Chill Cafe Bar & Grill (已結業)

臨收爐前大家同事諗住食餐好嘅賀一賀佢就揀咗呢間好似比較高檔啲嘅餐廳其實百幾蚊一個午餐對我來講真係幾貴不過大家都咁高興就一齊湊熱鬧見到佢個餐牌，橫掂都係食貴啲所以我嗌左個魚唔係講笑，當碟魚嚟嘅時候：我心諗咁細碟攝牙罅都唔夠點知都未食晒成條魚都覺得有少少飽可能因為之前有個餐包仲有前菜係沙律或者湯揀天氣咁凍大部份同事都揀咗湯佢今日嘅湯係南瓜湯好蓉好夠味唔似開水沖😋餐前麵包都係暖和👏🏻其實個魚雖然細啲，但食落又唔覺而且都算唔錯，唔算好滑但又未係好鞋佢嗰醬跟佢配合得幾好我呢啲咁為食嘅人梗係同人交換試啦食咗同事一細舊豬，個豬好好食喎👍🏻好似慢煮工藝咁啲肉汁有保留喺入邊所以我建議食豬好過食魚😆