Chill Cafe Bar & Grill (已結業)

小弟第一次寫食評，以紀錄有史以來最差體驗。長話短說食物質素：叫左兩個set lunch，分別係牛扒$178+10%同雞肉risotto$128+10%，味道如何？會讓你意識到大快活同ikea其實都唔太差。服務水平：其實員工都算友善，但應該training不夠，這些都不太重要。令人不解的是為何周圍遲過我地落柯打嘅人有得食先，重點係佢地嗌嘅嘢係同我地一模一樣。所謂經理行埋嚟同我地道歉，但佢一身casual wear，可能佢地嘅態度正如餐廳其名，非常chill。用餐環境：繁忙時段只可選擇室外，如果你可以忍受如同龍捲風般的二手煙，或者你是吸煙人士，你會喜歡坐出面。室內應該會好D。總結：如果有得揀，呢個價錢可以買到更好嘅午餐同服務。如果想試下有幾伏，可以嚟見識下。