Butlery

營業中

休息中

Butlery(沙田)一間係沙田人氣旺盛嘅西餐廳Butlery,餐廳位於新界沙田正街18號新城市廣場一期4樓,餐廳裝修以歐陸式設計橙色為主調,餐廳主打西式咖啡店,有多款套餐和窩夫班戟甜品供客人選擇,服務員招呼態度熱誠有禮。是日餐湯係南瓜湯,熱辣辣嘅南瓜湯入口好creamy,微甜,熱飲好暖胃。是日餐沙律係青蘋果雜菜沙律,沙律新鮮,青蘋果酸酸地好醒胃。是日餐飲石榴青檸梳打和檸檬梳打,石榴青檸梳打上桌好耀眼,飲落冰涼清爽,酸酸地甜甜地好開胃。脆炸軟殼蟹蟹肉蕃茄龍蝦汁意粉廚師將軟殼蟹炸到金黃色,食落脆卜卜甚香脆,意粉軟硬適中,每條意粉沾滿龍蝦汁,食落甚鮮甜。吉列日本豬柳炒滑蛋伴意大利飯吉列日本豬柳炸到外脆,內裏仍保持肉汁,意大利飯沾滿酱汁,食落軟糯。伯爵茶醬,無花果,果仁脆餅,白朱古力脆米甜品即叫即製作,廚師製作需要時間,甜品上桌仲熱,伯爵茶醬味濃郁,無花果入口清甜,脆米果仁和脆餅入口脆卜卜,一個多種口味和口感的美味甜品食得好滿足。

第一次試呢間Cafe 之前見新開好多人排隊，以為唔差同朋友點左香蒜橄欖油墨魚仔意粉🐙🍝點知墨魚仔冇味（似白烚）意粉係事先準備好的墨汁（冇汁）顏色意粉，食唔出香蒜味（目測有小小蒜頭粒），一般用橄欖油炒香蒜片係會有香蒜味。總之極度失望…😞我食咗咁多次意粉，都係第一次見識到咁毫無誠意的成品……. 或者係我唔好彩，咁岩同朋友都點一樣的嘢～ 又咁岩點左佢哋餐廳最差的出品啦…..好耐冇做食評，佢真係值得我寫咁多字…

座位比較寬敞，食物擺設精緻，味道方面和服務都很好，小朋友開心大大滿足，甜品擺設Selfie讚，窩心貼心安排梳化位比三個小朋友，沙田一間值得讚的餐廳，食物同環境有心，做得算係出色的一間餐廳。

Butlery's Pancake🥞簡簡單單一個厚班戟已經好好味🤤空氣感滿滿最緊要鬆軟，加埋焦糖牛油，楓葉糖漿超級正。Wild Wings雞翼炸到脹卜卜，點埋佢地嘅蜜糖是拉差醬、青瓜酸忌廉醬，你話唔正呀…Sour Cream Works Chips🍟粗身薯條特別好味😋加埋酸忌廉牛油果醬更加惹味。Sea Urchin & Scallop Linguine🍝新鮮海膽，香煎帶子已經好吸引🤩意粉係蟹肉海膽忌廉汁，好好好味呀⋯⋯Mint Chocolate Milkshake & Baileys & Cream Milkshake，賣相靚都不特止仲好好飲添。

今晚去沙田搵食，朋友話新城市有間西餐做得唔錯。原本我仲以為會去沙中，好運果邊試d新開既餐廳，不過食完就發覺呢間Butlery真係唔錯。睇睇menu，選擇相當多，有前菜有小食，主菜有齊pasta、burger、steak，甜品都有好多款，而且唔係hea既。我地就叫左下面呢幾樣：白酒忌廉汁藍青口青口用左藍青口，size細少少好正常，不過口感保證嫩。白油忌廉醬汁好濃郁，調味都好到位，香味亦都好豐富。汁做得好既話，做appetizer，就算有濃厚忌廉汁，都唔會覺得食完就膩左，仲會想佢俾多兩片多士黎沾汁。燒法國春雞配意大利飯燒春雞火侯控制得唔錯，肉質嫩滑，而且調味都幾好。佢地既自製醬汁亦都幾特別，係類似是拉差辣醬既汁，又開胃又惹味，仲帶d刺激感。Risotto同樣係泰式既調味，薑黃味濃，香料味重。配菜亦都好豐富，蘑菇、牛油果粒仲有法邊豆。海膽煎帶子 蟹肉海膽忌廉汁扁意粉意粉面頭就放左煎香左既帶子，上面再放埋海膽，賣相唔錯。意粉醬汁既濃度同青口既醬汁一樣，都係咁濃郁。除左食到蟹肉，海膽味都幾濃，同意粉相當夾。番番去帶子同海膽度，煎帶子做得幾好，表面sear得唔錯，入面冇過熟，口感仲好好。海膽質素都

Butlery位於沙田新城市廣場，店內環境時尚雅致，採用木色調裝潢，營造出舒適的用餐氛圍。而且菜式無論是主菜還是甜品，都能讓人感受到用心的烹調。「Calamari Squid Ink Pasta」 🍝 黑色的墨魚汁意粉，搭配新鮮的魷魚，味道濃郁，口感滑順。墨汁的鹹香與意粉的Q彈結合，讓每一口都充滿海鮮的鮮味。「Iron Grilled Flank Steak Medium Rare」 🥩 牛肉外焦內嫩，火候掌握得當，肉質鮮嫩多汁，搭配特製醬汁，讓人每一口都感受到肉的鮮美和香氣。薯條也不錯。「Premium Pistachio Milkshake」 🥤 開心果奶昔口感順滑，有少少果仁粒，香濃的開心果味道十分突出。「Banoffee Creme Brulee Pancake」 🍰 疏乎厘班戟口感輕盈，焦糖表面脆口，配上香濃蛋奶油吉士醬，甜而不膩，還帶著一點焦香味，作為甜品收尾。

想食butlery甜品好耐朋友話不如直接dinner埋 咁就排少一次隊😛未諗主食前已經諗好咗隱藏menu開心果奶昔因為見到有人喺開心果關注組post咗唔知有冇得叫少甜 因為雖然開心果味係好濃好正但真係偏甜咗叫咗手撕豬肉千層麵佢係卷咗啲肉落面麵度 好特別鍾意食千層麵一啖裡面有齊肉絲同麵🥰飯就叫咗special menu嘅原隻魷魚墨魚汁risotto 其實睇食評叫有人話啲飯煮唔熟都驚驚地但我地今次食無哩個問題成隻魷魚好彈牙我地仲叫咗黑松露芝士薯條份量有啲細 不過每條熱辣辣沾滿晒醬係好正！甜品叫咗earl grey梳乎厘本身想叫原味但隔離兩枱都叫earl grey我地就動搖咗梳乎厘本體食落唔會剩係得空氣好fluffy食到滿足唔怪得butlery長期full下次平日夜晚一定會再嚟

🍊 餐廳名稱：Butlery (沙田)🐝 味道：8/10環境：8/10整體分數：8/10💰人均：$200+———————————————————呢間人流好旺嘅西餐廳，環境以復古美式風格。晚市真係一位難求，全場都座無虛席！ Caesar Salad 💰96打頭陣嘅有Caesar Salad，好經典嘅頭盤。菜是新鮮的，爽脆清甜的。Iron Grilled Flank Steak 💰192牛扒叫左五成熟，上枱剛剛好。食落juicy得黎帶點牛香味，而且薯條好新鮮（好重要！)，呢碟菜式有一種置身係外國嘅感覺。Maple Bacon Cheese Burger 💰105佢地好Classic嘅漢堡包，食完真係明點解咁多人叫。用左楓糖漿配以煙肉，食落鹹甜鹹甜咁，加上漢堡係juicy到一個點，個包比較鬆軟，整體而言係好高分的。(Sp) Honey Comb &Fresh Fruit Pancake 💰148都食過好多間唔同嘅梳乎厘，呢間都可以入Top3。成個好適合打卡，蜜糖蜂巢配埋啲Cream，再加梳乎厘一啖放入口，好味到停唔到口。梳乎厘係鬆軟但有口感，真心難，一唔小心就似食空氣。

多年冇見、約同學聚舊、電話預訂滿啦，walk-in攞票入席被告知只有90分鐘時限。點菜有20分鐘製作時間、即係只有60分鐘的進餐時間。餐點不包飲品、另外計算、性價比立即跌下來！我地四人點了一份豬排、一份pancake、兩份脆三文治🥪、味道很不錯👍🏻本想點三文魚、只可以跟義大利飯、轉不到薯條🍟或意大利粉🍝！意欲走飯不浪費、侍應很好提醒我地走飯就冇咩食嘎啦😆今次時間短、體驗也很有催促咁、要慢活可要另覓地方啦。

之前已經食過一次，價錢唔貴同埋味道幾好，所以決定同老公再食多次😆炸蝦球配沙律醬份量一啲都唔少，$78有10粒蝦👍🏻外面炸到金黃酥脆，蝦都幾大隻，鮮嫩多汁，完全唔油膩。搭配沙律醬，酸酸甜甜，非常開胃～蜜糖芥末豬胺扒我哋揀咗當日special, 有一大塊豬胺扒，下面仲有啲薯菜墊底。豬肉燒得啱啱好，有少少肥肉，咬落去有肉汁流出。佢仲鋪咗啲脆片喺面，食落更有口感。帶子海膽意粉之前都係嗌呢個，因為好記得係好食嘅，所以今次返嚟都encore😋帶子有事先煎香過，有薄薄一層焦香。海膽新鮮，撈埋落個意粉食就好滑溜～醬汁非常濃郁，個意粉好掛汁，食落好滿足Tiramisu Soufflé 嚟得Butlery 一定要嗌佢個soufflé pancake 🥞 佢係我心目中香港疏乎里嘅三甲之一😍 完全做到好fluffy嘅感覺，重蛋味，加埋個咖啡糖漿，我同老公秒清！總括然而，呢度嘅食物價錢唔貴，有水準，而家staff嘅人手非常足夠，好滿意😝絕對會再嚟第三第四五次～

閒日在沙田新城市廣場午餐，選了BUTLERY！不單價錢大眾化，坐得舒適，服務稱心，且食品款式多，還有午市套餐！👍👍 先來的南瓜湯香甜軟滑，入口柔綿，南瓜香味在口腔中彌久不散！沙律是時令蔬菜，清新爽口，適合這炎熱的天氣。主食的脆炸軟殼蟹配蟹肉蕃茄龍蝦汁意粉極之美味！原隻軟殼蟹炸到脆卜卜，香口濃郁，意粉蘸滿了蕃茄龍蝦汁後十分惹味，還夾雜鮮味蟹肉！吉列炸魚稍稍偏硬但魚味十足，配上芝士、漢堡及粗薯條！加配的藍青口非常新鮮好味，尤其那牛油忌廉的醃調，配上白酒和小茴香的提味，絕對是吃不留口，值得推薦！甜品是Earl Grey Pancake，梳乎厘鬆餅非常柔軟兼富彈性，在伯爵茶醬、新鮮無花果及朱古力的點綴下，鮮甜滋蜜，軟嫩好味唷！最後來了一杯熱MOCHA和一杯冰LATTE，兩杯咖啡都極具水準，滿足的愜意午餐！

今日放工唔想煮飯，約同事去沙田新城市廣場Butlery食晚飯，間西餐廳好多人捧場😋叫個Fish and chips 🐟🍟 嘆吓先, 銀鱈魚配薯條，魚肉夠厚夠Juicy滿口魚油入口嫩滑，外脆內嫩，唔係一塊魚片，係手臂咁粗嘅炸魚，正😋成日用腦，食返啲紅肉🥩補返先💪🏻，煎牛排配焗蔬菜，燒得啱啱好，賣相吸引，牛肉味濃，配自家製牛肉汁更加惹味🥳仲食埋燒雞配窩夫，雞肉燒得外脆內嫩，雞肉醃得好入味，好好食，窩夫配蜜糖芥末醬，味道好過癮，仲食得好飽添😋食埋甜品就perfect，呢個動L動L厚pancake配咖啡糖漿，通常飯後甜品飲杯咖啡食件蛋糕，呢個二合一，一口蛋香濃郁嘅厚厚pancake帶有濃濃咖啡香甜😚係雙重享受啊！係最有水準嘅甜品👏🏻🥳

我無參與佢個試食活動～ 食過幾次，一如既往正路西餐廳水準，係幾好食既，just 份量比較少同價錢偏貴。 餐廳都幾好坐既，環境舒服。 係一到假期6點打後比較多人，最好訂定位。最好食係個海膽帶子意粉， truffle薯條，同佢啲奶昔 milk shake都好飲。試過佢salsa醬薄餅，都唔錯，有牛油果醬，幾好食同埋 冬蔭公蝦risotto， 呢個就麻麻地，啲飯覺得有啲硬，份量少同唔係咁岩我口味。忌廉青口都有試過， 都好食。因為佢好多菜式都比較creamy， 食咁多會有啲膩， 建議order菜式時要注意一下，唔好全部叫同一種口味。

因為睇到咁多好評而被吸引而嚟嘅～店面裝潢真係好靚，好適合打卡 而且食物飲品都做到好fancy~所以用餐當日都係以女性顧客為主大家都係相機食先📸當日嗌咗兩杯咖啡同埋一客Banoffee Creme Brulee Pancake $119Soufflé ricotta pancakes, banano, toffee sauce, vanilla custard & caromelised sugarRicotta 厚班戟，香蕉，拖肥醬，雲尼拿吉士醬 ＆ 脆焦糖Pancake嚟講，正常操作～不過我覺得就唔係太似banoffee，味道唔係太出眾。呢方面有少少失望嘅，因為你只能夠當佢係一客普通嘅pancake咁食～咁你就會覺得滿足啦！另外想提一提嘅就係當日呢間餐廳嘅（男）侍應好專注撳電話😌發現支叉有啲污糟，叫佢換，佢都係就咁喺唔係放餐具嗰一邊隊返一支新嘅叉過嚟服務有待改善～我諗都唔會再食第二次啦😊畢竟新城市有好多其他嘢食嘅選擇

今年已經第4次去食Butlery，今次係因為突然想食pancake，所以就去咗，佢哋店嘅pancake係超好食。因為夜晚去順便食埋正餐，閒日六點三左右去到，大概等幾張枱就有得入去，等咗四五個字。今次叫左一個小食，兩個主菜，一個甜品同埋一杯飲品。🔸White wine mussels依叫必叫，青口好鮮味，同白汁好夾，仲有兩塊面包比你點埋個白汁食🔸Le foie gras burger正常發揮，牛肉味唔夠濃，如果一個人食哂會覺得有d漏，包比較冧🔸Iron grilled flank steak薯條同配菜都幾好食，肉既份量都好多，今次我叫5成熟，賣相都唔錯，但始終都係冇咩牛肉味，但都冧既。🔸Earl grey pancake我最期待既pancake，之前一直都係食creme brulee味，今次試下其他味，因為佢即叫即整，所以都等左20分鐘左右，一如既往pancake個蛋香好濃，唔係太空氣或者太實，岩岩好，除咗伯爵茶醬仲有伯爵茶cream. 醬份量都夠，茶味都好香，夾埋pancake真係好好食🔸Pistachio milkshake有開心果味但偏甜總括甜品係出色，咸食下次會叫番意粉。