○de▽ 鯛白湯らーめん

營業中

休息中

一年前朋友帶👧🏻去試鯛白湯拉麵，顛覆咗唔太喜愛魚湯嘅👧🏻嘅觀感。一年後👧🏻決定再訪，食物及服務態度令人滿意。假日午餐時間等咗30分鐘方可入座，期間店員有遞上水💦/迷你紙包飲品🧃，非常貼心。🌟鯛清湯(+溏心蛋🥚)鯛清湯相對適合喜歡清淡湯底嘅朋友，湯底以慢火烹調，湯底清澈鮮甜，不油膩👍🏻。店家建議先試湯頭，再按個人喜好添加牡蠣油🦪(其實似食緊蠔鼓🤣)，以提升魚湯鮮味。拉麵麵底偏腍身，如果可選擇麵硬度就好🍜。其他配料有炸魚皮、叉燒、魚肉、筍、紫洋蔥🧅。魚皮已浸喺湯上，影相過後便立即拿起不浸湯。魚皮薄身脆口，只係沾上很薄身麵粉所炸成，調味非常輕手，沒有搶掉魚皮鮮味。叉燒表現稱職，偏瘦削帶少量脂肪，質感頗嫩滑腍身。鯛魚肉碎先炸過，實肉彈牙；溏心蛋🥚係用上櫻木煙熏而成，煙熏木味與醬油香甜平衡得幾好，香甜重蛋香🧡。🌟鯛白湯如果大家喜歡較濃味湯底，叫鯛白湯就冇錯！湯頭係用上鯛魚、幾款貝類、雞骨熬製8小時，因此湯底非常濃郁鮮甜呈奶白色🤍，湯面有用攪拌器打魚湯而成嘅泡沫，泡沫輕盈。碗底還吃到與湯底混然一體嘅鯛魚蓉🐟。平時👧🏻就好怕魚湯太腥，呢到嘅魚湯都係鮮甜可口👍🏻。試過魚湯後可以混合沾在碗邊嘅清香柚子醬

喺中環經過呢間餐廳嘅時候就俾佢嘅環境吸引住，雖然佢喺斜路度，但充滿和風嘅佈置，又不失現代感，感覺幾特別。佢要喺出邊部自動販賣機度俾錢買自己想要嘅餐～～透過門外已經睇到開放式嘅廚房，透明度高，可以安心享用😍😉每一個唔同嘅餐都有搭配唔同嘅醬，而且枱上都擺咗唔同嘅食法，可以跟佢嘅建議來享用～鯛清湯湯底有濃郁嘅鯛魚香味，味道好清爽，令人好想飲晒啲湯底佢😆 如果想提升啲鮮味，可以加埋餐廳自製嘅牡蠣油～～（但加少少好啦，都幾濃）鯛魚皮好脆好爽，成件事好夾！真心大推‼️‼️‼️鯛白湯鯛白湯同鯛清湯嘅分別，我諗就係湯底入邊有加到魚肉，所以湯底更加濃郁，就咁飲湯底都好似食緊成條魚咁。真係唔知要熬幾耐先有呢種感覺，比較creamy 。加埋柚子醬，就會為湯底帶嚟一陣清鮮～～～🐟

櫻木煙熏糖芯蛋 $15店舖用上日本產既雞蛋 再用櫻木煙熏烹調 入口有陣陣香氣🪵 而且熟度剛好 蛋黃既流心得黎好creamy😋 值得一試🤍Soil boiled eggs were cooked just right, it was smoky, creamy with the liquid egg yolk🥚 Loved this so much🥰評分: 8.5/10🌟鯛白湯とろり $138 鯛白湯用咗天然真鯛同幾種貝類熬製而成 飲落比較濃厚同鮮甜😚 拉麵上仲有鮮味十足既鯛魚肉同嫩滑既豚肉🤩 最特別係加咗碗邊既柚子醬同碗中既辣椒粉一齊食提升咗魚湯既層次感 令到湯底帶微辣、橘子香同更加清新✨ 唯一係麵質偏淋扣咗少少分數🥲Bookmarked this shop for so long!🔖 Maru De Sankaku was rich, creamy & with a hints of freshness from the soup🍜 Sea bream was tender and has a natural sweetness🐟 The highlights of the lun

日本拉麵店來香港開分店，一定有佢獨特優勝之處。避開人潮，特登平日過咗兩點先至過嚟，不用排隊，立即可入座。入店前，服務員非常好，詳細介紹各款拉麵及其湯底不同之處，更提醒不收現金，可用信用卡或其他支付平台，非常貼心。由於沾麵已經賣完，只剩下绸魚清湯或鯛白湯底，我叫了後者。及一瓶日本手工啤酒。鯛白湯底，鮮味濃郁，相信是用貝類海鮮和綢魚餚而成。麵條超級彈牙，有一片嫩滑肉片，加上勁多魚肉粒，口感極為豐富，師傅更放了胡椒榕在碗邊及紅色味粉作點綴，加埋呢咁正既湯底，十分滿足。最後，我想讚下這支手工啤酒，有麥香，非常好。雖然唔算平，但值得一試。

老公是拉麵控一名，對白湯更是情有獨鍾。每次經過 〇de▽鯛白湯らーめん都因為時間關係，未有排隊品嚐其拉麵。終於趁聖誕假期，過海成全他的胃口！我們坐在吧枱位置，見到整個廚房運作。過程衛生，亦有幸見到白湯的製作過程：將魚肉加上高湯，再用手動攪拌器攪拌均勻成為濃郁的白湯，讓我立刻決定要點鯛魚白湯拉麵。拉麵彈牙而且非常掛湯，每一口都充滿魚湯的香甜，讓我每一口都覺得非珍惜，覺得要細心品嚐，不能浪費廚師的心機。結果連湯都喝得一滴不剩😋小貼士：我們同時叫了炸雞、魚皮，魚皮吸收魚湯後層次有所提升，但炸雞則非該店焦點，而且整碗拉麵均可連湯享用，故食量小的朋友切忌眼濶肚窄，好好享受拉麵的每一分精華更佳💖

我第一次排事前因不知道店舖只收八達通、visa 和master card, 所以無奈放棄。 第二次排有備而來，排咗30 min. 终於食到叫咗鯛魚白湯拉麵和櫻木煙燻糖心蛋。 拉麵嘅湯底非常濃郁，充滿鯛魚味道， 附料有嫩滑 薄薄叉燒一塊， 竹筍片， 鯛魚肉碎和 生洋蔥碎。 拉麵的麵係幼身拉麵ok爽口。我覺得叉燒份量小其實可有可無，最反感係加入生洋蔥， 食完全口都是生洋蔥強烈臭口氣，口感亦帶小小辛辣，完全蓋開過鯛魚濃湯嘅香氣。 糖心蛋和想像中期待嘅味道一模一樣，蛋味濃郁幼滑帶煙燻味， 雖然係有啲貴。

向來都不太留意排長龍餐廳嘅我，見今日咁啱有啲時間就走咗過黎食拉麵。聽咗好耐終於食到😋 今日食咗個鯛魚白湯拉麵🐟溏心蛋🍳仲有炸雞🍗首先講下個拉麵先，口感都幾豐富🍜 湯底濃郁，鯛魚味鮮甜，柚子醬同埋打咗泡嘅湯令口感變得冇得油膩🍊麵底都軟硬適中👌🏼只係食到最後會有少少咸咗啲，不過連埋柚子醬食就啱啱好！個人認為溏心蛋係拉麵不可一缺嘅一環，所以加錢都想試吓佢，不過呢到嘅溏心蛋相比下較為遜色，煙熏味唔算好出，賣相爭咁啲🥚個人認為呢道菜可試可不試食完上面兩樣野唔夠喉，最後加多一份炸雞🍗 呢個完全有驚喜💕外脆內嫩，十分juicy，旁邊有咖喱粉 🥘 沾與不沾有兩種唔同嘅風味，非常值得一試，下次黎一定會再叫😋最後，服務態度幾好，係出面排隊排得耐會有人拎茶水維他奶俾客人飲。星期五12:20pm到，12:50pm入座，等咗30分鐘我估都叫做ok💁🏻‍♀️ 之後有機會會再食😁

首先講個門面 外面嘅感覺似係一間好文清嘅拉麵店嘅感覺 裝修好簡潔👍而門口有部自動售票機 但只可以用信用卡付款😓🤔呢個就有啲r頭！？入到去店內成間舖都唔係話好大吧枱大約有七至八席 而table應該有兩至三台 雖然成間鋪唔係話好大但係感覺好多個廚師〜心急食相唔記得影😫用鯛魚嚟做湯底 魚味好香好濃郁而且又帶有幾分清甜！正😋鹹味適中所以食完成碗都唔覺得口渴 麵嗰方面 佢哋會用幼麵烚嘅時間啱啱好唔會太淋又唔會太硬 而且麵條煙靭 唔錯！！！蛋叉燒各樣都做得好好所以冇嘢可以再講如果依間拉麵店係開喺屋企附近一定會日日去食😚起我香港食過暫時最好食嘅拉麵👍拍到🇯🇵嘅水準

今日同朋友喺 PMQ食完午餐後，一路沿鴨巴甸街行落去上灣站諗住坐地鐵走，點知行經呢間拉麵店時，見到門口排滿人等入坐，剛好我朋友喺日本人，佢話呢個店喺黎自大阪，兼且個湯底係用鯛魚煲出嚟，因為我一般食日本拉麵都係豬骨湯底，鯛魚湯真係未試過，雖然剛食完午餐，但係既然有緣見到佢，就入去試吓先😅室內環境好簡單，十幾個坐位好有日本風格，煮拉麵廚師係日本人，見到係好專心做每一碗拉麵🍜🔻鯛魚白湯拉麵上枱時見到碗白湯已經好吸引，因為我坐喺吧枱位置，我見到廚師喺魚湯裡面用手提攪拌棒打至起泡，然後先放入拉麵同豚肉、魚肉等配料。當飲第一啖湯已覺得不得了，好 creamy好香好濃，真係要用無數魚先可煮到咁重魚味嘅湯，真係非常鮮味，好難用言語表達到果種「嘩」一聲感覺😅，碗邊黃色嘅係柚子醬，如果你覺得湯太濃味，可以撈少少落湯入面嚟飲，味道又好夾幾好味，食日本拉麵湯頭幾時都係重中之重，湯底掂已經贏咗，好嘢👍😋

🌈 ○de▽ 鯛白湯らーめん🥢鯛白湯以鯛魚、貝類熬製而成的濃湯真係好出色海鮮的鮮味使湯底充滿海水氣息😋拉麵偏淋但十分掛湯鯛魚肉啖啖厚實配大葱再沾上碗邊清新的柚子醬為濃郁的海鮮湯帶點清爽感令人食不停口🥢日式炸雞炸雞肉鮮嫩多汁配上咖喱粉令炸雞香味升華不過進食時要小心控制呼吸以免咖喱粉吸入錯誤🙊*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*若果想星期六日去而唔想要排隊就要中午12時或之前到達了

呢一間拉麵係本人心中有頭幾位雖然主打鯛白湯拉麵之前有食過都覺得好濃厚好好食但我更愛既係佢哋既鯛清湯拉麵湯底清澈得黎好鮮好重味旁邊會有手工製牡蠣油🦪可以按個人喜好加入去增加風味.而配料方面最欣賞既係炸鯛魚皮同平時食開既完全唔同🤤如果係叫鯛白湯就要自己再另加小食先試到喇～.最後希望麵既硬度可以調整因為本人比較唔鍾意軟身既麵🤣另外沾麵又賣晒，希望可以再試！（不過有啲少貴😂）同埋提提大家，餐廳特別之處係唔收現金想食既要留意吓

冬天一定要食暖粒粒嘅嘢❄️ 食拉麵就最好不過 呢間過江龍鯛白湯拉麵都好出名👍🏻一直要拍好耐隊 今日都唔例外等左30分鐘 😅 雖然坐得比較迫 但係值得一讚嘅係服務態度十分不錯🥰 排隊嘅時候會遞水 主動提供濕毛巾 呢方面十分加分💓 味道方面真材實料值回票價💰 （但輕輕的講一句 🙈個人比較喜歡同集團的雞白湯拉麵呢🐔）⭐️ 鯛白湯 🤍望到濃厚嘅奶白色湯底就知道用咗天然嘅日本鯛魚熬煮出黎🍼 飲一口味道Creamy及濃郁 好真實嘅鯛魚味🐟 反而配料嘅叉燒同鯛魚碎比較淡味 無咩亮點🥩 飲到因為真材實料最後唔會膩 附加柚子醬味道幾清新 但係略有畫蛇添足之嫌 🍋⭐️ 鯛清湯 🍲清湯更突顯魚的鮮味 有啲似自家煲嘅魚湯🌊但係食耐左可能會比較淡 配料同樣有叉燒同鯛魚碎 呢款面加上自家製既牡蠣油🦪 就咁食一啖好似太濃味😅 混入湯底更加提升鮮味💙 加上炸魚皮唔會太厚粉😋真係食緊魚嘅感覺

呢間從日本大阪過江龍嚟嘅「○𝐝𝐞▽ 鯛白湯らーめん」鯛魚拉麵店非常高人氣，以鯛魚湯出名，主打3款特色拉麵，據聞魚湯極其濃厚，我一直非常想試吓其獨特之處，無奈上年開業至今都繼續有人排隊，今次終於趁前排天氣開始轉涼，排隊唔會排到身水身汗嘅時候過嚟拜訪一下。最後連埋門外落單嘅時間，我哋都只不過等咗大約半小時，星期日下午時份嚟講，個人覺得係可以接受嘅等候時間。店鋪門面以白色牆身配落地玻璃設計，整體裝修用咗較為溫暖嘅木系做主題，全店有啲位置採用咗隱藏式用燈，側邊近窗座位上亦有做咗比較明亮嘅燈光，所以整體感覺簡約得嚟又帶啲高雅。店內最先望到嘅中央位置係開放式廚房，如果坐吧檯就可以一目了然望到師傅喺面前製作拉麵嘅過程。另外佢哋嘅用餐配套相當唔錯，檯面有放咗獨立包裝嘅濕毛巾，口罩套同埋圍裙，頗為貼心。拉麵湯底獨沽一味，只賣鯛魚湯，種類就有三款，分別係「鯛沾麵」，「鯛白湯」，「鯛清湯」。另外亦有三款小食同埋一款飯類可以選擇。🔸鯛白湯拉麵($𝟏𝟑𝟖)：餐牌上有介紹到湯底採用咗「天然真鯛」同埋「水」再加埋幾種貝類熬製8小時而成。一上枱魚香撲鼻，湯底呈泡狀，配料放係中間位置，有少少紅色調味粉末作為顏色點綴，整

唔鍾意排隊嘅我大約12點到，排左幾分鐘已經可以俾錢叫野食入到去等左上分鐘熱辣辣拉麵送上我加左隻櫻木煙熏糖芯蛋主角係濃濃嘅魚湯飲一啖已知好野，鮮味出晒嚟拉麵軟硬適中呢隻糖芯蛋不可不試坐係度都聞到陣陣煙熏味入到口極香，煙熏味係口腔徘徊好一陣子

小編來到中環一間日本過江龍拉麵店「 〇de▽鯛白湯らーめん」，是日本大阪的高人氣鯛魚湯拉麵店🐟🍜 主打三款魚湯拉麵，包括招牌鯛魚白湯拉麵、鯛魚清湯拉麵及鯛魚沾麵（配鯛白湯沾汁），餐廳只有16座位，店內採用開放式廚房，食客可以近距離欣賞師傅烹煮過程👨🏻‍🍳 先在門口結帳後等侍應送上拉麵，留意餐廳拉麵販賣機雖然只收八達通，跟店員聯絡後也可以現金及信用卡付款😄「鯛清湯」賣相吸引，「🔴」同「🔻」形狀的的筍片相當有標誌性，配料有兩塊叉燒薄片，當然不少得真鯛魚肉及兩塊細炸鯛魚皮🐟 另外加配了櫻花煙木燻蛋，清甜而帶香煙熏味，蛋黃呈流心狀態✨ 喝下第一口魚湯有驚喜，味道鮮而不腥，每一口都是純正鯛魚清香，把鯛魚的精華都濃縮在每一口湯汁😍 拉麵麵條較幼所以吸附湯汁，鯛清湯同時附上的是牡蠣醬🦪 加在湯上更加提升整體鮮味🥰超推介「鯛魚沾麵」🐟 整碗拉麵上桌時非常澎湃，金色碗上的麵條冒著煙霧，充滿仙氣✨ 留意鯛沾麵是每日限量發售，沾麵熱湯非常香濃，裡面有叉燒角切、鯛魚角切、筍片等材料😍 味道濃厚，適合較重口味朋友，麵條有嚼勁而且十分掛汁，是美味的配搭，附上半個青檸檬同炸蒜粒增加味道層次🥰 🍽 ：鯛清湯; 鯛魚沾