deFoodies

營業中

休息中

今日完左meeting 辛苦左成個星期決定獎勵下自己！約埋同事一齊lunch食好野❤️❤️!今次揀左呢間裝修好靚既deFoodies一上到去已經好鐘意成個感覺好chill 好stylish 超多打卡位🤣我地點左兩個superbuns set，個set 會配埋沙園沙律，另外可以加錢轉特色飲品！🤤🤤慢煮德國鹹豬手配芥辣蛋黃醬豬手好入味 慢煮既方式令到豬手肉身更軟諗 而焗香左既法包外脆內軟 配埋個蛋黃醬perfect much ! 👍🏻黃金蝦牛油果羅勒蝦嘅份量都幾多 蝦肉好爽陣陣牛油果🥑香提升左成個包嘅味道飲品方面我揀左呢到嘅純天然鮮榨果汁沙冰-藍莓、士多啤梨、蘋果味！酸酸甜甜好fresh 好開胃而同事揀左cappuccino 個雲石杯好靚❤️❤️ 唔錯唔錯最後食埋個甜品榛子朱古力蛋糕上面鋪左nut同少少橙皮食落口感好豐富 朱古力味好濃超滿足！

大女啱啱响鴻圖道學完琴，唔想食普通茶餐廳，所以搵吓上樓cafe，原來轉個彎就有間叫 deFoodies。一入到去個裝修好modern，好舒服地方又寬躺，有梳化有卡位，我估夜晚可以包場開party，有Live band.我同囡囡每人點左一個set:- 黃金蝦蒜蓉牛油果SuperBun + salad- 薄切燒牛柳焦糖花洋蔥 SuperBun + salad- 龍蝦湯- 凍 cappuccino 要高度讚揚個薄切牛柳，真係超淋，配個洋蔥焦糖汁好夾，仲有少少芝士溶左响上面，個包好軟熟而且焗到脆卜卜😋沙律🥗都好fresh，連我囡平時唔多食生菜都讚個沙律同個汁好味！而佢個黃金蝦superbun都好足料喎，囡囡差不多飲晒大大杯嘅龍蝦湯，我覺得好濃好creamy😋好得👍🏻一定要再encore👍🏻

牛頭角作為一個工業區係lunch time既時候經常充滿人流,有時想揾一個舒適比較寧靜既空間食lunch休息下都無咩選擇,咁啱上網search下附近lunch有咩選擇既時候見到呢間新開既cafe就上去試下！上到去出𨋢既一刻同本身帶點舊既工廈形成一個大對比,內裏經過細心既設計有種煥然一新既感覺,用上木系同粉系顏色做主色感覺柔和舒適.cafe主打輕食餐牌唔算多選擇,以法式三文治同沙律為主,貴精不貴多.薄切燒牛柳•焦糖花洋蔥•牛香燒汁法包面加上一重芝士烘熱後,芝士帶半溶狀態滲入燒牛柳中令味道更鹹香.燒牛柳入口唔乾加上焦糖炒香過既洋蔥香甜得黎唔會有辛口既感覺.黑松露蟹肉醬•酸紅洋蔥•日式芥茉醬入口先有點帶蟹柳既鮮味,鮮而不腥.加上黑松露點綴味道唔會過濃得黎又為蟹肉增加左份濃香感.酸紅洋蔥配上日式芥茉醬入口帶點攻鼻刺激感得黎又唔過強烈,菠蘿•桃•番石榴沙冰入口酸酸甜甜又夠冰凍,無咩胃口既夏天啱晒,清爽香甜既口感解渴解暑,菠蘿,桃同番石榴之間味道分明唔會濁.朱古力榛子酥餅面上加上唔同既果仁碎為幼滑既朱古力榛子幕絲加上脆口感,朱古力榛子味唔會太甜榛子味濃,好滿足.

最近見客會約係公司附近嘅餐廳，但有時想靜靜地傾下野都難難地，有次無意中搵到e 間餐廳，提供左好好嘅環境。餐廳環境有d 似coffee shop，又有沙發坐下，幾舒服。睇返餐牌，都有唔少種類嘅superbuns，有唔同嘅餡料。仲有沙律可以食❤️coffee shop 點少得飲品，有熱飲同沙冰等等。😌我地叫左2個superbuns加左個沙律同2杯飲品。店員好貼心，將superbuns切開2份，方便客人食🤓👍🏻慢煮德國咸豬手配芥末醬&蛋黃醬，麪包食落香香脆脆有牛油味。餡料方面係咸豬手，切碎，因為係慢煮嘅關係，食落好入味同好腍🥰配埋醬料好夾😆簿切燒牛柳配焦糖洋蔥🧅加牛柳燒汁，牛柳配埋洋蔥一齊食好有口感，牛柳唔會好老。63度溫泉蛋配巴拿馬火腿沙律，溫泉蛋拌埋沙律好香蛋味，食落濕濕地🥰但又保留到新鮮疏菜嘅味道。巴拿馬火腿食落好咸香味，唔會太干配埋疏菜，味道岩岩好。😌飲品方面，我地點左藍莓士多啤梨沙冰，飲落好重果汁味，冰冰凍凍，消暑岩岩好。番石榴汁飲落酸酸甜甜，有d 似熱情果汁。

deFoodies 位於牛頭角地鐵站附近工廈，但一步入一樓，就覺得別有洞天，有全新嘅裝修，而且有令人放鬆嘅感覺！餐廳主打多款buns，沙律，咖啡等！黑松露蟹肉醬·酸紅洋蔥·日式芥末醬 Superbuns $58法包外層非常香脆，內裡軟熟！法包中超級多蟹柳肉，加上淡淡嘅黑松露香味，同埋微辣嘅芥末醬，好味道！個人好鍾意，推介！薄切燒牛柳·焦糖花洋蔥·牛香燒汁 Superbuns $58燒牛柳再加上半熔芝士，好滋味！熱牛奶咖啡 加$15全部咖啡都係即磨，好有誠意，性價比高！而且咖啡唔酸唔苦，咖啡味香濃，牛奶嘅比例恰到好處，正！凍泡沫咖啡 加$15泡沫咖啡同樣高質，嘆完杯靚咖啡，心情都會好靚！

餐廳裝修好靚，仲有LIVE BAND 設備，相信會係到有活動。呢到選擇唔算多，不過豬牛雞海鮮就連素都有。今次食左三款包，每款個包都係帶少少脆身黑松露蟹肉呢款包有我最鍾意既兩款醬，日式芥末同黑松露。蟹肉絲就係凍食，成件事好夾亦好開胃。　9/10薄切燒牛柳牛柳份量OK多，肉質都嫩唔會怕韌，加埋燒汁洋蔥絲煮成醬汁，咸咸地咁。7/10黃金蝦呢款個醬有牛油果同羅勒幾特別，個蝦彈牙調味都好足夠，每隻蝦都食到胡椒香味。　8/10呢到有兩款沙冰每款沙冰都有3樣不同水果調和而成，味道帶天然果酸味，酸酸甜甜咁。

同好友殺入工廠區開倉血拼到肚仔餓, 俾佢拉左入工廈, 以為佢帶我去工廈食堂, 點知 Lift 門一開, 眼前一亮, 乾淨企理, 點點藍光, 又幾有情調喎！Cafe 名字 ~ Defoodies!店員遞上餐牌, 選擇不算很多, 勝在可自由組合, 貼心的設計, 俾個 Like 先！價錢偏向大眾化, 可能是位於工廠區吧！與好友各自點了心水食物後, 好友立即四處 Selfie, Tea Time 勝在人少, 自由度大！原来 Defoodies 可以包場搞 Event, 生日派對, 好友聚會都得喎！食物来到, 環保 Package 卻不美感, 外表簡約, 沒有西餐廳的拘謹！麵包, 很多店都有, defoodies 沒有太多選擇, 但勝在新鮮！沒想到 黑松露蟹肉 + 洋蔥 同 日式芥未 又幾夾喎！牛肉 洋蔥 配 燒汁, 無得輸, 肯定合得来！兩份 SuperBuns 均配以沙律菜, 份量约為 mini 沙律, 呢個份量一般女仕,肯定滿足！男仕们, 可以加配自選沙律, Basic $29 可另加配料, 食肉獸的我, 加了 Parma Ham & Roast Beef, 大滿足！好友點了 Latte,

今日係觀塘行完開倉，就同朋友係附近搵間cafe 食野tea一tea 先☕️這間新開樓上Cafe deFoodies 環境很大，可以俾人租場搞party 🎊仲有夾bank 樂器，可以唱歌，開迷你演唱會都得喎🎤食物點左2款superbuns🥖黑松露蟹肉醬和薄切燒牛柳，每款都配有沙律。黑松露蟹肉醬🦀配酸紅洋蔥superbuns食落有淡淡芥末醬味，突出到蟹肉鮮甜幾特別。薄切燒牛柳配焦糖花洋蔥🧅superbuns 味道甜甜地，燒牛柳吾會韌都幾好。另外仲有自選沙律🥗可以自由選擇配料，我揀左燒牛肉和巴拿馬火腿。沙律菜很新鮮，燒牛肉香口，如果想健康啲可以試下。自家製龍蝦湯🦞味道適中夠香濃很好飲👍🏻當然吾少得我最愛的咖啡☕️有個心形花朵圖案好靚啊！整體食物同環境都很好，下次可以再來😊

今日去觀塘開會，機緣巧合之下發現呢間deFoodies，午餐有幾款SUPERBUNS 可以選擇。我地就揀咗黑松露蟹肉同薄切燒牛柳兩款，兩款味道都唔錯，對女仔黎講份量岩岩好。我最鍾意就係黑松露蟹肉醬配酸紅洋蔥同日式芥末醬。醬汁同配汁份量十足，酸酸甜甜非常開胃，食完又唔會有膩感。而且麵包口感外脆內軟，幾好味🥯而另一款薄切燒牛柳就較濃味，配以焦糖花洋蔥同牛香燒汁，每一口都食到啖啖牛肉，肉汁都幾豐富。自家製龍蝦湯比想像中出色，同出面其他餐廳賣到$7-8X/碗既味道差唔多。湯口感濃稠，熱辣辣，好暖胃。最後點左兩杯藍莓士多啤梨蘋果汁沙冰，口味較甜，如果唔好咁甜就更加好啦～整體黎講，我幾鍾意SUPERBUNS同龍蝦湯☺️

公司搬咗去牛頭角一排，成日週圍去試新嘢，近排終於比我揾到間靜靜地又高質嘅Cafe😊deFoodies 位置一啲都唔起眼，係勵業街其中一幢工業大廈裡面 ，大廈門外又無易拉架所以都唔係咁容易揾到佢。經過工業大廈長廊之後行上樓梯就到Cafe, 上到嚟完全係另一個世界，好清靜好乾淨，勁有驚喜😍本來想叫沙律，龍蝦湯同咖啡，但可惜湯無哂啦，只可等下次😫Cafe係self service 嘅，買完餐可以坐下先，沙律係即叫即做，所以等咗一陣。先講下賣相先（我係外貌協會會員🤣), 個樣一啲都唔差，咖啡杯仲係雲石紋，隔熱墊有燙金字添👍🏻🏅温泉蛋巴馬火腿沙律温泉蛋熟度啱啱好，火腿又唔太咸，仲加埋黑橄欖，好吃😋🏅Latte香濃Latte, 開咗蓋有拉花嫁，加分🤩今日坐到唔知時間，整體非常滿意🏅🏅會唔會再幫襯? 答案係《會》

牛頭角大數係工商廈 美食分佈比較遠咁都俾我發現都一間好近地鐵站嘅美食-Defoodies係工廈的1樓 同層有個Shared Office dehub+呢到環境好舒服 有幾枱客人傾緊偈都唔覺得好嘈-SUPERBUNS 薄切燒牛柳．焦糖花洋蔥．牛香燒汁 $58牛柳唔會燒到好乾 夾雜住焦糖花洋蔥 甜甜地好開胃。-SUPERBUNS 黃金蝦．卡真蒜蓉牛油．牛油果及羅勒 $58黃金蝦的份量好多 咬每一口都有蝦 麵包烘得香脆。 -自家製龍蝦湯 +$18龍蝦湯好香濃 熱辣辣上枱 好味道-田園沙律（蝦） $42輕怡之選 上面有少少蛋黃醬 唔會太清淡-花茶 $42我叫咗一千零一夜入面有煎茶，玫瑰，向日葵，茉莉花煎茶味道較突出-甜品紅桑子士多啤梨提拉米蘇 $38雖然都夠飽肚 但見到甜品依然情不自禁好特別的Tiramisu 係紅桑子同士多啤梨作主調 所以係酸甜的 而且芝士味濃

Boyfriend and I met up with a friend for tea time who worked in the Kwun Tong area as we were planning some things for the Chinese New Year. She decided to meet up at a place called deFoodies where we could chat while grabbing a  bite.deFoodies is actually part of a place that is also available for renting as an event space and as a coworking space called deHub. deFoodies is cafe part of this place.The cafe section has a cake display of the daily cakes and pastries. They also serve sandwiches an

Defoodies今日去開牛頭角做野，找到了一家新開的CAFE決定去食下個LUNCH。佔地面積大，餐廳開揚，環境很舒適，氣氛自在輕鬆Cafe後面是表演場地，晚上可以歡賞唱歌表演。地方都幾大如果想搞party、其他活動仲可以租場，有得食之餘仲可以同成班FD玩成個場地都好大好舒服薄切燒牛柳法包燒牛柳肉質很嫰滑，洋蔥和燒汁很夾。熟紮實彈牙，配沙律作伴，健康又唔油龍蝦湯加$18配杯裝盛載，濃度高而且好足料，散發著濃濃的龍蝦的香味，香氣四溢，味道可口。最岩天氣凍嘅時候飲泡沫咖啡濃郁香醇，好飲，心情即刻放鬆左不少

觀塘牛頭角返開工嘅朋友可能都對附近嘅嘢食慣咗，但唔緊要最近朋友話附近有間新開餐廳，除咗環境坐得舒服外，佢地嘅輕食都幾唔錯。法式炸鴨腿伴薯角 $39下午茶嚟講價錢可能少少貴,但份量+味道絕對令你覺得值得.起初睇漏個字以為係鴨髀😂鴨髀肉質雖然無咁滑嫩，但係因為外加咗醬料，所以覺得食落又幾好味.薯角都幾脆，當然趁熱食更加好味啦.Superbuns Lunch set $58另外,佢哋lunch set都幾健康好味.今次揀咗咸豬手食.平日其實對豬手興趣不大,但今次不得不讚食落原來咸咸地又幾ok.加埋沙律🥗有營生活啦.餐廳環境咁大原來平日仲可以包場唱k!見佢地原來都搞過幾次live.下次可以約埋其他朋友一齊嚟唱K,分分鐘仲抵過k lunch🤣🤣

*真心想幫有心做嘅小店！香港人加油💪由聖誕開始忙到今日，終於有時間同靚女媽咪坐低食返餐。 由於觀塘係工商業區， 星期六通常一點後呢一區已經好清靜， 今日亦不例外, 無意中發現觀塘原來有一間裝修好靚嘅cafe， 可以俾我哋兩個慢慢嘆！我哋點左兩份 Tea Set ：法式燒鴨髀伴薯角 $39加自家製龍蝦湯 $18 （原價 $28）廚師將鴨髀燒得剛剛好，皮薄，肉質嫩滑細膩，比燒春雞還要嫩滑, 加埋新鮮炸起嘅薯角一起食簡直係個Happy Tea......嘅開始♥️龍蝦湯十分濃烈嘅龍蝦味，少少先甜，唔太鹹， 而且大大杯而且有啲質感幾飽肚。法式蛋糕 $38（加咖啡$15（原價Caffe Latte $30））可能比較晏去， 所以蛋糕得返兩款, 蛋糕好吸引，焦糖味出之餘，個面仲有開心果碎，增加了口感，餅底結實之餘仲有牛油香味，配埋奶香而幼滑嘅Latte ，簡直一流。薄切燒牛柳 Superbuns（配焦糖洋蔥，牛香燒汁）with free side salad $58食食吓，店主行左嚟傾左兩句，原來佢係勁支持香港樂壇嫁👍👍👍不是有live music,連衛蘭，J.Arie 同我最愛嘅樂隊@kolor_