deFoodies

營業中

休息中

朱古力蛋糕🍰呢個蛋糕我會幫佢改個名叫做兩重朱古力蛋糕。唔知道妳地有無試過一款連鎖餅店有賣嘅朱古力蛋糕叫做五重朱古力蛋糕，個款結構有五層，有蛋糕有朱古力脆脆餅底等等，亦係我嘅長期最愛，自從食左一次之後已經榮升咗我係連鎖餅店最愛嘅蛋糕種類。但呢度就當然唔會有咁多層啦，分別係朱古力甘納許同埋朱古力海綿蛋糕。朱古力甘納許口感細緻滑順，經過繁複考驗細心程度嘅制作過程後口感更柔順；朱古力海綿蛋糕食落濕潤唔會乾。雖然係只得兩層但味道已經足夠香濃😍😍

（卡邦尼意粉）意粉份量好多一個女仔食用一盤絕對會覺得好飽，估計男仔應該都會好飽嘅，點解會話係估計呢，因為我同朋友都係女仔所以唔太清楚男仔飽唔飽🤣 煙肉同埋芝士都係帶濃濃鹹香味重嘅食材。生熟度剛剛好嘅温泉蛋踹破之後混合意大利粉會令整個菜式更加香滑順滑。煙肉芝士同卡邦尼醬汁加埋意大利粉真係最最最好嘅朋友，呢個配搭係永遠都唔會輸嘅最佳拍檔😍（柚子煙鴨胸沙律）呢款雖然係沙律但唔會過份清淡。食材新鮮加上柚子煙鴨胸酸酸甜甜又多汁完全係點睛之筆🌟

柚子煙鴨胸沙律 （$68）煙鴨胸唔會粗或者食到苦澀味道，反而係食到鴨胸肉質細膩好厚肉好多肉汁嘅完美口感。因為加入左柚子醬柚子蓉同埋少少柚子皮做調味同埋醬汁嘅關係會食到佢哋三重柚子味道🍊同鴨胸肉汁混合嘅效果，竟然有種好神奇嘅化學反應可以中和鴨胸嘅油膩，味道食到啲酸甜嘅味道就可以減少甚至蓋過少少煙鴨胸嘅油油膩膩，接受度更加高🦆另一主角嘅沙律菜都好新鮮味道好爽脆好清甜，整體配搭絕對係清新清爽唔油膩，就算係沙律都完全唔會覺得淡而無味好乏味嘅感覺😄

溫泉蛋巴馬火腿沙律 $72巴馬火腿係出產於意大利嘅火腿肉。食用方法一般係經過風乾，一般都係將火腿切成薄片直接生食。因為巴馬火腿味道比較鹹香比較重同埋突出所以好適合配搭一啲淡口味或者無咩調味嘅食材，有人會將巴馬火腿配搭意大利麵包🍞/哈密瓜🍈一齊食；呢度就做成一個沙律。溫泉蛋放咗喺鹹香味道重嘅巴馬火腿上面，整個配搭味道清新之餘非常的開胃。法式炸薯條 $38大大兜薯條只需要唔到四十蚊都真係幾划算👍 薯條內裡有蓬鬆嘅口感，同爽脆嘅炸皮有相得益彰嘅效果。

作為西餐廳嘅其中一道家常主食卡邦尼意粉，佢嘅價錢差距從來都幾大下，可以平時幾十蚊亦都可以貴到索價幾百蚊一碟嘅卡邦尼意粉，完全係豐儉由人。但係呢度屬於cafe類型就只需要八十三蚊，都算非常合理👍。好多人會講卡邦尼醬汁同白汁混淆🧠，但其實兩者從一開始嘅材料已經唔一樣：白汁離不開牛奶、牛油、忌廉、洋葱、橄欖油同白酒；卡邦尼就會用到雞蛋同橄欖油去煮醬汁，芝士同煙肉都係不可或缺嘅食物配料。呢度嘅意粉軟得黎又有一定嘅彈性。因為用左煙肉所以鹹香味重，而且醬汁都會食到濃濃嘅但香味。另外點嘅麥樂雞🐔小食就依舊係香脆軟身。

卡邦尼意粉意粉有不少種類，單單可以選用的意大利粉類已經有很多選擇，例如：扁意粉、天使麵、長通粉、螺絲粉、通心粉、貝殼粉、蝴蝶粉等等；做法亦好多變，例如：酱炒意粉、蒜蓉炒意粉、醬汁燴意粉等等。唔同嘅意大利粉類配上唔同嘅醬汁款式多變變化多多 想煮到一碟美味彈牙的意粉就一啲都唔簡單。DeFoodies卡邦尼意粉做到carbonara所需既濃稠，加上令到口感升級既Parmesan Cheese，同埋香口既煙肉，大滿足！——————————————————————————————溫泉蛋巴馬火腿沙律相對上面介紹嘅卡邦尼意粉呢款沙律就當然會比較清爽無負擔，但都唔會話好乾好單調嘅感覺👍 首先講份量最多嘅沙律菜：食得出好新鮮好爽脆清甜；巴馬火腿就食得出鹹鹹香香嘅味道，應該算係呢個沙律嘅味道嘅主要來源；溫泉蛋就係熟度啱啱好好可以濕潤到整盤沙律💚

🍫雙重朱古力蛋糕🍫上面嗰層係類似朱古力慕絲，質地非常順滑完全唔會有任何顆粒感或者未融化嘅可可粉之類，入口即刻融化。好得意係佢味道雖然係甜但又唔知點解完全唔會膩😍 下層係比較厚實密度比較低嘅朱古力海綿蛋糕，呢層味道就比較少甜有帶少少可可嘅甘苦味🍫完全就滿足到我呢啲唔算螞蟻星人唔太接受到好甜嘅野食但又偶爾想食甜品嘅人嘅心態🥰🍋檸檬撻🍋食完上面嗰款比較heavy嘅蛋糕當然要叫翻一款酸味重嘅中和下。檸檬味道酸酸甜甜好清新，感覺輕盈啲又係另一款嘅滋味！

嘿嘿有無人同我一樣好鍾意食炸物好鍾意食熱氣食物，總覺得炸物係要出街食先好味，喺屋企如果用鍋油炸自己又會比較孤寒落油會落得比較少，用氣炸鍋感覺又唔太一樣，可能都係因為唔夠邪惡🙈 所以往往會將食炸物食熱氣食物嘅quota留係出街去餐廳食！今次叫咗麥樂雞同埋法式炸薯條。兩款份量都好大好足料。麥樂雞有好似十件平時常見嘅大小然後薯條有一大盤。同樣都應該相信係即叫即炸，非常香脆唔會油膩膩。麥樂雞食到有啲肉汁嘅感覺，而後者炸薯條就食到少少薯仔本身嘅香味道🍟

又係lunch time周圍搵食時間今日上左工業大廈一樓之前都見過呢間,但一路都以為只有輕食但原來都有set lunch架可能因為疫情嘅關係,人流都唔算多而且環境都好舒適卡邦尼意粉 set lunch HK$78呢款卡邦尼都算正宗,唔係勁多Cream果種意粉軟硬適中,配上大大片芝士碎及煙肉餐牌上有説明係用日本雞蛋,口感不錯👍🏻Lunch set還包一杯飲品整體黎講CP值算高,不過略嫌款式選擇不多不過都值得回頭再食☺️

話說觀塘我唔係成日去，但每個月都會去1次個邊植睫毛，所以都會周圍睇下有咩地方方便一個人慢慢坐底💝無現發現左呢間cafe，睇相好似幾特別就上左去。果然一出lift到門口，個門面係勁新勁科技咁👍入到去cafe，主要見到個空間分左3part，左方唔知咩studio定房，好似可以做gym。中間係餐枱，另一邊係好大空間既場地。整個設計好靚，好科技感，呢個空空應該係夜晚/music live show既場地，睇到日頭現場既燈光已經唔錯，感覺夜晚既氣氛會好好。除左輕食沙律，主打Superbuns，我要左個黑松露蟹肉醬 酸紅洋蔥 日式芥末醬 $58，然後加+$18要左個沙冰 💝 當日我去既時間得1個員工整野，所以需要d時間比佢1個人整野食同野飲，所以等左一陣但可接受。個superbuns好好味，外脆，送上枱已經日聞到好香既黑松露，同埋佢都多蟹肉醬! 食落口外脆內 juicy。同埋唔好咁睇以為好細，食落都好飽肚👍本身我都驚個沙冰會甜，因為係菠蘿 桃 番石榴果汁沙冰，但飲落去剛剛好唔會過甜。而且無番石榴怪味，杯果汁沙冰幾好飲。

最近成日去觀塘做嘢，公司同事話最近附近嗰間party room原來有得食嘢今日難得見時間多啲就過嚟試吓，餐廳環境有啲昏暗，令人覺得好relax餐廳主打sell service, 客人需要先到前台購買食物，然後再自行取餐餐廳都係食三文治為主打，麵包烘得幾香脆，而且份量唔會太多。啱晒一個OL食另外同事點咗一個Parma ham 沙律🥗沙律菜都幾新鮮而且Parma ham份量都幾足,最鍾意就係有糖心蛋，蛋香味濃郁。我哋加咗杯沙冰，呢個夏天飲落真係透心涼

觀塘近牛頭角有間細細地嘅cafe專賣superbuns🥖。.🥖薄切燒牛肉．焦糖花洋蔥．牛香燒汁 $58Superbuns係以法包夾住各式餡料🥖🧀🥓。法包外脆內軟，表面有少量熱溶過嘅芝士。望落去餡好少，摵落去先發現有好多片超長嘅燒牛肉。牛肉偏瘦但唔嚡，牛香燒汁食落似淡味黑椒汁。反而焦糖洋蔥嘅天然甜味點綴咗成個superbun。.🦞龍蝦湯 （加$18）每次食包都會叫碗湯，法包索晒湯汁好惹味。呢度嘅龍蝦湯冇平時飲嘅咁甜，番茄味比較濃🍅。.deFoodies 觀塘勵業街46號天輝工業大廈1樓

deFoodies🖤 Nice Partyroom Cafe☕️💫..有冇諗過觀塘工廈，都有一間環境寬敞、休閒舒適、佔地很大，帶點型格又寧靜悠閒既Cafe。入面有野食賣、撞晒時間仲有表演、服務又好 好好貼心。觀塘都有一個好好hea 既空間，真唔錯呢。.今次趁有時間黎到觀塘，炎炎夏日 就來呢間Cafe 坐下休息下，吃個lunch / tea，質素唔差，店員又細心。.llSuper Bun (Slice Roasted Beef)llSuper Bun (Slow Cooked Pork Knuckle).冇諗過潛艇包，就算放久了，法包亦不硬。🥖🥖保持住軟軟既質感。🐮🐽 餡料味道亦很好，2種口味我都喜歡呢。.llGreen Salad (Roasted Beef)田園菜🥗 新鮮。🐥🐮🐽🦀🦐🥚，仲可以隨意配搭配料、topping。不錯呢。.ll100% Natural Fruit Smoothie真係好fresh，喝出天然原味道。🍹用上：藍莓、士多啤梨、蘋果汁，打成Smoothie，好沙冰 好健康既味道。..估唔到觀塘工廈都有一間咁正既Coffee Shop，靜靜地吃個meal 都真係好rel

今日黎牛頭角做野，黎左呢間樓上鋪食個tea,聽日開始就全日禁堂食，緊係要食返個最後午餐！呢間店係食三文治既，好有fusion既感覺🥰入到門口覺得裝修好靚😍黑松露蟹肉醬三文治🦀呢個係凍食，好多蟹肉、黑松露、同日式芥末醬，仲有黑椒味，超足料！😋慢煮德國鹹豬手三文治🐷呢個係熱食，好適合做lunch😋鹹豬手調味適中唔會太鹹，啲料一樣係塞滿成個包！🤤🤤🤤超正我地另外叫左杯沙冰同鮮果汁，沙冰係士多啤梨藍莓溝蘋果，呢個口味有少少酸，夠晒開胃，仲超冰震啱晒夏天飲～果汁叫左提子汁，甜甜地好味😋啲味道唔會好化學，係真果汁～

今日係觀塘海濱收工，行返出去搭車時俾我發現到一間幾有情調既Cafe<deFoodies >, 係咁急速既社會由其呢排咁緊張，突然好想停一停，入去坐底食個lunch 慢活一下，過埋個lunch time又要趕去另一場做野。可能因為疫情關係，有一半場封左，都唔多人。今次我叫左黑松露蟹肉醬，酸紅洋蔥配日式芥末醬，飲品就配左藍苺、士多啤梨、蘋果汁沙冰。個黑松露蟹肉醬superbuns，一上菜陣黑松露蟹肉味已經好香噴噴，食落去有酸紅洋蔥既酸酸地，加埋芥末醬成個感覺好清新，真係估唔到可以咁好味。而藍苺、士多啤梨、蘋果汁沙冰飲落，酸酸甜甜好開胃，真係岩晒咁熱既天氣飲，入邊仲見到士多啤梨同埋藍苺既果肉，呢杯沙冰，飲完真係透心涼架。