Chill Cafe Bar & Grill (已結業)

上次去過九龍灣國際交易中心平台花園間蠔吧食過覺好好正，今日又來試試呢間西餐（好似係同一個老細）呢間餐廳除左有固定午餐牌，仲有幾款Special 每兩星期轉一次。我地三個人就點左三個Special。咖喱牛肋肉飯，一種好特別嘅咖哩香料，唔係港式又唔係日式咖哩，有少少似印度咖哩好料，配飯熱辣辣，辣度剛剛好。可能要配合好多外籍人士口味。希臘烤雞肉串，地中海式食物，雞肉烤得好香又唔柴，配埋烤薯青瓜沙律感覺好健康，好咪另一個意式蟹肉粉卷好有驚喜，兩條粉卷塞滿蟹肉，真係超滿足。再提一提我們坐室外座位，天氣好好，有陽光又有清風，對住零碳天地公園，環境一流。