影片
營業時間
今日營業
11:30 - 21:30
星期一至日
11:30 - 21:30
*每天營業直至120碗售罄
以上資料只供參考, 請與餐廳確認詳情
相關文章
之前上網見到介紹拉麵，呢間好似幾好味，就特登搭車過去。都唔算近地鐵，到步後發現鋪頭細細，3:30到都要排隊。排隊嘅時候已經揀定食物，主要係三種麵，可惜今日沾麵賣晒。我哋叫咗一個鯛清湯麵，一個鯛白湯麵，一個炸鯛魚皮。鯛白湯麵：白色湯底，好濃味，感覺真係冇味精，好濃嘅魚味，上面既魚好鮮味，再混合洋蔥、湯，一啖食落去好正。每一啖麵都浸滿湯一口過，好味。碗邊黃色嘅係柚子醬，如果覺得個湯太濃味，自己條配加柚子醬。有一片叉燒，正常發揮，都係個拉麵好味。鯛清湯麵：我無食呢個，不過飲咗一啖湯，估唔到顏色咁清，鮮魚味都好濃。佢就唔係creamy嗰種，不過襯埋拉麵都好味。炸鯛魚皮: 薄薄得兩片鯛魚味，炸得香脆，不過冇任何飽感。😐總括嚟講，好食嘅，不過交通不太方便，去開中環會考慮再黎。
繼續閱讀
○de▽ 鯛白湯らーめん(中環) @marudesan.hk 📍：香港中環鴨巴甸街13號地舖🚗：上環地鐵E2出口 步行4分鐘📞：+852 2346-3889💲：~HKD138-148/head for lunchFood quality✔️：鯛白湯👌🏼：鯛沾麵總結：😋成間店淨係賣三款麵 鯛白湯 鯛清湯 鯛沾麵 次次路過都有人排隊 食物質量又好 又可以打卡 一次滿足兩個願望👏🏼😋整體白湯出色過沾麵 白湯呈奶白色 表面全都係泡泡 濃濃鯛魚香 有燒鯛魚碎 竹筍 白洋葱🧅粒 配兩片薄叉燒 碗邊仲有啲柚子蓉 麵幼身掛湯同幾配嗰湯底🤔沾麵真係打卡之選 一上枱乾冰效果一流 沾麵麵質同湯麵唔同款 類似刀削麵咁比較闊身 食落亦煙韌不少 沾麵湯底係用鯛魚同豚肉熬製 稠啲濃郁啲但略有點鹹 但都唔錯😌🤔服務就正常😨唔收加一都算係咁 但$138-$148/碗都略貴 但好食至少唔覺中伏🤣
繼續閱讀
由疫情到依家食咗差不多10次，都仲係未識讀個名，但只要講中環鯛魚湯沾麵就一定知係呢度每次嚟都必點「鯛魚湯沾麵」，湯夠香夠濃，麵爽滑彈牙今次加點鯛魚炸魚皮，香脆可口沾麵愛好者一定要食
繼續閱讀
○de▽ 鯛白湯らーめん (中環) 係主打鯛魚湯底嘅日式拉麵，雖然地方唔算大，得十多個位，但環境幾舒適。今次試咗佢哋兩款招牌拉麵，發現整體表現都唔錯，所以要推介畀大家～🐟 鯛白湯（$138）味道超級濃郁，飲落比較感受到好厚嘅鯛魚味，如果食到中間開始覺得膩，可以加入碗邊嘅柚子醬，但唔建議一次過加太多，加少少就夠！湯入面仲有唔少鯛魚肉碎！好正！🤤如果你鍾意超濃湯，呢款一定要試！🐠 鯛清湯（$138）對於一向鍾意白湯嘅我，清湯版本好有驚喜，尤其推介畀第一次嚟食嘅人🤍。湯底同樣充滿鯛魚鮮甜味，仲配有一碟仔嘅牡蠣油🦪，但同樣建議加少少就夠晒。叉燒同配菜都同白湯相似，但口感會更輕盈，食到最後都唔會覺得膩～🚶🏻排隊體驗喺店外排隊嗰陣，店員已經同你確定order，同埋畀埋錢，所以一入去就好快有得食～而且可能位少人多，店員見你食完，好快就會收碗，坐得唔耐，如果想同朋友傾吓偈坐耐啲，就唔建議揀呢間啦！整體評價○de▽ 鯛白湯らーめん喺湯底方面做得幾出色，鯛白湯濃郁，鯛清湯清爽，各有千秋，值得再訪😋見隔離枱嗌沾麵仲有乾冰，下次可能會想試😂唯一建議係座位數量有限，最好預早去或者避開繁忙時段，否則都等得耐⏰（好彩我哋今次夜晚6點幾就到，等3張枱就到，仲要係3-4人嘅卡位）（To admin: 全自費，非試食優惠）
繼續閱讀
下午5點半到中環呢間拉麵店，入而已經得返4個位，今次揀左bar 枱坐。枱上面有冰水壺，需要自己加水，亦有紙巾比我地用。去到個陣已經冇鯛白湯，所以揀左個鯛沾麵。一上菜，個拉麵好似有仙氣，打卡一流，食落個麵林得黎又煙韌，好彈牙，好好味。拉麵雖然係凍但唔係冰凍，一浸入湯就變暖。個湯亦好出色，之前香港食過幾間沾麵，一係好咸，食完好口渴，一係唔熱。呢間佢得岩岩好，夠熱而且唔會太咸，食到好開胃。下次到黎就試下鯛白湯😋
繼續閱讀