Boat Thai

營業中

休息中

🫶Boat Thai 依間餐廳個名好特別，亦真係有「船麵」食；另外d食物整得幾好味呢～餐廳位於尖沙咀isquare，地理位置好方便。🥣泰式冬蔭公湯湯頭色澤好靚，鮮橙色帶有少少油份，配料豐富，有很多塊秀珍菇及蕃茄仔。碗中的一隻原隻大蝦🍤很大隻，食落隻蝦感覺好新鮮，而且肉質很嫩滑。蝦頭都好多肉食一定要「嗦」埋。冬蔭公湯味道剛好，偏酸少辣，岩大眾口味。海南雞飯（雞脾加10元）鍾意食雞脾既人必點雞脾部位，雞肉超嫩滑，外皮鮮黃食埋皮都無問題。雞油黃飯超香及飯粒軟軟的👍小食：🥢燒魷魚🦑燒魷魚係我既最愛，間中泰菜餐廳就會點。每一片魷魚的表面燒至暗黃色，賣相好靚。試下整個表面都沾上酸汁，味道會更惹味呢～飲品：🥤菠蘿梳打杯邊掛了一片菠蘿，內裡亦有多粒迷你菠蘿粒，最後食埋非常解膩;而且菠蘿酸酸地好開胃。梳打甜甜地，味道調得很好～

呢間泰國野性價比真係極低。價錢已經係貴，qr code落餐單仲要加一。食物既份量又少得可憐，真係唔值得嘅。本身都以為幾靚仔咁，會食到物超所值嘅美食，但係係呢度真係好有落差豬頸肉得一細塊，蝦餅得5舊…完全唔夠3個人食唔止係價錢問題，佢哋嘅椰冰令我哋好失望。椰冰suppose係泰國菜嘅一個亮點，但係呢度嘅椰冰就真係淡而無味。我哋期待住呢個椰冰有椰子嘅香甜同濃郁味道，但係最後得到嘅就係一失望既味道。 未試過兩舊幾水係食唔飽

今日去開尖沙咀行街，行到肚餓話搵嘢食。行吓行吓見到呢間新開嘅泰國舖頭，門面都好清潔乾淨企理，又有啲泰國裝飾，所以就決定試吓佢。入到去睇吓餐牌，基本上泰國菜嘅款式都有。我哋叫炸蝦餅，冬陰功湯同鳳尾蝦炒金邊粉。另外同埋加咗兩杯嘢飲，椰子刨冰同龍眼冰。啲嘢食好快上枱，熱辣辣，份量都唔少。個蝦餅有三粒，每一粒都好實淨，配埋個汁嚟食真係好好食。個冬陰功湯都好足料，有隻蝦同埋有其他蘑菇香料等等，食落唔會好辣，但係有冬陰功嘅香味。炒金邊粉嗰啲蝦都幾好食，另外仲有配花生粉同辣椒粉可以溝埋落啲金邊粉度食。而兩杯嘢飲味道都幾好，唔會太淡都好夠味。最後我哋加咗個芒果糯米飯，芒果就切得比較細片，但糯米飯就有兩隻色嘅飯，熱辣辣都好好食。最後四百零蚊埋單，有機會推薦俾大家試下！

呢間餐廳喺iSquare商場嘅6樓，大約晚上六點左右，其實都未到繁忙時間，但係都算坐滿人。半開放嘅裝修，加上木系嘅裝修，坐喺入面食飯有空間感而且舒適唔會感到壓迫。另外呢間餐廳啲菜式好味，而且抵食，CP值高，主菜普遍都唔超過$100 。🌟海南雞飯$82抵食健康之選，肉質都算嫩滑🌟炸蝦餅香脆兼熱辣辣🌟鮮蝦碌柚沙律有好多柚子，同埋炸咗嘅蒜頭🧄，好香口惹味，唯一美中不足就係蝦嘅份量真係好少，得三隻。

今日到訪這家泰式餐廳。餐廳的裝修明亮簡單，座位有點狹窄，但感覺整潔。午餐有六款，大多數人都係點船麵同海南雞，價格由$78-$88，包飲品。泰式船湯河粉$78這船河有牛肉片、牛丸和炸豬皮。這個船粉不是泰式細細碗，而是香港的風格和份量足的那一種。湯汁味道濃厚，是牛骨湯風味，唔係好油膩，完全唔辣。這牛肉片是普通米線牛肉片的那種，唔太韌又唔係好軟滑，牛丸細細粒，幾爽口，炸豬皮好香口，河粉好滑，索左湯汁，好滋味。泰式奶茶這泰式奶茶的茶味較淡，奶味亦不多，沒有過份甜膩，入口冰涼。

星期五放工約咗朋友食呢間泰國餐廳，位於iSQUARE，夠晒方便，價錢合理唔貴，食物又好食。泰式蝦膠皮蛋 $68通常食泰國嘢我必食蝦餅，呢個蝦膠皮蛋可以滿足晒我兩個願望，蝦膠外層脆脆，蝦膠爽口，裏面皮蛋Q彈甘香，沾上泰式甜辣將或者配酸薑一齊食各有風味。泰式燒豬頸肉 $78燒豬頸肉好香，外邊焦香，裏面肉質爽，而且有油香，沾上特調醬汁更加惹味。香茅炸雞翼 $48炸雞翼新鮮炸起已經冇得頂，加上一啲香茅味同埋炸蒜，又香口又惹味。泰式船湯河 $78個湯好濃郁，少少藥材味，我好鍾意，湯河軟滑，吸湯一流。配料豐富，有肥牛片、牛丸、蘿蔔、炸豬皮，仲有好多爽口芽菜仔同埋通菜添。泰式海鮮菠蘿炒飯 $88炒飯少少咖喱黃薑味好惹味，加上有爽口大蝦、鮮嫩青口、魷魚卷、肉鬆、腰果、提子乾，仲有唔少得嘅甜甜菠蘿粒，呢個炒飯超豐富，我食得超開心。

泰式鮮燒魷魚絕對香口美味 有口感 加上特別配料一吃下去成個泰國返晒嚟作為餐前小食，絕對係開胃之選泰式鮮蝦碌柚沙律講到開胃 碌柚沙律，絕對係大家的最愛每口碌柚，都啖啖肉 酸酸的味道配上新鮮的鮮蝦 甜甜的酸酸的 太好了泰式鳳尾蝦炒金邊粉喜歡泰國食物的朋友，絕對不能夠錯過這個炒金邊粉 每一條金邊粉都非常彈牙入味而且加入美味的鳳尾蝦 更加爽口泰式海鮮菠蘿炒飯喜歡菠蘿炒飯的人更加不要錯過足料菠蘿炒飯 海鮮 香料 金黃色的飯 全部都係令人刺激未來的 絕對係全餐的主角之一泰式船湯河淨係見到湯嘅顏色已經知道真材實料 所有香料齊備，而且好多肥牛肉丸等等 吃一口湯已經知道大滿足 忍唔住要食晒落去海南雞半隻香滑的海南雞淨係見到啲雞肉雞紋細緻已經知道係上等貨 雞皮雞肉一併放入口 順滑嘅感覺 幾時都話香港係美食天堂 美味泰式奶茶完全係古早的味道 正宗香滑 絕無添加令這一餐美味的泰國菜添上美麗的氣氛泰式椰子刨冰美味的椰子刨冰真的充滿椰子的味道 完全真材實料 透心涼嘅感覺 飲嘅時候可以陪同炒金邊粉一齊吃 甜甜的辣辣的涼涼的熱熱的相得益彰青檸梳打 清新感覺返晒嚟 就算叫到成枱都係食物 都清得晒泰式街頭椰子粟米雪糕外觀

尖沙咀有水準的泰菜💛👍🏻✨餐廳的菜式是以傳統的泰菜為主，有泰國市場吃到的菜式，海南雞、船麵、金邊粉、咖哩等，連椰子粟米雪糕和芒果糯米飯也有！而且味道是有水準的！《泰式燒鮮魷魚》$98小食方面的泰式燒鮮魷魚賣相非常吸引！以新鮮的魷魚為食材，燒得鮮味十足，口感有嚼勁，吃起來鮮甜彈牙！《泰式鮮蝦碌柚沙律》$88以豐富的柚子為主角，再加幾隻大蝦，配上泰式酸酸甜甜的醬，炮製成泰式鮮蝦碌柚沙律，非常清新醒胃！《泰式鳳尾蝦炒金邊粉》$88泰國街頭市場必吃的泰式鳳尾蝦炒金邊粉，金邊粉口感軟滑，蝦大隻又彈牙，花生碎跟辣椒碎的配合，惹味非常。《泰式海鮮菠蘿炒飯》$88以新鮮菠蘿製作，加入了菠蘿粒的炒飯帶點甜甜酸酸的味道，使人份外開胃，另外腰果和肉鬆的配合，令炒飯有著脆脆的口感。《半隻海南雞》$118海南雞嫩滑可口，啖啖肉，皮薄爽滑，雞肉味道濃郁，且已經去骨，方便享用，非常好味！《泰式船湯河》$78泰式船湯河上的配料有半生熟鮮嫩牛肉片和爽口牛肉丸，還有炸豬皮，酥脆可口，湯底香甜，搭配上湯河的滑順口感，非常惹味。《泰式街頭椰子粟米雪糕》$58泰國市集常見的甜品小食，以椰子殼為器皿，椰子雪糕很軟滑，而且有著濃濃

早排聖誕之後我同老公輪住病，除夕元旦都冇出去食飯，2024年報復岀街食既第一餐選了食泰國菜，夠香口惹味又多選擇。鮮菠蘿海鮮炒飯$88幾多料，黃薑炒飯唔會太油，亦唔會炒得太乾，菠蘿粒大細適中，蝦，魷魚，青口同肉鬆都多，幾好味，仲有大大件多汁燒菠蘿。泰式船湯河$78 同樣有好多食材，有d似車仔麵，牛丸、牛肉片、芽菜同炸豬皮，湯底用了好多泰國的藥材香料，口味濃厚，河粉夠爽滑入味。泰式春卷（3件）$48春卷已切半，見到好多素餡料，七彩繽紛，上碟賣相唔錯，外皮夠薄夠脆，配上甜酸醬汁，好滋味。香茅雞翼（4件） $48D香茅味好香好入味，雞翼唔會炸得過老，外皮脆，肉質嫩滑juicy。泰式燒豬頸肉（3件） $78燒得好香口，肉質爽口，好惹味。呢餐食了好多嘢，好滿足，而且價錢唔貴，性價比不錯。

平時同friend去尖沙咀食野多數求其搵間地舖，今次我哋咁岩都想食泰國嘢特登search左搵到呢間 boat thai，嘢食非常唔錯泰式鳳尾蝦炒金邊粉甜酸鹹味好平衡，撈埋側邊嘅辣粉同花生碎更香口。金邊粉炒得乾身，加埋蛋碎同芽菜好有咬口，鳳尾蝦爽口彈牙好新鮮另外叫咗幾個小食share：泰式春卷入面塞滿粉絲同蔬菜，春卷皮脆餡料Q彈爽口，點少少酸辣汁已經好惹味。炸蝦餅熱辣辣新鮮炸起大大件勁好食！泰式燒豬頸肉少少偏乾身識落唔會好肥膩，有輕輕炭燒味食泰國菜當然唔少得飲泰式奶茶同食芒果糯米飯。泰式奶茶煉奶味好重，質地好滑。糯米飯個椰漿好香，芒果就唔算好甜不過整體食落都唔錯

👧🏻😋👅🍽✨快靚正 超好食 😋-Boat Thai🇭🇰 尖沙咀彌敦道63號iSQUARE國際廣場6樓601號舖 🇭🇰-🇹🇭 iSQUARE都幾多餐廳, boat thai價錢親民, 重點係食物質素高, 值得推薦! 雖然鋪頭唔大唔算多位, 少少逼但D藤椅軟軟地好鬼舒服😂 勁有東南亞feel🇹🇭 餐點選擇多但出餐超快, 我地QR code落完單好快就出左幾樣; 因為轉流快, 撳左飛等位都唔算好耐-🐓 半隻海南雞 $118💯海南雞少少鹹, 帶油香肉嫩juicy, 熟度剛好連雞胸都好滑, 半隻份量十足💯配上泰式辣醬, 甜豉油同雞湯, 熱湯好清甜-🥬泰式肉碎生菜包 $88 ✨肉碎啖啖香口, 多肉汁唔會油淋淋; 生菜爽脆鮮甜, 大大塊幾好包-🍲 泰式南京椰汁雞湯 $88💯少少紅油蒲面有D色水但飲落唔辣, 椰子味好香; 雞肉都幾多仲好滑, 配埋菇同番茄仔好鮮甜-🐥 香茅炸雞翼（4隻）$48✨勁驚喜! 皮脆到有d似炸子雞😹 雞翼鹹香重香茅同蒜味, 入面多汁入味-🥭 芒果糯米飯 $68💯有黑白糯米, 杰椰汁上仲有啲脆米; 芒果唔太甜但滑身冇渣

《地道正宗泰菜🔥》———————————————#boatthai 🇹🇭-菜式由泰國人主理，坐得幾舒服，裝潢充滿泰國特色，而且性價比高，款式選擇多元，包括有船湯、海南雞、冬蔭公、各種泰式小食😚-🦐 鳳尾蝦炒金邊粉Pad Thai 金邊粉炒得好爽口彈牙，鳳尾蝦亦幾鮮甜，夾埋各種蔬菜同香料一齊食，層次感豐富😜-🍍 鮮菠蘿海鮮炒飯上面鋪滿肉鬆、臘肉同海鮮粒，份量十足，非常之豐富，而且炒飯炒得幾乾身，食唔停口😙-🐽 泰式燒豬頸肉豬頸肉燒得香脆，肉質鮮嫩多汁，配埋微辣嘅醬汁，非常惹味😋-🥭 芒果糯米飯橙黃色嘅芒果夠晒新鮮，甜得來啖啖肉，撈埋佈滿椰漿嘅糯米飯一齊食超級夾☺️-🥥 泰式椰子刨冰刨冰質地綿密，加入椰汁，冰凍又香甜，絕對係必食嘅甜品🍧-⭐價錢參考：（另收加一）鳳尾蝦炒金邊粉：$88鮮菠蘿海鮮炒飯：$88泰式燒豬頸肉：$78芒果糯米飯：$68泰式椰子刨冰：$38🍌抵deal 指數：7/10💰 人均消費：$200

泰式海鮮菠蘿炒飯🍛炒飯口感鬆軟,菠蘿嘅甜味同海鮮完美配合,再加上泰式嘅香料和醬汁調味,另外搭配上滿滿嘅肉鬆,令這道菜味道更為豐富多樣😽秦北清邁雞髀咖喱湯麵🍜這是一道充滿泰國風味嘅菜品,而且唔係度度有得試,所以絕對推薦俾大家👍湯底係十分濃郁嘅咖喱風味,配上炸到卜卜脆嘅雞髀,食落暖笠笠,係冬天自選🥰泰式肉碎生菜包😋個人覺得生菜包,一定要夠辣先夠惹味,唔好睇佢啲肉碎粒平平無奇,食落真係辣得好過癮🤩呢個一定會encore🥳泰式春卷&泰式椰子刨冰&泰式菠蘿刨冰🧋另外都叫咗啲小食同嘢飲,水準都唔錯😘

首訪位於尖沙咀國際廣場的「Boat Thai」食物質素令人滿意，今次帶同爸爸回訪餐廳出品由正宗泰國師傅主理，提供小食、沙律、湯品、船麵、肉類、咖喱、粉麵飯、飲品及甜品，定價親民==========🔹泰式鮮蝦碌柚沙律 $88材料豐富，除鮮蝦及碌柚外，加入乾蔥、蔥花、紫洋蔥、椰子碎及花生等，絕不馬虎蝦肉大隻彈牙，碌柚清甜多汁，味道集鹹辣酸甜，味道平衡，口感富層次，開胃之選推介指數：8.5/10==========🔹泰式蝦膠皮蛋 $68配上滋味鮮嫩的子薑，賣相可人皮蛋呈溏心狀，毫無尿臭味；蝦膠爽彈鮮味，脆漿脆薄香口，蘸上甜酸汁更滋味推介指數：8.5/10==========🔹泰式黃咖喱牛腩 $88配雞油飯 +$15咖喱加入紅椒、青椒、洋蔥及馬鈴薯牛腩緊緻嫩滑，帶點軟筋膜微甜；薯仔經走油香而粉糯；咖喱帶點甜味令人喜歡，整體毫不油膩加配雞油飯粒粒分明，油香十足推介指數：8.5/10==========🔹泰式燒鮮魷魚 $98原條魷魚配上青瓜及車厘茄魷魚鮮味爽嫩而多汁，蘸上酸甜醬更覺美味推介指數：8.5/10

由地鐵站坐𨋢直上iSquare 6樓，非常方便。6樓眾多食肆，今日就食泰菜。這間餐廳有正宗泰菜，而價錢相當親民，是尖沙咀抵食之選。我們在午市餐牌揀咗兩個抵食套餐，加個小食和湯。🏅泰式冬陰功湯（$98）🏅泰式船湯河（$78）🏅泰式乾炒肉片河粉（$78）🏅泰式炸蝦餅（$58）🏅泰式奶茶（+$10）冬陰功雖然唔係好大碗，但味道一流。最喜歡是湯中有不少草菇。要知道現在的高級泰國餐廳不少都貪方便用秀珍菇代替草菇，難得見到草菇，好開心。船河也很正宗，而且材料豐富，有牛肉片、牛丸、白蘿蔔和炸豬皮，河粉是用泰式乾河粉，正宗得來還能減少油膩呢。炒肉片河粉又係用傳統的方塊河粉，有米香。炒得乾身，材料除了肉片，還有炒蛋、芥蘭、粟米仔等，非常惹味。炸蝦餅鮮味彈牙，這個價錢抵食。奶茶香濃，可惜忘記了叫少甜。