BYOB Coffee Roaster

營業中

休息中

嚟到屯門，點都要試吓唔同嘅餐廳今次就揀咗屯門好出名嘅西餐廳叫咗一個明太子帶子意粉好好味，成個意粉好creamy又唔會好漏好快就食完一碟另外叫咗一杯Dirty 個樣好靚，明顯分到兩層咖啡偏向nutty, 會較為苦但都好飲如果有得揀埋咖啡豆會更開心

我同朋友嗌咗2個意粉同2杯飲品明太子意粉真係好多明太子 帶子都大粒爽口 味道偏甜我哋鍾意大蝦寬條麵多啲 大蝦有炸過 好脆口 可以食埋殼 飲品方面 抹茶牛奶幾好飲 好似Starbucks 個款 茶味唔濃 鍾意飲偏甜抹茶牛奶嘅人應該會覺得好好飲熱朱古力奶就正常😂Cafe 環境舒服 適合同朋友傾偈

#北海道帆立貝明太子意粉 🍝個醬用忌廉做底，加上明太子醬，香香辣辣，唔會過鹹，而且夠晒杰身，令每條麵都可以沾滿醬汁。成碟嘢相當creamy，意粉口感就尚可 。配料方面有兩粒刺身級帶子，相當厚肉，兩面有香煎過/燒過，做到半生熟效果。但個人認為香煎前可以印乾少少，因為都有出水嘅情況；煎嗰陣又可以落多少少鹽，除咗可以吊吓味，仲可以令帶子表面乾身啲，更加易做到表面焦糖色。另外店家仲加咗少少木魚絲、蕃荽、蘑菇等，可以增加口感，但味道上冇太大幫助。#蟹膏蟹肉意粉 🍝同樣用忌廉做底，醬汁creamy，意粉掛汁，加上蟹膏同蟹肉，每啖都充滿鮮味。但係怕腥嘅朋友又唔使擔心，忌廉令蟹味mild咗，所以唔會太濃，味道適中。配料方面有拆咗嘅蟹肉絲、蟹籽、兩隻蟹鉗仔同蘑菇等等，除咗可以增加鮮味，口感上大大提升。整體嚟講雖然冇明太子意粉咁驚艶，但以呢個價錢，都係好食足料嘅意粉，值得一試。#水牛城雞翼 🐓雞翼只限假日提供。醬汁一入口有種好衝擊既感覺，非常濃稠，少少辣味，可惜酸過頭。雞翼都偏大隻，肉質結實，不過外皮唔夠脆，加上醬汁後更易變腍。

餐廳環境舒適、地方闊落的咖啡店，好適合同朋友黎計傾。店鋪採用透光玻璃接門，透光啲同可以望到街景，感覺舒服開揚✨。店舖入面擺左好多架單車裝飾，睇到店主對單車🚲的熱愛，加上工業風設計，份外有格調。廚房以開放式設計，睇到煮野食的運作。店員服務有禮勤快，餐點全部即叫即製，上菜速度都好快👍🏽～今次專程星期日黎，試一試啲小食，叫左薯角，無想像中咁滯同肥膩。仲有是日蛋糕🍰同其他特色飲品🍸，有機會再留肚試啦😆。🦀蟹膏蟹肉意粉 $98視覺效果好吸引的意粉，上到枱就聞到淡淡蟹的香味，聞到都流口水。面頭放上蟹籽粒同松葉蟹鉗，再以蟹肉、蟹膏醬同忌廉混合烹調意粉，醬料香濃鮮味，非常惹味😋。🦐北海道帆立貝明太子意粉 $100依舊美味滿分 ，熱辣辣上枱，明太子同忌廉混合，包住每條意粉🍝，口感脆卜卜。面頭有2粒金黃香嫩的北海道帆立貝，令整體更加分👍🏽。🥔黑松露焗薯角 $50即叫即製，先將薯角炸到脆卜卜，再加入芝士。同黑松露醬，放入焗爐再烤，十分惹味香脆，入面就係好軟身既薯蓉，多重口感，一嚿接一嚿食😋。星期六/日、公眾假期限定，想食就要夾夾時間黎啦🤎BYOB 招牌冰美式 House Blend On the Rock

餐廳由外觀到室內環境都以工業風、主題裝潢，裝飾品用心設置，全部都係木枱木櫈環境簡潔舒適，有約40個坐位。餐廳以半自助形式點餐，坐低選擇好餐點後，先到櫃位點餐及付款，稍後店員會為你送上餐點。意粉即叫即煮，上菜同飲品的速度都好有效率。餐廳主打意粉，用料實在，暫時有7款供應，即叫即煮，細心配製及烹煮。另有德國豬手同幾款特色沙律供應。小食只有星期六日先供應～另外飲品選擇多元化，提供20多款咖啡，仲有冷泡茶、特飲、果汁、啤酒。餐廳設有自助吧，提供飲用水💧、餐具🍴、紙巾及調味醬料（芝士粉、辣椒仔）俾大家自行取用。餐廳亦有咖啡豆賣，試完啱飲可以買返屋企～🍤大蝦寬條麵＄85一上枱見到4隻以香草煎香的黃金大蝦，少有餐廳用心烹煮蝦，味道香脆可口。再以磨菇、蝦頭油、蒜頭）、忌簾煮成醬汁烹調意粉，寬條麵好掛汁，十分美味🤤。🦀北海道帆立貝明太子意粉＄100意粉被滿滿的明太子粒包住，有2粒煎得金黄的帶子，鮮嫩度剛好。以磨菇、明太子同忌簾煮成醬汁，混合意粉烹煮。每啖意粉都有滿滿的明太子，卜卜脆，多重口感😋。☕️凍黑咖啡 $35味道易入口，唔會苦澀🍫凍朱古力$38朱古力味濃，唔會過甜

屯門紅橋就出名多好西食😋呢間cafe都開咗好耐 食完絕對會encore環境闊落 坐得舒服Meun選擇唔多主打係意粉 1️⃣北海道帆立貝明太子意粉一上枱就聞到好香明太子味😋大大粒嘅帆立貝好搶眼明太子汁好濃郁 每條意粉都掛到個汁食完成碟真係會膩😂一定要趁熱食 唔係就會杰撻撻2️⃣蟹肉牛油果他他沙律呢個絕對係開胃小菜首先擺盤好吸睛🤩牛油果唔會話太熟食完意粉再食呢個 即刻可以再食多啲野3️⃣德國黑麥啤慢煮咸豬手要等30分鐘左右豬手大大隻 好香啤酒味🤤表皮淋身 唔係脆卜卜嗰種骨膠原滿滿不過略嫌個肉淡味咗少少 唔夠入味配埋芥末醬同酸菜 就啱啱好4️⃣飲品因為夜晚唔想飲咖啡 就叫咗梅酒梳打同熊仔莓汁熊仔嗰杯打卡一流😂總結鍾意食意粉嘅朋友一定要試試佢 建議平日夜晚去 冇咁多人排隊

餐廳乾淨，早去會少啲人，而且豬手好好味😋吾係普通豬手咁簡單，因為要食既話要預先落單，之後要等40分鐘先有得食架，佢地係即叫即整，真係熱辣辣，香噴噴😍😍，到上枱既時候，個個都嘩一聲，因為真係好大隻，我諗要至少3個人先食得哂，除非吾叫其他食物，值得推介😂😂。至於意粉方面，都有好多款式揀，我就最喜歡黑松露，大蝦意粉都好好👍🏻，沙律都新鮮，大人小朋友都好岩食，而且有bb櫈，十分方便一家大小去食。

上星期日同契爺誤打誤撞入左BYOB，發現佢既意粉勁多料，好香，好好味🤤🤤🤤🤤，而且老闆同員工都好nice!! 佢地知道契爺生日，仲送左個柚子蛋糕比我地，好好食！好fresh!!試過一次上癮就係呢啲，因為太鐘意食佢既蟹膏蟹肉意粉😍結果唔夠一星期就再返黎食。絕對會繼續encore既餐廳！

今日突然想食意粉同男朋友去咗佢平時佢都會去開嘅BYOB我地今次order咗carbonara pasta 同兩個星期日限定嘅小食佢地個carbonara如果一個人食都幾漏兩個人share就啱啱好意粉都彈牙不過d煙肉同磨菇就少咗d建議可以多少少餸不過計味道都有90分小食十分推介黑松露芝士焗薯條黑松露加芝士完全又係一個唔會輸嘅組合而且分量好足料不自覺會食好多而且焗到有拉絲嘅效果十分推薦另外想一提食物質素係好好不過食完都幾大油煙下希望可以改善一下通風

BYOB Coffee Roaster 屯門牛應該比較熟悉依間餐廳最近mm都有介紹早兩三個月為左佢既北海道帆立貝明太子意粉而去食不過好可惜當日小編去冇哂🥲今次點左卡邦尼意粉 蟹膏蟹肉意粉 蟹肉牛油果他他沙律卡邦尼意粉食親意粉都對卡邦尼意粉有種執着 點都會叫下 想試下邊間係最岩口味 依間真係唔錯 又夠creamy夠香同埋唔會乾 好耐冇食過正常既意粉蟹膏蟹肉意粉係充滿住好香既蟹膏味 每一啖都有蟹膏同蟹肉 完全唔手軟同埋好creamy 蟹肉牛油果他他沙律 食落就所有野都係分開 有蛋有牛油果算飽肚 但係可以唔叫😂總體黎講 依間算係屯門第二間高質既意粉 基本上都成日要排隊 小編係鍾意有咬口同埋creamy掛汁既意粉 依間完全符合到

想試呢間BYOB好耐，但係因為平時冇乜機會入屯門，所以未試到。今次入開屯門，諗食咩既時候，我第一時間就同朋友suggest食呢間！週末晏就黎到，好好彩唔洗排隊直接就入得去食。Cafe係自助形式，出去counter落完單，自己攞餐具，就可以等野食。今次嗌左兩款意粉，兩款都好好食！完全零失望！ 1⃣️北海道帆立貝明太子意粉（$100） 面頭有木魚絲，意粉拌上明太子忌廉醬好creamy，而且真係每一條意粉都掛曬汁，食得粒粒明太子既口感！帆立貝係微微煎香表面，大大粒好厚好好食🤩  2⃣️蟹膏蟹肉意粉（$98） 呢個意粉好重蟹膏味😋個人鍾意呢個多過明太子果款。啖啖入口都有明顯既蟹味，但係又唔會有腥味👍仲有好多蟹籽同蟹肉！ 

1. 店員大聲呼喝客人自助型式，落大雨，我同朋友係門口遮架擺底遮行入去，準備坐底，男店員係遠處open kitchen大叫，我淨係聽到「餐牌」，於是行返去門口拎餐牌，店員又大叫「餐牌枱面有」。茶餐廳都係做錯嘢先被呼喝，聲音係全間cafe都聽到。之後有位太太無為意要擺遮係門口，門口沒有指示，店員同樣遠處大叫，讓人不適。2. 沒有講明有用餐限時，大量空枱，卻要求客人離開限時真係明、唔緊要。門口/餐牌都無提過有限時，我哋星期六1pm坐底，～2:38pm店員走過黎話繁忙時段，用餐限時90分鐘。如果你有客人等緊枱都唔緊要，但全場係超過5張空枱，出面無人等位。我地2個人叫足兩份食物、2杯嘢飲，執埋枱，自己睇書，全程好安靜，唔通我坐係入面吸左佢地鋪頭啲空氣？所以要叫我哋走？（嬲到影左佢啲空枱，如果有其他嘢坐緊、有咩誤會，講聲唔好意思先）3. 除左受氣，環境、coffee同食物質素都一般一般到無打卡，無諗住食食評，唔chill,無音樂，open kitchen 少少嘈，木凳唔好坐（可能唔想啲客坐多過90分鐘）仲有個明太子意粉🍝，我食完有少少滯同埋胃脹（唔知關唔關佢事，自己腸胃一般，但當日無食其他嘢）

平日8點半幫襯，現場都有幾枱客，唔會太冷清但又適合朋友傾偈。環境都幾闊落，用餐體驗唔錯。北海道帆立貝明太子意粉 $100帆立貝有煎香過，口感幾好而且都算大粒，不過得兩粒😂。明太子醬相當濃味，淨係明太子醬都足以伴意粉。蟹膏蟹肉意粉 $98口味比起明太子清淡，蟹肉味道都鮮甜，份量唔算多。有徵量蟹殼碎，真材實料😂。蟹膏味道唔太濃，食落唔出眾，少少期望落差。夜晚食冇order coffee，餐廳有提供清水俾客自由斟👍，而且全單唔洗加一。值得再幫襯試埋其他意粉口味。

📍BYOB Coffee Roaster （屯門）呢間Cafe 位於紅橋，可以話係每次入到紅橋都會優先priority 嘅餐廳！😚 食物質素above average，但價錢相對較親民！ ‼️最推薦係🌟蟹肉牛油果他他沙律 $100 首筀要贊賣相好有心機🥹令本身要減肥嘅朋友都唔覺得食沙律好慘💓一層層係蕃茄仔、蟹肉青瓜蓉、牛油果粒、碎雞蛋沙律，仲有超澎湃嘅蟹籽！🥰 蟹籽同蕃茄仔嘅鮮味同爽口夾落蟹肉，令到食落好有層次！伴碟仲有小餅乾,真係心機之作 💯去開屯門唔好錯過～😝 佢總共有2間分店，都喺屯門🍃味道：😋😋😋😋性價比：🌟🌟🌟🌟🌟

【屯門區】【BYOB Coffee Roaster】有一排得閒些少，攪咗個「1amfoodie 與不幸成為 1amfoodie 讀者見面大會」，分別約咗幾次飯局，同咗幾位來自唔同界別嘅讀者見面。睇得 1amfoodie 嘅，個人都應該癲癲哋，所以事前我都有擔心自己嘅人身安全架。呢次仲要入到屯門裡面一個我好似從來都冇去過嘅地方，除咗聽到廣東話同見到香港嘅建築之外，我完全唔知呢度係香港嚟咁。不過同讀者見到呢間 BYOB 覺得唔錯就走咗入去食嘢，唔記得講，呢位男讀者嚟，係一名攝影師。首先嚟嘅係 $98 嘅「蟹膏蟹肉意粉」，有蟹鉗、蟹肉、日本蟹膏醬、忌廉，我哋 share 食。大家都覺得唔錯，對方係攝影師，影啲食物相靚到我都好慚愧。味道上雖然我覺得仲可以好啲，但已經算好好喇，跟住就到另一份。就係 $168 嘅「德國黑麥啤慢煮鹹豬手」，需時 40 分鐘所以要等，事前講明係不油炸所以不脆皮，但係都好好食，好香麥味。嘢飲方面，我就飲咗杯 $34 嘅「BYOB 招牌冰咖啡」，幾好飲，又香又濃。夾埋 $300，算抵食喎。。。（地址： 屯門青桃徑5號文翔大廈地下2A號舖）