影片
更多
2024-01-18
32 瀏覽
今日去開尖沙咀行街，行到肚餓話搵嘢食。行吓行吓見到呢間新開嘅泰國舖頭，門面都好清潔乾淨企理，又有啲泰國裝飾，所以就決定試吓佢。入到去睇吓餐牌，基本上泰國菜嘅款式都有。我哋叫炸蝦餅，冬陰功湯同鳳尾蝦炒金邊粉。另外同埋加咗兩杯嘢飲，椰子刨冰同龍眼冰。啲嘢食好快上枱，熱辣辣，份量都唔少。個蝦餅有三粒，每一粒都好實淨，配埋個汁嚟食真係好好食。個冬陰功湯都好足料，有隻蝦同埋有其他蘑菇香料等等，食落唔會好辣，但係有冬陰功嘅香味。炒金邊粉嗰啲蝦都幾好食，另外仲有配花生粉同辣椒粉可以溝埋落啲金邊粉度食。而兩杯嘢飲味道都幾好，唔會太淡都好夠味。最後我哋加咗個芒果糯米飯，芒果就切得比較細片，但糯米飯就有兩隻色嘅飯，熱辣辣都好好食。最後四百零蚊埋單，有機會推薦俾大家試下！
入到去睇吓餐牌，基本上泰國菜嘅款式都有。我哋叫炸蝦餅，冬陰功湯同鳳尾蝦炒金邊粉。另外同埋加咗兩杯嘢飲，椰子刨冰同龍眼冰。啲嘢食好快上枱，熱辣辣，份量都唔少。個蝦餅有三粒，每一粒都好實淨，配埋個汁嚟食真係好好食。個冬陰功湯都好足料，有隻蝦同埋有其他蘑菇香料等等，食落唔會好辣，但係有冬陰功嘅香味。炒金邊粉嗰啲蝦都幾好食，另外仲有配花生粉同辣椒粉可以溝埋落啲金邊粉度食。而兩杯嘢飲味道都幾好，唔會太淡都好夠味。最後我哋加咗個芒果糯米飯，芒果就切得比較細片，但糯米飯就有兩隻色嘅飯，熱辣辣都好好食。最後四百零蚊埋單，有機會推薦俾大家試下！
張貼
