Chef's Stage Kitchen

營業中

休息中

今日難得放假，見好耐都冇同家姐出去撐枱腳，於是就約咗家姐喺屋企附近行街同食晚飯，經過呢間餐廳，感覺入邊嘅氣氛唔錯，加上家姐鍾意食西餐，於是就揀咗呢間餐廳，由於進入餐廳嘅時間係非繁忙時間，所以唔洗等位就可以直接Walk in，一坐低無耐就有侍應送上麵包同水，效率相當快呢！見到餐單上嘅菜式，樣樣都好似唔錯咁，千揀萬揀，我哋最尾揀咗以下菜式：首先係前菜，我哋揀咗意大利風乾腿配蜜瓜，風乾腿加埋醋汁好開胃，蜜瓜都好鮮甜🫶🏻主菜係菠士頓龍蝦扁意粉，龍蝦好彈口，意粉配埋醬汁口感極佳😋另一個主菜係燒法國春雞 ，配菜有秋葵同三色椒，首先講吓個燒雞，雞肉好嫩口，個醬汁同雞肉好夾，秋葵同三色椒極入味🤩以上菜式 基本碟碟都俾我哋清光晒😋 當然唔少得嘢飲我哋嗌咗Forest （薄荷、芒果、菠蘿）同Sun Flower （香橙、奇異果），口感都好清新同解渴，夏天飲一流🥶值得一提嘅係個麵包，香脆麵包條同多士，配上特製嘅醬汁好食得來又開胃👍🏻呢間餐廳都值得encore😋😋環境同食物質素都唔錯👍🏻

颱風馬鞍襲港，雖然只係賺咗半天假，但都好過無，輕輕鬆鬆又收工，仲keep住放假mode，就同男朋友搵間有情調的餐廳浪漫一下。餐廳分內外兩個用膳區，地方闊落，座位唔少，泊牆全是長沙發座，加埋幾盆綠色植物，環境舒適。燈光柔和，每枱仲放了小蠟燭，都幾有情調。看看menu，有好多選擇，左諗右諗，我地最後揀了精選2人晚餐($668)，共有4道菜，並奉送飲品。不出一會，店員就送上一盆熱烘烘的雜錦麵包，有海鹽麵包棒、香草意大利包和法包。三款都好食，最喜歡就海鹽麵包棒，鹹香脆口，正!餐湯和沙律各選一，今日餐湯是大蒜薯仔湯，質感濃厚綿滑，味道濃郁，好有薯香。沙律是牛油果沙律，所有蔬菜都非常新鮮爽嫩，牛油果就好creamy香滑，拌了酸咪咪的醋汁，好fresh。頭盤選了秘制美國脆炸雞件及炸車打芝士青辣椒，件件金黃，好靚仔! 外層香脆得很，食落又唔油淋淋，讚! 脆炸雞件外脆內嫩，點啲酸咪咪的醬汁更好味! 一咬開件車打芝士青辣椒就湧出已溶的芝士，清爽的青辣椒配鹹香的車打芝士都幾爽，有驚喜。主菜可在餐牌上任選一客意大利飯/麵，我地點了一客初榨純橄欖油蒜香白酒煮紐西蘭海鑽蜆扁意粉(微辣)。一上枱就聞到陣陣蒜香，好吸

住在將軍澳的人越黎越多，餐廳也多元化，不過這間西餐廳值得一試再試。今晚同老婆二人放工後來個晚餐，坐得舒服，環境氣氛都好令人relax，先來一杯Graua orange passionfruit，好清新的感覺🤭，再來個前菜芒果蝦沙律，有水準，蝦煎過所以好香口，芒果熟晒所以好甜，最緊要係用咗芒果醬，搞到整碗菜式生色不少😋。之後飲下蘑菇湯，點下蒜蓉包，再來是燒春雞，雞肉好嫩滑，連同燒汁食更加香口👍🏻，最後來個海鮮寬條麵，都有蝦，不過佢d蝦係整得幾好食，題外話：這個菜的器皿我老婆話好靚，想買幾隻碟返屋企😅。食得太飽，攪到食唔落甜品🥲，見到其他人點creme brulee賣相幾靚，唯有再次嚟過啦🙂。

Chef’s Stage Kitchen’s got a pleasant ambience that you will feel very comfortable to stay in. The staff there are very gentle and hospitable. There are quite a number of items to choose from for their special drinks and today I picked Pandan pineapple as I’ve never seen this kind of drink in other restaurants. Ans it has a very exotic presentation! 🥰 very rich in pandan flavour which gives a creamy texture. Then it came the soup, croissant and salad. When i was wondering if it is beetroot soup,

同好友踏單車到了將軍澳地鐵站附近的唐俊街天晉匯，她提議在天晉匯地下間Cheif’s Stag Kithen吃dinner。餐廳門外也擺設舒適座位，另一邊是綠油油的植物，啱晒喜歡在戶外一邊享受自然空氣，一邊享受美食的食客。餐廳內裝潢也是很多植物；充滿大自然的感覺。我們點了二人餐健康的田園沙律有多種菜式和稀稠適中的蘑菇忌廉湯配上香脆麪包。最佳配搭有意大利風乾腿伴蜜瓜。矜貴炭燒澳洲肉眼牛扒配香草牛油焗波士頓龍蝦尾，牛扒鮮嫩多汁龍蝦肉爽彈鮮甜。鮮甜大蝦、帶子及三文魚蕃茄汁放在煙韌的闊蛋麵上口感豐富。透心涼的Sunflower果汁和玫瑰味濃郁的鴛鴦便是這寫意晚餐的完美終結！

首先會有一盤麵包，有三種唔同質感，有鬆軟、偏硬同脆條steak tartare 158前菜係生牛肉他他，係廚師推介菜式，當然要試下！！生牛肉食落唔會好腥，加左唔同椒調味，味道鮮甜。fettuccini beef 188牛肉肉質超軟腍好嫩，唔洗切都輕易用叉分開，闊意粉麵質彈牙。pan fried salmon 188三文魚皮脆肉嫩，三文魚皮脆到好似薯片咁，肉唔會煎到過火，剛剛好保持到肉汁，好鍾意個忌廉汁，又香又滑。sun flower 38大大杯好夠份量😳，清涼好freshpandan pineapple 38面有層好似cappuccino嘅奶泡，飲品香甜斑斕味。

將軍澳真係美食聚集地，越黎越多有質素餐廳😈假日六點幾已經滿座，餐廳限時九十分鐘，不過要慶生餐廳播生日歌再影埋相，都會食得有少少趕急🤣但係食物份量比預期中大份，而且味道有水準，整體性價比唔錯🤑餐包（7.5/10）有脆身麵包條同香草麵包，個蛋黃醬加上橄欖油既自家製醬，絕對係一大亮點✨▪️ 炭燒美國天然極黑厚切豬鞍扒（8/10）+ 甜薯條（7/10）💲268 + 58呢道幾有驚喜，豬鞍扒好厚身，但肉質出奇地鬆化軟嫩，好似係慢煮完再炭燒，所以縮住肉汁，亦都不失焦香🐷有得揀醬汁，我地要左燒汁，配上幼滑南瓜蓉🎃額外加既蕃薯條反而普通，如果脆身少少會更好🍠▪️ 墨西哥玉米脆片（8/10）💲128粟米脆片自帶微辣，雖則淋上芝士烤焗過，但依然脆身唔會話淋左，加上蕃茄莎莎醬、牛油果蓉、酸忌廉十分惹味，超級大既一盤，都完全唔會有油溢感好滿足🥠▪️ 波士頓龍蝦扁意粉（7.5/10）💲288賣相同餐牌有出入，波士頓龍蝦縮左啲，但肉質彈牙，扁意粉比較幼身，都幾有咬口，見無咩色以為會淡而無味，入口調味又唔錯，有龍蝦汁加上橄欖油既香氣🫒▪️ 朱古力布朗尼蛋糕（7/10）💲78甜品相比下遜色一點，布朗尼蛋糕偏向硬實身，朱古力味

有次約朋友去將軍澳食嘢，又唔熟將軍澳喎，好多唔同嘅商場😅一打開OpenRice見到有超多餐廳眼花撩亂😵‍💫最後膽粗粗見呢間餐廳啲食物影出嚟好似分量幾好，賣相都OK…我哋就揀咗試呢間！結果唔好令我哋失望呀～～～仲好有驚喜添！我哋叫咗dinner for Two！個set嘅沙律同湯好出色🥰 有蜜瓜同Parma Ham嘅沙律，仲有蘑菇湯非常濃郁💖主菜叫咗牛扒跟龍蝦🦞仲有炒蜆意粉🤤份量好足料，肉質非常好，龍蝦新鮮彈口，啲蜆又新鮮唔會有沙，仲有ok多添🤭Drink Menu一樣有驚喜, 竟然有斑斕味嘅smoothie!總括嚟講, 呢間餐廳嘅食物款式好多, 有份量~有質素! 好啱係一班朋友仔聚會嘅餐廳選擇👍🏻

📍:將軍澳將軍澳有好多新開嘅餐廳 同港島九龍最大嘅分別就係佢哋嘅餐廳都好闊落 好似去咗外國咁 今次嚟到依間 chef stage kitchen😍 距離地鐵站好近 唔使行去海邊嘅餐廳 (有啲要行成10幾廿分鐘) 呢間西式餐廳喺元朗都有分店 見到綠色嘅裝修 皮造嘅沙發 🥰非常摩登 兩個人去坐六人桌 用餐體驗舒適✨凱撒沙律 chef salad配料豐富 羅馬生 菜羽衣甘藍 脆脆麵包粒雞肉片厚度適中 配上凱撒沙律醬 作為前菜最好不過😍✨菠蘿班蘭葉 pandan pineapple斑蘭味道突出😍 菠蘿味沙冰最啱炎熱嘅天氣飲✨forest with mango pineapple芒果味特濃😍 配上香橙嘅沙冰更加好飲😍大大杯仲可以同朋友share飲✨炭燒澳洲肉眼牛扒（8oz)配香草牛油焗波士頓龍蝦尾 boston lobster tail & australian rib eye steak 不得不讚龍蝦味肉質結實彈牙 配上香草牛油😍 雖然得一條尾巴 但貴精不貴多 非常高質牛扒有8oz咁重 肉眼扒唔會有太多脂肪 點上特製嘅醬料就最好食😍✨ 初榨純橄欖油蒜香白酒煮紐西蘭海鑽蜆扁意粉 linguine

據說今日係36度嘅星期六超級大暑真係幾熱🔥搵間高質又坐得舒服嘅餐廳食個steak lunch ~ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🥩Charcoal grilled US 1855 Striploin 10oz🥩Charcoal grilled grain fed Australian rib eye steak 2款牛排幾高質Medium rare 做得出中間粉嫩入口肉味濃郁肉質細膩配上焗薯仔同雜豆沙律，加上燒汁回味無窮🍰Tiramisu, Creme burlee 甜品份量都幾大完全足夠2人shareTiramisu嘅咖啡味同酒味調較得好平均不愧為signature dessert 🥤玫瑰偽鴛鴦加入特濃咖啡冰磚🧱 底部為特濃朱古力冰凍又透心涼～🥣南瓜忌廉湯配小croissant小小一碗餐湯入口濃滑配上熱辣辣小croissant 剛好

今日收咗工同同事行吓呢個將軍澳嘅時候行吓行吓就經過呢一間餐廳，覺得佢一間餐廳感覺非常之舒服同埋浪漫於是就兩個女仔去撐枱腳將軍澳地鐵站一出大概行路至8分鐘就會到非常之方便！入到去餐廳感覺裝修係非常之舒服佢係以綠色作為一個主題。而且呢度嘅侍應係非常之有禮貌同埋超級Nice態度非常之好因為我哋嚟嘅時間尚早啦所以呢就暫時未坐滿行半個鐘之後呢就全場爆滿啦不過餐廳嘅座位亦都非常之寬敞坐得非常舒服㗎叫完嘢食之後Na就會有一個麵包做前菜，呢度嘅麵包款式係有三款嘅除咗兩款唔同嘅麵包條之外仲有一個餅乾條配上今日嘅餐湯我覺得係非常之夾嘅！今日呢一個係黑松露牛肝菌蘑菇湯！黑松露味非常之濃郁而且個湯做得好潔身用嚟點麵包簡直係一流！飲品方面我就叫做杯玫瑰花茶甘甘地嘅玫瑰花味好香而我朋友就叫咗呢一杯係snow white 飲落去好Freag充滿左濃厚嘅青蘋果味飲完湯之後我哋就食咗呢一個嘅鵝肝擺盤非常之吸引呀！呢度嘅鵝肝唔好好似出邊咁樣咁油膩再配埋呢個蒜蓉包一齊食入口即溶做得唔錯！主菜方面我同朋友分別就係叫咗今日嘅廚師推介燒法國春雞呢個下面仲配上一個秋葵雙椒同埋杏鮑菇，配西子燒汁，食落去酸酸甜甜又幾開胃喎！唔會烤得太

疫情後少到將軍澳食飯，通常都會出海傍諗住空氣流通啲。之前經過睇到呢間Chef's Stage Kitchen都幾多人食，今日就帶埋狗狗🐶黎試吓。因為有狗狗所以安排咗我哋坐室外，當值嘅Staff好好服務超有禮貌，怕我哋熱就安排我哋坐喺風機旁邊，即使係炎炎夏日嘅傍晚都冇食到身水身汗。餐廳提供嘅係薄荷水，仲主動問我哋洗唔洗幫狗狗準備普通水添，好貼心。先上嘅南瓜湯、磨菇湯，真材實料，磨菇湯入面仲有超多磨菇碎！麵包籃有3款唔同嘅麵包，配上一小碟沙律醬，另外仲有2杯沙冰🍹😋6點半個天未黑晒加埋周圍環境好似去咗渡假咁，連我隻狗都搶住係咁問我攞麵包😂可能天氣太熱，2杯沙冰非常吸精，行過嘅途人都不停望住👀熱辣辣飲真係好爽。另外叫咗：鮮芒果及扒虎蝦肉沙律（$148）呢一道係我哋一致認同最中意嘅，蝦肉非常新鮮彈牙爽口，配上芒果片，酸酸甜甜好開胃。燒法國春雞（$208）呢一道係廚房今日推介，佢嘅配料有焗雞脾菇，三色椒，秋葵。三色椒事前用醋醃過，配上燒汁，同埋個雞好嫩。大蝦，帶子及三文魚蕃茄汁寬蛋麵（$188）呢道主食有3種肉，大蝦、帶子同三文魚都各有2片，啱啱好2個人share。總括黎講，呢餐好滿意，無論環境

職員推介豬鞍扒，亦是我最喜愛的一道菜，肉質感軟熟，配料也不馬虎。還有蜆肉炒意粉，蜆肉都非常新鮮，沒有雪藏味道。店員也不停替客人水杯內加水，服務態度很好。整體食物質素好，會推介給其他朋友。

最近朋友生日想找一間西餐廳慶祝🥳，經過將軍澳附近看到掛滿燈飾的地方，被餐廳內的高級裝潢及有點森林大自然☘️的感覺吸引進去了。我們點了兩杯水果飲品，都是真材實料加滿水果的，前菜有忌廉汁煮青口，很新鮮入味，加上蒜蓉包沾上剩餘的忌廉汁，口感香濃鬆脆。

這裏平日晚市時段人流也頗多，今晚早收工就和朋友食個早飯，還可以自選位坐，見到餐牌都幾多選擇，兩個人就簡簡單單的吃個這裏最出位的豬胺及意粉，份量剛剛好呀！ 薯仔濃湯入口非常幼滑，加入炒香的洋蔥碎煮更香甜美味，帶點煙肉的咸香，十分暖胃。 香脆麵包條和香草多士各兩份，還配酸酸甜甜的醬汁好開胃，單是餐前包已覺得幾有質素。 初榨純橄欖油蒜香白酒煮紐西蘭海鑽蜆扁意粉，帶微辣的意粉，被滿滿的蜆肉蓋滿了在意粉上，入口蒜香是非常的吸引，意粉爽口又彈牙，海鑽蜆大大隻好清甜。 豬鞍扒好大件好厚身，慢煮的豬鞍，外層燒得好靚有網 ，入口時肉汁超級的豐富，好嫩滑， 薯蓉入口軟滑好味好正，只得兩支骨真是啖啖肉，肉質仲好嫩，加入了香草，令黑毛豬味道更有層次，中和了豬扒的肥膩感，美味無窮！ 薄荷朱古力入口清涼爽，最合這個火辣的季節，吸一啖當堂熱氣全消，即時溶化了，那香濃的朱古力在薄荷的點綴下，更添清爽的口感，相當的滋味。