都眼見有好多新樓落成或建築中。講吓講吓就講到食，佢話有家新餐廳「Homeland」剛開業，水準唔錯，定價算相宜，是夜趁住家飯休息，屋企無飯開，就過嚟同朋友聚一聚食餐便飯。門面都幾特別，以霓虹燈做到好顏色化，一旁嘅拉閘專登唔開，就畫上本土彩繪，都喺打卡位。而走到入餐廳內，簡約嘅裝修，以淺色木系餐枱襯以五顏六色嘅餐椅、吊燈嘅葉片裝飾，都令到整體有種活力感。不得不提，啲餐碟都好特別，有唔同嘅圖案，或有意思嘅片語，有啲都幾治癒。晚市無套餐供應，都喺散點菜式，分類包括沙律、湯品、前菜、拼盤、薄餅、全日早餐、手工意粉及意飯、主菜及甜品，但是夜就未有供應薄餅，此外，需收加一服務費。另一張喺飲品餐牌，選擇亦常之多，如本地手工啤、紅白餐酒、汽酒、水果花茶、特飲、果汁、茶啡……等等。匈牙利牛面頰燉意大利飯 $98 一向都認為，如果一家餐廳嘅意大利飯做到好，其他嘢都差極有個譜，所以，專登點呢個意大利飯一試大廚手勢。初睇以為得一大嚿牛面頰肉，其實唔喺，飯內混有唔少丁方大細嘅面頰肉丁，啲肉質非常鬆化，甚具肉香，而飯粒夠濕潤

Nice home made foodNice home feel environment and decoration. 疫情期間很難得外出晚飯，之前食過大埔那間主店覺得很不錯所以就選了這間新開張的，本地小店支持一下。食物選擇多樣，今次我選了煙三文魚Cesar 🥗, 燒豬安，辣汁青口，Parma ham 清湯 🥣. 首先一定要推介一下 Parma ham 清湯。是一個茶壺配搭一個火爐和小柸子 上桌的， 很像熱飲不像湯，非常精緻。 火爐亦都可以保存湯的熱度。 清湯有濃郁的Parma ham 味道，既清又香， 有點像燉豬肉汁。 既有創意又好好味。 另外小豬安切開是粉嫩的， 口感爽脆， 不肥不膩！ Cesar salad 和 辣汁青口 也 ok, 而且份量頗多，我們兩個人 吃也飽到食buffet咁。

之前都聽過朋友向我推介呢間homeland西餐。不過大埔就真心有點遠，而家大角咀開新分店就試試先。裝修方面或餐具都有種置身家的感覺～小店主打手工意粉fushion菜！食物方面真心有驚喜～慢煮嫩雞胸杏甫羽衣甘藍沙律 $48雞胸好嫩滑juicy, 羽衣甘藍唔會太硬，配黑醋汁夠醒胃！冬陰功海蝦闊條麵 $118店員表示呢道菜式 （大角咀限定）講到限定，當然要試試～手工闊條麵粗身有厚度，掛汁程度好，口感煙韌。冬陰功風味保留到之餘仲好creamy !香煎西班牙伊比利亞豬肩肉 $148 豬肩肉肥膏部分爽彈，肉質唔乾柴，口感好好。有酸菜伴住食更解膩。另外叫兩款甜品唔貴又好味，真係要試試～擺盤非常童趣，特別推介蘋果雜莓奶油酥皮撻$48熱辣辣即點即焗，口感似蘋果金寶，但因有雜莓感覺好夾又唔會覺得過甜。海鹽焦糖芝士蛋糕$38海鹽焦糖方面唔係好突出，但係1件好味嘅芝士蛋糕！

去友人工作附近晚餐。這間店是新開張的，店員告知大埔有間分店，很多人去食。今次無意中可以試到這間店，不用去大埔 很有創意！店都頗大，座位都很寬敞、舒適。全店都很 colourful！連 Menu 都很 colourful！我們點了「煙三文魚凱撒沙律」、「牛油果煙三文魚闊條麵」及「香城安格斯牛漢堡」。煙三文魚凱撒沙律，材料都很豐富，蔬菜爽脆，美味！唔覺意又點了「煙三文魚」，牛油果煙三文魚闊條麵！可能想食牛油果，就不以為然點了。沒想到這個配搭都很夾，夠清新，夠健康 ^_<香城安格斯牛漢堡，果然餐牌冇介紹錯 牛肉肉質嫩滑，很 juicy 再配香口的薯條，惹味！新開張期間贈送餐飲，抵！

我早幾個月同仔仔去食過大埔的Homeland，今次去大角咀分店，好想睇下味道會唔會好大分別， 去到已發現菜單有一點點唔同， 所以決定叫新款食物。我地叫左以下4款美食 ：⚛ 蒜香辣椒炒大蜆意大利粉 ～ Homeland的意大利粉全都係人手 handmade, 咬落去等別唔同，口感幾正， 已經叫侍應幫忙小辣，因為7z仔仔爭住成碟食，一路食一路數有大約10隻大蜆 用蒜片和辣椒炒過幾惹味。⚛ 香城安格斯牛漢堡 ～ 完全都冇諗過咁大個burger，我食左半個已經覺得幾飽， 牛漢堡煎得幾香，咬落仲係好 juice，夾著沙律菜津洋0蔥番茄，真係要將個口頂到最大先咬到。⚛ 香蒜牛油蒜香焗田螺 ～ 仔仔話未食過，點都要叫喎， 不過我都太耐冇食過，呢個最最最加分位係放最低的薯蓉，佢負責吸收哂d精華。⚛ 咸蛋黃炸雞翼 ～ 最後係我地最鍾意的炸雞翼仲要配上完美的咸雞蛋爽。