影片
更多
2024-03-07
25 瀏覽
🌟餐廳：Boat Thai📍地址：尖沙咀彌敦道63號iSQUARE國際廣場6樓601號舖💰價位：～$100 - $200⏰營業時間：星期一至五11:00 - 21:45📱電話：36188108天氣濕𣲷𣲷，最啱就係食一啲開胃嘅菜式！朋友仔今日就帶我黎到尖沙咀既「Boat Thai」，主打由泰藉廚師主理、性價比高既泰國菜～呢啲天氣好需要歎吓泰式美食，刺激吓味蕾！———————————————————🔹 泰式炸春卷先黎一款泰式炸春卷，外層卜卜脆，餡料包括肉碎、粉絲、木耳絲等，夠哂飽滿，搭配埋泰式甜辣醬，份外美味！———————————————————🔹 香茅炸雞翼呢度嘅香茅炸雞翼，大大隻份量十足！雞翼Juicy啖啖肉，外皮香脆滲出香茅既香氣，曬上炸蒜粒，食落更加香濃惹味！———————————————————🔹 泰式肉碎生菜包識我嘅朋友仔都知道我最鍾意食泰式肉碎生菜包！佢地既泰式豬碎用上半肥瘦豬肉，加入香料、九層塔、乾蔥、魚露及檸檬汁爆炒，食落微微酸辣，夠哂開胃，再用大大片爽脆生菜包住黎食，層次感十足，大推！———————————————————🔹 泰式船湯金邊粉一大碗性價比十足！材料豐富，
📍地址：尖沙咀彌敦道63號iSQUARE國際廣場6樓601號舖
💰價位：～$100 - $200
⏰營業時間：星期一至五11:00 - 21:45
📱電話：36188108
天氣濕𣲷𣲷，最啱就係食一啲開胃嘅菜式！朋友仔今日就帶我黎到尖沙咀既「Boat Thai」，主打由泰藉廚師主理、性價比高既泰國菜～呢啲天氣好需要歎吓泰式美食，刺激吓味蕾！
———————————————————
🔹 泰式炸春卷
先黎一款泰式炸春卷，外層卜卜脆，餡料包括肉碎、粉絲、木耳絲等，夠哂飽滿，搭配埋泰式甜辣醬，份外美味！
———————————————————
🔹 香茅炸雞翼
呢度嘅香茅炸雞翼，大大隻份量十足！雞翼Juicy啖啖肉，外皮香脆滲出香茅既香氣，曬上炸蒜粒，食落更加香濃惹味！
———————————————————
🔹 泰式肉碎生菜包
識我嘅朋友仔都知道我最鍾意食泰式肉碎生菜包！佢地既泰式豬碎用上半肥瘦豬肉，加入香料、九層塔、乾蔥、魚露及檸檬汁爆炒，食落微微酸辣，夠哂開胃，再用大大片爽脆生菜包住黎食，層次感十足，大推！
———————————————————
🔹 泰式船湯金邊粉
一大碗性價比十足！材料豐富，除左有鮮嫩牛肉片、牛丸及炸豬皮外，濃濃既湯底入邊再加入九層塔、炸蒜及香蔥，搭配彈牙又索湯既金邊粉，食落大滿足！
———————————————————
🔹 泰式海南雞飯
招牌菜式之一！海南雞份量豐富，啖啖肉夠哂飽肚！雞肉外皮嫩滑，肉質鮮嫩，當然要配埋黑醬油及泰式酸辣汁點黎食，咁至夠傳統！香茅飯粒粒分明，滲出啖啖椰香及香茅味，好出色！
———————————————————
🔹泰式檸檬茶
朋友仔就歎埋地道既泰式檸檬茶！茶底香醇濃郁，加入泰式青檸，飲落份外清新！
———————————————————
👅整體小總結
餐廳位於尖沙咀i square，地點夠晒方便！
食物方面，主打一系列泰式小食、主食及甜品，款式選擇眾多，夠晒多元化！
值得一讚係餐廳上菜速度夠晒快，食物香噴噴熱辣辣，無論擺盤及賣相都好出色，係一間性價比十足嘅泰式餐廳！
張貼
