BYOB Coffee Roaster

營業中

休息中

周日二人中午首次來光顧，沒有套餐餐牌，只能散叫。需要到收銀處點餐先付，不需加一。叫了意粉和一壺茶，打算慢慢品茶。意粉來了，沒給刀叉，唯有到櫃檯取，比快餐店更缺乏服務。食物是好吃的。吃完還在喝茶時，侍應來通知只能食一小時，而事前並沒知會我們。我們想將茶喝完再走，不久侍應即來收杯，先收盛滿茶的杯，同伴急阻止。門外確是有幾個人在等位，餐廳急要顧客走，但計得咁盡，要貨如輪轉，收益為先，我真未遇過

今天星期日和朋友突然想食意粉今天來到屯門這間隱藏在巷弄中的咖啡店，店面不大，卻充滿溫馨的氛圍。木質的裝潢搭配柔和的燈光，讓人一進門就感到放鬆。冷萃咖啡，炎炎夏日，一杯冰涼的冷萃咖啡絕對是消暑首選。這杯咖啡選用中淺烘焙的咖啡豆，以冷水慢速萃取，保留了咖啡的果香和花香，入口清爽順滑，酸度明亮卻不刺激，尾韻帶有淡淡的甜味，令人回味無窮。蟹膏蟹肉意粉，這道意粉絕對是今日的亮點！濃郁的蟹膏醬汁包裹著每一根麵條，蟹肉的鮮甜與蟹膏的濃郁完美融合，口感層次豐富。意粉煮得恰到好處，彈牙有嚼勁，搭配上新鮮的香草和一點點辣椒碎，提升了整體的風味，讓人一口接一口停不下來。整體來說，這間咖啡店的餐點品質相當出色，尤其是蟹膏蟹肉意粉，絕對是必試之選！店員服務親切，環境舒適，非常適合和朋友來這裡享受一個悠閒的下午。

兩公婆叫左黎麥三文魚沙律，墨魚汁麵，德國黑啤豬手，抱住個肚走，特別係豬手真係好Juice,一啲都唔乾，又唔搽皮，需要唔係成日去，但每次去食，水準不變，服務又好👍👍

呢日約咗朋友嚟食BYOB，weekday 晚餐時間，7點幾到達，唔洗等位😆呢度係去櫃檯點餐，俾埋錢，食物再送上嚟。我地4個人，叫左3個pasta，1個豬手。上菜都算快，全部食物嚟到都好香！😍 三個意粉分別係蟹肉蟹膏意粉、大蝦闊條麵同埋火炙芝士肉醬意粉。三個都好好食！如果要揀最鍾意嘅，我會揀係大蝦闊條麵，因為啲蝦煎得好香，麵也好好吃🥰 豬手啤酒味有啲重，所以酸酸地🤔埋單$424，都幾抵食！😙推薦大家過嚟試吓😆

當好攰，好想搵間好有溫度嘅餐廳食個舒服午餐，义义電，屯門BYOB佳選，BYOB感覺舒服，呢度服務員好有禮貌，食物味道又好，特別推介季節性薑汁咖啡，夠薑，夠滑，又唔會蓋哂啲咖啡味，再加上開陽環境，店舖闊落，坐得舒服，义完電可以繼續開工。

平日晚上再臨，食物依然沒有令人失望。抹茶牛奶濃郁，草莓牛奶配上玫瑰花瓣，口感一流，又美觀。牛油果沙律分量超多，味道好。明太子帶子意粉Creamy！豬手脆口，分量十足，吃不完還可以打包第二餐。老闆加油！

今日特登屯門就係為咗呢間餐廳 真係好驚喜❤️攀山涉水都一定要再去 卡邦尼-係暫時食過最好食嘅 蛋汁濃郁 芝士味濃紅蝦意粉-黐線級好食 個汁真係用龍蝦打 未入口已經聞到好香 掛上意粉 好味到不得了 呢個一定要食牛油果華道夫-打卡超靚 個黑醋balance 仲有合桃碎水牛城雞翼-正常以上 醬滿滿包裹成隻雞翼 豬手-慢煮12個鐘 心機菜 肉質非常嫩口 有黑啤味 外皮甜甜地 軟硬剛剛好 唔係德國豬手嗰種硬骨骨炸過 唔會食到牙骹軟 係入口會化嘅 唔油膩 精品咖啡-老闆好細心同我哋傾咖啡品味 學到好多嘢甜品-柚子蛋糕好好食 焙茶蛋糕有啲甜奶味重咗手

蟹膏蟹肉意粉🦀🦀🦀這道意粉以新鮮的蟹膏和蟹肉為主角，蟹鉗鋪面做擺盤，蟹肉鮮甜多汁，蟹膏濃郁香醇，意粉的質地剛好，與蟹膏和蟹肉完美結合北海道帆立貝明太子意粉🐚🐚🐚意粉選用了北海道帆立貝和明太子，帆立貝鮮嫩多汁，明太子的鹹鮮風味為整道菜增色不少。意粉質地彈牙，搭配濃郁的明太子醬，豐富的風味層次冷萃咖啡☕☕☕咖啡香氣濃郁，口感順滑，不帶一絲苦澀。冷萃的製作過程讓咖啡保留了更多的香氣和風味，為用餐增添了一份清新。小山園抹茶鮮奶🍵🍵🍵選用了小山園的優質抹茶，搭配新鮮牛奶，口感濃郁且順滑。抹茶的清香與牛奶的濃郁完美融合，每一口都能感受到天然的抹茶香氣總體來說，這家餐廳的每一道意粉料理和飲品都令人印象深刻，無論是視覺還是味覺，都是一次極致的享受

以前久唔久嚟，覺得坐得舒服，食物ok，略嫌太漏。今次再嚟，點了黑松露意粉，咸到食咗一半食唔到，唔知係咪廚師唔同咗。廚師有冇試味先奉上食物？如果有，都唔會頂得順咁咸，除非冇味覺。

是日午餐餐牌選擇並吾算多相反飲品就有吾少選擇可能呢啲叫做貴精不貴多😂😂**牛油果華道夫沙律🥗** $75上碟擺盤很美觀,牛油果🥑會拼成花朵形狀有蘋果,蕃茄仔,沙律菜,合桃碎同牛油果再配上沙律醋 應該加了黑椒因為清爽得黎帶點辛口**墨魚汁海鮮意粉** $95賣相不俗, 墨魚汁夠濃稠海鮮都有炸過或煎過 口感豐富可能因為墨魚汁比較淡味,海鮮調料相對較鹹兩者中和番岩岩好👍🏻**焦糖脆脆咖啡** $42單純地一杯latte上面加上焦糖脆脆 比較普通Encore指數：⭐️⭐️⭐️⭐️

服務好，人手足夠，講解清晰。衛生好，餐具、餐檯、餐牌、地板都好乾淨。第一次食，星期日中午要等位，接受搭檯就唔洗等太耐，等位果幾張長凳唔太乾淨。目測係附近算少有受歡迎客人多嘅餐廳。點餐牌最頂嘅卡邦尼意粉，上碟時配生蛋黃，攪拌後好收汁，顯得太乾唔夠汁，個汁唔夠香滑，唔creamy，估計加汁或者唔撈蛋黃會好食，建議標配加汁。意粉軟硬適中，口感好。炸雞外層好鹹，裏面雞肉質感可以，好食過上校果啲炸雞。雞翼配好濃嘅個鹹酸辣醬，好重口味。裏面雞肉有啲乾，唔夠滑，作為雞翼算唔好食。

BYOB Coffee Roaster呢間呢間意粉喺屯門區入面都算數一數二出名，今日終於嚟試吓。餐廳好大，行工業風。點餐係要喺櫃檯點，然後職員會再將個意粉送上。櫃檯隔離有自助調味料，tabasco芝士粉任落。🍝蟹膏蟹肉意粉 $98用蟹鉗鋪面做擺盤，蟹鉗已經去除部份嘅蟹殼，好輕鬆就可以食到入邊嘅蟹肉，蟹鉗份量可以再多啲。意粉醬好Creamy，每一啖都食到蟹肉同蟹籽，蟹肉味鮮甜，成碟意粉好好味😋😋😋意粉份量適中，唔會話食到好飽。☕️鮮奶咖啡 $34咖啡拉花好得意，係海馬形狀。

最近我去屯門的BYOB享受了一頓悠閒的午餐，環境非常休閒，感覺好舒服！餐廳的裝潢簡約而時尚，光線柔和，讓人一進去就有放鬆的感覺。我特別喜歡那種輕鬆的氛圍，無論是和朋友聚會還是自己享受，都非常適合。坐在窗邊，享受外面的景色，還有美味的食物，真係一個完美的午後！😊✨

❤︎ 蟹膏蟹肉意粉蟹膏蟹肉地毯式甘掛住每條意粉，雙蟹結合亦帶黎好濃郁嘅海鮮風味🦀味道吾會過膩，呢個價位黎講表現唔錯❤︎ 海鮮墨魚汁意粉墨魚微鹹帶鮮，香味係幾足🦑但海鮮部分味道真係有D淡，而且意粉都炒得偏油。對比其他口味嘅意粉可能冇甘出色😳❤︎ 黑松露芝士薯角薯角脆軟兼備，趁熱食芝士仲有絲絲縷縷，係款幾開心嘅經典小食😆❤︎ 焦糖脆脆鮮奶咖啡咖啡、牛奶同焦糖脆脆嘅Happy Combo💥三者味道融和，脆脆有口感有焦香🙌🏻

工作天的喘息來了屯門紅橋附近的BYOB吃個午餐。今天人不多，可以直接入座，餐廳是採用先付款點餐的形式（現金/八達通），所以我們在付款後就耐心等待送餐。我們各點了一份主食，上菜速度很快，下單後大概5分鐘就有了，先來到的是北海道帆立貝明太子意粉、大蝦寬條麵及蟹肉牛油果他他沙律。我們再分別點一杯喝料：焙茶鮮奶咖啡、焦糖脆脆鮮奶㗎啡及朱古力。以下幾個值得一提的：1)大蝦寬條麵蝦有四隻，而每隻外邊的肉也煎到有點脆皮，口感很特別，有點像煎餃子的皮。至於麵條，應該是用蝦頭油煮的關係吧，真的很香，吃起來也很creamy ，軟硬度又剛好適中，真的不錯！2) 蟹肉牛油果他他沙律 賣相不錯的，各食材一起食的話口感豐富，每一口也充滿蟹肉味，當中的蛋黃及蟹味較為突出。圍繞着的伴碟原來是小餅乾上放著切好的小葡萄，很精緻。3)熱朱古力看似平平無奇，但原來表面的朱古力奶泡很濃厚，很不錯。另外，餐廳提供的飲用水及餐具（义子)是要自取的，如果需要匙羹就要另外找店員吧。