Chill Cafe Bar & Grill

營業中

休息中

是日想吃好一點,但印象中九龍灣商業區的午飯好地方好像不多，這時正好有人提議了Chill 。午市套餐包沙律/湯、主菜、茶或咖啡,選擇都看似不錯啊是日的沙律和湯分別是薯仔沙律和南瓜湯餐包略硬我們點了牛肝菌春雞燴意大利飯和龍蝦汁海鮮香草新鮮意粉 濃稠的忌廉汁和雜菌牛肝菌春雞燴意大利飯件數不少的雞胸塊淋上濃稠的忌廉汁和雜菌,配以creamy十足的意大利飯,相當滋味(味濃的醬汁也成功掩蓋雪藏雞的味道)不過也因為這個飯較重口味,縱然好吃,多吃幾口,便開始覺得膩了龍蝦汁海鮮香草新鮮意粉這道意粉就相對的淡味了。龍蝦汁味道不太濃,意粉是偏稔身的,海鮮應是雪藏的現成貨色。整體來說,環境和食物還不錯的,服務質素也好,不過食物若可再新鮮些就更好了

約了舊同事Happy Hour, 到舊公司附近一間餐廳，餐廳轉左手改了名。明顯多了好多人氣。餐牌多了很多菜色，有平有貴，豐儉由人, 14 oz 美國Prime 肉眼賣$320 真係好平。不過我地試左侍應介紹左個慢煮牛面肉，我自己就特別喜歡食龍蝦。牛面肉好淋，好有膠質，好好味。好少其他餐廳有得食。龍蝦無特別驚喜。但亦無失望。四個人開了三支酒，呢間餐廳個酒牌真係算公道，一支波爾多列級酒庄副牌賣五六百。去屈臣買都要。同一支酒出尖沙咀最少貴四五成。

諗住一家人開開心心咁食一個晚餐，食完嬲住咁離開，叫牛扒七成熟但煮到出嚟，第一啖食落去已經係燶味，換過另一件變咗係三成熟，太生根本食唔到，意大利飯咸到要不停飲水，食物完全沒有水準，最後叫咗個心太軟變咗朱古力蛋糕完全唔係心太軟嘅效果，用啲咁嘅價錢去另一間，食物水準應該會好好多，完全估唔到煮得到咁嘅食物可以去做廚師，個甜品簡直仲差過初學者去焗，唔會再有下一次😡😡。

在九龍灣商業區找個「食好啲」的地方午飯選擇不多，Chill 就是其一。是日sweet sweet 的好同事請吃午飯，很自然就選擇了這裡。午市套餐包沙律/湯、主菜、咖啡。我們點了黑松露長通粉，燒牛肉沙律。長通粉軟硬適中，伴上濃稠的忌廉汁和雜菌，很適合喜歡 creamy pasta 的我。同事的牛肉沙律份量很多，聽她說沙律菜頗新鮮，醬汁也美味，就是稍嫌牛肉太raw，如熟一點會更好。連日下大雨，幸好當日午間放晴，在明朗天色下跟好朋友吃悠閒午餐，人生一樂也！

先黎Happy hour，我叫左杯house白酒，好平價貨，唔值。叫左sausage platter，叫做全晚最好。過左陣叫main course，賣相好好既，不過牛排超多根，食唔倒，老婆個意粉唔識形容地唔好食。再黎甜品心太軟，真係太軟地倒塌了，仲漏朱古力，唔合格，不過佢地知衰送多個燉蛋。兩個人埋單九百幾。唔值囉，我諗剩係Happy hour都ok既，不過唔好叫house wine。

今天同屋企人黎預祝母親節，款式多樣化😍Set dinner既龍蝦手作麵同14安士既安格士牛扒一流👍🏻好好味😋前菜既鵝肝係我既最愛之一，又大件☺️勁正，連dessert既tiramisu都好正宗🙈

今日同同事farewell，去左呢間chill cafe 食咗個set lunch 燒西班牙豬柳配雜菜。今朝book左枱唔洗等位。個燒豬柳相當嫩，份量亦啱啱好，男仔都夠食。個汁有少少似芥末，微辣得黎相當惹味。正！前菜揀咗沙律，係紅菜頭沙律，個人覺得都okay, 不過可能紅菜頭就唔係人人鍾意食。今日1點前埋左單，靚女老闆娘畀咗個九折我哋。 (128 x 90%)之前亦試都過收工後響呢間 Happy hour,  有outdoor都幾好 feel,  九龍灣收工又唔想出去出面咁遠嘅可以試下。

朋友係九龍灣工作，遇岩我今日放假，唯有就佢， 係九龍灣食飯+happy hour😬地點有啲唔就腳，地鐵站行過去，大概10分鐘左右。不過如果你覺得MegaBox方便的話，就無依個問題。餐廳環境不錯，有室外有室內，我地選擇左坐室外，無咁拘束.叫左碟腸拼盤來助酒，不錯！更不錯的，係依度員工既服務態度，好親切！

We had our last lunch of the year together at Chill Café Bar & Grill Restaurant. I ordered from the festive menu with three courses and I enjoyed it very much. We were first served with water and warm bread. I love chestnuts so having chesnut soup on the menu was a must-try item. The Roasted Chestnut Soup turned out to be delicious. It was aromatic and richly chestnuty. For second course, I had Grilled US Black Cod Fillet. It was yummy too. I couldn't tell exactly what this yellow sauce was but

難得同朋友聚一聚, 見呢間餐廳o的評價唔錯, 點知就中曬伏見佢個set dinner有5個選擇, 就每樣都試下先上個First Course, 我地分別叫o左兩樣點知呢兩樣係成晚最好食o既個帶子好鮮味個鵝肝醬唔會太咸, good!到Second Course喇兩款湯都非常之咸, 咸到想狂飲水到個Main喇除o左個青口好味少少, 不過o的青口得個殼, o的肉好細粒個意粉係超級超級普通o既意粉以下果3樣真係韌到不能再韌牛同羊都叫8成不過真係不一般地韌, 無番咁上下牙力o既千祈唔好叫個羊仲蘇到完全入唔到口又韌又蘇真係一o的都唔開胃我都唔係好明, 點解雞都可以煮到咁反而佢o的薯條仲好味過個main到甜品喇, 話無o左心太軟 所以就叫o左creme brulee同tiramisu都係好普通o既貨式或者晚餐300蚊左右真係唔可以咁高要求不過九龍灣應該仲有其他更好o既選擇

星期五晚上相約朋友晚飯，選擇了人山人海的九龍灣。朋友推薦了一間可以看到「零碳天地」綠化帶的西餐廳，環境果然舒適，室內室外各有特色，客人可隨心情選擇。在香港地食飯，被迫選擇兩小時，甚至90分鐘離座似乎我們是默默的認同了，但這裡沒有這「常規」，你不會在進食時間上感覺到絲毫的壓力。這般有heart的餐廳，豈不是城市中的綠洲？至於食物的質素是愜意的，最喜歡白酒煮法國青口，不太鍾愛青口的我也覺得極美味，而蟹卷、燴牛面肉亦是有水準之作。簡單如拌食的炸薯條，是那種涼了仍鬆脆的水準，叫人怎可不花時間撰寫食評，與眾人分享這次的感受？如果想與友人輕鬆的度過一個周末的晚上，這間餐廳絕對是一個不錯的選擇。

今天我男友慶祝我生日，於是我們去了這間餐廳吃晚餐。我們叫了燒龍蝦，燒澳洲和牛牛腹和蒜香大蝦扁意粉。飲品我們叫了Long Island和Hoegaarden。燒龍蝦方面，原以為燒龍蝦會太乾，沒有蝦汁。不過這個燒龍蝦十分鮮嫩多汁，燒得剛剛好！龍蝦肉十分鮮甜，而且多汁，十分美味！澳洲和牛腹方面，我們叫了7成熟，這個便沒有燒龍蝦這麼美味。7成熟都有點太生，有點血淋淋的感覺，但肉質都不會粗糙，味道都ok。大蝦意粉方面，大蝦是新鮮的蝦，十分鮮甜，炒意粉雖然有點油，不過十分爽口彈牙，十分美味！Long Island方面，味道有點太淡，酒味不重，但可樂味都不重，味道一般。之後我再叫了新的一杯，叫他酒味重一些，那杯真的很（嗆），根本不能喝…Hoegaarden方面，我男友覺得不夠凍，如果冰凍一些會更好。價錢方面，燒龍蝦$328，澳洲和牛腹$248，大蝦意粉$148，2杯Long Island$116， Hoegaarden $78，加一服務費$92，總共$1010，其實都比較昂貴。環境方面，這間餐廳十分清靜，作為燭光晚餐便最好了。總結來說，這間餐廳的燒龍蝦十分美味，十分值得一試！

這間西餐廳係公司附近, 新開的, 我見OPERNICE食評都好似幾好. 同同事來試下, 12點好似未開門咁, 我們是第一枱客人, 本來係訂晒枱, 但都可以俾我們入去坐. 餐廳環境都幾靚. 仕應先攞了餐飽俾我們, 有兩件的, 餐飽加枱面上面的牛油, 軟軟地好味, 然後我們叫左每人一個SET LUNCH, 我飲湯, 牛尾湯都幾好味, 唔算好濃. 唔會好結身, 但都好大碗, 好味的, 好香.  同事食沙律, 賣相都好靚, 好多配料的, 有青瓜, 火腿粒, 紅椒等等, 個汁都好味的. 好FRESH.同事飲EXPRESSO, 佢話都OK易入口的, 有點酸, 加左少少糖. 都OK.西冷牛扒好大份的呀, 個賣相好吸引, 跟薯菜, 有兩三件薯仔, 好似蕃薯咁的, 甜甜地, 牛扒好淋身, 七成熟, 切開有少少紅色, 有少少肉汁流出嚟, 好味. 唔會太肥的, 外層少少香脆, 又大份, 好滿足呀. 仲有薯菜. 有青瓜, 黃椒及紅蘿白, 青瓜, 黃椒, 紅蘿白都好好味, 好甜的呀. 蘋果蓉豬扒配薯菜, 豬扒好大塊呀, 成個T-BONE, 蘋果蓉甜甜地好開胃, 配菜的黃椒, 青瓜, 紅蘿白, 薯仔都好好味, 好

今晚去左九龍灣食晚飯，大型商場食來食去果幾間，於是行出去睇下有咩好食，最後比我發現左間西餐廳，食物新鮮，餐廳服務員態度非常好，座位寛躺，我地點左龍蝦，卡邦尼意粉，豬肋骨，忌廉白酒青口同埋牛腹肉。牛腹肉絕對值得推介，其他餐廳好少食到，牛肉好嫩，煮得剛好，入口滿滿肉汁，吾使同人迫又食到有水準既食物，下次去九龍灣不防去試下

愉快的生日晚飯很喜歡餐廳有一個大的露天用餐的地方. 食品水準很高. 當晚我們共六個人點了以下菜式1. 海鮮沙拉 (帶子新鮮肉厚,吞拿魚味道鮮美)2. 龍蝦汁海鮮意粉(色香味俱全,意大利麵超彈牙~正!)3. 炭燒牛腹肉(嫩滑,配以柚子汁,清新合夏天)4.慢煮豬腩肉 (腩肉肥而不膩,嫩滑)5. 白酒活藍青口鍋 (青口鮮美,白酒汁香)他們廚房也會做蛋糕.味道比外面連鎖蛋糕店優越.價錢偏低. 酒吧調的馬天呢不錯! 酒保為了滿足一個喜歡朱古力的朋友特別調了一杯朱古力馬天呢! 窩心<3