deFoodies

營業中

休息中

最近都開始有研究少少關於咖啡個基本知識，嚟到咖啡店當然要嗌翻一杯試試佢嘅味道啦😍 因為都未係好習慣飲啲濃度好高嘅咖啡所以我就嗌咗杯熱朱古力鮮奶咖啡。根據資料朱古力鮮奶咖啡嘅基底係濃縮咖啡，即係我地經常聽到嘅expresso，會同朱古力🍫糖漿、鮮奶同埋奶泡以1：0.5：1.5：1 比例混合調成。同其他咖啡最大分別在於佢除左有咖啡嘅香味之餘重帶有可可微苦焦香嘅味道，會更加有層次，又可以溝淡少少咖啡可能存在嘅苦澀酸味，味道甜少少更容易入口同埋接受☕飲完呢杯都好想再試埋佢哋其他嘅咖啡款式😍😍

柚子煙鴨胸沙律唔講唔知道原來煎出一件好味嘅鴨胸原來好廢功夫好廢心思！一般人對於排餐嘅印象都係需要係大火將鍋加熱跟住放入肉扒香煎，令肉表面變得金黃酥香，逼到油脂香味出黎。不過鴨胸嘅理想烹調方法就截然不同，係唔可以用煎牛扒嘅方式烹調，反而要從用冷鍋冷油開始。沙律菜上面嘅煙鴨胸已經切成一小塊一小塊，食到滿滿嘅鴨油香味同埋酸酸甜甜嘅柚子🍊調味又可以中和鴨油嘅膩感。法式炸薯條係一大盤咁上菜，完全唔會敷衍你，每條薯條都好香脆唔會軟軟爛爛，都食到薯仔香味同埋少少鹽🧂釣味。

位置（10/10）：觀塘勵業街46號天輝工業大廈，地點方便，出地鐵只需要兩分鐘就可以到達餐廳環境（10/10）：燈光暗淡配合卡位沙發座位，感覺好有情調同埋坐得好舒適嘅咖啡廳格局，令人有超級放鬆嘅感覺✨食物（10/10）：四重芝士鮮茄焗豬扒飯雖然唔肯定呢款焗飯係咪即叫即焗，但味道的確好好味好唔錯！豬扒屬於半肥瘦，肉質厚切，食得出肉質軟稔唔係因為加入鬆肉粉而係本身肉質嘅先天優勢🥩 豬扒焗完有少許脆口燶邊嘅效果，非常香脆香軟。飯粒乾爽混合茄醬食得出鮮茄份量好多好足夠，加入茄膏味道酸甜酸甜。

麥樂雞外皮酥脆又有好香嘅炸味道 唔會聞到臭臭嘅油益味或者食物材料唔新鮮嘅味道👍調味方面食到比較特出都相當明顯帶點刺激性嘅胡椒粉味道，因為我自己平時煮野食都好鍾意落重重嘅胡椒粉所以對呢款食材味道好熟悉，食到聞到嘅時候就會特別敏感 雖然唔算好辣好刺激但都會有少少辛辣嘅感覺🌶️熱朱古力鮮奶咖啡，我諗就係平時常見嘅摩卡，因為主要結構都係朱古力加鮮奶加咖啡調製而成🥄所有嘢味道混合有朱古力鮮奶甜甜地又帶點濃縮咖啡嘅苦味都幾有層次！

從來都話“苦中一點甜“，就算日子幾難過幾唔開心食啲甜食就可以令自己心情變好，做嘢都更有動力更順利啦😋 我地叫咗,紐約芝士蛋糕同埋朱古力蛋糕。見到兩件蛋糕個樣貌都好似好唔錯架。紐約芝士蛋糕係好厚實個種質地，用叉插落去唔會回彈反而係會畫下紋路咁。感覺好似慕斯但又比慕斯更加硬身挺身。食到濃濃嘅芝士味同埋忌廉芝士香氣🧀，因為大小都比較細啲所以可以一個人食哂都唔會太飽飽濟濟👌朱古力蛋糕就係完全唔一樣嘅感覺。蛋糕質地鬆軟似係密度比較高嘅海綿蛋糕。朱古力味突出天然又唔會過甜🍫

1⃣麥樂雞連鎖快餐店嘅必點之選👅但去到外面嘅餐廳好似真係比較少見到呢款嘢食選擇 一場嚟到見到佢唔係唔試試佢啊嘛😙 呢度嘅麥樂雞比出面食到嘅更加金黃色炸皮更加香脆 最緊要係唔會油淋淋或者一堆粉咁👍 咬開唔會食到麵粉味或者化學味道反而係食到啲雞肉肉汁🐔2⃣四重芝士鮮茄焗豬扒飯叫完小食都係叫埋主食更滿足🍚飯量非常充足相信都要兩個女仔先可以完成 一個女仔或者小鳥胃應該都無咩可能一餐食得完🤣茄醬味道甜得黎帶酸非常開胃 就算係原塊豬扒都唔會覺得好膩

柚子煙鴨胸沙律 一路都知道鴨肉含有豐富的蛋白質、脂肪、碳水化合物、磷、鈣、鐵、菸鹼酸菸酸等等多種營養成分，仲好似話係增肌減脂方面完全唔會輸比雞肉。但係無奈鴨肉係出面餐廳比較少見，而且唔自己都無咩頭緒點養煮所以都超級少食🙈聽聞煙燻過程裡面酚類同埋醛類等等會依附喺食物表面產生抗氧化嘅作用，增加食物風味。鴨胸經過煙燻做到肉色粉紅，差唔多八九成熟唔會話全熟，保持到鮮嫩多汁口感。柚子本身多汁而且經過柚子醬調味味道酸酸甜甜又可以解到鴨胸嘅油膩感覺👌

今日返工返咗成個禮拜終於到禮拜五放工真係好攰😭所以就決定放縱自己約埋同事朋友一起去cafe叫咗兩個比較heavy都比較少食但係好滿足嘅蛋糕糕點🍰。檸檬批 Lemon Tart甜甜酸酸的檸檬餡料好可以刺激味蕾，好多時候外面的檸檬批味道都會太濃太酸令口腔或者喉嚨覺得好辛苦，但這裡的平衡做得剛剛好。另一重點當然是檸檬批的批皮，這裡的帶濃濃的牛油香味和香滑的牛油質感🧈絕對是批皮的靈魂所在。批皮咬落也很薄脆鬆化，搭配質感細膩滑順的檸檬餡，味道酸酸甜甜豐富之餘，口感有脆身有滑順。味覺享受一流🍋！

香辣蒜炒蝦意粉加入左蒜頭蒜蓉同埋蒜片兜炒所以每一條幼幼嘅意大利粉都係充滿蒜香味，面頭重要加咗啲油炸過嘅炸蒜片，增加口感卜卜脆嘅口感。蒜片經過油炸所以去掉左新鮮蒜頭嘅辛辣味，反而多左一陣好香好特別嘅氣味同埋少少蒜甜味🧄另一個主角相信都係表面嘅蝦仁，每粒都有一定嘅大小所以食落好有存在感又多多汁。味道同樣係充滿蒜香味同埋溫柔嘅辛辣味道🌶️法式炸薯條炸得通透每條薯條都係金黃色非常之香脆又有薯仔香味🥔 雖然唔算好粗身但長度有番咁上下都好有滿足感！

今日同個最近熱愛健身同埋注重健康飲食嘅朋友約會，見到呢間樓上餐廳有提供沙律菜 意粉同埋飯就上咗嚟試試。我地分別叫咗一份溫泉蛋巴馬火腿沙律 同埋一份香辣蒜炒蝦仁意粉。重點想講講個溫泉蛋巴馬火腿沙律🥗沙律菜新鮮好爽脆亦都無啲咩苦澀味或者草腥味 反而食到新鮮沙律菜嘅甜味👌薄切巴馬火腿相信都係以傳統意大利製法採用風乾醃製方法 食到肉質軟嫩 味道方面會係巴馬火腿肉香之中食到鹹味 再從中滲透出細緻的甘甜味🍗 上面配搭溫泉蛋令整體更濕潤🥚

最好就當然係配合埋低碳飲食啦！沙律總共有五款配料選擇，我就點咗其中一個沙律配料加一杯飲品🦆柚子煙鴨胸沙律一嚟到煙鴨胸嘅外貌形狀同埋顏色都令到我不禁諗起香港嘅蜜汁叉燒🤣 煙鴨胸顏色呈深紅色又好有光澤 因為厚切關係鴨胸肉超級厚好有豐富肉汁極度juicy 正到好似食緊一口和牛粒咁🤤 配搭沙律嘅醬汁我地揀咗混合蛋黃醬嘅沙律醬，亦同美乃滋應該係同類甚至一樣嘅🙈呢款蛋黃醬同常見丘比沙拉醬分別就係美乃滋嘅味道會更加香甜一點，又無丘比沙拉醬咁酸咁刺激，唔會搶過沙律菜同埋其他食材嘅鮮甜味道👌

唔知道你地嘅童年回憶係咩呢？我講講我嘅先！細細個我就經常參加游水比賽，多數都係爸爸帶嘅，所以佢都成日帶我到唔同地區嘅餐廳覓食，好多時候就會去茶餐廳或者港式餐廳，因為有人情味食物味道好味價錢相宜之外通常都可以坐得耐啲啲。👍雖然呢度係好似樓上cafe格局但有港式食物可以食～麥樂雞就係平時會食到非常經典嘅味道，但感覺炸得更通透而且相比之下無咁油膩四重芝士鮮茄焗豬扒飯係細個到茶餐廳食到嘅味道，茄醬份量多多唔會話啲飯食到一半就唔夠汁撈唔哂啲飯😆

卡邦尼意粉 💰8⃣3⃣首先意粉當然要先講講個義大利麵。麵質地方面都幾好幾彈牙好岩我口味！卡邦尼醬汁creamy超級順滑，鹹度同埋濃稠稠杰度都好岩岩好👌表面重點仲有一隻好靚好精緻嘅溫泉蛋，因為熟度岩岩好好動L所以篤破隻溫泉蛋之後就可以撈哂成個意粉，令佢質地更加滑醬汁都會更加濃杰🥚雖然結構看似簡單但其實已經超級好味。熱伯爵紅茶 跟餐➕💰0⃣聽聞伯爵紅茶係以前嘅年代屬於比較貴價甚至係只有富有人家先有機會品嚐嘅茶類，但現今社會已經超級常見👍 伯爵茶嘅香味會比一般紅茶更突出。

麥樂😄雞麥樂雞外皮香脆內裡雞肉鮮嫩多汁，無論係點旁邊附上酸酸辣辣甜甜嘅蜜糖芥末醬或者最傳統嘅番茄醬都完全唔會有違和感，反而係好夾好好味，令味道口感層次都更加嘅豐富🐔椰香🥥葡汁焗雞扒飯聽聞傳統嘅無論係葡汁焗雞扒飯葡汁焗豬扒飯都唔會加入芝士，但係呢度就屬於比較新穎嘅菜式比較fusion嘅餐廳所以佢哋嘅椰香葡汁焗雞扒飯係加入咗少量芝士喺表面。佢哋選用嘅我相信係水牛芝士，因為可以做到微微拉絲而且芝士鹹香味唔算好重但都絕對有一定嘅存在感🧀

🇲🇴椰香葡汁焗雞扒飯葡汁其實都有分開唔同門派唔同味道 有啲重椰香味 有啲重奶味 有啲重辣味 呢度就屬於第一種重椰香味🥥 食開葡國菜都知道佢哋嘅菜式比較注重醬汁 廚師會將好多種類嘅食材混合調成醬汁 呢度嘅葡汁重椰香味之餘食到濃濃嘅香料味道但唔會太過火太刺鼻👌雞扒廚師已經好貼心咁幫你切成一件件 用叉吉起就食得 唔需要再用刀叉切開先食到🍴雞扒煎到微微焦好像又多肉汁🐔🦐香辣蒜炒蝦意粉炒意粉最緊要係夠乾身呢度都做到 而且味道惹味香口價錢合理🥰