반찬앤쿡 Banchan and Cook (太古城中心)

營業中

休息中

呢間嘢早餐抵食，牛油果三文魚三文治+咖啡都係$56 ，食物質素唔差，環境、座位亦潤落，疫情下最重要係食得安心，晏晝未去過，但睇menu 都幾多旦包飯款式，waffles 都幾好樣

新年將近到處也在大減價， 趁著假期當然要來商場shopping， 感受新年氣氛， 太古商場 現在做優惠， 購物 用餐指定金額可以換豐富禮品。去咗columbia會員買優惠產品， 盡興而歸。 當然也要在這裡享受美味餐點， 平日大排長龍的banchan and cook， 因疫情關係人流也減少了， 那就是我趁機可以好好享受的時機。等候時間不用三分鐘就可以入座， 室內位置空氣流通， 裝修優雅光猛， 充滿著韓國氣息， 淡淡的粉色佈置， 令人非常relax。餐點款式繁多，但令我最心動的，還是 非常吸睛的蛋包飯。 金黃色脹卜卜的蛋包飯， 充滿著好兆頭。 就像金元寶 荷包滿滿。蛋包飯滑捋捋， 而且好有動感， 牛肉充滿牛肉味厚薄適中， 醬汁甜甜地 加埋炒飯 更加滋味。慢煮羊膝薯條羊膝份量非常之多， 質地夠淋又好多汁， 薯條吸收咗 羊肉精華。 值得一提係配菜焗蒜， 蒜頭經過 烤焗之後變得 香甜軟糯， 蒜味香濃， 配肉類就最適合。韓式蜜糖炸雞蜜糖炸雞金黃酥脆， 肉質嫩滑又多肉汁， 蜜糖味甜滋滋的， 回味無窮。 炸年糕煙煙靭靭， 如果可以再多幾粒就最好啦。雜莓牛角包窩夫重頭戲甜品時間終於出場， 第一次食牛角

本人在1月25日晚上八點取餐，回家發現牛肋骨外賣尚有曱甴或昆蟲，曾多次致電餐廳亦未能接通，請問餐廳如何處理？在這疫情嚴重的情況下會有這樣的事發生，是否衛生情況惡劣？

收到通知可以取餐，但到店後却要多等20分鐘才能取，明白午餐用膳時間人多，但不能按時完成請不要接單好嘛。白白站了長時間還要自行認領，見出餐店員只會默默放好在枱，但上前詢問又顯得不耐煩，還沒有品嘗食物已影響了心情。

Banchan and Cook 呢間位於太古城嘅Banchan and Cook ，雖然係韓國菜，但都有好多唔同選擇嘅嘢食，佢哋最出名嘅係蛋包飯，不過今日就冇試到，但試咗幾款出名嘅韓國菜式。。🌟韓式卡邦尼意粉 $88意粉上面有好多炸煙肉條，撈埋落去意粉度到食，口感會豐富好多。卡邦尼味道香濃，比較少汁。🌟燒醬油黑毛豬白切肉配大醬生菜 $162黑毛豬白切肉肥瘦相間，豬皮位仲好煙靭q彈。每份包咗泡菜包飯醬蒜頭青陽辣椒生菜同蘇子葉包埋一齊食會好食過就咁食肉🌟韓式炸雞（有骨半份）$118炸雞入邊仲有肉汁，雞肉嫩，炸雞外皮滿滿既芝士粉，真係好正。仲有炸薯同年糕，一份已經食得到。🌟烤朱古力棉花糖 $78棉花糖上面用火槍燒過，外面脆脆地，入邊半溶狀態，仲可以撈埋下面嘅消化餅碎一齊食，可以冇咁甜同膩。🌟溶化朱古力（熱）$42🌟士多啤梨紅桑子梳打 $42📍반찬앤쿡 Banchan and Cook (太古城中心) (太古)太古太古城道18號太古城中心二期2樓222A號舖

嚟到太古城食晏，去咗試呢間韓式餐廳。除咗韓式炸雞，當然要試埋連logo都有嘅蛋包飯😛🥢泡菜燉五花肉蛋包飯 $105｜自己落手時間，想要打卡able嘅蛋包飯？以為考你手勢？其實最重要係把刀啊🙈餐刀唔太利，切切吓切到咁嘅賣相😂😂雖然「泡菜五花肉」好似無咩特別，但原來係用甜甜地唔辣嘅泡菜，連蛋🥚同入味五花腩一齊食，食多幾啖都唔覺膩～🍗韓式蜜糖炸雞（無骨半份）$108｜熱辣辣炸雞😋薯條同年糕都沾有蜜糖，螞蟻朋友實啱晒。🥢厚蛋紫菜包飯 $78｜由於頭兩款都出色，所以覺得紫菜包飯略為普通。☕️浪漫飄雪聖誕咖啡 $48｜聖誕前後去食，當然要叫特飲。不過除咗有八角做裝飾之外，就無咩印象啦🙈味道正常。是日沙律 （紅菜頭，薯仔沙律）｜叫主食附送嘅。本身唔太好沙律，所以覺得一般🙊-餐廳係自助形式，餐碟同餐具都係自己拎。喺收銀落單之後會畀部機仔，響嗰陣就埋去自取。-另有銅鑼灣、東涌、屯門店

現在約朋友食飯只能午餐或下午茶，疫情突然嚴重，需要跟朋友聚的話，揀選空氣流通好的餐廳相對來說比較放心。Banchan在太古城中心大堂，空氣相對來說比較流通，除口罩進食也較為安心。烤牛肉蛋包飯，賣相精緻，喜歡吃滑蛋的我超級喜歡這種半熟流心蛋漿。飯底用了牛肉醬汁，烤牛肉份量超多又惹味。慢煮羊膝配薯條，完全喜出望外，羊膝慢煮後，肉質又嫩又滑，完全不臊，超正。伴碟也很有心思，煎烤大蒜🧄超驚喜，完全顛覆我對大蒜的印象，軟腍帶甜，一定要試。韓式炸雞（無骨半份）經典韓式炸雞，外皮脆香，雞肉嫩滑，檸香酸甜醬汁更添風味。韓式雜莓牛角包窩夫🧇窩夫外型似牛角包，外面香脆，口味是我最愛的玉桂蕉香味，配雜莓忌廉，完美🥰濟州綠茶鮮奶，微甜，奶滑茶香。溶化朱古力，冰凍微甜，很濃郁的朱古力味。

商場行完街開始肚餓，朋友就建議試下呢間韓式快餐。餐廳以類似快餐店既自助形式營運，自己出去櫃檯落單然後等攞餐，水同埋餐具都喺按需要自取。🌟韓式卡邦尼意粉意粉好重忌廉味，煙肉咸香，不過整體偏乾身，如果有多啲醬汁會再好食啲。🌟燒醬油黑毛豬白切肉配大醬生菜黑毛豬白切肉腌到好入味，可以用生菜夾住豬肉同埋泡菜等配料一齊食，減輕油膩感。🌟有骨韓式炸雞炸雞剛剛炸起，外皮好夠脆。雞件既份量都幾多，夠兩人食到飽，仲有兩款開胃醬汁沾來食。作為配菜既年糕同埋薯條都好好味。🌟烤朱古力棉花糖鍾意食燒烤棉花糖既朋友必點！朱古力味唔算特別重，而且就咁食棉花糖都比較甜，所以記得要配埋消化餅一齊食，咁就岩岩好。🌟溶化朱古力超邪惡的飲品，面頭鋪滿厚厚的朱古力粉和奶蓋，朱古力香濃幼滑。🌟士多啤梨紅桑子梳打呢杯漸變色既賣相好靚，飲落喺酸酸甜甜的水果味。

當晚市又被禁堂食之際，兩個人係中午都總要食飯的，好好抓緊午市堂食既機會。 醬油黑毛豬白切肉配大醬生菜韓燒既時侯，好多時都會燒白肉夾生菜食，今次其實就係佢幫你燒埋。肉不會很肥，夾著韓式大醬，我個人好鐘意夾埋蒜頭，佢亦有預備，重回韓式美味。 韓式炸雞重點推介這項，因為炸雞完全冇雪味，新鮮炸起,而且雞件又唔會太肥，反而係肥瘦剛剛好。佢有提供2款醬，但我覺得本身甜辣醬已好好，超濃既甜味。另外，有幾條薯條及年糕，比你過下口癮。 韓式卡邦尼意粉作為主食，汁夠濃，加上煙肉粒，係唔錯既選擇。 烤朱古力棉花糖棉花糖外脆，裡面溶，平日有時BBQ都會燒，但好多時都失敗，佢就做到外脆裡面溶，上面加上不少朱古力在面，下面係消化餅底，夾著一齊食，而且剛上碟仲係熱辣辣，十分好味。 兩杯飲品，綠茶鮮奶+士多啤梨紅桑子梳打覺得梳打超開胃，士多啤梨紅桑子，仲有青檸，中和一下，相當清新鮮奶味重,可以揀冷熱。餐廳環境好靚 好舒服 天然採光

2022年第一餐就係同屋企人黎食lunch，呢間韓國餐廳好受歡迎，都等咗一陣先可以有位。首先個慢煮羊膝配薯條煮得好淋，好容易用刀拆肉，可以夾埋蒜頭一齊食，幾個人分就好正！青口海鮮炒年糕，海鮮有青口、帶子、蝦，年糕好似葫蘆咁兩粒黏埋，都好夾個龍蝦汁。另外當然要叫個無骨炸雞，我地四人分一份可以揀兩種味，今次係醬油蒜頭、柑橘，都係好香口食唔停，尤其柑橘味好香。另加飲品凍綠茶鮮奶同凍Mocha，偏甜但可接受！

太古城雖然都算多嘢食，不過好多餐廳都係連鎖式經營，快快手食完就要讓返個位出嚟，畀人嘅感覺都係好趕咁唔係好好。不過依間cafe就有個好好嘅地方可以畀人坐低放鬆下，雖然佢就主打係韓式嘅風格，不過其實佢哋最出名嘅係日式蛋包飯，仲要有好多唔同選擇總有樣啱口味。但係佢哋又同時有提供韓式炸雞，所以都唔知應該叫佢咩式好。可以放心嘅係無論邊一種都係好好食，唔係普通cafe只為求打卡整到好靚。所以雖然價錢唔算係好平，不過計埋食物質素同區內冇同類cafe都值得一試嘅。

而家正正係聖誕節，所以非常有節日氣氛🎄木系簡約裝潢，夠晒闊落，係打卡嘅好地方Banchan & COOK 結合西餐與韓式料理，輕食為主嘅自助cafe，食韓國野又點少得炸雞同烤正肉呢？仲有呀呢度嘅烤牛肉蛋包飯仲要非常出色架，必試烤牛肉蛋包飯牛肉味超濃，肉汁滲到有味飯再加上流心蛋包😋回味無窮燒醬油黑毛豬白切肉配大醬生菜烤肉好嫩滑，燒得啱啱好，夾埋呢度好好味嘅泡菜＋辣椒＋蒜片＋大醬包菜食，有風味又好食芝士蜜糖韓式炸雞（半份）啱晒芝士控嘅我，大量芝士粉喺外脆內嫩嘅雞件上，仲有炸年糕＋薯條混埋一齊，埋成咗個小山，唔止賣相靚，仲好好食添🍓韓式雜莓牛角包窩夫 雖然已經好飽，但呢個外脆內軟嘅窩夫配上士多啤梨＋Cream味道咁香濃，我又點會抵受到個誘惑 🍓士多啤梨紅桑子梳打酸酸甜甜，好清新，有青檸，紅桑子＋士多啤梨果醬，唔太甜幾好飲🎄浪漫飄雪聖誕咖啡好靚嘅賣相，仲要勁有聖誕氣氛，香濃嘅咖啡＋幼滑泡奶@banchancook#Banchan&Cook #COFFEETIME #韓式餐廳 #太古 #銅鑼灣 #東涌 #咖啡 #炸雞 #芝士拉絲Banchan & Cook太古城道18號太古城中心二期222A號舖

今日放假，所以可以早啲嚟食個lunch。11點嚟到，冇乜人，好relax。我揀咗食聖誕特別版嘅蟹肉蛋包飯，好味道！蟹肉唔算好多，但係份量都可以接受。蛋包飯水準不錯朋友仔揀咗牛肋骨，我都試咗一件，好味！前菜都好味海鮮燒餅， OK啦佢地咖啡不嬲都沖得唔錯環境開陽有陽光總括來講，都十分滿意，食得開心舒服。價錢唔算好平，太古城係咁上下～下次試甜品不過呢度就係自助式，係呢樣野就麻麻哋。不過店員服務都唔錯，有禮貌！

位於太古城既Banchan and Cook主打自助式韓國菜 價錢親民環境又舒適燒醬油黑毛豬白切肉配大醬生菜 $162依碟黑毛豬切片即使厚切 都做到入口鬆化既口感而且調味做得都幾好 有醬油味同香煎過嘅味道份量亦都唔細 用生菜包住黎食 兩個人一齊食都足夠海鮮煎蔥餅 $89海鮮餅好足料 有魷魚同細蝦個醬汁酸酸甜甜 有少少辣味可以昇華到煎餅既味道濟洲綠茶鮮奶(熱) $42冬天最岩飲返杯熱辣辣嘅鮮奶呢杯綠茶鮮奶勁多綠茶粉 味道極濃

Having been to the Causeway Bay joint, I would expect the same quality here but unfortunately it wasn't the case.The place is nicely decorated and it's more of a self-served food court style unlike the other shops.Food wise, I've ordered the Halloween special Omurice and a croffle (croissant x waffle).Halloween Special Omurice - it was bland and the egg wasn't as smooth while the rice was a bit dryAssorted berries croffle - though croissant and waffle can be a great combo, this croffle was so ha