BYOB Coffee Roaster

營業中

休息中

📍BYOB Coffee Roaster （屯門）呢間Cafe 位於紅橋，可以話係每次入到紅橋都會優先priority 嘅餐廳！😚 食物質素above average，但價錢相對較親民！ ‼️最推薦係🌟蟹肉牛油果他他沙律 $100 首筀要贊賣相好有心機🥹令本身要減肥嘅朋友都唔覺得食沙律好慘💓一層層係蕃茄仔、蟹肉青瓜蓉、牛油果粒、碎雞蛋沙律，仲有超澎湃嘅蟹籽！🥰 蟹籽同蕃茄仔嘅鮮味同爽口夾落蟹肉，令到食落好有層次！伴碟仲有小餅乾,真係心機之作 💯去開屯門唔好錯過～😝 佢總共有2間分店，都喺屯門🍃味道：😋😋😋😋性價比：🌟🌟🌟🌟🌟

【屯門區】【BYOB Coffee Roaster】有一排得閒些少，攪咗個「1amfoodie 與不幸成為 1amfoodie 讀者見面大會」，分別約咗幾次飯局，同咗幾位來自唔同界別嘅讀者見面。睇得 1amfoodie 嘅，個人都應該癲癲哋，所以事前我都有擔心自己嘅人身安全架。呢次仲要入到屯門裡面一個我好似從來都冇去過嘅地方，除咗聽到廣東話同見到香港嘅建築之外，我完全唔知呢度係香港嚟咁。不過同讀者見到呢間 BYOB 覺得唔錯就走咗入去食嘢，唔記得講，呢位男讀者嚟，係一名攝影師。首先嚟嘅係 $98 嘅「蟹膏蟹肉意粉」，有蟹鉗、蟹肉、日本蟹膏醬、忌廉，我哋 share 食。大家都覺得唔錯，對方係攝影師，影啲食物相靚到我都好慚愧。味道上雖然我覺得仲可以好啲，但已經算好好喇，跟住就到另一份。就係 $168 嘅「德國黑麥啤慢煮鹹豬手」，需時 40 分鐘所以要等，事前講明係不油炸所以不脆皮，但係都好好食，好香麥味。嘢飲方面，我就飲咗杯 $34 嘅「BYOB 招牌冰咖啡」，幾好飲，又香又濃。夾埋 $300，算抵食喎。。。（地址： 屯門青桃徑5號文翔大廈地下2A號舖）

前幾日一行2人去左試呢個coffee shop，係屯門黎講都好多人推薦，啲人都話呢間既CP值好高，味道又好食。 而我就試左北海道帆立貝明太子意粉，大蝦寬條麵同埋水牛城雞翼，仲叫左一杯dirty 同match latte。 北海道帆立貝明太子意粉既帆立貝明就煎香左兩邊，而中間就係生既，咬落去就係好滑，好似食緊刺身咁，略嫌煎得唔係好香，而明太子意粉汁就好濃同好，每條意粉就掛住滿滿既汁。 但我最鍾意既就係水牛城雞翼，雞翼就少少脆口，重點係個汁既酸味好足夠加少少辣，岩哂我既口味!!!!

屯門食野有好多選擇而呢間係我會成日都想幫襯因為佢d意粉真係太好食今次order咗明太子帶子已婚帶子煎得香脆而且厚身明太子完全包滿住每一條意粉食落好滿足而且夠肚而假日仲會有得order呢隻同手脾咁大嘅啤酒豬手一放上枱就已經聞到焗得好香仲好大隻好多肉不過唔好expect佢係脆皮但都咬得到

想嘆杯咖啡坐低傾下計，呢度就舒適啦～午餐叫左個卡邦尼意粉，味道可以但個汁漏得滯所以只係食左一半，另外個帆立貝意粉係好味嘅，另外叫左2杯朱古力咖啡嘅感覺係茶餐廳嘅咖啡冇咩分別但唔係唔好飲，只不過冇我飲開嘅味啫整體黎講食環境係非常ok嘅

屯門好多cafe都bookmark咗但距離真係頗遠所以都冇去食🥲前排要係附近返工所以就去咗食啦😆🔸北海道帆立貝明太子意粉 $100視覺上已經見到係滿滿嘅明太子真係啖啖明太子🤩每條意粉都掛上明太子😻而帆立貝係刺身個款,都好好味👅而配料仲有菇但再多啲菇會更好😆一個人食哂都唔會覺得好膩~🔸大蝦寛蝦麵 $80有4隻大蝦,有輕微炸過所以外皮脆脆地再加上有胡椒調味🍤好食!!汁係蝦油加忌廉,因為有蝦油所以都好香蝦味😚而麵都好掛汁但真係幾膩,自己一個食哂都幾滯下😳🔸Latte $34咖啡唔係好苦都係正正常常😉

入開屯門 想搵間意粉食下 見e間評分都唔低 路過試下 點了黑松露意粉 同 明太子意粉 價錢ok. 配料不多 不過意粉質感不錯 唔會太淋有咬口 黑松露意粉 正常發揮 明太子意粉 唔錯 濃濃忌廉 同明太子味 令人一口接一口 不過平日黎講選擇較少 得意粉 同 沙律 冇小食叫

今日我來為大家評論一下屯門的BYOB Coffee Roaster餐廳。這家餐廳位於屯門青桃徑5號文翔大廈地下2A號舖，環境非常舒適，店內裝修十分有文青的風格，讓人感覺非常放鬆。現在，讓我們來談談食物吧。首先，我試了一下他們的蟹膏蟹肉意粉。這道意粉的味道非常好，蟹膏的香氣與蟹肉的鮮味相得益彰，真的是令人垂涎三尺。此外，意粉的份量也非常足夠，完全可以讓一個人吃飽。接著，我也品嚐了一下他們的帆立貝意粉。帆立貝的質感非常鮮嫩，配上濃郁的醬汁，讓整道菜變得非常美味。除此之外，他們還有提供一些別具一格的醬汁，讓食客可以按照自己的口味來調味。最後，我來點了一杯獨角獸拉花的Latte。這杯Latte真的是美得讓人無法抗拒，獨角獸的造型非常可愛，讓我完全不忍心喝下去。總體而言，BYOB Coffee Roaster餐廳的食物味道非常好，而且店內的裝修也非常有特色。如果你正在尋找一家美食和環境都很棒的餐廳，那麼我非常推薦你來試試這家餐廳。

滂沱大雨過後，人客不多。先到吧檯點餐，再從旁邊的自助小餐車自取需要的餐具。店內空間充裕，座位隨便挑選。空間用上沉實低調的配色，而咖啡杯則選用明亮的顏色，形成強烈對比。店內彌漫著咖啡迷人的香氣，配合窗外零星的雨點聲，使人心情格外抒暢。咖啡很快沖好上桌，是高難度的拉花圖案呢！朋友從自助餐車取來的tabasco,與迷你搓手液並排造成強烈身高萌，很可愛。北海道帆立貝明太子意粉與明太子融為一體的淡忌廉均勻地包覆著意大利麵條。入口滿滿明太子醬的鹹香，加入鰹魚絲作點綴，充滿日本風情。帆立貝亦煮得爽口彈牙，很是滿足。蟹膏蟹肉意粉其中一份最具人氣的餐點，濃稠的淡忌廉加入蟹肉蟹膏，每口都帶有濃郁蟹肉香甜，加上脆脆的蟹籽，口感更是豐富。蟹鉗部份，廚師去除部份蟹殼，只需用刀叉輕輕操作就能享用美味的蟹肉，甚是貼心。慶幸這裡的海鮮料理都處理得非常好，不會掉進可怕的海「醒」地獄。值得推薦！

每次去到紅橋都會見到呢間cafe門口都會企滿人 太餓嘅時候真係唔太想排 不過今次係朋叫到就一於去吓😆同平時一樣都係要等 大概20-30分鐘左右🍂北海道帆立貝明太子意粉- 帆立貝唔算多 不過好大粒 用刺身食用級 中間半熟 好軟滑- 明太子醬好濃好香 🍂火炙芝士肉醬意粉- 肉醬係仲有肉粒嘅狀態 唔係一般煮溶咗嘅- 芝士分佈唔太平均 如果多啲更好🍂焦糖脆脆鮮奶咖啡- 要喺脆脆溶之前試吓個咖啡 好香濃！ - 焦糖脆脆唔係多講 係螞蟻人嘅最愛❤️食飽後門外仲有人等~

屯門隱世Cafe - BYOB Coffee Roaster Fb:下一站豬欄; IG@Pig7station好少去屯門出沒，今次黎到呢間特色Cafe，一入去空間感十足，見到掛左架單車係牆，好文青😊點左假日限定嘅水牛城雞翼(辣味十足🥵)，吉列海鮮小拼，加拿大海膽意粉😋海膽都算新鮮黎到cafe，一定要試試佢既咖啡，叫左杯BYOB 招牌冰咖啡同埋鮮奶咖啡，正👍🏻👍🏻咖啡味香濃，唔酸如果去開附近可以黎Chill 下😌 不過因為Open Kitchen 食完之後有陣油煙味😅

本身約咗朋友係附近，點知太早到去咗飲杯嘢，結果發現咗間好好飲嘅抹茶鮮奶😍而且餐廳環境好舒適，感覺好悠閒Relax🦥小山園抹茶鮮奶小山園嘅抹茶香味濃郁，而鮮奶同抹茶嘅比例好夾，好飲到唔捨得咁快飲完🍵不過可惜平時比較少去屯門，真係機緣巧合下先飲到杯咁好飲嘅飲品🥰🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 BYOB Coffee Roaster (屯門)屯門青桃徑5號文翔大廈地下2A號舖

北海道帆立貝明太子意粉🍝 $100兩大粒帆立貝 微微煎香 意粉有磨菇 木魚絲 香草明太子醬好creamy 好有口感😋•蟹膏蟹肉意粉🦀 $98兩隻蟹鉗 蟹籽 蟹肉 蟹膏啖啖蟹肉蟹膏 好濃郁 真材實料👍🏻兩個麵質都好爽口 厚醬得嚟一啲都唔漏😆•呢間性價比好高 唔洗加一服務費 仲坐得好舒服😉

推介大蝦忌廉汁闊條麵大蝦煎得恰到好處，香口且能鎖住海鮮水份。意粉用了蝦汁+蛋黃調配，挺特別焦糖鮮奶咖啡也挺好喝地方偌大，但繁忙時間只可坐1小時，失去了chill的感覺

蟹膏蟹肉意粉 $98******************************平日5點幾入座餐廳冇乜人自助形式取餐具同水係收銀台落單之後等上餐就可以👍🏻餐廳走簡約工業風環境闊落坐得幾舒服蟹膏蟹肉意粉睇落平平無奇蟹鉗普普通通但係意粉食落有小驚喜啖啖都掛滿蟹膏醬食到蟹嘅鮮味嘅同時又唔會覺得腥🤤而且唔會好似想像中咁愈食愈膩 醬汁調得唔錯😋見餐廳menu有六日限定嘅海膽意粉有機會weekend入屯門嘅話可能會去試下🤭