Deep Sea Oyster & Steak

營業中

休息中

慶祝朋友生日，嚴選左一間有氣氛又舒服既餐廳預先book 左位加上六點鐘就到，所以唔太多人。我地坐低一傾就傾左成兩個幾鐘😂😂食物質素都好好！睇下我地食左咩啦！角切魚生沙律好多魚生！正！有三文魚同油甘魚等！好新鮮，無腥味，加上沙律醋酸酸地，好開胃！大大碟，两個人食都幾full冰鎮醬燒魷魚上枱時啲魷魚係熱辣辣既，好柔軟彈牙心諗，點解熱食又要冰鎮甘奇怪？食食下就知啦！當魷魚冰鎮凍左後又一口感，會變得爽口，似涼伴！一送兩食好過癮！青醬雞肉意粉青醬味道特別，同雞肉同意粉好來，好鐘意食！加上雞肉嫩滑，滲透晒青醬既味道，好食！加拿大斧頭豬扒配菜好多，滲透左豬扒既肉汁同油脂，好香，好正！豬扒煎到外脆、焦香，肉質就好嫩，好juicy !夾埋蒜片食好夾好香脆！Cappuccino 好香濃！好滿足既一餐！好適合情侶同朋友黎，野食質素高，坐得舒服又有氣氛！

約朋友黎到尖沙咀搵食，佢提議食呢間就一齊黎試下啦！餐廳唔算好大，但坐置坐得舒服，又唔會趕你走，可以同朋友慢慢傾，慢慢食！仲好適合拍拖黎撐枱腳！可以散叫，又有幾個套餐可選擇，最後我地每人選左個$500蚊到餐，有沙律、湯、前菜、生蠔、主菜同飲品，食到超飽！沙律新鮮，湯夠濃，好多料生蠔有兩款，套餐每人包兩只！左邊係韓國生蠔，右邊係西班牙好肥美，食落好juicy , 無腥味，好甜美，好好食！相對而言，韓國蠔較鮮甜，而西班牙蠔海水味重啲，但都好好食！牛油煎大蝦煎到好香口，好大只，一人有兩只，蝦肉好爽甜！主菜叫左牛小排煎到剛剛好，肉質好嫩滑！唔會太瘦，有少少筋，又唔會太肥膩，有牛味，正！加拿大斧頭豬扒豬扒最驚肉韌、鞋，但呢個肉質稔，煎到外焦脆，肉夠juicy !!推薦！叫左兩杯飲品Americano 同石榴特飲，兩杯都好香，飲杯野作結尾，正！總括而言，無論食物、坐位同服務都好好，好滿足，會再黎既餐廳！

Deep Sea Oyster& Steak📍位於尖沙咀山林道嘅一間多國菜餐廳，有扒類，意粉，生蠔，刺身，亦都有日式串燒小食。想同朋友靜靜地傾下計食少少野，好啱嚟呢間食，燈光柔和，有蠟燭燈飾點綴，環境舒服雅緻💛🔶雞泡魚乾好鍾意食呢個雞泡魚乾，好似零食咁，越𡁻越香，食唔停口。雞泡魚乾唔會燒到好乾，外脆內軟，甜甜咸咸，勁正！🔶海膽三文魚他他配多士外型好精美，大大塊海膽鋪在上面，仲有金箔✨香脆脆嘅多士配上鮮甜嘅海膽、混合沙律醬嘅三文魚粒，口感豐富，味道有多重層次！🔶燒沙巴大虎蝦虎蝦比想像中大隻，鮮甜多肉，口感厚實，肉質紮實飽滿，厚實得黎又有彈性，蝦味濃郁，簡單嘅調味已經好好食😋🔶燒鰻魚鰻魚好厚身，肉質柔軟滑嫩，烤到表面金黃焦脆、內裡軟嫩多汁，醬汁嘅香甜滋味也恰到好處，既唔會過於濃郁而掩蓋左鰻魚本身嘅鮮味👍🏻🔶燒牛舌心串厚切牛舌好有牛味，係牛舌中最軟嫩嘅部分，入口爽脆多汁，有嚼勁而唔韌 🔶日本黑豚五花腩串五花腩燒到表面香口，好有嚼頭，咬落去肉汁香甜充滿油香

喺寧靜嘅山林道，有一間有情調嘅日式西餐廳，餐廳裝修有一份寧靜古典美，非常適合情侶拍拖去。睇得出餐廳嘅裝修放咗唔少心思，如果你細心嘅話喺餐廳唔同角落會搵到貓貓，仲有一啲細緻位都照顧周到，令人會心微笑。餐廳主打唔同嘅日式食物，有刺身，串燒，生蠔，日式意粉等等。喺炎熱嘅夏天，一入到去店員細心俾咗兩杯冰水解渴。炎炎夏日點咗個角切魚生沙律，沙律嘅份量多，魚生更多，配上開胃嘅酸汁，係一個好開胃嘅前菜。另外小食就點咗冰鎮將燒魷魚，喺上菜嘅時候即刻食咗一條啱啱燒好嘅魷魚，魷魚由於非常軟熟，醬汁適中。等咗一陣間魷魚受到下面嘅冰冷凍，質地變得煙韌，醬汁更為濃郁。可以話係一個菜式，兩種食法。另外點咗日式德島串燒雞腎，雞腎非常大粒，配合埋檸檬汁，雞腎嘅味道更為突出同埋濃郁。主食方面，點咗一個蟹膏意粉。令人二想不到嘅係意粉嘅煙靭程度10分適中，而且醬汁掛滿意粉，食起上嚟令人回味無窮。完美嘅一餐當然要個甜品作結，甜品就點柚子雪芭，雪芭質地軟滑，食落去仲有粒粒柚子，有一份透入心嘅清甜。

Happy Friday 當然要約閨蜜一齊飯聚，傾心事兼食好西今日出黎尖沙咀山林道38銀座搭𨋢上13樓就到。裝潢以黑色＆金色做主調，俾人一種浪漫有情調既感覺，服務員有禮地遞上水杯餐廳主打西餐，由前菜主食到甜品飲品都一應俱全，招牌名有oyster and steak ,一定要試下佢既蠔同牛留意望埋門口位有塊黑板menu , 內容有哂廚師推薦菜式法國生蠔我同姊妹比較鍾情法國蠔既重金屬海水味，所以叫左兩款經典蠔，分別係：-Synanyme -Gillardeau 蠔肉非常鮮嫩肥美，最後飲埋海水，簡直係鮮味天花板海膽三文魚他他配多士唔好睇呢味外表精緻，原來仲好有內涵黎自北海道既海膽真係好creamy 同鮮味，配上同樣鮮味既三文魚他他，呢對鮮嫰孖寶夾住脆口多士，啖啖都係味蕾上既享受安格斯薄燒牛肉係必點之一，呢個安格斯牛肉味都幾出，個人覺得就咁食都已好夠味，鍾意惹味d既朋友可以點埋佢既燒汁西京燒比目魚小妹我極鍾情香濃魚脂，入口滑溜既比目魚，廚師今次燒到燶左d，如果燒到岩岩好金黃色就perfect 啦松露什菌湯未放入口已經超香松露香，入口係blend 到極仔細既什菌，加入少量奶油，滑得黎感覺到少少渣

今日同朋友去食尖沙咀既西餐，呢到氣氛幾唔錯! 食物選擇都幾多，睇個名以為係得西餐，原來仲有日式既串燒! 一次過滿足左想食唔同菜色既人。安格斯薄燒 以鐵板燒形式處理，牛肉好香，仲有陣陣既蒜片味，仲有得配埋醬汁，酸酸地幾開胃。不過個人覺得單食已經好夠味。松露蟹膏意粉松露味突出，蟹膏份量都好多，醬汁整體好creamy , d 意粉都掛曬汁，好夠味。食食下發現D意粉都幾多下，食到好飽。串燒叫左燒翠玉瓜同埋脆炸芝麻雞翼，燒翠玉瓜好juicy，一咬就爆汁，好好食。芝麻雞翼都好香脆可口。最後仲叫左個甜品，newyork cheesecake , 店員仲好有心擺碟，十分岩打卡用。感覺呢到出品用心，環境舒服，下次有咩慶祝活動都會同朋友黎呢到。

今晚放工約左朋友係尖沙咀shopping, 佢話我知山林道呢條街好多好野食, 樓上餐廳更有好多隱世餐廳, 就帶我黎呢間有情調的多國菜西餐廳晚飯. 呢到環境清淨雅致, 坐位舒適, 燈光柔和, 可以遠眺室外街景, 令人可以好relax慢慢享受晚飯~睇下餐牌食咩先, 都好多選擇, 有西式扒類意粉、日式壽司刺身、海鮮串燒, 仲有提供不同人數精選套餐, 想享受me time, 都有一人生蠔套餐, 正。頭盤我自己安排左先黎個串燒先, *脆炸芝麻雞翼(2隻) - $48, 由於雞翼外皮有芝麻一齊燒, 特別香口, 仲卜卜脆, 內裡juicy, 口感豐富*燒牛舌心串- $58, 燒到中間粉嫩, 外脆內嫩*忌廉白酒藍青口 - $168忌廉汁份量十足, 酒味香濃撲鼻, 藍青口配白酒忌廉汁味道又香又滑*松露蟹膏意粉 - $158松露香氣四溢, 食到好濃郁creamy蟹膏, 意粉軟硬適中掛汁熱騰騰的, 兩者添合一齊吃, 味道相當唔錯~

呢間平時聽就聽得多，今次真係第一次同朋友去食， 如果唔想等位，最好就事先book定枱！一入到去餐廳，店員好熱情安排我坐好位，俾咗啲Menu同推介我！見到個價錢都會有少少貴，所以諗住同朋友叫個一人餐睇吓夠唔夠食，唔夠食就再加嘢食！一人餐價錢$438:套餐包括是日精選湯，沙律，生蠔兩隻，牛油煎大蝦兩隻，美國安格斯肉眼七成熟！首先講講個湯，好濃嘅蘑菇味，出面未試過有蘑菇湯係咁濃味！好特別！另外個生蠔食得出係好新鮮，上枱時有講到特別食法，兩款唔同嘅生蠔分別要用唔同嘅汁去配合！相當特別，唔講真係唔知道！跟住就講吓牛油煎大蝦兩隻，我覺得成晚最好食就係呢兩隻煎大蝦，首先係用新鮮嘅海蝦，用牛油煎可以突出蝦嘅鮮甜味！一流！！跟住就係安格斯肉眼，我同朋友都比較鍾意食七成熟，但安格斯肉眼就相對冇大蝦咁好食，但質素其實係幾好，只不過可能想枱唔止七成熟，相對會比較有少少韌！肉眼配咗啲薯角，薯角喺新鮮即炸，食落去好熱辣辣最後叫咗個焦糖布丁蛋糕$38！呢個焦糖布丁蛋糕做甜品，簡直一流！

山林道有唔少餐廳，今次去左樓上嘅依間試下。環境靜靜地幾適合傾下計。除左menu外亦有黑板上嘅todays special揀。愛爾蘭蠔西非野生蠔口痕想試下生蠔就order左兩款試下。兩隻生蠔望落都相當肥美飽滿，入口先鹹後甜好滑嫩，又唔會過鹹，散發住鮮味，齒頰留香。食物安全都好重要，食得出生蠔係好新鮮，蠔食落都夠凍。松露蟹膏意粉意粉味道好濃郁好creamy，充滿松露香同蟹膏嘅鮮甜，每一條意粉每一啖都好夠味，而且夠哂熱。日式鐵板鰻魚炒飯鰻魚切成細細塊，幾乎每一啖都食到肥美嘅鰻魚，份量一啲都唔少。炒飯都炒得好香，唔會太乾。

今日慶祝老公生日，我預約左呢一間位於尖沙咀山林道樓上西餐廳，環境浪漫舒適幽靜，座位闊落，每張枱上面都放左浪漫蠟燭，非常有情調，好適合情侶約會或者朋友聚餐餐廳有生蠔/刺身/活海鮮/燒物/扒類/套餐選擇，我地叫左三款食物美國安格斯肉眼 $298肉質細嫩多汁，滿溢濃郁既牛肉香氣，每一啖都能品嚐到獨特既風味，叫左五成熟，熟度掌握得剛剛好，蒜片帶甜味烤得好香口，薯角炸到脆卜卜，好有口感松露蟹膏意粉$148松露味好香濃，蟹膏好多鮮味好重，意粉好彈牙，個醬汁真係超好食，啖啖都好滿足牛油炒螺片 $88好有咬口，煙韌入味，配搭沙律菜，好有驚喜雖然今次無食生蠔，但見隔離檯都有叫，好肥美，下次要同班friend再黎飲下酒食生蠔

之前去尖沙咀嘅Deep Sea Oyster & Steak食dinner，記得係成餐飯都係好開心嘅體驗，忍唔住想記錄低。餐廳裝修得好靚，食物種類都好多，我地咩都試咗啲。首先係生蠔，聽完店員介紹之後，我order咗日本蠔、愛爾蘭蠔同埋兩款法國蠔。全部都好味嘅，但我私心最鍾意愛爾蘭蠔，佢食落肉質爽口，蠔味鮮甜，海水味甘甘地，十分細膩，回甘好勁，女士應該會鍾意。主食就有澳洲草飼羊架同香辣蝦意粉。草飼羊架肥嫩，內裡係完美嘅粉紅色，餐廳嘅香料同羊架配搭得好好。香辣蝦意粉惹味，蝦肉彈牙。仲有鵝肝多士都好正， 鵝肝極度肥美，選用嘅義大利陳醋食得出係好好quality嘅，所以淋係鵝肝度恰到好處，十分解膩。日本黑豚五花腩串都出色，豚肉焦香。最後甜品係焦糖布丁蛋糕，蛋香味好出，超滿足。

山林道真係一個隱藏嘅美食天堂，今次俾我搵到一間上樓嘅西式同日式fusion餐廳😍入去到環境好舒服乾淨，讚讚👍🏻1.忌廉白酒藍青口大大隻嘅青口，配上忌廉白酒汁，個忌廉汁好香白酒味，佢仲加咗洋蔥本菇一齊煮，令到成個菜式更豐富好味😋2.燒牛舌心串牛舌夠厚，熟度燒得啱啱好，冇得輸！3.燒雞泡魚乾我覺得佢燒雞泡魚乾燒得啱啱好，嗰種中間仲好軟腍，外面燒香咗，食落口微暖，然後滲出陣陣魚嘅香甜，再加埋灑七味粉嘅沙律醬，係正㗎！4.燒油甘魚鮫（小)佢個小油甘魚鮫，嚟到嗰陣，我以為自己係叫咗大油甘魚鮫🤣好大份‼️正‼️魚皮燒得好香，入邊熟度啱啱好！下次再同朋友去試吓佢哋其他嘢食👍🏻

今次蒞臨呢間位處tst餐廳，裝潢帶有濃濃嘅歐陸式風情,給人一種優雅又舒適的用餐感受。開始享用是日精選生蠔時,首先咬下去可以感受到外殼堅硬飽滿,內裏蘊含大量鮮美的蠔肉。法國chiron生蠔肉質鮮嫩彈牙,入口即化,清新的海洋滋味在唇齒間瀰漫開來。而西班牙的arousa生蠔肉質厚實飽滿,帶有一絲微微的甜香,口感滑溜濃郁,回味悠長。松露雜菌湯濃郁醇厚,湯頭滑順,能夠充分感受到松露香氣,為整個晚餐埋下了一個不錯的基調。牛油煎大蝦亦相當出色,蝦肉鮮嫩多汁,外層香脆可口,十分入味。主菜方面的加拿大斧頭豬扒亦是一大亮點。豬肉質地扎實,肥瘦比例恰到好處,肉汁豐富,配搭四季豆等時令蔬菜更添層次,可謂盡顯廚師功夫。

山林道向係美食天堂, 我搵到間樓上鋪Deep Sea Oyster & Steak 🌟。今日食個單人餐 “深海精選套餐 Deep Sea Featured Set”($498/SET)是日餐湯羅宋湯, 濃咪, 好夠熱🥣。兩隻當日精選的生蠔，由淡至濃,先食西班牙後食愛以蘭, 入口CREAMY 🦪。牛油煎大蝦則以其金黃酥脆的外皮和嫩滑的蝦肉，非常香口🍤。 主菜的選擇包括美國安格斯肉眼牛排、加拿大斧頭豬扒、紐西蘭羊架，以及美國Prime或V.S. Prime牛肋排。今次選左美國安格斯肉眼牛排,經過精心烹調，肉質鮮嫩多汁，外層烤得恰到好處，與薯角的香脆形成絕妙對比🍟。 己經包左一杯無酒精飲品，我叫了一杯柚子梳打，好清新。餐廳的環境同樣令人印象深刻，柔和的燈光出一個放鬆的氛圍，感受到身心的放鬆💡。 下次同朋友再去🍴🎉。 

今天和朋友經過山林道朋友想食串燒我想吃西餐剛好找到這一間fusion菜。點知都幾有驚喜，一入到去成個環境都係好舒服燈光好柔和，地方雖然唔大但係都坐得幾舒服。跟住我哋點咗三文魚刺身、牛舌和五花豬腩肉串燒、鵝肝多士、蟹肉意粉和松露薯條。西餐來說是很有水準，特別是鍾意吃薯條的我們，每一次到西餐都會叫薯條，這次的薯條令到我們很驚訝因為份量十分多多，兩個人是吃不完，而且炸得好脆口，超正。我朋友就超鍾意食佢啲串燒，剛剛燒好出來勁香口，尤其是五花腩肉，肥瘦夾雜着一齊，咬落去特別好食。而且佢個鵝肝多士都唔算好貴出邊食都要二三百，喺呢度只係百幾蚊就可以食到。而且佢個鵝肝加咗一啲黑醋令到成個口感唔會咁油膩，我哋一人share一半已經好足夠，推薦鍾意食唔同菜式嘅朋友可以試吓呢間餐廳。