Chill Cafe Bar & Grill (已結業)

聽同事講以前質素唔錯，有同事生日就揀咗哩度食lunch。一行8個人，冇一個人唔係負評！真係未食過咁難食嘅羊架。最好係個南瓜湯。飲湯嚟咗每人一個餐包，係茶餐廳個種餐包...之後嚟個主菜，我叫咗羊架，個樣好似OK咁。但係我未食過咁難食嘅羊架，好似冇腌過咁，莫講話羊嘅膻味，係一啲味都冇！仲要好hi好乾，毫不juicy。 配咗只酸到傻嘅醬汁，同事同我都唔敢點多過一次。 每舊嘗試一啖發覺都一樣難食，就冇再食了...真係好差。最後上嘢飲，凍啡幫我地落咗糖😑但奶又自己落，係咩玩法，正確唔係比我地自己落？一唔係兩種都幫我落啦⋯⋯奶茶係茶餐廳個種，唔係西餐個種....另外幾個同事叫咗西班牙豬柳，話好似食冇味叉燒咁超級hi同乾，試咗一舊都吞唔落囉⋯⋯唯一一個同事冇特別負評話係大伏嘅係個burger，但佢都話只係一般貨色。最重要係平均一個人差唔多200蚊，但質素衰過茶餐廳！

今次慶祝㨂咗呢間餐廳，因為方便收工，唔想出尖沙咀同人迫，環境不錯，服務一流，蠔、頭盤、湯（比較濃）、羊扒出色、牛扒唔夠鬆軟、甜品同餐茶就一般。蠔就响隔離餐廳order👍🏻好肥美、好鮮甜、好新鮮，推薦頭盤很出色龍蝦湯/野菌黑松露湯好正，但因為太濃味，食到中間覺得咸咗少少，建議可以提供麵包羊扒煎得剛好，牛扒有少少失望，因為唔夠鬆軟因服務很好很細心，會問我哋對食物意見，知道我哋慶祝，都花心思擺設蛋糕👍🏻這個價錢都值得推薦👍🏻（牛扒除外）

喺九龍灣返工，好多寫字樓，晏晝時間周圍都好多辦公室寫字樓返工嘅人，今日lunch就揀咗喺呢間位於九龍灣零碳天地同埋MegaBox附近呢間餐廳諗住食得健康啲，叫咗個低溫慢煮雞胸配溫泉蛋及菜蔬同埋黑松露野菌長通粉低溫慢煮雞胸配溫泉蛋及青洽菜蔬 ($118)聽落去功夫好多，但係味道就一般，清洽菜蔬份量唔夠，感覺唔係好抵。黑松露野菌長通粉($108) ，黑松露味唔夠香，但野菌同埋長通粉份量都足夠。總管你到咗嘅環境舒服，亦都唔使乜點等位，但係嘢食就一般，希望下次再嚟食會有改善。

離開九龍灣有一段時間，轉左工點知公司又搬返來九龍灣😂 今晚就叫左幾個同事來這間餐廳聚餐。以前在這裡返工都有來過幫襯午餐。我地四個人叫左幾樣野送酒。芝士拼盤，大蜆鍋，仲有個和牛面肉。芝士拼盤有四款芝士，乾果等，都好豐富。送酒一流。個大蜆鍋好好味，好新鮮，而且好大鍋，配埋蒜蓉包原來都可以飽肚。今晚個主角就係個和牛面肉。入口即溶，而且好有膠質，好香牛肉味。真係想叫多客....點知已經沽清了😞 侍應解釋因爲係慢煮，所以唔係可以即叫即做，咁都合理嘅。環境，服務，氣氛都幾好。價錢比起尖沙咀同一級數餐廳平三成左右。睇來公司決定搬來九龍灣都係好事，年中Happy Hour 可以慳唔少😂😂

今日又到九龍灣見客順便同客食個飯。個客負責book枱，佢揀左九龍灣國際交易中心二樓平台呢間Chill Café Bar & Grill。其實我都幫襯過隔離間蠔吧，水準唔錯。今日試試呢間都好。我地成2點先食，所以無訂枱都有位。兩個人叫左兩個Daily Special, 一客希臘烤羊架，一客香草大蝦意粉。三件羊架跟配菜，餐湯/沙律，餐飲，賣$168。係就係唔算平，但係一上菜真無嘩左一聲。羊架燒得啱啱好，七成熟。加埋好多配菜，仲有個乳酪醬汁，食落好清新。份量夠晒大。突然覺得好抵食。個客叫左個大蝦意粉，我比左一件羊同佢換左少少意粉。大蝦夠新鮮實肉而且真係好大隻，意粉做到軟硬適中。係油左少少。不過係橄欖油就無所謂啦。整體來講食物環境服務都唔錯。不愧係甲級寫字樓嘅食肆。靚食材價錢合理。

第一次試這西餐廳，環境不錯，有露天及室內選擇。同事時不時開大會後，都會帶人到這裡進餐，這次我剛好可以跟著他們來食。點了4菜晚餐，香煎帶子，味道還可以，但有點沾油，有油膩感。法式洋蔥湯，可能係第一次飲，我接受不了這味道。主菜肉眼扒，牛扒超級大同厚，有人笑說比自己的臉還大，有小小韌，鹽加得重手了點，不過我食得重口味，接受到。同事都讚味道不錯。甜品奶凍🍮，好滑，口感棉密，但太甜，蓋過了其他味。

今天Lunch 試下同事介紹嘅西餐㕔，裝飾環境都不錯，分開室外和室內。幸好，我們一早book 左位可以坐室內，如果唔係要坐室外吸二手煙和曬太陽了！是日餐湯，椰菜湯，另一選擇，薯仔沙律，因自己唔好薯仔，所以揀左湯試一試，而且坊間好少有椰菜湯，很冷門，即管試下。味道很淡，可能係椰菜關係，很一般，唔太吸引！香煎比目魚扒配香橙紅花蛋黃醬 ＄148比目魚扒外貌煎得唔吸引，肉質不算太嫩，不算油，很一般，而醬汁有很濃蛋黃味而沒有香橙味，有些失望！

幾年未來過這餐廳，原來已經轉手一段時間。以前根本就無咩客，難聽D講連隻烏蠅都無😂 轉手之後有幾個同事經常來，今日就跟跟個同事睇吓有幾好。好彩同事訂左枱。午市爆晒連戶外都坐滿客。雖然成30度好在有太陽遮檔一檔都無咁曬。我們當然坐室內啦。佢地每兩星期會轉個Special Menu, 唔怪得幾個同事食極唔厭。我地兩個人就叫左個帶骨豬扒，同煙三文魚蘆筍意粉。午餐有沙律或餐湯（唔記得影相）沙律菜夠新鮮。食完沙律唔夠3分鐘就上主菜，見到個豬扒賣相好掂，勁多配菜，感覺好健康豬扒煎得啱啱好，外面煎得好香，而入面又有肉汁。連個三文魚意粉都有蘆筍，感覺真係好健康，意粉軟硬度啱啱好。跟埋杯咖啡，百零蚊價錢係唔平，不過品質都係值嘅。

Such a Chill place for happy hour and dinner with friends! Very open view outdoor seating area and nice menu. Price is reasonable and service is fantastic. The USDA Prime Grade Rib Eye steak and Lamb Chop are great! $55 happy hour price for a glass of wine you can’t ask for any better offer than this!

九龍灣chill 嘅好地方，對住零碳天地 ， 三五知己飲嘢正，欣賞其青口夠鮮甜， 肉眼扒嫩， 猪手夠脆， 環境舒服寧靜， 服務很窩心，價錢一點都唔貴， 。 我2個女女 都很鍾意， 我女最鍾意食龍蝦意粉， 黑松露芝士醬薯條。 正， 值得推介

小弟第一次寫食評，以紀錄有史以來最差體驗。長話短說食物質素：叫左兩個set lunch，分別係牛扒$178+10%同雞肉risotto$128+10%，味道如何？會讓你意識到大快活同ikea其實都唔太差。服務水平：其實員工都算友善，但應該training不夠，這些都不太重要。令人不解的是為何周圍遲過我地落柯打嘅人有得食先，重點係佢地嗌嘅嘢係同我地一模一樣。所謂經理行埋嚟同我地道歉，但佢一身casual wear，可能佢地嘅態度正如餐廳其名，非常chill。用餐環境：繁忙時段只可選擇室外，如果你可以忍受如同龍捲風般的二手煙，或者你是吸煙人士，你會喜歡坐出面。室內應該會好D。總結：如果有得揀，呢個價錢可以買到更好嘅午餐同服務。如果想試下有幾伏，可以嚟見識下。

上次去過九龍灣國際交易中心平台花園間蠔吧食過覺好好正，今日又來試試呢間西餐（好似係同一個老細）呢間餐廳除左有固定午餐牌，仲有幾款Special 每兩星期轉一次。我地三個人就點左三個Special。咖喱牛肋肉飯，一種好特別嘅咖哩香料，唔係港式又唔係日式咖哩，有少少似印度咖哩好料，配飯熱辣辣，辣度剛剛好。可能要配合好多外籍人士口味。希臘烤雞肉串，地中海式食物，雞肉烤得好香又唔柴，配埋烤薯青瓜沙律感覺好健康，好咪另一個意式蟹肉粉卷好有驚喜，兩條粉卷塞滿蟹肉，真係超滿足。再提一提我們坐室外座位，天氣好好，有陽光又有清風，對住零碳天地公園，環境一流。

小女子曾經係九龍灣做過幾年野，都有啲熟呢頭，隨住九龍灣寫字樓越來越多，餐廳亦越來越多，不過呢，好食既唔多囉😂 呢間餐廳我lunch成日黎食，lunch set要過百一位，有啲水準，dinner係第一次食，4 course dinner 有四個主菜揀，最平半隻龍蝦意粉：2百幾；最貴牛扒配全隻龍蝦：4百頭呢個價錢有4個course又坐得舒服，可以接受兩個人去，頭盤揀左魚子醬帶子同鵝肝，帶子煎到啱啱好，好新鮮；鵝肝香口有油香，係硬咗少少湯揀咗龍蝦湯同松露蘑菇湯，兩個都好好味，龍蝦湯味道好濃；蘑菇湯啲松露油又夠香之後係主菜，要咗龍蝦意粉同羊架，意粉唔夠醎，反而甜甜地；羊架要5成熟但黎到得3成熟左右；兩個主菜都唔算太好到甜品，要咗一個Panna cotta(奶凍）同creme brulee(法式焦糖布甸），奶凍層菓醬太甜；焦糖布甸就蛋香唔出；兩個甜品都一般總結：頭盤同湯高分數，主菜同甜品就較失色，但總括黎講係幾好既，係九龍灣難得既一間好餐廳

臨收爐前大家同事諗住食餐好嘅賀一賀佢就揀咗呢間好似比較高檔啲嘅餐廳其實百幾蚊一個午餐對我來講真係幾貴不過大家都咁高興就一齊湊熱鬧見到佢個餐牌，橫掂都係食貴啲所以我嗌左個魚唔係講笑，當碟魚嚟嘅時候：我心諗咁細碟攝牙罅都唔夠點知都未食晒成條魚都覺得有少少飽可能因為之前有個餐包仲有前菜係沙律或者湯揀天氣咁凍大部份同事都揀咗湯佢今日嘅湯係南瓜湯好蓉好夠味唔似開水沖😋餐前麵包都係暖和👏🏻其實個魚雖然細啲，但食落又唔覺而且都算唔錯，唔算好滑但又未係好鞋佢嗰醬跟佢配合得幾好我呢啲咁為食嘅人梗係同人交換試啦食咗同事一細舊豬，個豬好好食喎👍🏻好似慢煮工藝咁啲肉汁有保留喺入邊所以我建議食豬好過食魚😆

路過零碳天地時，發現了Chill cafe & bar，由於假日於Mega box 揾嘢食一定好難揾位，於是過去一試啦 🙂 又確實係有點驚喜喎 ❤入到餐廳，環境舒適，天然光下用餐更是寫意！而且有露天茶座，大概有2-3枱，當日還有其他客人在寫意地嘆紅酒和雪茄！店內每枱之間雖有點近，但在於我仍可以接受😊！午餐餐牌價錢大概$100起 💰 有餐包🍞，餐湯🍯或沙律🍀，主菜🍛及餐飲☕而且食物質素尚算不錯 ❤ 只是其中一個餐的醬汁略咸！