○de▽ 鯛白湯らーめん

營業中

休息中

»○de▽ 鯛白湯らーめん«今日放lunch就黎試下呢間長期好多人排隊既拉麵店！佢得3 款拉麵，有鯛白湯拉麵，鯛清湯拉麵同埋鯛沾麵❗️注意返鯛沾麵係限定架，售完即止❗️想食就要早少少黎排隊啦！🕴🏻🏙我地around 12:05pm去到，店面小小只有10幾個位，前面大概有7個人。大熱天時，係街度排隊真係唔係講笑。不過店員好細心，我地一排隊就比左menu同水比我地，服務不錯，等了30分鐘終於到我地啦！尼間餐廳係先付款，後用膳。店員都好有耐性，幫我哋喺門口出面落單~👅今次我地order左一個鯛白湯拉麵，一個鯛魚沾麵，同一份櫻木煙熏溏心蛋1️⃣ 鯛白湯拉麵（$138）你會食到個鯛魚湯底好新鮮，濃濃魚鮮甜味，入面仲有嫩滑既薄片叉燒一片，洋蔥粒，帶焦香鯛魚肉粒，仲有○形同▽形既荀片，豐富新鮮好味。拉麵係普通麵，硬度適中。店員哥哥同我地講碗邊黃色係柚子醬，食到後面怕太漏可以加入湯～但係P小編覺得柚子醬帶啲苦味，未必個個都接受到。建議食到後期加少少試一試先！2️⃣ 鯛魚沾麵（$148）好好彩！我地叫完個沾麵就已經sold out。個沾麵一黎到係爆哂煙，因為下面墊住左d乾冰，仙氣十足，打卡一流！今次呢個麵就唔係平時

聽聞長期排長龍，但今次星期六夜晚8:30左右去到係唔洗排🥰要先係門口落單同俾錢，店員再安排入座，只收八達通/Visa/Master。坐低先知原來同座銀係同一個集團，座銀就主打雞白湯，呢度主打鯛白湯。有機會下次再介紹😙🐿鯛白湯 $138 + 煙熏糖心蛋 $15湯底好香鯛魚味，加了不同貝類熬製，混入打碎了的鯛魚肉碎，令湯底更鮮甜濃郁，富有層次感，唔太腥，可接受。拉麵偏淋，但因為本人鐘意食淋啲嘅麵，所以好啱我胃口😂😂如果想食硬啲，可以同師傅要求。配料就無咩特別，係湯底驚艷到，碗邊配有柚子泥，可按個人喜好加入湯中，清新解膩，而且會令湯底無咗腥味。🐿鯛沾麵 $148湯底比鯛白湯更濃，麵底有別於一般出面嘅，比較似刀削麵，但好掛湯。一上枱個麵好有仙氣😂放咗乾冰係底，凍上。不過我覺得有啲膩，比較鐘意鯛白湯多啲😆人均消費 $130-160

今日同fd去左呢間聽聞用鯛魚熬製的湯底拉麵，入到去鋪面不算大，但都坐得舒服。最好坐bar臺可以望住師傅處理的過程，可惜無位。叫左清湯，飲左啖湯幾清甜，再來炸魚皮蘸個蠔醬都好食，拉麵普通無特別，至於叉燒我個人覺得鞋，總括來說都唔錯，可以再去。

To be fair, 食物係好食 ，雖然下午時間都好多人 但係食物算快送上黎而quality 係ok 的，廚師都細心，除左一名女員工，服務態度非常惡劣，唔知係咪有位客人得罪左佢,令佢不斷地在背後說客人的壞話， 同事應佢最多個句：算啦，感受到同事都有啲冇奈，雖然都唔一定係顧客行先但係如果要係客人背後不斷咁講啲說話比客人聽，簡直係不專業又同同事言談之間不斷夾雜着粗口，完全感受到佢嘅返工態度是是但但 好求其，如果以一間so call 日本餐廳黎講 真係連茶餐廳都不如。

拉麵，又係拉麵～為咗想一暏呢間魚湯拉麵嘅風采，就算熱屎辣辣都要排隊食🥰都唔係講笑，當日嘅天氣係不能形容嘅熱，直情成個人溶咁滯。好彩排隊嘅位置係喺條巷仔到，都叫無咁熱🤣再加上舖頭好好咁每人派一杯凍水，總算降少少溫啦🥲佢哋嘅服務形式比較特別，準備入舖頭之前店員已經會指導客人去到佢哋門口嘅自助機前面點餐。適逢我去當日冇沾麵，店員都好細心咁同我講已經售罄左，仲根據我哋嘅口味推介左適合我哋嘅湯底✌🏻鯛白湯拉麵「兩碗吖唔該！」冇錯，我哋兩個都係叫咗鯛白湯🤩因為我真係相當怕魚腥味，所以店員都推薦我叫呢碗拉麵作為初學者嘅門檻。佢哋嘅上菜速度相當之快，喺你坐低咗，飲完杯水降完溫之後，一碗熱辣辣嘅拉麵已經由廚師為你奉上。（成個碗嘅設計都係十分之高貴，連埋隻匙羹係一set 㗎！）一上菜第一時間就係試一啖佢嘅白湯，果然冇介紹錯，一啲腥味都無，反而突出嘅係魚嘅鮮味。魚肉係輕輕燒過，個皮都仲食到少少脆嘅，仲迫啲魚油出嚟，超滑超好味，簡直係一洗我對魚嘅bad impression！至於拉麵質地都係偏似油麵嘅嗰款，雖然唔係我最愛嘅幼麵，但一啖濃湯一啖麵咁食都已經係天堂級嘅享受❤️🤤佢哋仲好細心咁加咗少少柚子醬喺碗邊度，

欣賞呢間鋪Menu 既選擇唔多，証明佢地對自己既招牌有信心。沾麵雖然沾麵有乾冰，會出晒煙夠gimmick，但小編覺得魚湯係熱辣辣先好飲，所以叫左清湯拉麵。個湯真係不負所望，香濃既魚湯味撲鼻而黎，唔係魚控既我都覺得好吸引😌湯底仲落左d蠔仔同魚粒，難怪咁清甜既👍👍叫左幼麵，食完個麵無咩記憶🤭可能個湯底太搶～隔離位叫左鯛白湯拉麵，白湯creamy 得黎唔太漏，綿湯底同樣有蠔仔同魚粒價錢方面，百幾蚊一碗拉麵我覺得貴左少少🤏特別係小食既炸鯛魚皮，味道同平時食魚蛋粉店食既差唔多，定價幾十蚊一塊略為進取🤑不專業評分，僅供參考食物：⭐️⭐️⭐️⭐️環境：⭐️⭐️⭐服務：⭐️⭐️⭐⭐以上

《ode鯛白湯らーめん》拉麵控再出動》呢間大阪過江龍，除咗人氣爆燈，味道真係相當唔錯就算係夏天，極度怕熱嘅我都覺得值得排佢二三十分鐘星期日晚未到7點招牌沾麵已經售罄😭雖然我唔係特別鍾意食沾麵但真心好打卡table出場澎湃，白煙會不斷由碗裏釋出因為個麵係凍上下次有機會一定會再返黎會一會佢餐廳係採取先落單結賬後先入座既模式我哋就嗌左其餘果兩款湯面鯛清湯拉麵 HKD138湯頭如相中所見清澈唔油膩但魚湯出奇地濃郁而且一啲腥味都冇加配既炸鯛魚皮更加唔可以錯過香脆得來亦能保留魚味畫龍點睛咪就係呢啲囉😋呢個魚湯真係so far飲過最好飲嘅沒有之一💪🏻清哂見底係基本啦💁🏻‍♀️鯛白湯拉麵 HKD138加咗雞湯令到原本嘅魚湯更加creamy 更有層次感中意濃味少少既朋友呢款都唔可以錯過有人覺得麵質偏淋可能我比較中意淋身既口感我反而覺得更加掛湯👍🏻兩款拉麵🍜配料差唔多都分別有碎魚肉，叉燒片，洋蔥同蘆筍不過最驚艷到我既都真係兩款湯底呢間絕對會係我回頭之選👏🏻😂

十一點多去到麵店，食客不多，聽說沾麵是這家店的特色，於是便叫了一客沾麵另加蛋及魚皮，買了票進入餐廳坐下來，等了好一陣時間麵才來到，奇怪為什麼要等那麽久，做拉麵的工序不應太繁複？繁忙時間不知要等多久。賣相還算可以的，吃第一口麵覺得湯味道太濃太鹹感覺不到魚的鮮味。吃了一會發覺魚皮還沒到， 問侍應，可能他帶着口罩沒有回應只是點點頭示意廚房在做，過了幾分鐘魚皮還沒有出現，他過去煮麵吧枱那邊，不到幾秒鐘廚師便拿了出來，其實魚皮不是剛剛炸好的只是漏咗單，為什麼侍應不第一時間問清楚？再過一段時間面吃得七七八八才醒起蛋還沒有拿過來，於是再詢問侍應，他卻作出奇怪的反應，他叫我出示單據已證明我已經下了單，這舉動真的令人憤怒，我下了單廚房應該有這張單可以跟進，侍應應向廚房查問，不是懷疑食客是否在說謊，這樣是待客的禮貌嗎？這是應有的服務態度嗎？吃到大概三份二的時間一如其他食評提及湯已經不夠熱了，感覺真的一般，於是匆匆吃完便離去。整體來說味道普通，吃不出魚的鮮味，味道過鹹，不太健康， 200多元吃一個麵作為午餐是否值得？我覺得有很多較好的選擇。

I visited with my friend. I have no idea about this ramen shop , but this ramen came from Osaka, Japan. So I expect Japanese standards, it was very delicious and far beyond from Hong Kong ramen shop. I want to eat sea bream crispy skin again, it was so yummy. Personally, I don't like children ham, but the soup doesn't smell like fish and is very delicious. It is a high-level ramen shop in Hong Kong.

雖然地點不算太難找得到，但要走過長長的斜路才到達，所以到達時已接近2時。幸好，還有最後一碗限定的鯛沾麵，當然要嘗試。鯛沾麵一般沾麵的沾醬都很濃郁，最初會覺得味道太濃。可是，第一口吃到鯛沾麵的沾醬，很有驚喜，不是咸咸濃濃的滋味，味道有點像芝麻醬，是比芝麻醬更豐富的味道，值得推介。鯛清湯拉麵鯛清湯的湯底清甜而不膩，配上炸鯛魚皮和鯛魚碎，味道什好，特別是炸鯛魚皮。雖然只有一片簿簿的叉燒，但已是足夠，剛剛好，不會太膩。拉麵是有咬口的麵底，個人平日也喜歡較硬的麵，所以覺得不錯。溏心蛋價錢有點稍貴的普通溏心蛋環境廚房就在面前，配料、湯底、麵底都一目了然，超近距離看著。

呢間餐廳係要o係鋪頭門口既點餐機落好order先入去坐既，同日本拉麵店一樣，menu選擇唔多（貴精不貴多）得三款麵同幾款小食，職員既裝扮同鋪頭裝修令到感覺真係好似去左日本咁1）鯛魚湯沾麵：必食推介！上菜時感覺真係好浮誇，出曬煙，好迷幻，效果好岩打卡！師傅將鯛魚乾加入魚湯再用攪拌棒打成濃濃既鯛魚沾麵汁，味道香濃！沾麵麵質同形狀似台灣刀削麵，平時我都係刀削麵fans, 所以都鍾意呢個組合，波浪既麵仲可以掛多d湯汁😚2）鯛魚清湯拉麵：鯛魚清湯湯底好有魚香，咸味適中，拉麵麵質可以，塊叉燒就無咩特別，好在有兩塊好味炸魚皮

//<○de▽ 鯛白湯らーめん>小編久仰大名一直都好想食！尤其本身鍾意食其下另一間餐廳，對佢地白湯好有好感❤️‍🔥 小編當日要排大約幾個字，係店外排緊隊都已經聞👃🏿到陣陣魚🐟味😍————————————- 鯛白湯 $138 -個人覺得呢個比沾麵更好食！呢到既湯底全部都係用天然新鮮日本鯛魚所熬，魚味非常濃郁！💕上面除左有叉燒仲有鯛魚肉🤤 仲有少少既柚子醬等你食到尾既時候降低濃膩感～ ————————————- 鯛沾麵 $148 -呢度既沾麵係限量既！好好彩最後一碗比小編叫到🤩🤩個刻真係好開心！上到黎完全比佢陣仙氣嚇親～成陣乾冰既煙令佢格外珍貴咁款即刻打個卡🤪 麵質好似刀削麵，但係因為佢涷身所以痴埋一舊🧐 呢個沾麵湯底比起平時既無咁漏，但係味道無白湯咁吸引，似鰹魚湯多d~ 雖然感覺上無料，但係其實湯裡面係有叉燒粒同魚粒架😝————————————- 日式炸雞 $48 -店員話佢地既炸雞係獲獎既，所以比佢講一講就叫左😎一碟有三大舊，炸得非常香脆😋 碟上面仲有咖哩粉，不過小編就無試喇～ 炸雞外皮唔算薄，但係味道非常可口！而且入面仲有肉汁，絕對唔乾身👻————————————評分：

又在港島區覓食了!經過好幾次這間魚湯麵，用餐時間常常會客滿不喜歡排隊的我!!肯定是不會排的啦這次在用餐高峰時間前經過，一問有位置，當然是坐下來試試畢竟比起米飯、麵更重要!選了兩款  「鯛白湯」、「鯛沾麵」不得不說，視覺效果是還蠻不錯的但是吃起來沒驚喜，麵體還可以，湯鹹味多過鮮味，魚肉很柴整體環境可以、店小小的不過坐的還算舒適，服務都不錯，廚房也算乾淨但就是吃起來很普通，不過不失，但就是CP值不高偏偏餐廳最重要的還是食物的味道阿!!同樣的價位應該可以有更好的選擇

次次經開都要排隊今日平日下午兩點幾就無乜人 即刻沖入去食無曬沾麵，唯有叫鯛白湯同鯛清湯雖然見openrice好多人推薦鯛白湯但我個人喜歡鯛清湯！白湯太濃，好咸反而清湯唔淡，容易入口啲！再加上清湯有兩塊炸魚片一齊食～超好食！我仲好欣賞湯上邊啲魚肉係有燒過架！不過唔知點解食完好口渴🤣因為魚係海鮮？好咸？

Maru De Sankaku is an Osaka-based ramen brand, focusing on the Madai (真鯛) broth soup. Madai is an iconic Japanese fish, known for its beautiful, coppery-red color. Maru De Sankaku serve three styles of ramen only: clear fish broth, cappuccino foam broth and in form of Tsukemen paired with creamy white fish broth. Short menu but limited bowls are served daily, thus, try go queuing in the afternoon and have a sip on the umami of the fragrant fish broth.