Boat Thai

營業中

休息中

今晚出尖沙咀買嘢，順便食個飯先返屋企啦。見到呢間泰國嘢選擇都幾多，而且價錢非常經濟實惠，一於食佢啦！飲杯龍眼冰先再慢慢揀😬呢度嘅海南雞真係非常推介，雞肉鮮嫩幼滑，配上醬汁真係一流👍🏻 兩個人食半隻啱啱好！食泰國嘢，當然要食燒豬頸肉，一份都有好多片，肉質爽口，味道唔錯。主食揀咗菠蘿海鮮炒飯，好足料好多蝦，旁邊仲有一件燒菠蘿，酸酸甜甜好開胃😋最後食埋香甜嘅芒果糯米飯，一份有齊黑糯米飯同埋普通糯米飯，啱晒心意嘅我哋！食得咁豐富，每人都係二百零蚊，性價比真係好高👍🏻

老友提議在尖沙咀Isquare 之#Boat Thai 晚飯，餐廳的泰式船麵，湯底每日由師傅鮮製的，故老友食過番尋味。泰式柚子鮮蝦沙律，蝦🦐正常發揮，成碗都係柚子，份量多又新鮮，清新醒胃。黃金蝦餅, 厚身且炸到金黃色，咬落有鮮蝦味，香脆肉質彈牙，點埋附上的酸辣汁更惹味。老友一定要點的正宗泰式船湯河，我地一齊分享，湯夠熱飲落味道香濃，內有牛丸、牛肉片和炸豬皮等，牛肉片夠軟淋，河粉亦都滑溜。泰式鳳尾蝦炒金邊粉, 鳳尾蝦香口惹味，金邊粉帶些甜，旁邊放上花生同辣椒碎，拌勻後一併食用，口感很好又惹味。🥤泰式奶茶， 紅茶味香濃，甜度剛好。🍹泰式檸茶，帶有青檸的香味，口感清爽。

這次去到iSQUAE覓食一波，去了家位於6樓的泰菜餐廳。簡約的環境裝修不會太嘈吵，座位間不會太近感覺可以欵。食物有套餐和散點選擇，價格中等可接受🙈。-▪︎泰式奶茶 +HKD$10｜龍眼冰 HKD$25套餐飲品有優惠價，泰式飲品挺多選擇。泰式奶茶不會很甜，茶味甘香濃厚，奶味較重口感順滑。龍眼冰味道香甜，另有果肉吃口感較豐富。-▪︎泰式燒鮮魷魚 HKD$98｜泰式燒豬頸肉 HKD$78點了兩款較香口的小吃，即叫即燒味道真香😏，有不同醬汁配著吃。燒魷魚外脆內軟的質感，肉質鮮嫰爽口。豬頸肉肉質腍身，帶油脂味挺香的。-▪︎海南雞飯 HKD$82跟飯有湯和兩款醬汁，海南雞份量可以。肉質嫰滑骨頭不多，雞皮滑溜爽口不肥膩，還帶滿滿膠原蛋白der啫喱。喜歡配辣醬吃，因為感覺較惹味。-▪︎芒果糯米飯 HKD$68酸酸甜甜的組合，感覺清新又吸引的組合。糯米飯口感煙韌，配椰汁吃味道較香口。芒果肉切件方便吃，果肉爽口啖啖肉。-

今日同朋友去左tst boat thai, 首先海南雞飯係個店嘅招牌菜，個雞肉好滑好嫩，唔會太肥太膩，個皮又唔會太厚，所以有啲彈牙，又保持住個汁。個飯好香好滑，同個雞肉好夾。仲有三種醬汁可以配，分別係薑蓉、辣椒同豉油，個個都好惹味，可以增加個雞飯嘅層次同變化。我覺得個海南雞飯值得一試，分量又足，食到好滿足。其次，木瓜沙律係個好清新嘅小吃，用咗青木瓜絲、紅蘿蔔絲、花生碎同魚露醬拌埋一齊，好爽口好開胃。個木瓜絲有啲脆，個紅蘿蔔絲有啲甜，個花生碎有啲香，個魚露醬有啲酸酸辣辣，幾款材料嘅口感同味道都好襯。我覺得個木瓜沙律係個好平衡嘅菜式，可以中和下個海南雞飯嘅油膩感。炸春卷個春卷皮炸到金黃酥脆，入面包咗啲雜菜同肉絲，好香好多汁。要趁熱食先至好，配埋個甜酸醬，更加惹味幾過癮，適合拎嚟同朋友一齊分享。芒果糯米飯，我覺得係全餐嘅亮點。個芒果好甜好香，個糯米飯又煙韌，淋咗啲椰汁，好滑好綿。個芒果同個糯米飯嘅甜度好剛好，唔會太膩

估唔到位於尖沙咀 仲要係大商場入邊都有性價比咁高嘅泰菜✨🔸泰北邁雞髀咖喱湯麵 $78重口味必推❗️選用幼身蛋麵 咖喱湯非常濃稠 味道微辣帶甜 醬汁掛滿麵條 如其話係湯麵 更加似拌麵 好惹味！大雞脾肉質嫩滑 啖啖肉😋🔸泰式燒豬頸肉 $78肉質肥瘦適中 仲可以配上帶微辣秘製醬汁一齊食 如果燒耐啲 表皮帶焦香會更好！🔸泰式鮮蝦碌柚沙律🥗$88份量都幾多 大量碌柚肉配上大大隻鮮蝦🦐、蝦干、炸蒜片🧄、花生🥜 加埋泰式酸辣汁 非常開胃！🔸泰式乾炒豬肉片河粉 $78雖然外表平凡 但味道唔錯 入味得嚟唔油膩👍🏻 河粉彈牙 唔會黏住一嚿嚿 味道有啲似干炒牛河😆 不過用咗豬肉片🔸泰式椰子刨冰 $38刨冰口感細滑 椰子味濃郁🥥如果甜度再低啲就Perfect啦🌴

呢期沉迷泰菜，喺尖沙咀揾到呢間泰國餐廳，星期五晚都幾多人，不過好在佢上菜超快，唔洗等好耐☺✨泰式乾炒豬肉片河粉 - 份量幾足幾大碟，唔會太油膩，調味剛好🧡✨泰式船湯河 - 好足料，仲有金不換香味，湯底濃厚🤩✨泰式燒豬頸肉 - 燒得邊邊香脆，肉身易咬唔會韌👍✨泰式奶茶 - 係甜甜的味道，好有泰國風味~✨泰式椰子刨冰 - 好大杯，椰子味夠真夠出🥥✨泰式街頭椰子粟米雪糕 - 最驚喜係最底竟然有糯米飯😂呢個配搭好特別！！

Thai tom yum kung soup 泰式冬陰功湯 $98呢一款泰式冬陰功湯雖然望落去鮮紅色，但飲落去味道唔會太辣🌶️，湯裏面有吸睛嘅新鮮大蝦🍤、大硯、茹菌、🍄同埋餐廳獨門秘製香料，味道好濃郁，酸酸辣辣幾開胃Hainaness chicken leg rice 泰式海南雞髀飯 $92傳統嘅泰式海南雞髀飯好受歡迎🍗，將海南雞轉為雞髀，食落去口感更加鮮嫩，旁邊仲有好清甜嘅青瓜🥒同埋fresh 嘅蕃茄片🍅，點埋甜醬油同埋酸辣醬，配上泰式油飯幾正🍚Pad Thai with fresh prawns 鳳尾蝦炒金邊粉 $88經典嘅鳳尾蝦炒金邊粉性價比相當高，免頭有四隻爽口大蝦🦐，金邊粉用酸甜嘅茄醬嚟炒🥫，而配菜就有芽菜、辣椒、香口嘅花生🥜、洋蔥🧅絲等，大大碟又飽肚啊！Coconut ice 泰式椰子刨冰 🥥 (L) $38Pineapple ice 泰式菠蘿刨冰 🍍(R) $38左邊嘅泰式椰子刨冰口感幼滑，充滿天然椰子香🌴，而右手邊嘅泰式菠蘿刨冰味道唔會太甜，同酸辣為主嘅泰國菜好夾，值得推介👍🏻

位於iSquare的boat thai，雖然第一次來探店，但性價比和味道都令人驚喜和滿意。裝修簡單但不擠迫上菜速度快，服務非常不錯。泰式乾炒豬肉片河粉 $78融合了豐富特色香料味道的泰式醬汁炒煮豬肉片和彈牙的河粉為特色。豬肉片嫩滑多汁，與河粉完美融合，並且釀入了泰式醬汁的香氣，帶來一種令人垂涎欲滴的美味。泰式海鮮菠蘿炒飯 $88以蝦仁，腰果，提子乾，肉鬆，臘肉和炒熟的飯粒結合，再加上菠蘿的甜味和泰式調味料的香辛，使得這道菜色香味俱全。每一口都能品嚐到海鮮的鮮甜和菠蘿的清爽，味覺上的層次感令人愉悅。香茅炸雞翼 $58雞翼經過香茅和其他香料的醃製後，再經過油炸，表皮酥脆，內部多汁。香茅的香氣和炸蒜帶來一種獨特的風味，讓人難以抗拒。炸蝦餅 $48由的蝦肉和香料混合而成，再油炸至金黃酥脆。每一口都能感受到蝦肉的鮮美和酥脆的口感，絕對是一個美味的小吃選擇。芒果糯米飯 $68糯米飯的甜軟配上成熟的芒果，簡直是一種完美的組合。甜蜜的芒果和黏糯的糯米飯相互襯托，帶來一種清新的口感，讓人非常滿足。泰式奶茶 $25這杯濃郁的奶茶帶有濃厚的茶香和奶香，微甜而滑順。它是一種絕妙的飲品，可以舒緩舌尖的辣感，給人

味道出色，性價比高，好值得食完再食!! ❤️泰式海鮮菠蘿炒飯 超多海鮮配料，有埋大大隻蝦+青口+墨魚等等，炒得又香又乾身又唔油，伴碟仲有燒菠蘿，同埋最重要既肉鬆，真心高質!!🧡春卷 炸到黃金香脆，咬落脆卜卜既聲，特別香口!! 入面超多料口，好感豐富～💛香茅炸雞翼 炸到岩岩好，外面香脆，入面好嫩滑～💚炸蝦餅 每件都大大件，香口又彈牙既蝦餅，口感一流!!💙青檸梳打 夠凍又夠氣，好refreshing!!💜泰式菠蘿刨冰 大大杯～酸酸甜甜好開胃

泰式鮮蝦碌柚沙律 隻隻大蝦加上海量碌柚肉，配上香脆花生和泰式酸辣汁醒胃去骨海南雞飯 已去骨的海南雞肉非常嫩滑，雞皮薄且彈牙，配上秘制醬油，雞味香濃，回味無窮香茅炸雞翼雞翼肉質超級嫩滑多汁，外皮香脆，推介泰式鳳尾蝦炒金邊粉蝦肉新鮮彈牙，必食推介！鮮蝦彈牙爽口，將花生混入金邊粉，更香口，口感更豐富菠蘿炒飯 炒飯足料，包括蝦仁、什豆、肉鬆、腰果、菠蘿，飯粒炒至乾身粒粒分明，鑊氣十足，非常香口芒果糯米飯 超甜大芒果，鮮甜多汁，加上椰汁糯米飯，糯米軟糯，絕配

同屋企人行完商場就去了這間泰國餐廳醫肚，見到午餐同下午茶餐價錢及食物都好吸引就試下👍泰式海南雞飯海南雞以嫩滑的雞肉搭配香氣十足的椰香飯，味道鮮美。配上泰式醬料和甜豉油醬，增添了一些微辣的風味。泰式春卷春卷皮薄脆，內餡則包括蔬菜、豬肉和蝦仁，並配上甜辣的泰式蘸醬。是一個不錯的開胃菜。泰式牛肉船河湯底好濃郁，牛肉鮮嫩無比，牛丸爽口彈牙，正！泰式生菜包豬肉調味適中，入口辣辣地又多汁，連埋蔬菜包住食，好味又健康。泰式芒果糯米飯這是一道以糯米飯和新鮮芒果為主要材料的泰國甜點。糯米飯甜又煙煙韌韌，芒果則帶有鮮甜的果香，兩者的結合非常美味。淋上椰奶增添了更多的口感和風味。

見isquare入面呢間都多人讚，價錢都合理，所以決定試下。試咗招牌炒金邊粉，果然是不錯，有4隻蝦，半生熟處理得幾好，而且本身浸咗醬，隻醬幾特別幾好味。個金邊粉本身，粉同汁就正常發揮，料頭好足，關鍵係蛋絲炒得好香，令成碟野昇華唔少。唯一挑剔係個汁略多，食到最尾會有點太甜。另外試咗個豬肉濕炒河，不過無影到相。碟豬肉濕炒河汁醬調味都係幾好，不過都係濃味咗少少。未試小食，但睇落都幾吸引，之後有機會再試。

今晚我同朋友去間lunch!! 我地叫咗幾款經典泰式菜式！其中一個係泰式炒金邊粉。佢嘅味道好正，金邊粉炒得香口，配上新鮮嘅蔬菜同埋香辣醬汁，真係好正！粉條彈牙，味道鮮美，好開胃。另一個菜式係泰式燒鮮魷魚，魷魚燒得剛剛好，充滿咗泰式嘅香料同埋醬汁味道，每一口都好入味，口感鮮嫩多汁，好好味。我仲點咗一份香葉肉碎飯加荷包蛋，飯裡面有肉碎同埋泰國嘅香料，再加上一個荷包蛋，味道真係好濃郁，令我食得好滿足。蛋煮得恰到好處，蛋黃流心，好美味。飲品我地叫左泰式奶茶，口感香滑，茶香同牛奶嘅味道完美結合，飲落去真係好香滑，又唔會太甜，好適合我嘅口味。我地跟餐叫左菠蘿梳打水🍍，佢係用新鮮嘅菠蘿搾汁同碳酸水混合而成，飲落去又清新又開胃，菠蘿嘅酸甜味道同梳打水嘅氣泡，真係好爽口！

由泰國人主理嘅高CP值泰菜boat thai抵食又好味，系尖沙咀食飯嘅好選擇，有多款菜式選擇，由泰式小食、沙律﹑粉麵飯﹑至甜品都有！鮮菠蘿海鮮炒飯配有一大塊燒菠蘿，菠蘿夠甜又多水份，燒過之後更加香。黃薑炒飯爽口唔油，配有大蝦仁、魷魚，青口、菠蘿粒、肉鬆，口感非常豐富。泰式船湯河（轉咗金邊粉）足料大碗，有牛丸、牛肉片、芽菜同炸豬皮，湯底濃郁但唔會太咸，仲食到鮮甜味，金邊粉彈牙入味。香茅雞翼（4件）估唔到香茅味咁突出，雞翼嫩滑大塊。蝦膠皮蛋 每次見到呢味餸都會食，佢呢度皮蛋夠糖心，蝦餅炸到金黃鬆脆，用蝦餅包住皮蛋，咬落特別有口感。泰式炸蝦餅 外層炸至金黃色，蝦肉質地扎實，香脆可口，份滿足，沾泰式酸辣醬更好味。

Boat Thai 🇹🇭想喺市區食泰國菜，又唔想價錢咁貴有咩好選擇？！我哋今日去嘅呢一間應該可以符合到價錢唔貴，而且好味嘅兩大條件喎！🙌🏻🙌🏻🙌🏻小食方面，今次就食咗泰式炸蝦餅（三件）🦐$58 同埋 泰式燒豬頸肉🐷$78，兩樣揀嘅話我比較鍾意炸蝦餅，貪佢夠脆口，咬落又彈牙！👅主菜方面就揀咗泰式冬陰功湯🦐🦑$98 同埋 鮮菠蘿海鮮炒飯🍍🍚$88，冬陰功湯都幾足料，湯頭算係比較creamy嘅，入面仲有一隻超級大隻嘅大頭蝦添！💯菠蘿炒飯份量都幾多，仲有好多肉鬆喺面，攞嚟撈飯真係一流啊！飲品方面，今次就試咗泰式椰子刨冰🥥$38，椰子刨冰有好濃厚嘅椰汁味，解渴又好味！