반찬앤쿡 Banchan and Cook (太古城中心)

營業中

休息中

係鰂魚涌拎完獎品肚餓了，去太古揾食！突然想食韓國菜，太古城中心原來有間Banchan & Cook 😍😍 二話不說就去了其實係間韓式蛋包飯專門店，新派韓國菜。太古城呢間分店係自助形式的，幾韓國cafe style😄 又思鄉了既然係主打蛋包飯，不能不吃吧，仲有我必試的牛肋骨。另外炸雞又想試下，另外再點個小食，兩人食夠有突！分分鐘嚇親人🙈🙈🙈燉牛肋骨蛋包飯🐮🥚🍚 $122個蛋靚到有D假🙈 跟個切法切開真係會攤開的，好正😍😍😍 牛肋骨好大件，如果可以斬半就更好了😃 飯唔係茄汁，係燒汁，好好食😋😋😋泡菜豬肉煎餅 $78同傳統的泡菜煎餅不同，泡菜碎放面，好似食得有D唔方便，唯有將件餅分開幾件，再配上D泡菜係面一口食，好滿足😊 泡菜有韓國的味道🥲 個豬肉煎餅又無煎到太乾👍🏻👍🏻👍🏻炸雞有骨全份 醬油蒜頭+初雪芝士 $218本身諗住嗌半份，但對面果個又想試唔同味道，所以又好放肆的叫了全份🤤 可以揀兩個口味。伴碟仲有薯條幾件年糕條😄 有骨係成隻雞切件，有雞全翼🤣 整體每個菜式都好有質素，邊食邊讚，性價比高！食到好飽呢🙈🙈🙈 推薦😬東涌最近都新開了分店🤠 下次去

今日黎到太古城Banchan & Cook，佢跟另外兩店有唔同，就係自助形式，地方環境好舒服🥰，而且呢度無加一服務費 🍛烤牛肉蛋包飯好精緻蛋包飯，切開蛋後，熱辣辣蛋醬流出，雞肉好滑好軟，明太子加sauce 好滋味 🍖慢煮羊膝配薯條好大條羊膝，認真抵食，煮燉後又淋又好入味，醬汁香濃蘿蔔味，配埋好多薯菜😍🍗酸辣無骨炸雞酸辣醬汁嘅香脆炸雞勁好味，佢有兩款芝士醬一齊，可隨意選擇，最正就係仲有年糕係入面，甜甜地外層年糕，可以再加芝士醬，更惹味😋 🧇韓式雜莓牛角包窩夫呢個好有牛角包煙韌，外型係窩夫格仔形狀，有紅莓、藍莓同士多啤梨，韓式忌廉好味但唔會覺肥膩，配上蜜糖醬特別美味😋🍵濟州鮮奶綠茶好清香抹茶味，鮮奶加綠茶有層次嘅味道 🍹士多啤梨紅桑子梳打清爽士多啤梨混合紅桑子，再加梳打，好清新香味😋

好友剛剛搬咗去太古城，又好耐冇見契仔啦，相約一齊去太古城食飯見面。 朋友話商場有間韓式新派Cafe 環境唔錯，又可以坐得耐少少， 畀我哋慢慢傾慢慢講。 入到餐廳裏面，感覺好舒服好開揚， 開放式 玻璃天花屋頂， 又有五彩顏色花花做佈置裝飾， 令人開心。我哋點咗幾樣嘢 ，大家一齊開心share燉牛肋骨蛋包飯燉牛肋骨配飯牛肋骨份量都好多好大嚿，炆得好鬆軟好淋， 最鍾意韓國醬汁甜甜地， 好好味 ， 要嚟撈飯食最正。無骨炸雞半份雞肉外脆內嫩，唔會太乾身， 味道又唔會太鹹， 細細嚿容易食。燒醬油黑毛豬白切肉配大醬生菜一向都唔太鍾意食豬肉，覺得一陣豬味， 不過呢個黑毛豬切到好薄片又唔會太勁豬肉騷味， 將生菜包住黑毛豬肉片，塗上燒醬嚟食，唔會太膩。芝士泡菜紫菜包飯呢個好好食呀，勁多芝士鋪滿落啲包飯度，鍾意食芝士嘅人一定鐘意， 又有泡菜少少辣味， 更加惹味。 呢餐大家傾得好爽，相約下次再嚟食。

牛肉蛋包飯： 如果好懷念飛機餐嘅可以試吓.好似飛機餐嘅質素或者應該講飛機餐仲好味過佢.蛋包飯嘅蛋完全無蛋香和蛋味.牛肉就係筋,完全咬唔開.蛋包飯成碟係暖,唔夠熱. 收呢個價錢,真係好難食.海鮮拉面： 一攞餐係一陣腥臭味傳來,一路食一路聞住腥味,食完成口腥味. 馬上走去第二間買咗杯咖啡辟味. 中伏, 我食咗咩啊？？！ 絕對無下次.

🥚🥚🐷自助舒適韓式cafe✨性價比：7.5/10🍳食物：7.5/10🌏環境：7/10🕺🏻服務：6/10💰是次消費：人均 $ 265#蛋蛋豬 🏝地點分類: #蛋蛋豬在太古🍰食物分類: #蛋蛋豬吃韓國菜————————太古城中的小清新無加一餐廳，自助格局輕鬆，晚餐時間非常受歡迎，排隊的人龍都幾長呢。烤牛肉蛋包飯 ($98) Omurice with Roasted Beef牛肉沾滿醬汁超重口味，蛋包飯上的蛋非常嫰滑，能完美地在中間剖開，並蓋在整個飯上。飯粒帶有微微的蕃茄味，圓滑的珍珠米，飯內亦混了少許蔬菜粒增加口感。燒醬油黑毛豬白切肉配大醬生菜 ($162) Grilled Pork Belly in Soy Sauce with Ssamjang最好味的一道，黑毛豬肥瘦分明，被醬油染至深啡色，夾入生菜中，再加點包飯醬、蒜片、泡菜一口進食，對味蕾帶來很大刺激，蒜片刺辣、大醬濃咸、泡菜帶甜辣，再帶一塊大啖豬肉，相當不錯。除了生菜還有韓國菜特色紫蘇葉，不過我們還是較喜歡生菜的味道。韓式無骨蜜糖炸雞 – 半份 ($108) Honey Fried Chicken Boneless炸雞外皮脆卜卜，

🤴明太子慢煮雞肉蛋包飯 $112 🐷燒醬油黑毛豬白切肉配大醬生菜 $162 🍊柑橘韓式炸雞（有骨半份） $118 🧇韓式雜莓牛的包窩夫 $72 🍼濟州綠茶鮮奶（熱） $42 🍫溶化朱古力（凍） $42 餐廳走清新文青路線，以輕食為主，Banchan 在韓文中意指「飯饌」，意思是韓式小碟拌菜🍱，提供韓式及西式的菜餚，包括各式飯類、意粉、甜點等。室內裝潢以明亮淺色的天然木材為主調🪵，格局乾淨舒適。 佢嘅慢煮雞肉幾軟身，而且冇脂肪夠健康，食多幾嚿都唔怕。蛋包飯充滿着明太子味道，少少辣好惹味。黑毛豬用生菜包住，再點埋醬汁，擺埋大蒜、青椒、辛奇等一齊食👘，食法夠特別，味道酸酸辣辣好開胃，但又唔會搶咗黑毛豬嘅香味。 至於炸雞幾甜，但好好食，炸到個皮夠脆夠香，仲配兩個醬汁。至於個窩夫偏硬身🧇，但係咬落幾爽脆，上面有啲水果點綴，夠香口。綠茶鮮奶嘅綠茶味相當出眾，至於朱古力奶就略嫌太甜同水份過多🙈。 整體來講嘢食相當有水準，但當日中午去都幾多人，要排一陣隊先有個小圓桌用餐🥲。 📍반찬앤쿡 Banchan and Cook - 太古城中心二期2樓222A號舖 @banchancook 📮

呢間餐廳，上次行完太古城，已經target左下次要食，今次聖誕節睇完燈飾，就去呢間裝修得好休閒既餐廳，去到先知原來是自己出去收銀點餐，自己取餐，自己搵位坐，好在收拾有人幫，出名蛋包飯點完餐後，有個牌比你等，出左餐有燈，通知你去取餐點了：泡菜五花肉蛋包飯$105食後感💝： 泡菜少少辣，配菜，蛋包飯原來是炒飯底，出餐時還細心付上蛋包飯食法，細心，招牌菜是最好食的！辣蟹肉意粉$89食後感💝： 爆多蟹肉🦀，略嫌意粉稍乾🍝，意粉好少份量，一般！韓式豬手沙律食後感💝： 賣相一流，但時裝跟韓國有點距離聖誕特飲：白朱古力咖啡$48飲後感💝： 有點貴，比想象中細杯，味道普通

今日放假同朋友去咗太古城中心溜冰⛸️留園冰好攰突然間好想食韓國菜，我哋行行吓就見到間食韓國嘢嘅餐廳，好似都幾多人食我哋就去排隊試吓，排咗大概15分鐘左右就可以入去。記得太古城依間係自助形式，唔知其他分店係咪都係自助形式，要自己出去拎餐具同埋水，而且點餐都係喺出邊☺️蜜糖無骨炸雞蜜糖無骨炸雞除咗炸雞之外，仲有年糕同埋薯條做配料，佢哋嘅炸雞都非常之好食，炸雞嘅皮非常香脆，入面嘅雞肉質依然都非常嫩滑和juicy！而且年糕同埋薯條有蜜糖醬食，非常之入味同埋甜甜地👍🏻慢煮羊膝配薯條羊膝嘅份量超大成條骨大個手掌🤭而且切出嚟嘅肉得非常之多，而且非常入味，朋友就覺得有少少羊”so”味😖韓式卡邦尼意粉韓國嘅卡邦尼意粉會同平時食開嗰啲都差唔多，今次嘅份量非常之多而且非常creamy，喺面頭都有好多煙肉，食比淡淡的奶油味😋烤朱古力棉花糖必點‼️一望到已經俾佢嘅外貌吸引到，底下有好多餅乾碎鋪左鐵板上高，放上棉花糖後再燒溶，最後落埋朱古力，成個甜品都非常豐富，口感十足。溶化朱古力士多啤梨紅桑子梳打

之前行街見到呢間반찬앤쿡 Banchan and Cook次次都係排大隊，難得今日平日夜晚嚟，見冇乜人排隊，就決定試吓。最鍾意見到啲圖文並茂嘅餐牌，一目了然，對於第一次嚟嘅食客嚟講真係好清晰。朋友話想食韓式生菜包，所以就揀咗燒醬油黑毛豬白切肉配大醬生菜，黑毛豬白切肉切得夠薄身，而且經過醬燒烤出多餘脂肪，所以雖然有肥肉，但感覺又唔會太油膩。生菜有兩款，放上白切肉後再加上秘製醬汁同泡菜等配料，口感非常香口。食韓國菜當然要食炸雞，呢度嘅炸雞總共有六款口味，有辣有唔辣，亦可以選擇有骨同無骨嘅炸雞。而呢個蜜糖無骨炸雞嘅配搭真係冇得輸，首先佢嘅炸雞肉質非常嫩滑而且充滿肉汁，然後佢嘅炸雞仲會配搭埋韓式年糕同薯條，年糕仍能保持軟糯，而薯條亦新鮮炸起外脆內軟，三種食物沾上蜜糖之後真係好好味😋。炸雞仲會配埋是日沙律。今日沙律款式係薯仔沙律，上面加咗蛋粒同蟹籽，味道亦唔錯。韓式卡邦尼意粉麵條夠彈牙，卡邦尼醬汁亦夠香濃，最緊要係份量夠晒大，呢個價錢來講其實都幾抵食。飲品我哋就揀咗濟州綠茶鮮奶同溶化朱古力，味道濃郁，而且充滿奶香。最後當然要食埋甜品，呢個韓式雜莓牛角包窩夫嘅窩夫真係超好食，新鮮熱辣嘅時候非常鬆軟

呢間韓式蛋包飯一直都想試，質素的確唔錯，而且其他菜式都好食😋.Menu上面仲有唔少甜品，可以留待下次再試.甜辣炸雞 x 蜜糖炸雞 $208 (無骨）Sweet and spicy fried chicken • honey fried chicken $208.慢煮雞胸蛋包飯 $105Slow cooked breast chicken omurice $105蛋包飯係呢間餐廳嘅招牌，店員會係你面前將蛋切開，打卡一流❤️蛋包飯好滑溜而且雞肉好冧.青醬大蝦意粉🍝 $98Prawn Spaghetti with Pesto Sauce $98

係太古城見到呢間食蛋包飯幾出名的韓式料理餐廳，環境明亮有點小清新，坐下才得知是自助型式，亦冇加一收費，感覺唔錯——————🍴 烤牛肉蛋包飯（$98）之前食過時代廣場分店感覺不錯，這次再點了這裡的蛋包飯，烤牛肉味道不錯，而蛋夠滑，飯亦加了牛肉汁及茄汁煮過，味道融洽👍🏼👍🏼👍🏼🍴 燒醬油黑毛豬白切肉配大醬生菜（$162）厚切黑毛豬層層分明，帶油脂感但卻不膩還帶點爽口，配上泡菜及大醬，再包上新鮮的生菜👍🏼不錯韓式蜜糖炸雞（$108 / 半份）蜜糖炸雞味道甜而不膩，微脆，而薯條配了蜜糖好味，像蕃薯條一樣，而最驚喜的是面頭的幾條年糕🤩夠煙韌又帶蜜味，根本不用配2款沙律醬🍴 韓式雜莓牛角包窩夫（$72）牛角包窩夫簡直是邪惡之選😈糖與脂肪的組合，非常美味🍵 濟洲綠茶鮮奶（$42）綠茶味順喉，沒有一點苦澀，如果濃多少少就好啦🍹 士多啤梨紅桑子梳打（＄42）清爽解膩之選

聽朋友講，佢經過見到呢間餐廳好吸引，約左咁耐終於有時間去。我哋大概7:00左右度，已經有一條人龍，我哋排第12 13左右門口排緊嗰陣時，已經忍唔住喺門口打卡， 10分有心機嘅裝飾充滿少女味我今日就試咗杯熱朱古力同埋蜜糖韓式炸雞。冬天來講，一杯熱朱古力對我好重要，所以呢杯深深吸引着我朱古力熱飲除咗有奶泡之外，仲有朱古力粉同朱古力碎所以味道非常濃郁。 配上香脆蜜糖雞，滿滿甜蜜嘅滋味炸雞係煮延伸思想點，所以可以即刻品嚐到熱辣辣又香脆嘅感覺☺️

之前喺銅鑼灣時代廣場試過呢一間餐廳經已覺得佢好有水準！今日去太古城行街先發現原來呢度都有😍今晚餐飯有着落啦！就嚟聖誕節 有好多聖誕嘅佈置好開心🥳入邊嘅環境就開放式 每張枱嘅空間都好大好舒服☺️呢度嘅點餐方法係先去counter點餐 點完之後店員會俾個感應器你 幫有嘢食嘅時候個感應器會跟就可以去攞啦！•烤牛肉蛋包飯🥚🍛•-淨係睇賣相已經流晒口水 個份量仲有幾大！一界開隻蛋就分別係兩邊包住啲飯 蛋汁非常滑溜 再配埋醬汁烤肉牛肉一齊食 口感鬆軟之餘仲好惹味！🤤•燒醬油黑毛豬白切肉配生菜大醬🐽•-到我最愛嘅白切肉啦！呢個可以話係韓國菜嘅經典菜式之！用芝麻葉或者爽口生菜包住大大嚿入晒味嘅白切肉 再配埋蒜頭同大醬等等嘅配料一齊食 口感豐富得嚟又互補長短 唔會太膩！👍🏻•柑橘有骨炸雞 🍗•-食韓國嘢又點可以冇炸雞呢！😏我哋今次就叫咗酸酸甜甜嘅柑橘醬汁 醬汁均勻包住成隻炸雞 食落有小清新之餘 炸雞仲好入味好Juice!!!!🤤•士多啤梨紅桑子梳打🍹•-食咗咁多野最好就係配返杯清新爽口嘅梳打！呢杯用咗兩種都好Flash嘅生果 唔會太甜之餘仲好清新 可以解到油膩感！•濟州鮮奶綠茶🍵•-另外忍唔住仲叫多咗杯鮮

_____好味指數：🌟🌟🌟🌟🌟抵食指數：🤑🤑🤑🤑去太古城中心溜冰，溜到餓就去搵嘢食😋見到呢間餐廳排晒長龍，梗係唔執輸排埋一份🤣幾鍾意呢種喺室內嘅開放式餐廳，而且而家已經換晒聖誕裝飾，同埋本menu都設計得好有心思，加分👍🏻✅ 韓式卡邦尼意粉入口芝士味好濃🧀仲有滿滿嘅奶油香🍼而且佢嘅醬汁啱啱好，唔會太少或者太多令到意粉乾身或者淋，配埋脆卜卜嘅煙肉粒食口感更有層次🍝✅慢煮羊膝配薯條一見到已經感受到個份量🙌🏻羊膝外層肉質軟腍，肉味濃郁，帶適量羊羶味🐑而入面嘅肉比較有嚼勁，我果陣係無理餐桌禮儀直接拎住食😂微酸濃厚嘅蕃茄醬汁亦進一步提升羊肉嘅鮮味🍅✅韓式炸雞（無骨半份）無骨炸雞炸得金黃香脆，內裡雞肉嫩滑多汁💦面上鋪上堅果同埋花生碎，另外有煙韌軟糯嘅年糕同炸薯條作襯托🍟加上千島醬同埋蜂蜜牛油醬，增添口感同時作點綴之用，令炸雞滋味倍增📈❇️韓式雜莓牛角包窩夫簡直喺一試難忘🤤窩夫沾滿玉桂粉同糖霜，散發一股牛油香🧈裡面喺千層酥皮，脆中鬆化，酥香可口🧇切上一細塊，輕沾香滑嘅忌廉，配上藍莓、紅桑子、草莓一齊食，酸酸甜甜又有層次，非常推薦！

好少黎開太古城，搵野食既時候見到宜家韓國餐廳，約埋朋友黎食啦。黎到見到好多人排隊喎，唯有俾d耐性排隊啦。🙈好在餐廳上菜都幾快。柑橘有骨炸雞（118）（半份）食韓國野梗係要食炸雞啦，雞件炸到金黃香脆，出面既柑橘醬香甜清新，雞肉好juicy，仲有d薯條同煙韌既年糕。慢煮羊膝配薯條（165）係一個好大份既主菜，個羊膝勁大隻，好多肉，慢慢切出黎食，質感鬆軟，味道一d都唔羶。配菜有薯條，蔬菜同燒蒜頭。烤牛肉蛋包飯（98）個蛋包飯既蛋睇落好圓滑，切開裡面既蛋漿就瀉出黎。個飯用蕃茄汁煮過，牛肉好淋好入味。韓式雜莓牛角包窩夫（72）宜個窩夫都好特別，食落真係牛角包咁既質地，外脆內軟，仲有肉桂香。濟州鮮奶綠茶（42）士多啤梨紅桑子梳打（42）我同朋友一人點左一杯飲品。鮮奶綠茶既綠茶味濃郁，質感厚滑。梳打就果味好濃郁，比較清新。。。반찬앤쿡 Banchan and Cook (太古城中心)太古太古城道18號太古城中心二期2樓222A號舖。。