○de▽ 鯛白湯らーめん

營業中

休息中

本身鍾意魚湯加上這間是過江龍店，一定要試吓，先點餐俾錢後入坐，店內坐位不算多，當日無哂沾麵，叫了鯛白湯及鯛清湯，我自己比較like鯛清湯，魚味出啲，清啲，鯛白湯我覺得比較䶢，另外叫了糖芯蛋同日式炸雞，兩者味道不過不失，價錢方面並不便宜，不過也值得一試.

大阪過江龍拉麵，開業一年Lunch Hour都係要排隊。大概1:40到達，等咗廿分鐘左右入去。因為排隊期間已經點好餐，所以坐低唔夠10分鐘啲嘢食已經到啦主打三款鯛白湯拉麵 $138鯛清湯拉麵 $138鯛沾麵 $148拉麵爽口彈牙，魚湯夠濃唔腥但味道唔太令人有深刻感覺。沾麵上枱冒煙，視覺滿分，波浪寬麵掛到湯係幾特別。感覺比湯麵🍜好一點。但冷氣太大，個湯好快凍晒🥺估唔印象最深刻係炸雞，皮肥肉嫩，如果可以淨係嚟食炸雞我都會認真考慮😂

今次特登黎到中環試一試依間過江龍，夜晚黎入座唔算好多人，係出面部機買完就可以入座。餐廳環境都算幾光猛，可以直接望到廚房煮麵，感覺幾正，但鋪頭入面座位唔算多。碗麵一黎到就即刻出哂煙，好岩打卡用! 因為我冇睇過評價，唔知道原來佢個麵條有少少似台灣拌麵果一種，食落非常掛汁，好有驚喜。而個沾麵汁就好濃，可以食到魚既鮮味，入麵仲有d魚粒，幾好味。整體餐廳環境同食物質素都算中上，但沾麵黎講，$148就略嫌有少少貴，未試過鯛魚湯沾麵可以一試!

○de▽ 鯛白湯らーめん (中環)📍中環鴨巴甸街13號地舖濃濃嘅鯛魚白湯拉麵，我比較推薦湯拉麵，好食過沾麵～日式嘅湯底永遠比到好驚喜嘅感覺出嚟，因為你睇落去佢好似清到冇乜味，但係當你呷完第一口，你味蕾就會感受到佢嘅爆炸力！拉麵旁邊有一抹柚子，自行決定加唔加，好清新架～沾麵個湯底好濃，好足料，濃到直頭用匙羹筆一啖湯你係會見到有渣，好似紅酒有沉澱物咁樣真係不得了！唔食魚嘅朋友都絕對可以一試，完全無腥味㗎😋

平時lunch hour行過經常排長龍，咁岩有日夜晚見無人排就即刻去試！建議夜晚嚟會唔洗等太耐！員工非常友善，有介紹menu。地方唔太大，但都有位置可以放好個袋。亦有條圍巾仔唔怕湯汁彈到整污糟件衫。鯛魚湯做湯底唔係好多地方有，今次試左個沾麵，一上就出哂煙好好效果，影相一流✨麵質剛剛好， 唔會太淋，足以掛到湯，淡淡都食到濃厚鯛魚湯味！沾麵汁平時好怕會好快凍，佢地都做得夠熱！麵分量亦夠食，非常滿足。下次要試埋佢地既湯拉麵！

之前成日聽人講呢間啲拉麵好好食，又係香港少數主打魚湯拉麵既店鋪，仲要聽聞同座銀既水平差唔多，咁就真係要一試喇！鯛白湯 $138 + 櫻木煙熏唐心蛋 $15拉麵湯同座銀一樣都係好creamy，不過呢個湯既味道有兩層，第一層係白湯，第二層係魚湯，味道幾有層次。試左朋友個清湯，覺得清湯既魚味會純樸啲好飲啲！拉麵亦都有魚肉碎同柚子醬去加重拉麵湯底既味道，但個人認為魚肉好味柚子醬就唔太夾。至於份量方面，叉燒得兩塊係相對少啲。不過我自己唔算係一個愛魚之人，所以可能會比低分少少！（鯛清湯我應該會俾4分）

↤↤大阪過江龍-鯛魚湯拉麵 ↦↦來自大阪既鯛魚湯拉麵 印象中好似係上年黎香港既 到宜家都仲係好多人食店鋪需小 但係由門口至店內裝修都好日式呢次去到已經無咗沾麵 剩番🍜鯛魚清湯拉麵 💸$138🍜鯛魚白湯拉麵 💸$138個人比較鍾意清湯呢～清得黎魚味濃得黎好清甜天然 不得不讚既係塊炸魚皮都好食過人😂 而麵質兩碗應該都係一樣既 屬於幼身 質感彈牙↤↤↤↤↤↦↦↦↦↦↤↤↤↤↤↦↦↦↦↦而鯛魚白湯拉麵就真係好～～濃厚聽聞湯底係熬足8個鐘 見到面頭好似好多泡泡咁其實係將湯底打氣 令到入口更加綿滑鮮味好似無鯛魚清湯咁出 不過拉麵底下充滿住魚肉碎 旁邊亦有柚子醬做點綴食落會無咁膩

𝑴𝒂𝒓𝒖 𝑫𝒆 𝑺𝒂𝒏𝒌𝒂𝒌𝒖 〇de▽鯛白湯らーめん-🍜 鯛清湯🍜 鯛白湯多麼幸運既我先可以唔洗等再入到去食😚嚟至日本大阪的高人氣鯛魚湯拉麵店「 〇de▽鯛白湯らーめん」佢既魚湯超濃厚入味要試！一入到店，店員好用心介紹每一款既拉麵並協助我地用自動販賣機付款同帶位(⁎⁍̴̛ᴗ⁍̴̛⁎)各位都好nice唷( ◠‿◠ )當然價錢偏貴，但值，仲要係會再返嚟食既質素٩(˃̶͈̀௰˂̶͈́)و 首先，鯛清湯比較清甜，佢既鮮甜味來自魚香，好fresh口味好輕身既感覺，但一啲都唔腥！飲完一啖，四個字形容「 真材實料」！配上炸鯛魚皮，魚肉，叉燒，一小碟秘製蠔油（個人覺得太濃）但炸鯛魚皮要講講！佢有兩個口感，一咬十分酥脆，薯片一樣！加湯後，清甜既湯掛係上面，我咬既係骨膠原，建議額外再點！(⁎⁍̴̛ᴗ⁍̴̛⁎)THIS IS CRAZY!到鯛白湯十分適合濃味既大家(๑･̑◡･̑๑)湯底好濃好厚！好豐富既感覺，但個種鮮甜沒有變，打到氣白泡口感好滑，十分滿足！依舊有魚肉同叉燒！十分充料！加上柚子醬，一啖湯再沾少少醬清清口腔再食一啖麵！正！當日有試過炸雞，同煙燻流心蛋。但雞炸得少乾，蛋冇煙燻半流心加半凝固狀態～建議唔洗叫！但總括拉麵十分出色！

太耐冇去旅行 有點兒掛住日本🇯🇵特別係唔太使等位就食到嘅拉麵🍜今次特登嚟咗中環呢一間拉麵店一試鯛魚白湯拉麵😋 環境來講間鋪唔算大 座位都唔多 不過要讚讚舖頭嘅運作都好順暢 有門口排隊嘅時候已經有服務生拎住餐牌預先幫我地落單 整個感覺好有系統都好有效率 排到入去坐定定就等開餐啦😊開心因為咁啱可以被安排坐住吧枱 望住師傅油煮湯頭放材料製作拉麵🍜 感覺好用心👍🏻食物方面就分別叫咗鯛魚白湯同鯛魚清湯拉麵鯛魚白湯拉麵配有柚子醬 第一啖飲湯頭嘅時候就已經覺得好濃郁 所以後期都有再加柚子醬中和返味道就啱啱好🙆🏻‍♀️除咗拉麵之外碗湯魚肉部份都好足料 食到啖啖魚肉🐟比較上嚟 鯛魚清湯湯底就好靠本身魚帶出嚟嗰種清鮮甜香 感覺冇白湯咁濃郁不過魚香味好出🙂鍾意清淡啲嘅朋友都可以試下🙂 佢亦都有蠔醬可以調一調湯底的味道 拉麵配嘅炸魚皮都十分香脆可口 😚另外仲想讚一讚日式炸雞🍗超級Juicy 外皮炸到好香脆

再次翻食中環Marudesankaku。這間大阪過江龍主打鯛清湯、鯛白湯、鯛沾麵三款，由清至濃。上次試了鯛白湯，今次試鯛清湯，鯛清湯拉麵 (總分: 8.75/10) 🍲 鯛魚湯(9/10)：看起來清澈，嚐起來魚鮮味香濃，不腥，真材實料，最後飲到一滴不剩也不口渴。🐟 炸鯛魚皮(8.75/10) 鯛清湯附上兩片炸鯛魚皮，細薄，幾乎不加炸粉，絕不油膩，浸一下湯好吃，蘸上帶有蠔肉的醬汁也好吃。所以，額外再叫了一份兩片。🐟 鯛魚肉碎(8.25/10)和鯛白湯一樣，也附上鯛魚肉碎和慢煮豚叉燒。鯛魚肉碎入口滑，魚味濃。🐖 叉燒(8/10): 一塊慢煮叉燒薄片，口感嫩滑。🍜 麵質(7.75/10)：麵質彈牙有咬感。———————————————————————————⭕️ 總結：One of a kind的鯛魚湯拉麵，鮮濃魚味，口感層次豐富，已翻食 ✅💵Budget: $150-$200 pp

.《〇de▽鯛白湯らーめん》無得去Osaksa 就去中環食鯛魚湯拉麵🍜鯛白湯-極濃魚湯…中意食魚嘅實好中意🤪趁熱飲幾啖先再食麵..麵質幼身爽滑湯入面仲有洋蔥粒同鯛魚肉😋😋飲完個嘴仔好黏..充滿骨膠原🥰🥰唐揚炸雞個粉有少少厚，但都滑嘅😌吾洗排隊就會去食😗😗呢款拉麵係我最鍾意食嘅一方我會再去食…其實佢開多幾間分店等我唔使出到咁遠食好嘢…另外店家仲有一款係Signature嘅拉麵，如果大家第一次食就可以試咗嗰款先…

人氣鯛魚白湯拉麵 久仰大名一直都好想試今日慕名而來中環呢間裝修格局時尚的○de▽ 試下🍜○de▽ 主打三款魚湯拉麵 包括:鯛清湯拉麵、鯛沾麵、鯛白湯拉麵。以下是店家餐牌介紹:採用「天然真鯛」和「水」再配上數種貝類 熬製8小時以成的濃湯鯛魚湯鮮甜濃郁帶有層次 回味悠長。睇完餐牌介紹 非常吸引 即刻點返碗試一試先小食選擇不多 我加點了一客炸雞🐔。鯛白湯(HKD138)鯛白湯頭超濃厚的魚湯 入口鮮甜 每飲一啖湯都黏口的麵條軟硬度剛好 配料有2片嫩滑的叉燒薄片 真鯛魚肉和荀片 更附上柚子醬 是用來中和食到尾段時湯頭濃膩感。日式炸雞(HKD48)炸雞一碟有3件🐔 大大件 外皮金黃 口感香脆可口😋 內裡肉質嫩滑 沾上咖哩粉同食更酥香👍 。整體而言 食物質素超卓 唯一失望的是 當天給我看到一個不美好畫面😟店內採用開放式廚房🍴 本應可以讓客人近距離欣賞廚師烹調的英姿 的確很好🥳 但當我用心地看著 漸漸發現他們長期帶著手套看似很似衛生🧐可惜我見到他用毛巾抹一輪工作枱 之後又清潔其他工具  最後如常徒手拿起鯛沾麵用的麵條 其放在碗內 然後為我們上餐 其實就算帶著手套都應該常洗手 整過過程 我看著他們工作超

來到「一天瘋狂美食之旅」倒數✌🏻二站，上回講到跟👯‍♀️朋友二人已經吃到開始撐肚皮的時候，去了中環一間☕️Coffee Shop休息本來還想吃完Crêpe再吃拉麵🍜，最後放棄前者，決定吃一碗拉麵作為這天的🌃晚餐鯛清湯 $138鯛白湯 $138最想吃的鯛沾麵賣光了😩 唯有改吃其餘兩款啦～ 單看名字也會想像到這兩款味道是怎麼樣🤔鯛魚🐟肉肉質鮮美，是魚中極品🌟，用來熬製成湯，每啖都吃得出鮮甜甘香先說鯛清湯，顧名思義就是著重魚香的清湯🥣，入口清甜而帶鮮味，口味較輕身亦較溫和，半點腥味也🙅🏻‍♀️沒有，非常好喝，清澈不油膩😋配料分別有碎鯛魚肉、叉燒薄片、洋蔥🧅跟蘆筍，鯛魚肉有稍稍🔥火燒過的感覺，全熟的鯛魚肉碎蠻香口；叉燒薄片味道普通，個人認為與整碗不太配🤦🏻‍♀️，反而每碗均有店名logo 「〇」和「▽」造型的荀片是一個驚喜，亦見店家在設計上的細心💕麵身一直惹人垢病🗣，說是偏軟腍的麵身與湯頭不太配，少了一份拉麵應有的煙韌度😔明白這個實在不是每個人也喜歡🥴 我也不喜歡太軟的麵身，但這碗最重要的是湯頭，其他的好像也顯得不太重要💁🏻‍♀️碗邊附有炸鯛魚皮，個人認為是畫龍點睛👀的一個重要食材，非常脆口，放在湯裡吸

行行下街見到有間有間鯛魚湯拉麵，仲聞到好香，立即排隊試一試😚😚兩個人叫左一碗鯛魚清湯，一碗鯛白湯鯛清湯味道好鮮，濃濃既魚香味，拉麵既質感都好好而鯛白湯就比較濃味，但佢有個柚子醬可以一齊食，化解一下個濃膩感，而且個柚子醬仲係有一陣好香既蠔味，非常吸引

炸魚皮我們吃得多，炸鯛魚皮我就是第一次吃，真的不錯，我很後悔沒有再追加多一份炸鯛魚皮。其實我是無心插柳的遇見今次這間是來至日本大阪的高人氣鯛魚湯拉麵店「 〇de▽鯛白湯らーめん」，向來我都不太喜歡排長龍去吃東西，眼見現有座位和排隊人龍都相若，就不妨可以排隊等等好吃的東西都值得我在如此炎熱的天氣去等候，而且我每次食較新的熱門餐廳都喜歡自己一個去吃，那就較容易找到座位。Thank God，不枉我肯排隊，我可以獲安排坐一張較闊的二人枱，由我一個人獨享魚湯味鮮對我來講，是基本要求，而且不能放味精；這一點這間店是做得到鯛魚在日本屬於較貴價的魚類，魚肉份量上會較少都可以接受，以這個價錢來說在中環區都好親民下次人龍不太長的話絕對會再來