Hashtag B

營業中

休息中

位於銅鑼灣嘅Hashtag B係我日常嘅早餐店每日都好多人排隊同打卡，因為好近公司所以我好幸福日日食到同大家推薦下邊款必食：拿破崙焦糖千層撻 $18人氣必食！焦糖香氣蛋漿嫩滑！千層撻外皮口感非常酥脆～每口都係幸福感，食哂會好飽好滿足～芋泥麻糬包  $18麻糬軟糯煙靭！加埋微甜綿密的芋泥～每口餡料都爆出來，麻糬迷必點！沙嗲牛肉撻 $30香港特色港產沙嗲牛肉撻，香甜菠蘿粒味濃帶花生香沙嗲醬，加上有口勁牛肉都幾有驚喜！伯爵茶菠蘿包 $15清清地嘅伯爵茶香，當日想清新D嘅選擇菠蘿包面層脆脆地，食得最多嘅包之一配咖啡一流

🇭🇰Hashtag B·呢間我一路都見好多人推介佢個千層撻 但係上次嚟到嘅時候我哋買唔到 所以今次就再黎試啦☺️·柚子千層撻$24 l 奶醬菠蘿包$18我最期待既千層撻個撻皮都脆嘅 不過就無我想像中咁酥🤔之後佢個餡就係好似芝士撻咁 帶有淡淡既柚子味🧀反而佢個奶醬菠蘿包幾有驚喜 佢中間真係超多奶漿 鹹甜度適中 幾特別🥜·紅莓核桃貝果$19 l 明太子牛奶包$18之後佢個bagel料都幾多 但係佢個牛奶包我自己就覺得包體偏硬 唔夠軟熟🤣🤣·#rbyeat#rbybakery#rby銅鑼灣·📍銅鑼灣利園山道73號寶榮大廈地下F號舖

Hashtag B最出名最好食一定係拿破崙焦糖千層撻，今次去仲有期間限定開心果口味💚💚💚開心果好似係近期大熱咁，周圍都係開心果味嘢食，我都好鐘意開心果味一食第一啖‼️超級正‼️開心果味好濃郁，又有開心果粒粒，千層撻超級酥脆，勁好食‼️下次要買夠半打啊🉐

銅鑼灣呢間蛋撻係千層酥皮有幾隻味，覺得佢幾好食已經食過幾次🤣今日經開見到就試開心果味同其他麵包🥯估唔到都有驚喜🥳✨開心果千層蛋撻開心果幾濃郁，蛋醬滑，千層蛋撻邊好鬆脆，食完一個想再食第二個。🍫朱古力扁牛角酥其實係將牛角酥壓扁，口感無咁鬆軟但會比較脆加埋朱古力醬好好味。🖤芝士香腸竹炭包呢個combination好難唔好食，芝士係麵包面烤到好香。🤎伯爵茶忌廉芝士bagelBagel好煙煙韌韌，好香伯爵茶味，忌廉芝士啱啱好可以調和伯爵茶嘅味道。

Hashtag B 嘅千層蛋撻一直好多人介紹，今次去開銅鑼灣順便去買嚟試下！店門口用咗墨綠色，而店內充滿現代感嘅裝修加上空間闊落，選購期間令人覺得乾淨舒適。🌟柚子千層撻 $25🥧期間限定一定要試下！🥧外皮酥脆，內餡綿密濕潤，外皮薄餡多🥧柚子清爽酸甜，中和咗蛋漿唔會咁膩🌟開心果酥 $28🥐呢排大熱開心果，見到已經好吸引🥐除咗上面有開心果醬，係一層層嘅酥皮入面再包住開心果醬❤️🥐開心果醬濃郁滑溜，配搭酥脆酥皮好食🤤🌟明太子法包 $26🥖明太子咸咸地，配法包都幾好味總結：除咗出名嘅千層蛋撻，仲有好多選擇：菠蘿油、bagel、法包等等，尤其酥餅類可以一試😋#HashtagB #銅鑼灣美食

➲ 銅鑼灣 Hashtag B➳開心果撻真材實料連蛋漿都係開心果製成，唔係坊間只有面頭有開心果漿。千層撻皮脆口鬆化香脆，層次分明，保持一貫的水準。銅鑼灣分店唔洗排隊，中午12:00 原味同開心果味都有齊，連新出的開心果羊角酥都有，咁就唔洗走幾次啦。⤵ 銅鑼灣利園山道73號寶榮大廈地下F號舖

拿破崙焦糖千層蛋撻：拿破崙千層皮非常鬆化，但又唔會覺得好油膩。蛋漿有啲似葡撻，蛋香味十足。底下有一層微苦微甜既焦糖，層次感十足。每間分店既味道都唔同，個人覺得CWB最好食。歐陸煙肉酥：丹麥酥好鬆化、牛油味好重，煙肉帶D口感同鹹香，非常不錯。明太子熱狗：脆皮腸啖啖肉、加上微甜既熱狗包，鹹鹹甜甜、另外仲有芝士同明太子醬係面，非常多層次。韓式芝士蒜蓉包：每次必買！蒜蓉超級濃、芝士拉絲，真係大蒜控、芝士控最愛！

利申：我真金白銀買嘅千層攤，不是試食😅一直都好想試下，成日都大排長龍🫶終於忍唔住去排佐🤭拿破崙焦糖千層撻🥯撻皮好靚，係花花形狀，食落非常酥脆，酥皮有好多層，襯熱食超有口感～千層撻面係焦糖，中間係蛋漿，估唔到底都有一層焦糖，食落又唔算太甜，似食緊葡撻～值得推介😜朱古力牛角扁酥🥐本身以為熱嘅，見店員在雪櫃拎出黎，原來凍都幾好食，似甜品咁💖個形狀仲好得意，係扁嘅🫣平時食嘅係酥架嘛，一啖朱古力，一啖牛角包嘅奶油味，口感好特別💖

終於試到人氣麵包店喇!之前成日都經過尖沙咀嗰間HashtagB，次次都勁多人排隊，就放棄咗冇買到今日喺銅鑼灣行街，發現原來開咗分店，即刻狗衝買返幾個包先開心果千層撻$30好開心今日咁晏去到都仲有開心果千層撻千層酥皮超重牛油香，開心果醬味道唔算好出，係淡淡嘅香味明太子熱狗$28明太子醬真系點整都好食，記得食之前用焗爐翻熱暖最圩个好食玄米茶鬆餅$19玄米茶好清香，淡淡的清香唔會搶左鬆餅本身的牛油香歐陸煙肉酥$26大堆煙肉酥，酥皮做得夠酥脆，鋪滿大量芝士碎翻熱食都無影響到味道

Hashtag B 一間由香港人主理既港式麵包店，推出彩色菠蘿包同埋創新27層拿破崙焦糖千層撻，一推出就引起排隊熱潮，之前有同事買過比我食，超中意食甜野既我覺得佢既焦糖味好重好好食，今次去買見到原來仲有柚子千層撻所以就試埋，感覺似係食緊柚子味cheese咁，柚子味好重好清新👏🏻👏🏻#hashtagb #b #hashtag #拿破崙焦糖千層撻 #柚子千層撻 #彩色菠蘿包 #扁牛角包 #新鮮製造 #食玩訓 #吃喝玩樂 #yummy #foodie #eatliveplay #hkig #reels #reelsinstagram #instafood

原來呢間蛋撻店在港島區和bakehouse各有各支持，但我吃過兩次balehouse後，都不覺得特別出色，覺得balehouse蛋撻一味得個酥皮，味道完全沒有特別，反而幾次試過這間，新奇得來還覺得這間的味道更加好。因為佢嘅質地唔似係酥皮蛋撻嗰種，而係面皮有一層一層，像酥皮得來比較似返曲奇蛋撻，但是中間上面的蛋汁帶點甜香，因此調味比較好。因為其實我從來都不怕，蛋撻偏甜，因為我覺得你食得蛋撻又嫌佢太甜，似乎有點古怪，因為你餅皮都已經要落牛油或者糖，然之後你又話個蛋汁太甜，其實有點兒自打嘴巴🤷🏾‍♀️反而這間的蛋撻，除了酥皮好香濃之外，中間好像還有少許焦糖的糖漿，除了加添少許甜味之外，亦都令到蛋撻的質感冇咁乾。

Hashtag B 係一間近期人氣高企嘅餅店， 每天都排曬長龍。好多人都和BakeHouse 相提並論，最多人比較佢哋嘅酥皮蛋撻，BakeHouse 酸種酥皮蛋撻出名，而Hashtag B 就以拿破崙千層酥皮蛋撻成名，BakeHouse酸種酥皮蛋撻，味道和口感都不錯， 甚是歡喜😀，encore 多次。 經過銅鑼灣罕有見到Hashtag B 不太多人排隊， 蛋撻新鮮出爐，碰碰運氣，買一個 試吓。蛋撻外貌先聲奪人，花花形狀，賣相不錯，好吸睛。千層酥皮，牛油香味濃郁，咬落去嗦嗦聲，加上飽滿嫩滑嘅蛋漿和配上底層焦糖嘅糖漿，層次好豐富，而甜度亦適中，不會感到油膩。真的，Hashtag B 拿破崙千層酥皮蛋撻水準和BakeHouse 品質不相伯仲，但價錢比BakeHouse偏貴。不過，值得一試。下次有機會再試吓其他產品，如柚子千層撻，明太子熱狗，蘋果金寶酥等等

之前試過呢間麵包店嘅尖沙咀店😜冇試過佢嘅招牌千層焦糖撻真係心心念念❤️今次終於有機會食到啦😍 果然係招牌值得佢咁長嘅人龍😋 一如以往其他嘅烘焙產品都係用了高質口味有心思🥹打卡同味道都一流📷⭐️ 拿破崙焦糖千層撻 🍮一咬落去個酥皮就知道千層既技巧🔥酥脆得來帶濃郁嘅焦糖甜味🍭 中間嘅餡料又滑得來又帶焦糖香啱晒好甜嘅人🍯⭐️ 伯爵忌廉芝士貝果 🥯Bagel鬆軟得來又有適當嘅煙靭口感🥳睇得出有心思💕伯爵茶同Cream Cheese既配搭好平衡☕️⭐️ 奶醬菠蘿包 🍍菠蘿包既脆皮有啲似日式蜜瓜包嘅口感🇯🇵 豐富嘅奶醬餡真係好邪惡👿好飽滿咁湧出嚟花生味濃郁又唔會漏🥜⭐️ 開心果酥 🌰酥皮好香脆而且唔會過甜👍🏻食得出濃郁嘅開心果味真材實料💚整體口味好Rich 比較其他餅店過分甜膩呢度真係不錯

店內環境清潔舒適,服務態度親切周到。最叫人驚艷的無疑是他們的招牌蛋撻。蛋撻外皮金黃酥脆,內餡濃滑滑溜溜,奶香撲鼻,入口即化。咬下去,蛋香濃郁,蛋黃流心,極之美味。

行經銅鑼灣，當然必到依間超級正嘅麵包店，買返個出曬名嘅焦糖千層撻😋❣️ 千層撻依舊勁大個份量十足😋 撻皮好鬆化好有層次感😋 牛油味勁香超級濃郁🤤 蛋心充滿焦糖嘅甘甜滋味，加上濃濃嘅蛋香，真係好出色😋 仲順手㨂多2 個新鮮出爐嘅包點😋 朱古力牛角酥好酥脆超鬆化😋 每一啖都帶有甜甜嘅朱古力香🤤 伯爵茶鬆餅茶味醇香，口感綿密有實感，飽足感滿滿😋🐧❣️佢哋係將軍澳開咗新分店😍❤️ 有機會一定要去打個卡買個撻😋