Day One Cafe (駱駝漆大廈第三座)

營業中

休息中

今日同小朋友去駱駝漆行街，行行吓見到呢間餐廳幾特別，最入去試吓。裝修行工業風，以灰色為主，感覺幾有型。我哋叫咗一份煙三文魚忌廉扁意粉，一份龍蝦汁蕃茄鮮蝦扁意粉，一杯凍朱古力。三文魚扁意粉，三文魚好香，特別係上面花花型嘅三文魚，油脂幾好，下面忌廉汁都好味。仲有草菇，洋蔥同香草一齊炒。鮮蝦扁意粉都好味，龍蝦汁好香，鮮蝦都算大隻，爽口彈牙，有一點驚喜。一樣有草菇，洋蔥同香草炒。估唔到小朋友大讚杯凍朱古力，佢都算係半個專家，因為有啲又話唔係用朱古力粉，有啲又話係阿華田味多啲。所以對於朱古力，佢都有一點研究，我試咗一啖，好味，不過冇佢咁識嘆分析。總結，行行下街，食下野，坐下，飲柸野都不錯。😋Yummy Yummy: 7/10😋

經過駱駝漆工廠大廈、 發現新餐廳🐕有健康餐亦都有daily special 🐰👉🏻 沙律配清新柚子醬：沙律新鮮爽口， 畫龍點睛嘅係柚子醬帶有清新嘅酸甜味，好freshh 👉🏻 香煎澳洲草飼肉眼牛扒配薯蓉： 牛扒煎得恰到好處，外脆內嫩， 仲有好多肉汁 而且擺盤真係擺得好靚好吸引搭配 牛油香氣四溢嘅薯蓉， 正🐰👉🏻 焙茶鮮奶：濃郁的焙茶香氣配上濃厚的鮮奶， 同埋靚靚嘅latte拉花 賞心悅目🐰整體呢間cafe嘅食物好睇好食環境都好舒適 下次夾band之前會再嚟🐰👍🏻

今日約左gym 友食飯 做gym 既人飲食控制好嚴謹 所以佢已經搵好呢間餐廳食了 非常好 睇下餐牌 唔單止健人友善 生酮/ 低碳都好岩 當然正常人都好多選擇啦叫左香煎澳洲草飼肉眼牛扒配薯蓉 牛扒叫五成熟 黎到燒得岩岩好牛肉味幾濃郁 薯蓉夠creamy 仲有 秋葵 番茄等配菜 呢個主菜都好夠食 招牌蒜香橄欖油鴨胸翠肉瓜麵 一黎到超級香 翠肉瓜麵仲保持到爽脆 唔會淋晒仲吸晒d 醬汁 幾惹味仲有紅椒 芽菜 好味都豐富鴨胸係厚切 食落啖啖肉 好滿足再加左個沙律沙律都好大兜 揀左醋汁 鐘意佢分開上 要幾多自己話事最後記住做埋佢既會員Book 位有8折 又有得儲分換食物/ 飲品

上網搵食，見到呢間西餐有牛角包窩夫，仲要有幾種唔同嘅味，所以收工約朋友去試吓一去到睇佢Menu，樣樣都想食我哋嗌咗卡邦尼意粉，同埋牛扒配薯蓉初初諗住嗌完煮食食到一半先再嗌甜品點知道朋友話今日好飽唔肯陪我食，我睇到隔籬枱嗰碟好靚，同埋杯咖啡好好飲，我決定咗嗰一排再嚟食甜品飲咖啡佢個意粉非常之出色，啲煙肉唔係普通嗰啲煙肉仔係大粒煙肉有蛋黃味，唔係間間餐廳煮嘅卡邦尼都會有蛋黃味我覺得個牛扒係超級高水準，如果呢個價錢嚟講係非常之抵食，佢已經幫你切好晒唔使切到手都攰，啲肉質非常之嫩滑，五成熟啱啱好唔會過山亦唔會過熟，亦都有牛肉汁味，水準係高於預期，食到我哋兩個都飽飽十分之滿足

呢一晚同朋友去左工廠區覓食！☺️我想食意粉類，於是朋友推薦左呢間cafe! 果然係好推薦！😬😬1.煙三文魚忌廉扁意粉 $108我地仲追加左半個牛油果！牛油果熟度恰到好處！😍扁意粉口感彈牙，忌廉唔會太heavy，煙三文魚亦有好多片，食落creamy好味！😋😋😋2.龍蝦汁蕃茄鮮蝦扁意粉 $118鮮蝦爽口，龍蝦汁蕃茄開胃好味。扁意粉依然係口感彈牙，時間掌握得好好！👍🏻👍🏻下次可以再黎食吓其他不同款式既食物！☺️

朋友介紹觀塘駱駝漆有間好食的西餐廳，於是今晚收工就walk in 過黎食，職員都好主動講有咩item今晚係冇，竟然冇我bookmark 想食的提拉米蘇泡沫咖啡🥲🥲唯有下次再黎過。卡邦尼扁意粉$92佢啲煙肉係厚身切到大大舊，咸香味好重👍👍每條意粉都俾creamy的汁包住，正呀😍😍焗醬燒豬肋骨配薯蓉$148豬肋骨好容易切開，BBQ味入曬去個ribs入面，配菜有薯蓉，車厘茄同秋葵，上枱以為份量唔算多，點知食完好飽🤣🤣另外仲叫左兩杯飲品Mixed berry smoothies $37冰凍口感加上入口酸味味，咁熱天氣飲一流🙊Dirty $30咖啡味好濃，好飲👍👍餐廳顏色格調用左黑白灰色，帶點工業風；職員好主動會斟水，有禮貌，值得一讚👍

今次嚟到觀塘駱駝漆大廈嘅呢一間Cafe，舖頭走呢個型格路線，幾新淨。一日到去見到侍應哥哥好認真咁抹枱，衛生程度唔錯。呢度嘅Express Tonic有得揀Fruity 同埋Nutty，一於揀晒兩隻試吓分別。有漸層嘅呢一杯係Nutty味道，配埋湯力水非常清新，入口飲到烘焙味幾重。Fruity 呢杯一樣出色，感覺比上一杯酸少少，飲唔慣咖啡嘅朋友必選。焗醬燒豬肋骨熱盤今次揀咗豬肋骨配薯蓉，美式嘅BBQ醬酸酸甜甜，豬肋骨夠腍，份量仲唔少。薯蓉更加係一大加分，夠晒Creamy。氣炸香烤雞翼烤雞翼份量都唔少，有五隻，醬汁同豬肋骨相似， Juicy。同場見到其他人幫襯佢嘅意粉，下次一於試吓。總結，係一個同朋友聚腳吹水嘅好地方。

焗醬燒豬肋骨配薯蓉$148餐廳用左惹味嘅BBQ醬去醃豬肋骨，而且醃得夠長時間，每一條豬肋骨都好入味。BBQ 醬甜甜酸酸，加上淡淡微辣嘅後勁，食起上嚟好惹味。豬肋骨都好大嚿，加埋都有五條骨，而且每一條都同手掌差唔多大。配料揀左焗蕃茄仔同秋葵，焗咗嘅蕃茄仔提供額外嘅甜味。而且薯蓉都好嫩滑，焗完之後都係好綿密。提拉米蘇泡沫咖啡$68餐廳嘅特別飲品！飲品加入正宗tiramisu mascarpone cheese ，飲落去味道同飲緊真正嘅Tiramisu好似。餐廳一次過提供四支手指餅，大家可以盡情咁樣將tiramisu 飲落口。

放工去駱駝漆行行一陣再買啲嘢返屋企食久唔久行下駱駝漆都有好多新驚喜駱駝漆六樓見到這間,這間cafe,門面好型格門口睇餐牌見到竟然有椰菜花飯,就決定買返屋企做晚餐A6焗醬燒豬肋骨配薯蓉B4 松葉蟹肉明太子炒椰菜花飯+ 酸種麵包外賣帶走非常整齊，覺得午餐買返公司食應該都唔錯醬燒豬肋骨配薯蓉好大份，店員話幫我哋分咗兩盒非常好，兩個人食人一盒每份都有三條骨即係總共有六條肉的份量比想像中都多肉質嫩滑， 醬汁唔會太甜薯蓉又再分開一盒，薯蓉唔會黐住曬喺啲豬肋骨， 覺得這間店舖都幾有心松葉蟹肉明太子炒椰菜花飯非常期待這個食物， 好耐冇食過椰菜花飯好健康仲有松葉蟹裏面仲有勁多菇椰菜花飯都好似飯，食落好似意大利飯 因為驚唔夠飽所以加咗一個酸種麵包不過其實都好夠食加15蚊以為得一件，原來有兩件份量真係都好公道買嘅時候見到有會員優惠， 感覺都幾抵仲有得儲分， 300分就可以換到雞翼,即係食多一次就已經可以換到見到門口都有好多咖啡包可以買等外賣嘅時候聞到咖啡都好香不過今日外賣就冇叫飲品驚倒瀉下週放工可以約埋啲同事放工嚟食餐廳店員好有禮貌，又會細心問要唔要餐具 見我哋要豬肋骨仲畀咗濕紙巾我哋咁有心嘅餐廳真係值得推

平時嚟觀塘都會去下d工廈搵食 今日同朋友就嚟咗駱駝漆呢度 見呢間餐廳裝修係走黑白灰嘅水泥風 主打低碳同生酮飲食就諗住試下啦 不過本身想試嘅椰菜花飯咁啱今日無 所以最後都係叫咗我心愛嘅牛肉香煎澳洲草飼肉眼牛扒配薯蓉叫咗7成熟嘅肉眼牛扒火喉控制得啱啱好 食落肉質唔會太鞋而且仲保留到肉汁 加上黑胡椒調味令到個牛味更出 伴碟嘅薯蓉入口好creamy順滑 仲有蕃茄仔同埋秋葵煙三文魚牛油果芝士卷 (2卷)呢款芝士卷雖然睇落細細份但相當之精緻 由多片嘅煙三文魚捲成花形狀 再係面頭鋪上新鮮嘅牛油果醬同水牛芝士 最後再灑上黑醋 成個組合嘅味道好fresh 草莓乳酸梳打清爽嘅乳酸梳打仲有唔少嘅士多啤梨果肉 兩者混合可以恰到好處咁中和咗甜味 飲落就唔會過於甜膩

餐廳裝修型格，座位闊落坐得舒服。嘢食方面都有幾多選擇，同埋佢好好，某一啲款式可以揀碳水定係椰菜花飯，同埋有啲有雞胸肉，真係適合計緊飲食嘅朋友。卡邦尼扁意粉佢係傳統卡邦尼意粉嘅做法，意粉軟硬度適中，雞蛋忌廉比例啱啱好，所以食落去唔會話好膩。再加上厚身鹹香味十足嘅Bacon，比出邊好多Cafe都做得好食。明太子蟹肉椰菜花飯呢一個椰菜花飯有驚喜，椰菜花飯出邊Cafe都比較少見，原本都驚唔夠飽，但係其實都好飽肚。因為首先佢份量都幾多，然後佢加埋明太子蟹肉，佢嘅質地有啲似risotto, 所以食落好溫暖，滿滿嘅蟹肉，喺最尾仲有少少嘅明太子辛辣味，係鮮味十足嘅一道菜。Dirty 呢度都好專業，會先問你想要fruity 定nutty 既口味， 呢杯dirty 都幾好飲。

觀塘區有好多餐廳，但要揾一間主打健康又價錢合理嘅餐廳真係唔容易。而家我同朋友去咗Day One Café食午餐，真係好驚喜！我揀咗蒜香橄欖油煙鴨胸配翠玉瓜麵嘅套餐，套餐包餐湯同飲品（茶）。餐湯方面，當日嘅湯係番茄湯，好濃郁番茄味，份量好足夠，絕對唔會令你失望。主菜方面，鴨胸好香嫩，唔太鹹，翠玉瓜麵好爽脆，再加上微辣嘅蒜香橄欖油，好開胃。雖然我冇特別食生酮餐，但食完個翠玉瓜麵之後攝取咗好多纖維，感覺好健康我個朋友就食咗全日早餐，冇特別影相，但份量超級足夠！

Cafe通常都係食意粉、all-day breakfast 同甜品，但呢個位於觀塘嘅Day One Cafe就竟然有啲keto / low-carb嘅選擇，例如翠肉瓜麵同埋椰菜花飯，仲有好啱做gym 人士嘅高蛋白質餐💪🏼🤣•🥢 煙三文魚黑松露炒蛋牛油果醬酸種多士配沙律 $92炒蛋超級滑溜，帶少少黑松露味，蓋住下面嘅牛油果醬同埋煙三文魚，原來都幾夾🤤 酸種麵包比較薄，但都食得出有麵粉香～ 旁邊嘅生菜沙律睇落好似好dry，但其實都有落少許沙律醋嘅，味道幾清新，又無沙律醬咁肥🫢 不過整體有啲細份～•🥢 高蛋白質營養餐 $98180g 慢煮雞胸、120g 三色螺絲粉、黑醋沙律呢個健康餐係朋友食嘅🤭 雞胸有簡單調味，有啲香草、黑椒同埋甜椒粉～食落都唔會好乾好嚡，仲可以點埋黑醋汁一齊食～ 而加埋螺絲粉同沙律，呢個餐夠飽肚又有營養😆 •🥢 焙茶鮮奶 $48焙茶味唔算好濃，不過夠香，加埋鮮奶嘅味道都好balance，不過如果焙茶味再濃啲就好了🫢•🥢 濃郁開心果巴斯克蛋糕 $68我上兩個月嚟食嘅時候，Day One Cafe同Silky Pastry crossover就出咗呢個開心果巴斯克蛋糕🤩 蛋糕

位於觀塘駱駝漆的型格水泥簡約風Cafe，主打低碳及生酮飲食，菜式健康又好食，岩晒健康飲食的靚靚們！！🏃‍♀️🌹- 日本帆立貝明太子意粉 HK$112 🦪🍝🐟帆立貝用日式汁煮烹製，散發日本甜醬油香氣，肉質肥美鮮味十足，口感豐富。明太子醬微微咸香完美搭配意粉，惹味又過癮。- 生酮全日早餐 HK$88 🥑🐟🦆🍅🍳健康、低碳水化合物的選擇，包含煙鴨胸，煙三文魚，牛油果，水波蛋，原型食物食出健康味道。

喺Day One嘅一餐，食完真係成個人幸福到不得了。表面平平無奇，但係味道層次豐富到爆炸！先嚟個韓式泡菜鮮蝦椰菜花飯，椰菜花飯嘅texture爽口得嚟保持咗米飯嘅咬勁🍚，混埋入口微辣爽快嘅泡菜同鮮蝦，我可以話你知，呢碟飯唔使食你都知好味！而件煙三文魚牛油果芝士卷，擺明就係社交平台打卡必備啦，但味道方面絕對唔係光看相咁簡單。煙三文魚新鮮滑嫩，搭配嘅牛油果creaminess就簡直係搭檔中嘅拍檔。若單芝士再濃郁啲，我就真係可以話無話可說喇🧀。飲品部分，House Blend Tiramisu就真係令呢個老細飲得我心花怒放。咖啡香氣四溢，抬頭一喝望過去就見到滿滿嘅咖啡藝術☕。我再嚟杯蝶豆花蜜桃烏龍茶梳打，嗰個色彩靚到不得了，飲一口先得嗰種甜甜嘅回味，真係清新爽口！呢度嘅氛圍又係一絕，黑白灰嘅風格低調而優雅。聽人講廚師同咖啡師嘅配合默契十足，由食物到飲品我都能感受到呢份用心👨‍🍳。得閒真係要再黎試下其他嘢，希望下次嘅體驗都可以keep住呢個水平！嘩，諗起都興奮呀！