Chill Cafe Bar & Grill

營業中

休息中

今日我哋一班同事约埋一齊去附近嘅西式Bar食午飯，因為一早已經預约咗，所以好快就入座。一行幾人坐正中間大枱，今次前菜我叫咗個沙津，主茶是低溫慢煮雞胸配溫泉蛋及清烚菜蔬。另外同事叫咗黑松露野菌長通粉及牛肝菌春雞熾意大利飯加餐湯。好快就有前菜送到客人眼前，我點嘅沙津顏色鮮艷，配料唔係一般的芝麻醬，係帶有少甜酸嘅醬油，菜都好新鮮，食落爽口。店員都好有禮貌收起食完的牒，再過十分鐘左右主菜就到。份量唔算多，不過對女士嚟講算係啱啱好溫泉蛋半生熟，蛋白半水狀態，味道一般。到最重要的低溫慢煮雞胸試食，雞胸好鬆軟，而醬料係特別配上，比較酸，配上雞胸一齊食有點特別。呢個餐係素食餐，除咗雞胸有配料之外，其他都沒有太大味道，偏清淡而牛肝菌春雞熾意大利飯，汁料比較平民化，味道唔錯，牛肝都好鬆軟，好好食。最後嚟一杯凍奶茶，有啲失色，味道可能有啲西化，偏苦，加咗塘醬都好似怪怪哋。整體上店員嘅服務都幾好，今次一行六人，平均都要每人一百埋單。有點兒貴。

七夕，一個香港人不太重視，而在國內非常流行的情人節，男朋友話出街食飯，佢帶咗我來到Megabox對面，國際交易中心2樓平台，原來呢度有幾間美食，環境寧靜感覺非常浪漫，實在無諗過佢咁有心思，心裏暗暗歡喜。我哋各自㨂咗個四道菜晚餐，有頭盤，餐湯，主菜，甜品，再附餐茶，我一路食一路都贊不絕口，可惜最後敗在杯餐茶中，總結都非常滿意。頭盤-鵝肝醬慕絲脆多士，鵝肝好香我好鍾意，男朋友話可以再大件d仲正。件多士吸曬油。餐湯-大蝦龍蝦湯，非常濃郁龍蝦湯味主菜-法式羊架，羊羶味不是太重，好適合怕羶的我。主菜-龍蝦手作鮮意粉，非常濃郁既龍蝦味，再加上龍蝦啖啖肉，好正😋甜品-藍梅芝士餅，食到一粒一粒藍梅，重口味啱曬我。甜品-意式奶凍，男朋友話好正，我都覺得好清新。餐茶-熱啡，太苦唔太啱我口味。餐茶-凍O茶，味道好一般。

Chill Café Bar & Grill 環境好似唔錯, lunch time 同朋友試下。牛肝菌春雞燴意大利飯 $118 - 意大利飯做得唔錯, 軟硬適中, 粒粒分明, 牛肝菌同雞入味, 可以一試. 燒烤美國頂級豬肋骨 $198 - 味道唔夠惹味, 豬肋骨肉質唔夠腍, 水準之下, 頗失為色. 下次我會選擇來這裡 happy hour. 

今日約左朋友食 lunch, 想搵個稍為坐得舒服d既西餐廳。 呢到 Set Lunch 大概百零蚊，價錢係區內算係稍高。「 燒美國黑安格斯肉眼扒 10 安士 」 $178 配 salad Salad 係鮮磨菇沙律，磨茹唔錯，但沙律菜略苦。 牛扒 Medium well, 冇over cook, 肉質都算嫰，筋肉比例尚可，但可惜煎得不夠香，牛味亦唔重，性價比不高！「 龍蝦汁海鮮香草扁意粉 」 $118 配湯除左海鮮 （尤魚 、蝦 、 青口）大隻之外，對其他都很失望！食唔到龍蝦汁味道之餘，味道非常麻麻☹️Overall， 性價比低。

九龍灣係weekend 人流較少，呢間餐廳仲要係國際交易中心二樓，就更加人少，全晚計埋其實都係得六七台客。不過就係因為咁，服務好好同可以靜靜地享受下二人晚餐。我地兩個人嗌左一個set dinner 同一個沙律，已經好飽，因為set dinner 已經好豐富，有前菜黑松露煎帶子，龍蝦湯，主菜龍蝦意粉，仲有甜品都好好味，埋單都係三百幾，價錢合理。位置只係係megabox隔離，其實都幾方便，餐廳仲有分indoor 同outdoor, outdoor 都幾好feel, 有機會會再黎。

It happens to be an exceptionally enjoyable lunch at this restaurant.Good food. Good view. Good services. When I was holding a Cuban cigar between my fingers, the waiter has already put a butane lighter, a pair of cigar cutter and a cigar ashtray on my dining table at the terrace. The slow-cooked chicken breast is just right. It's neither undercooked or overcooked. The surprise is that the sautéed vegetables are delicious as well. Parking is convenient. A basement car park is available at the bu

九龍灣的食肆不算少，但要食一餐西式烹調和坐得舒服的西餐，其實選擇很少。最近找到這間有 indoor 和 outdoor 的西餐廳。餐廳不箅大，午飯時間 indoor 已滿座，只餘下 outdoor 的位, 見陽光不太猛烈，亦有些微風，於是決定在 outdoor 進餐。相信外國人比本地人喜歡坐外面，因為坐室外有八成是外國人。午餐的餐牌上有我喜歡的魚，於是點了香煎鱸魚為主菜，除了主菜，午餐的頭盤可以選擇湯或沙律，我選擇了我喜歡的南瓜湯。等待了一會，南瓜湯和一個小餐包便送上。南瓜湯充滿了甜甜的南瓜味，雖然質感稀了一點，但總括來說質素不錯。當飲完個湯，等了一會，香煎鱸魚已經上桌了，配上少許西蘭花，甜豆和烤南瓜，還有薯仔沙律。薯仔沙律的温度只是微凍，入口令人感覺舒服，而且加了少許藜麥，增加口感之餘，亦提升了整個菜式的營養價值; 鱸魚外表煎得略帶金黃，魚肉仍然嫩滑，我當然把整件鱸魚吃掉。最後奉上午餐所包括的餐茶。在這裏用餐的節奏比較悠閒，即使是平日的午飯時間，侍應生不會忙於收碟，每樣食物也有時序送上，能讓你感到慢慢去享受每一樣食物。

朋友訂位先知道有這間，餐廳環境唔錯。先上沙律或餐湯，選了是日南瓜湯，濃味南瓜帶有忌廉香，好滑。我地三位，每人選一款一齊食。亞支竹辣椒巴馬火腿闊麵，麵質好特別，好煙靭又彈牙，應該是自己做麵。而龍虾包配薯條沙律，龍虾肉質彈牙，好新鮮。但是包和肉係凍的，薯條就有熱有脆。芝士火腿吉列豬扒，切開後，芝士汁流晒出來，豬扒又有肉汁，外皮炸到脆卜卜，香口。再叫了三款甜品，法色燉蛋，蕉糖面脆、蛋滑甜味剛好。藍苺芝士蛋糕，芝士味濃又滑又香。麵包布甸，味就淡淡的，點了黃色的汁，甜度剛好。

收工來到九龍灣，諗諗下記得除左德福/淘大有得覓食，mega box附近好似有D幾靚的 fine dinning餐廳 餐廳裝修靚靚，有set dinner提供&中位價格，好啦~ 試下先先來頭盤：煎帶子配黑魚子帶子煎得恰好，口感仍然好軟滑&鮮甜！煎鵝肝配烤蜜無花果咸甜感覺共冶一爐陶醉完美味的starter, 主菜來了~安格斯牛扒好大塊呀真係！ 牛扒肉味濃郁，但比較乾唔juicy 有點失望呢烤龍蝦配忌廉汁手造意粉好香好香呀，影完相拿拿聲收機要試食嗯~ 忌廉汁濃厚得來唔漏，手造意粉煙un彈牙，龍蝦啖啖肉(無記錯侍應說餐廳空運活海鮮來貨 真！係！鮮！來到甜品時間~焦糖燉蛋脆脆的焦糖，燉蛋甜度適中，出色麵包布甸吉士醬香甜但食完牛扒真係好飽XD 食飽飽望下個view, 係咪幾舒服呢餐廳外面有露天茶座，當晚8成滿幾有氣氛！為左龍蝦伊麵呀唔係係手造意粉，我係會再光臨的

位於mega box 附近既地方唔算話太僻 都幾易spot out🌟重點既係有露天座位 周圍既環境好靜好relax 令人放鬆起黎 ✌🏻餐湯 係南瓜湯 飲落非有好重既南瓜 反而有好質感既忌廉味 亦食到粒粒南瓜蓉 🧐甜甜地 不過不失啦意粉係龍蝦伊麵 龍蝦仔都幾大幾新鮮 重要既意粉係sok 到d 龍蝦汁食上仲有濃濃奶香味😋

已經食咗好多次了 每一次都有進步 每一次菜式都有新意 最愛龍蝦湯及白汁蘑菇湯 仲有煎鵝肝配上醬汁 帶子亦都好香口 不油不膩 配合得非常好 牛扒好新鮮 肉汁口感都好正 羊架亦非常柔嫩 口感好好 係我家人至愛！ 最配上個甜品更加完美！依家好想來個BBQ添已多次介紹朋友比朋友 個個都讚不絕口 又話要去再食多次啦！ 店員服務態度非常友善 坐位空間十分寬敞 戶外空間睇日落黃昏最好位置！一大班朋友聚會亦都冇問題 價錢亦十分合理 剛剛收到消息 又有新菜式上市 又可以去食啦

今日過九龍灣做野，順便搵呢邊朋友食飯。朋友訂了這間 Chill Cafe Bar & Grill, 早幾個月來過 happy hour 飲野食晚飯，係唔錯選擇。今日訂左枱一到即有位。朋友點了個比目魚扒，我身為龍蝦控見到有個 Special 係龍蝦意大利飯就一定唔放過啦！魚扒 $138, 龍蝦意大利飯$158  包餐湯/沙律，同餐飲。偷食左朋友件魚扒一啖，係好食，好香唔過火。我碟龍蝦飯好重料，原隻龍蝦尾，飯應該有用龍蝦膏之類煮過，有啖啖龍蝦味，加埋幾片芝士，好滿足。係嫌飯心唔係好熱，可能我鐘意熱辣辣感覺。不過都係好食。以呢個價錢，絕對無投訴。

同老友生日聚餐，今次原本念住坐出平台用餐，但有雨……，不過餐廳室內環境舒適也好好，食物質素不錯，我地叫左5 set dinner,前菜😍有邪惡嘅鹅肝(怕肥)，但堅好味，帶子煎得好正，主菜5款叫齊晒，我最喜歡龍蝦及羊扒，甜品就至like 焦糖燉蛋及布丁。訂位時已說為慶祝生日，老闆娘特意安排寫上名字嘅甜品又俾9折我哋，真是多謝晒、'

請了幾個同事去Happy Hour。公司附近真係唔多選擇。唯有去呢度。來過呢度好多次了，由就來轉工去公司A，轉左工，辭職，老闆同我喺度吹水挽留，到依家去左另一間公司B⋯⋯ 我身份不斷轉，呢間嘢反而無咩變。Anyway，呢度服務算係ok，特別係外籍女侍應幾nice 幾殷勤。我地一行8人坐低，我叫左一支南非 chenin blanc，一支意大利pinot grigio。另加一份 nacho，一份香腸拼盤。埋單 $800 幾。ok 啦。其實呢間嘢定位有啲奇怪。又唔係正式bar，又唔係好算西餐廳。每次去都覺得唔係好旺。希望佢做得住。唔係就無晒地方飲嘢。

曾經到過這餐廳吃午餐，留意到它們晚餐有四道菜供應，一直想來試，趁著年初六最後一天假期跟家人來這裡試試。我們一行七人有老有少，分別點了三客不同主菜式的四道菜，有羊架，原隻龍蝦（加配意大利飯）及魚扒，再加了小食及卡邦尼意粉。首先大家都喜歡吃鵝，所以頭盆全點了鵝肝，鵝肝比傷像中大塊，所以都夠一同分享，鵝肝煎得很香及外面帶少少脆，入口即溶，味道很好。至於第二道菜，大家點了龍蝦湯，湯味帶有很濃的龍蝦味，不過略為鹹了一點，如果味道淡一點應該會更好。至於主菜的羊架，我們點了七成熟，因為要照顧老人家口味，否則我會點五成😜，羊架都燒得香口（我估計是燒吧，因為肉面上見到網紋），味道都不錯。另外，魚是比目魚扒，肉質滑滑的及皮都很香脆，所以嫲嫲很喜歡吃，配上淡淡龍蝦汁一起吃，味道很夾。不過最驚喜及全晩最喜歡的是烤原隻龍蝦配意大利飯，最好的地方是龍蝦已起了肉及切了一片片上，方便大家分享食，飯裏是夾雜了龍蝦糕所以每口飯都會食到很濃香的蝦糕味，意大利飯亦很有口感😋😋，最後當然是清得一乾二淨。最後是甜品，我們點了原味芝士蛋糕、焦糖燉蛋及焗蘋果酥。我個人較喜歡後兩者，兩者甜味適中，燉蛋很香蛋味蛋及軟滑。大家都吃得很開心