deFoodies

營業中

休息中

由於今日得我自己一個人而且唔算特別特別肚子餓所以就淨係叫得一款主食淨係可以同你地分享到一樣嘢，叫嘅就係🌶️香辣蒜炒蝦意粉。如果單單係用蒜蓉炒香意粉嘅話口感同埋味道當然就唔足夠而且豐富感欠奉，但呢度嘅炒意粉除左蒜蓉仲加上蒜頭、炸蒜片同埋辣椒一齊炒香上碟，令口感更加香口味道更加濃郁豐富。意粉炒得乾身唔會食到成口油嘅不適感👌反而係各種蒜混合紅辣椒嘅味道。蛋白質就有四隻比蝦仁大啲啲嘅蝦，雖然無誇張到虎蝦咁大隻但都食到鮮甜嘅味道🦐

講起紐約芝士蛋糕其實我個人對紐約係有一種特別嘅情懷🇺🇸，因為紐約係我小學六年班爸爸媽媽第一次帶我地全家去歐遊第一個到嘅歐洲國家。嗰時候去到覺得嗰度嘅人步伐竟然同香港人差唔多咁快，雖然生活速度好似差唔多但佢哋笑容好豐富感覺好friendly。講返個蛋糕先！味道重芝士味都不在話下，仲要芝士蛋糕質地厚實而且餅皮酥脆重牛油香味🧈。🇫🇷法式炸薯條平時幼薯條食得多，呢度嘅就係偏向粗身少少，食落更有口感而且更加食得出原材料薯仔嘅味道，有存在感得黎又炸得夠香脆🍟。

麥樂雞絕對係快餐店連鎖店嘅必備之選🤤 成日都聽講麥樂雞主要嘅食材係雞肉 但點解無論佢嘅味道 口感 同埋質感都同平時食開嘅雞肉唔一樣架呢？究竟麥樂雞係用咩做成同埋點樣做出嚟架呢？🤨先發現原來麥樂雞係用淺肉例如：雞胸肉、雞里脊肉為主要食材，之後再加入雞皮來調味磨碎攪拌之後成型再攞去油炸。呢度嘅麥樂雞食到明顯突出嘅雞肉味、白胡椒味道。而且就算油炸完都食到滿滿肉汁完全唔會乾或者硬🔥四重芝士鮮茄焗豬扒飯傳統得黎新奇新奇得黎又回歸傳統。茄醬味道新鮮因為加入左新鮮蕃茄同埋打成蓉嘅番茄醬，豬扒肉厚配搭四重芝士又係萬無一失嘅組合😋

四重芝士鮮茄焗豬扒飯絕對係平時見開嘅番茄焗豬扒飯嘅升級版🌟最大賣點當然係個四重芝士。四重芝士裡面食得出比較明顯嘅係車打芝士、巴馬臣芝士、莫薩里拉芝士。食到濃濃嘅芝士鹹香味。佢用嘅唔單止係平時嘅樽裝茄汁，而係加入左新鮮蕃茄同埋新鮮蕃茄打磨而成嘅番茄醬汁，感覺更加有鮮味💧亦都可以中和到四重芝士嘅膩感。法式炸薯條呢款小食絕對係我一見到就會嗌嘅必點之選。薯條炸得香香脆脆而且唔會油利利，仲食到輕輕薯仔嘅香味🥔同埋少少鹽調味，唔會蓋過最原始最純樸嘅薯仔味道。

食物種類都唔少架，由沙律小食炸物小食到到意大利粉焗飯再到到特色飲品同埋冷熱咖啡都會有得比你選擇，絕對唔使怕無選擇或者食唔飽😉等我都介紹返今次點咗嘅卡邦尼意粉先。卡邦尼意粉個意粉好彈牙好好咬唔會話太爛太軟。唔係用比較粗嘅闊條麵或者寬麵而係用幼幼嘅天使義大利麵。卡邦尼醬汁好creamy好濃厚順滑嘅口感 雞蛋牛奶嘅比例都恰到好處 每樣味道都食到。🥛仲有啲煙肉塊同埋芝士片。芝士片係硬脆嘅質地脆卜卜，味道濃厚順滑之外重好有鹹香味🧀配合意大利粉食更上一層樓。

我好鍾意呢啲咁多醬汁蓋著嘅焗飯。上面有滿滿嘅葡國醬汁，顏色泥黃色味道非常濃郁帶豐富椰汁香味🥥令人想一啖接一啖繼續食唔停口🥄 配料仲有啲薯仔粒粒 黑橄欖 香草碎同埋少量芝士🧀 仔細少少睇就會見到葡國醬汁其實係蓋著一大塊覆蓋咗成個兜嘅雞扒，雞扒焗到邊邊位置有啲黑黑地食到焦香味但絕對唔係燶🔥下面嘅白飯保持到粒粒分明咬落有口感唔會太濕太軟或者焗得太長時間搞到吸乾水分👌 總括而言一個好味嘅焗飯真係我嘅comfort food，有時候食到啲高卡路里但唔好味嘅野食真係會特別傷心，但呢度呢款雖然都係高卡但你會覺得好值得好享受😍

1⃣四重芝士鮮茄焗豬扒飯豬扒一向被稱為非常難駕馭的食材，雖然非常常見又經食到但係又唔容易煮得好。如果豬扒煮得唔夠時間就會唔夠熱力煮唔熟；如果煮得太長時間又會吸乾豬扒嘅肉汁令佢變得又乾又硬😭 呢度嘅豬扒熟度就恰到好處，剛剛好熟做到鎖住肉汁🐷芝士番茄比例剛剛好，四重芝士一不起就輕易拉絲🧀2⃣柚子煙鴨胸沙律沙律菜新鮮爽甜，醬汁有陣陣柚子味感覺好清新，酸酸甜甜好開胃。配埋嘅鴨胸切成厚厚一片非常有口感，有啲蜜汁調味都好濕潤，帶點煙燻嘅獨特香味

呢樣永遠係我最欣賞嘅“在細節中感動”😍我個人一路都覺得焗飯算係其中一樣看似平凡容易做但其實好不簡單嘅一味菜式。椰香葡汁焗雞扒飯永遠都係我食澳門菜葡國菜一定有嘅嘅一個菜式，超級適合我呢啲鍾意啖啖肉同埋多椰汁味道嘅人士😋炒飯偏乾身一點，更加可以索到椰汁香味，味道甜甜地帶濃濃椰香味超好味🥥 雞扒都偏厚身而且啖啖肉非常爽🐔配料有啲蔬菜同埋洋蔥令整體味道更鮮甜🧅是焗飯通常都會配一杯，今次就叫咗凍拿鐵咖啡。拿鐵苦苦地帶微甘苦好可以解到焗飯多汁重椰味嘅輕微膩感，呢個配搭我超級推薦！

最近無論係身邊嘅朋友屋企人或者自己都開始更加注重健康。除左要做多啲運動勤力啲之外當然飲食都要開始改善一下😤於是我同朋友就上網搵咗好多唔同嘅餐廳，最後搵到呢間決定就上左嚟呢間樓上店。我地點咗：溫泉蛋巴馬火腿沙律 同柚子煙鴨胸沙律。基本上兩款沙律嘅基地都一樣係新鮮爽脆嘅沙律菜，唔一樣在於佢哋嘅配料同埋配搭嘅醬汁。前者配搭嘅係溫泉蛋巴馬火腿，鹹香味道突出配合得宜；後者就用經過柚子醃製嘅鴨胸再帶點煙燻味道，酸酸地有助解到鴨胸嘅油膩感🦆

⭕香辣蒜炒蝦意粉其實之前細個啲嘅時候我係比較鍾意食醬汁燴意粉，譬如話配搭：白汁忌廉醬汁，番茄醬汁，羅勒醬汁配意粉，但係最近我就愛上咗炒意粉。無論係蒜片炒意粉，黑松露醬炒意粉，辣椒炒意粉等等我都好愛。呢款香辣蒜炒意粉亦都無令我失望😋意粉炒得好有鑊氣好夠乾身唔會油令令好油膩膩咁👌最鍾意佢加入大量蒜片蒜蓉粒粒同埋少少紅辣椒一起炒，味道香口惹味，雖然係經典配搭但係非常有新鮮感🌿⭕蘋果汁會飲到真實蘋果嘅酸甜味唔會落得太多糖或者化學劑蓋過水果嘅香甜味道🍎

柚子煙鴨胸沙律一種愛肉嘅肉食者其實除左雞扒牛扒豬扒🥩同埋魚扒🐟之外都仲可以試試鴨胸！同樣係一大片肉可以食到啖啖肉好有肉汁嘅效果。叫呢款沙律嘅時候雖然我係想食得健康啲所以關鍵字應該係沙律嘅沙律菜，但我又比個煙鴨胸深深吸引著😳 煙鴨胸程度剛剛好可以鎖住到鴨胸嘅濕潤度同熟度剛剛好，肉質仲係鮮嫩彈牙嘅，咬開會咘啾、香嫩多汁。本身見到柚子煙鴨胸以為只係單純用柚子汁醃製過，原來係加埋柚子皮同埋柚子漿，所以柚子嘅酸甜味更加突出，更加可以滲入到鴨胸裡面。配搭新奇得意得黎又好夾好好味😍真係埋藏係工廠大廈樓上嘅小寶藏🏴‍☠️

紐約芝士蛋糕身為芝士愛好者嘅我每次見到芝士蛋糕都可以話係零抵抗力直接點餐要佢🙈芝士蛋糕都有好多唔同種類唔同做法唔同配搭做出唔同嘅味道🧀雖然主角都好似係芝士但其實都可以好多變化好多技巧👨🏻‍🍳👩🏻‍🍳呢度sell嘅係紐約芝士蛋糕。質地綿密都偏厚身，芝士味香而不膩👌🏻冰咖啡咖啡都有好多唔同嘅種類，我就點咗一杯冰拿鐵。有個好靚嘅漸層效果，底部係雪白色冰牛奶，上面就淋上咖啡色濃縮咖啡，咖啡色混合雪白色唔單單有視覺效果仲要味道都好唔錯。咖啡味唔會太苦太濃好啱我口味🥛

⭕椰香葡汁焗雞扒飯個人認為焗飯最緊要就係個飯底，我每次出街叫焗飯都係先不一啖飯睇睇評價下。呢度嘅飯係用左蛋炒飯底，飯粒粒粒分明夠乾身的嚟又每粒都沾滿蛋液所以金黃色好香蛋味！葡汁帶濃濃嘅椰奶香味又無化學反而係好真實嘅椰香！雞扒淡淡肉又juicy！⭕香辣蒜炒蝦意粉呢個都無令我失望。炒意粉乾身得嚟每條都沾滿蒜蓉辣椒嘅味道，雖然食材簡單但味道一啲都唔單調，配搭幾隻蝦仁都好滿足！美味：🌕🌕🌕🌕🌕抵食：🌕🌕🌕🌕🌗服務：🌕🌕🌕🌕🌕

法式炸薯條🍟炸物最最最緊要係即叫即炸，呢度都絕對做到。即叫即炸嘅炸薯條首先係唔會油膩膩，就算食到最尾幾條都會見到個底墊著嘅紙都唔會話見到變咗色因為索咗好多油，更加唔會見到薯條浸著啲油。炸物用一個銀色鐵盤裝著再用一個淺木色嘅木盤裝著，乾淨衛生得黎又好有feel🪵 我自己就覺得無論係食物味道或者上菜方式擺盤嚟講我自己都好滿意👍熱朱古力鮮奶咖啡🥤絕對係我最愛嘅咖啡種類，因為飲到香香嘅咖啡味道之餘又唔會話太濃咖啡味令到我因為苦澀味道。呢杯就平衡咗朱古力鮮奶同埋咖啡嘅味道，甜甜地又帶咖啡味道

香辣蒜炒蝦意粉 $88比起番茄醬燴意粉、白汁忌廉汁燴意粉，我就更加鍾意食炒意粉🍝 呢款炒意粉炒得有鑊氣，口感清爽。調味加入咗紅辣椒同埋蒜片蒜粒味道香口惹味，蒜片亦都唔會有蒜頭太重口味令你擔心會有口臭嘅問題🧄椰香葡汁焗雞扒飯  $68葡汁焗飯都算係我每次去澳門餐廳都會食嘅菜式，呢度嘅焗飯同出門餐廳比較唔同係顏色金黃偏橙，葡汁質地香濃比較濃稠，同香辣嘅印度咖喱雞相比多咗一份椰香味同埋甜味💛 無諗到咁精緻嘅樓上cafe都竟然會有呢啲平時係茶餐廳甚至係東南亞餐廳先會食到嘅菜式，味道又有驚喜🇲🇴