Butlery

營業中

休息中

沙田呢間Butlery開業至今人氣都咁旺，今次同朋友再嚟到食晚餐～～朋友話想食沙律,雞扒牛油果沙律，加上溫泉蛋，口感豐富，健康之選！另外，encore多次個意粉，就係海膽帶子蟹肉意粉，充滿超Creamy嘅忌廉汁，食唔停口嘅意粉~帶子厚肉Q彈！呢個burger有驚喜，本身擔心個酸忌廉醬會好怪，點知酸尾尾好清新、開胃好食～～仲有牛油果醬好綿滑，雞扒啖啖肉好食～～最後當然要留肚食返個梳乎厘，叫咗個原味厚pancake, 配邪惡嘅焦糖牛油同淋上楓糖醬，加上水果配料，賣相睇得，味道都好得，軟綿綿好幼滑嘅質感～～飲品揀咗杯薄荷朱古力奶昔，香濃好飲，唔會過甜，好解渴～～

由門口取枱開始，那個女士接待員不客氣的罵我朋友。服務態度非常差。未坐低，就話要90分鐘俾翻張枱佢。門口冇人排隊。Order了400幾蚊嘢食，之後想再 order時, "同一四眼的女門口接待員，無端端來發我們脾氣，向我們說稍後要收翻張枱。態度非常惡劣。冇問題。 我們即決定轉另一間餐廳。我們都懶得投訴她。今時今日咁嘅服務態度，係要迫走曬啲香港人留港消費。做咁多廣告都冇用，前線員工服務態度惡劣，以後不會再到這間餐廳消費及劣評。生平第一次寫劣評。見諒。

第二次到訪 餐廳明顯比上次更多客人 氣氛更熱鬧晚飯時間需要稍作等候 等候時間好合理 上菜也很快 食物質素保持水準本人推薦Honeycomb Caramel Milkshake 好creamy好rich 雲呢拿味重配上爆谷和脆脆 口感大增現場很多人點這杯飲品還有超經典的Butlery's Pancake 梳乎厘班戟大熱項目Pancake軟綿輕盈有蛋香味附上水果好refreshing適量空氣感 份量剛剛好啊Chicken & Cheese Quesadilla內搭豐富的雞肉和芝士蕃茄莎莎並沾上酸忌廉輕食之選呢

對上一次幫襯已經係半年前今次同同學仔再嚟呢度聚餐聽聞呢度有款薯條好得🥑酸忌廉牛油果醬薯條 $55🍟Sour Cream Works Chips牛油果本身自己都好鍾意雖則話酸忌廉但同牛油果醬Mix埋味道恰到好處薯條係有皮～熱辣辣新鮮炸起外脆內軟White Wine Mussels $79忌廉汁好香蒜蓉酒香～藍青口肉質肥美嫰滑洋蔥爽脆夾埋一齊食口感豐富多士鬆脆蘸埋忌廉汁無得輸主菜：Iron Grilled Flank Steak $192七成熟切好既牛扒～粉粉嫰嫰非常吸引份量十足～切開有肉汁配埋香蒜青醬都唔錯喎又有薯條同學真係好愛佢地既薯條🍟😜配菜仲有兩款瓜、粟米芯、車厘番茄飲品：🥤焦糖脆脆奶昔 $69最頂有海量焦糖碎加cream好邪惡，奶昔唔會太甜焦糖脆脆好大粒~仲有焦糖醬掛杯~好邪惡😈🍓士多啤梨奶昔 $55酸酸甜甜好開胃，未到甜品已經飲晒甜品：Earl Grey Pancake $125上次食完念念不忘～所以今次再encore伯爵茶醬配上鬆軟蛋香既厚班戟真係超夾無花果清甜好解膩～仲有薄脆伴碟如果唔係太飽真係想試埋tiramisu味今次都係坐梳化位～店員同之前一樣都係好nice

今次知道餐廳又轉了新的Special Menu，而且甜品及飲品更是我喜歡的芝麻口味，所以又來回訪了這間西餐廳〔Butlery〕。餐廳裝潢帶點歐陸風情，以墨綠色、橙棕色為主調，地下鋪了復古懷舊六角形地磚，店內用了木質藤椅、天花懸掛綠色植物點綴環境，樓底高空間感顯得闊落，餐廳主打供應西式菜式，而餐廳人氣甜品梳乎厘班戟更是差不多每檯都會叫的菜式。【Black Sesame Pancake】(HK$148)製作需時即叫即製的梳乎厘厚班戟，是餐廳的人氣甜品，有不同的口味選擇，今次選了餐廳Special Menu中的芝麻味道的甜品，兩層厚身的Ricotta班戟上有滿滿的黑芝麻醬，班戟入口有空氣感很重蓬鬆而濕潤，伴碟有濃郁好味的芝麻雪糕及芝麻布甸，作為甜品亦不會覺得太甜膩，非常滋味滿足，推薦。【Sea Urchin & Scallop Linguine】(HK$178)餐廳受歡迎招牌菜之一，擺盤賣相精緻，帶子表面煎得香口，入口肉質彈牙嫩滑，海膽很大塊，撈勻後意粉掛上海膽忌廉醬汁，入口很creamy。【Grilled Salmon, Onsen Egg Risotto Bowl】(HK$168)意大利

Butlery(沙田)一間係沙田人氣旺盛嘅西餐廳Butlery,餐廳位於新界沙田正街18號新城市廣場一期4樓,餐廳裝修以歐陸式設計橙色為主調,餐廳主打西式咖啡店,有多款套餐和窩夫班戟甜品供客人選擇,服務員招呼態度熱誠有禮。是日餐湯係南瓜湯,熱辣辣嘅南瓜湯入口好creamy,微甜,熱飲好暖胃。是日餐沙律係青蘋果雜菜沙律,沙律新鮮,青蘋果酸酸地好醒胃。是日餐飲石榴青檸梳打和檸檬梳打,石榴青檸梳打上桌好耀眼,飲落冰涼清爽,酸酸地甜甜地好開胃。脆炸軟殼蟹蟹肉蕃茄龍蝦汁意粉廚師將軟殼蟹炸到金黃色,食落脆卜卜甚香脆,意粉軟硬適中,每條意粉沾滿龍蝦汁,食落甚鮮甜。吉列日本豬柳炒滑蛋伴意大利飯吉列日本豬柳炸到外脆,內裏仍保持肉汁,意大利飯沾滿酱汁,食落軟糯。伯爵茶醬,無花果,果仁脆餅,白朱古力脆米甜品即叫即製作,廚師製作需要時間,甜品上桌仲熱,伯爵茶醬味濃郁,無花果入口清甜,脆米果仁和脆餅入口脆卜卜,一個多種口味和口感的美味甜品食得好滿足。

第一次試呢間Cafe 之前見新開好多人排隊，以為唔差同朋友點左香蒜橄欖油墨魚仔意粉🐙🍝點知墨魚仔冇味（似白烚）意粉係事先準備好的墨汁（冇汁）顏色意粉，食唔出香蒜味（目測有小小蒜頭粒），一般用橄欖油炒香蒜片係會有香蒜味。總之極度失望…😞我食咗咁多次意粉，都係第一次見識到咁毫無誠意的成品……. 或者係我唔好彩，咁岩同朋友都點一樣的嘢～ 又咁岩點左佢哋餐廳最差的出品啦…..好耐冇做食評，佢真係值得我寫咁多字…

座位比較寬敞，食物擺設精緻，味道方面和服務都很好，小朋友開心大大滿足，甜品擺設Selfie讚，窩心貼心安排梳化位比三個小朋友，沙田一間值得讚的餐廳，食物同環境有心，做得算係出色的一間餐廳。

Butlery's Pancake🥞簡簡單單一個厚班戟已經好好味🤤空氣感滿滿最緊要鬆軟，加埋焦糖牛油，楓葉糖漿超級正。Wild Wings雞翼炸到脹卜卜，點埋佢地嘅蜜糖是拉差醬、青瓜酸忌廉醬，你話唔正呀…Sour Cream Works Chips🍟粗身薯條特別好味😋加埋酸忌廉牛油果醬更加惹味。Sea Urchin & Scallop Linguine🍝新鮮海膽，香煎帶子已經好吸引🤩意粉係蟹肉海膽忌廉汁，好好好味呀⋯⋯Mint Chocolate Milkshake & Baileys & Cream Milkshake，賣相靚都不特止仲好好飲添。

今晚去沙田搵食，朋友話新城市有間西餐做得唔錯。原本我仲以為會去沙中，好運果邊試d新開既餐廳，不過食完就發覺呢間Butlery真係唔錯。睇睇menu，選擇相當多，有前菜有小食，主菜有齊pasta、burger、steak，甜品都有好多款，而且唔係hea既。我地就叫左下面呢幾樣：白酒忌廉汁藍青口青口用左藍青口，size細少少好正常，不過口感保證嫩。白油忌廉醬汁好濃郁，調味都好到位，香味亦都好豐富。汁做得好既話，做appetizer，就算有濃厚忌廉汁，都唔會覺得食完就膩左，仲會想佢俾多兩片多士黎沾汁。燒法國春雞配意大利飯燒春雞火侯控制得唔錯，肉質嫩滑，而且調味都幾好。佢地既自製醬汁亦都幾特別，係類似是拉差辣醬既汁，又開胃又惹味，仲帶d刺激感。Risotto同樣係泰式既調味，薑黃味濃，香料味重。配菜亦都好豐富，蘑菇、牛油果粒仲有法邊豆。海膽煎帶子 蟹肉海膽忌廉汁扁意粉意粉面頭就放左煎香左既帶子，上面再放埋海膽，賣相唔錯。意粉醬汁既濃度同青口既醬汁一樣，都係咁濃郁。除左食到蟹肉，海膽味都幾濃，同意粉相當夾。番番去帶子同海膽度，煎帶子做得幾好，表面sear得唔錯，入面冇過熟，口感仲好好。海膽質素都

Butlery位於沙田新城市廣場，店內環境時尚雅致，採用木色調裝潢，營造出舒適的用餐氛圍。而且菜式無論是主菜還是甜品，都能讓人感受到用心的烹調。「Calamari Squid Ink Pasta」 🍝 黑色的墨魚汁意粉，搭配新鮮的魷魚，味道濃郁，口感滑順。墨汁的鹹香與意粉的Q彈結合，讓每一口都充滿海鮮的鮮味。「Iron Grilled Flank Steak Medium Rare」 🥩 牛肉外焦內嫩，火候掌握得當，肉質鮮嫩多汁，搭配特製醬汁，讓人每一口都感受到肉的鮮美和香氣。薯條也不錯。「Premium Pistachio Milkshake」 🥤 開心果奶昔口感順滑，有少少果仁粒，香濃的開心果味道十分突出。「Banoffee Creme Brulee Pancake」 🍰 疏乎厘班戟口感輕盈，焦糖表面脆口，配上香濃蛋奶油吉士醬，甜而不膩，還帶著一點焦香味，作為甜品收尾。

想食butlery甜品好耐朋友話不如直接dinner埋 咁就排少一次隊😛未諗主食前已經諗好咗隱藏menu開心果奶昔因為見到有人喺開心果關注組post咗唔知有冇得叫少甜 因為雖然開心果味係好濃好正但真係偏甜咗叫咗手撕豬肉千層麵佢係卷咗啲肉落面麵度 好特別鍾意食千層麵一啖裡面有齊肉絲同麵🥰飯就叫咗special menu嘅原隻魷魚墨魚汁risotto 其實睇食評叫有人話啲飯煮唔熟都驚驚地但我地今次食無哩個問題成隻魷魚好彈牙我地仲叫咗黑松露芝士薯條份量有啲細 不過每條熱辣辣沾滿晒醬係好正！甜品叫咗earl grey梳乎厘本身想叫原味但隔離兩枱都叫earl grey我地就動搖咗梳乎厘本體食落唔會剩係得空氣好fluffy食到滿足唔怪得butlery長期full下次平日夜晚一定會再嚟

🍊 餐廳名稱：Butlery (沙田)🐝 味道：8/10環境：8/10整體分數：8/10💰人均：$200+———————————————————呢間人流好旺嘅西餐廳，環境以復古美式風格。晚市真係一位難求，全場都座無虛席！ Caesar Salad 💰96打頭陣嘅有Caesar Salad，好經典嘅頭盤。菜是新鮮的，爽脆清甜的。Iron Grilled Flank Steak 💰192牛扒叫左五成熟，上枱剛剛好。食落juicy得黎帶點牛香味，而且薯條好新鮮（好重要！)，呢碟菜式有一種置身係外國嘅感覺。Maple Bacon Cheese Burger 💰105佢地好Classic嘅漢堡包，食完真係明點解咁多人叫。用左楓糖漿配以煙肉，食落鹹甜鹹甜咁，加上漢堡係juicy到一個點，個包比較鬆軟，整體而言係好高分的。(Sp) Honey Comb &Fresh Fruit Pancake 💰148都食過好多間唔同嘅梳乎厘，呢間都可以入Top3。成個好適合打卡，蜜糖蜂巢配埋啲Cream，再加梳乎厘一啖放入口，好味到停唔到口。梳乎厘係鬆軟但有口感，真心難，一唔小心就似食空氣。

多年冇見、約同學聚舊、電話預訂滿啦，walk-in攞票入席被告知只有90分鐘時限。點菜有20分鐘製作時間、即係只有60分鐘的進餐時間。餐點不包飲品、另外計算、性價比立即跌下來！我地四人點了一份豬排、一份pancake、兩份脆三文治🥪、味道很不錯👍🏻本想點三文魚、只可以跟義大利飯、轉不到薯條🍟或意大利粉🍝！意欲走飯不浪費、侍應很好提醒我地走飯就冇咩食嘎啦😆今次時間短、體驗也很有催促咁、要慢活可要另覓地方啦。

之前已經食過一次，價錢唔貴同埋味道幾好，所以決定同老公再食多次😆炸蝦球配沙律醬份量一啲都唔少，$78有10粒蝦👍🏻外面炸到金黃酥脆，蝦都幾大隻，鮮嫩多汁，完全唔油膩。搭配沙律醬，酸酸甜甜，非常開胃～蜜糖芥末豬胺扒我哋揀咗當日special, 有一大塊豬胺扒，下面仲有啲薯菜墊底。豬肉燒得啱啱好，有少少肥肉，咬落去有肉汁流出。佢仲鋪咗啲脆片喺面，食落更有口感。帶子海膽意粉之前都係嗌呢個，因為好記得係好食嘅，所以今次返嚟都encore😋帶子有事先煎香過，有薄薄一層焦香。海膽新鮮，撈埋落個意粉食就好滑溜～醬汁非常濃郁，個意粉好掛汁，食落好滿足Tiramisu Soufflé 嚟得Butlery 一定要嗌佢個soufflé pancake 🥞 佢係我心目中香港疏乎里嘅三甲之一😍 完全做到好fluffy嘅感覺，重蛋味，加埋個咖啡糖漿，我同老公秒清！總括然而，呢度嘅食物價錢唔貴，有水準，而家staff嘅人手非常足夠，好滿意😝絕對會再嚟第三第四五次～