Day One Cafe (駱駝漆大廈第三座)

營業中

休息中

觀塘工廈真係有唔少高質餐廳，呢晚朋友帶我食呢間cafe，走簡約工業風，環境舒適好坐。傳統卡邦尼扁意粉（$92）- 意粉掛滿好creamy嘅醬汁，亦充滿蛋香同芝士味，入面有煙肉，油脂適中，帶鹹香味，呢個卡邦尼整得好正宗好味。煙三文魚牛油果醬酸種多士（$92）- 呢個啱晒注重健康嘅朋友，煙三文魚、牛油果醬，加埋香脆嘅酸種多士，味道多層次，伴碟嘅沙律菜亦新鮮好味。飲品方面，點咗焙茶鮮奶（點主菜+$30）同牛油果奶昔（點主菜+$40）各一杯。焙茶鮮奶帶濃濃嘅茶香味，入口非常軟滑，拉花亦好靚，打卡一流。牛油果奶昔打得非常軟滑，入口充滿牛油果香味，味道好清新。