반찬앤쿡 Banchan and Cook (太古城中心)

營業中

休息中

今日同事提議去太古城中心Banchan and Cook午餐。店採自助形式，方便有效率。松露野菌蛋包飯($102)大大碟，賣相吸引味道佳。蛋香撲鼻，蛋吃落又滑又有蛋味。野菌份量也多，配埋香滑的忌廉醬和車厘茄送飯一流，素食者也愛吃。跟餐沙律好食有營，尤其是南瓜和椰菜花。烤雞卡邦尼年糕($92)比卡邦尼意粉更吸引。年糕軟硬適中，烤雞皮脆肉嫩，好味。甜辣無骨炸雞每次都叫，今次也保持水準。雞大大件炸得剛好，甜辣的濃汁掛在雞肉上很惹味，美味到吃完一塊又一塊。伴炸雞的炸薯條和年糕也很好味，不要錯過。$108半份大大份，是超值必食之選。海鮮煎葱餅($89)一份三塊大大塊，香葱和海鮮夾味，沾埋辣汁更出色。烤朱古力棉花糖($78)有特色，打卡一流，令我勾起童年愉快回憶。加熱溶化的棉花糖混合消化餅吃落有質感，不妨一試。濟州鮮奶綠茶($42)可選熱或凍，淡淡的奶茶味配甜的烤朱古力棉花糖幾夾味。士多啤利紅桑子梳打($42)加青檸清爽不甜，是消暑佳品。如不叫飲品，餐廳提供多款免費水果茶，清新健康。今餐吃得滿意，價錢合理，店環境服務衛生也佳。推介!

天氣愈來愈熱，放寬終可一家人入大商場嘆返餐，真係好滿足。烤牛肉蛋包飯，附送溫馨提示教你點開蛋包飯，輕輕切開蛋皮，就見到流心既蛋漿，嫩蛋撈埋飯再加烤牛肉，夠滋味，醬汁肉汁都甜甜的。青口海鮮炒年糕：年糕Q彈一口一粒，海鮮汁creamy！配有青口、大蝦同埋帶子，食晒都真係好夠飽。泡菜芝士紫菜包飯：滿滿邪惡又融化左芝士係包飯上面，好香泡菜味唔會太辣，一口一個好惹味。柑橘有骨炸雞：半份，配埋薯條同幾粒年糕。個柑橘醬非常不錯，有柚子味清清甜甜幾fresh！有脾有翼有埋炸雞皮，脆卜卜。韓式雜莓牛角包窩夫：賣相吸引，牛角包好酥脆，牛油味重，點埋cream，蜜糖醬同配埋士多啤梨藍莓食，唔會太漏，甜甜酸酸，難怪咁多人迷上牛角包窩夫。濟洲綠茶鮮奶：綠茶同鮮奶比例不錯，本身鍾意濃少少綠茶味，都感受到。溶化朱古力: 有cream 令朱古力滑D，屬奶味重既朱古力。

前日同朋友去太古城中心行街，朋友話好想食韓國菜，於是我地就去左呢間韓國菜餐廳食lunch。芝士有骨炸雞（半份）$118半份炸雞嘅份量都唔少，有半隻雞，切開大約六七件炸雞。炸雞外脆內滑，充滿肉汁。芝士味嘅炸雞味道帶甜，如果再多啲芝士粉，味道應該會再濃郁啲。仲有年糕同薯條。松露野菌蛋包飯 $102一切開見到流心嘅蛋汁，食落好嫩滑。白飯配埋醬汁、滑蛋同埋松露野菌，味道一流。烤雞卡邦尼年糕 $92烤雞皮好香脆，雞肉都幾嫩滑。卡邦尼年糕口感軟糯，卡邦尼醬汁好濃好creamy，好食。韓式豬手沙律 $92從來冇諗過原來豬手同沙律可以扯上關係，但又幾唔錯喎。豬手好入味，入口爽口。沙律可以平衡返豬手嘅膩。烤朱古力棉花糖 $78呢個甜品就好似平時去BBQ燒棉花糖咁，棉花糖表面烤得香脆，入面軟滑拉絲，味道比較甜，配埋消化餅咁食就會覺得冇咁甜。一份適合幾個人share食。濟州鮮奶綠茶 $42飲落去唔甜，奶香同茶香都好濃郁，幾好飲。溶化朱古力 $42都唔會太甜，入口creamy，幾重朱古力味。

放寬左晚市，第一時間緊係出去食返曬晚飯😍去太古城行左陣，見間韓式餐廳幾靚又有採光位就入左去😇原來佢係半自助形式，堂食都係要先自己係cashier俾左＄先、自己拎定餐具同水，食物準備好曬個感應器就會響！見menu到有蛋包飯、西式意粉、沙律、炸雞，搞到樣樣都想試下😂烤牛肉蛋包飯：輕輕界開蛋皮，水潤既蛋漿就慢慢流出黎，再配埋烤牛肉連汁，好邪惡🤤絕對夠飽肚！青口海鮮炒年糕：個海鮮湯味好香濃，所以個年糕食落好夠味道！年糕係好似2粒小圓子痴埋咁，好細粒所以都幾掛汁👍surprise！而上面都有2隻青口、有隻大蝦同埋幾粒帶子，都幾高性價比✌️柑橘炸雞：半份既份量都幾多，可以2－3人食都得！炸雞即整，所以都要等一等，入面夠juicy又唔會乾爭爭，咬落好香脆🤤柑橘醬都幾似柚子，幾fresh！份量好足，入面仲有薯條🍟同埋韓式年糕😱韓式年糕係食到柑橘味，幾特別！芝士泡菜紫菜壽司：滿滿既芝士係面，入面飯粒粒粒分明，飯粒都沾滿曬泡菜味👍邪惡😈韓式雜莓牛角包窩夫🧇🥐：窩夫既外表，食落係牛角包既酥脆，好好味，完全變左另一個胃又繼續食無花果梳打:淡淡既無花果味，幾清香, 可以解膩！濟洲綠茶鮮奶：入口清新，唔會覺得苦澀

甜辣炸雞🍗（無骨半份）炸雞真係食極都唔厭，甜甜辣辣特別開胃，炸到皮脆脆雞肉仲好滑，加埋年糕同薯條非常之豐富。松露野菌蛋包飯🥚蛋一切開流晒d蛋汁出黎又嫩又滑，加左白汁野菌，清清地好好味。烤雞卡邦尼年糕🍗雞扒煎到脆脆地，年糕吸晒卡邦尼汁另有一番風味👍🏻烤朱古力棉花糖🍫烤過嘅棉花糖又甜又好味配朱古力醬特別夾，底部有消化餅碎中和返.正濟州綠茶鮮奶🍵綠茶味濃郁。士多啤梨紅桑子梳打🍹味道比較似青檸梳打，好清好飲。

超耐歷史無出街堂食，終於疫情回落，又有消費卷，係時候要去消費下😂。堂食依然限聚2人，咁2個人食餐勁好既午餐先啦☺️，要飽到晚餐都食唔落🤣。之前經過都幾多人排隊，咁啱今日人少的，第三張枱就入得，非常之好。餐廳屬於自助型式，餐具都係中島拎，仲有3 4款水可以揀，有水果味，有檸檬味，同幾特別。🔻松露野菌蛋包飯 $102🔻必食咁濟🤩，揀左菇味，好似fresh d，賣相好好，啱晒影相打卡🥰，切開個蛋係流心架😍，同個野菌汁真係好夾，既香菇味又滑🔻烤雞卡邦尼年糕 $92🔻睇落普通，但味道一流🤤，用既係幼條年糕，卡邦尼醬汁濃滑，幾乎包住每條年糕🤩，再加埋個脆皮烤雞，食落幾重口感🤤🔻海鮮煎蔥餅 $89🔻有客4件份量足，而且勁多料，魷魚蜆肉蔬菜，食個陣配埋個辣汁，香辣惹味👍🏻🔻甜辣無骨炸雞 $108🔻一客滿足我幾個願望🤭，有年糕有薯條有炸雞🥰，雖說甜辣味道就係基本野，但要好食先得既☺️，同樣賣相都幾好，向高空發展層高高🙃，分量2-3個人share食就啱啱好，味道甜甜地帶有少小酸，唔算辣，有的似咕嚕口味咁，炸雞無骨幾滑😚，而個醬汁同的年糕薯條幾夾😌，值得encore。🔻烤朱古力棉花糖 $78🔻超正既ending

🍳松露野菌蛋包飯（$102）：𠝹開欖形蛋包，內部嫰滑嘅蛋漿正正好好覆蓋着整個白飯。配以蘑菇松露醬伴飯良品，入口有乳酪嘅香味及雞蛋奶滑嘅質感。好飽肚⋯🍗烤雞卡邦尼年糕（$92）：大讚烤雞！小編估計餐廳將熱油灼熟雞皮後，再烹調雞肉。達到雞皮入口乾爽香脆但又唔會油膩嘅效果！而加上芝士碎及少許辣椒粉調味嘅雞件肉質嫰滑，熟度恰到好處。卡邦尼年糕更係停唔到口！年糕有嚼勁，配搭卡邦尼濃厚芝士香味，一條接一條～🥗韓式豬手沙律（$92）：扮沙律嘅韓式厚切豬手！基本上得少量水果及菜，但就有好多好多肉～豬手個層肥而不膩嘅豬皮，滿滿嘅骨膠原。小編一個人食咗大半碟。如果餐廳可以提供蒜片及生菜，一定更加滋味～🍗芝士有骨炸雞（$118）：雞件外皮酥脆，配上芝士粉及糖粉，鹹甜相宜！店家特意將糖粉灑喺雞件最頂峰，營造出雪山嘅視覺感。妹妹特別喜歡年糕，軟糯得黎有咬口，帶有淡淡嘅蜜糖香甜味。薯條口感偏向乾身及脆口。🍫烤朱古力棉花糖（$78）：餐廳選用咗消化餅乾，加上蜜糖糖漿做餅底。舖上中型棉花糖之後烤焗。烤焗後再添加朱古力醬及朱古力碎片。並於表面灑咗一層輕薄嘅糖粉。賣相好靚！棉花糖外層微脆，內層軟且暖。嗜好甜食朋友必試！兩

評分： 7.5/10 可一試⭐️✳️燉牛肋條蛋包飯✳️👍🤤牛助條軟熟，油脂分佈均勻🤤肥肉位滑溜醬汁香濃，配飯一流👍可惜蛋包飯做唔到切開流心效果但蛋入面都幾滑溜香濃✳️泡菜燉五花肉蛋包飯✳️🥺浪費左層次分明既五花肉肥肉位偏硬肉質偏乾泡菜同蛋包飯唔夾❌炒飯味道偏淡無飯香同醬香******************雖然環境舒服優美，但食品質素就一般燉牛肋條都可以再食，但泡菜就不了❌如果蛋香味更濃炒飯更乾更香口就好

除左收碟，其他都係自助形式。環境空曠樓底高，完全無壓逼感，幾舒適悠閒😙韓式炸雞 $118除左炸雞，額外仲有啲年糕、薯條，炸雞配柑橘醬，酸酸甜甜可以中和下炸雞油膩感覺。烤雞卡邦尼年糕 $92比一般韓國餐廳年糕幼長，蓋滿醬汁，年糕同蘑菇好掛汁，啖啖都食到香濃忌廉汁，口感順滑creamy，今餐最鍾意嘅嘢食👍🏻👍🏻烤牛肉蛋包飯 $98其實建議食法係左右中間切開一半，滑溜蛋加埋香烤牛肉，拌飯食真係一流🤩海鮮煎蔥餅 $89材料好豐富，好多魷魚，細細塊都好飽肚，好滿足濟州綠茶鮮奶 $42微苦得黎有啲奶甜味，甜度適中，同時飲到鮮醇茶味同奶香。溶化朱古力 $42邪惡嘅朱古力，面有一堆cream，好正😍

Ban Chan&Cook (太古) 烤牛肉蛋包飯 $98蛋包飯係佢哋嘅招牌，要自己切開個蛋，個蛋裏面仲好滑。下面係炒飯。旁邊有好多烤牛肉，蛋包飯嘅份量真係好多。黑毛豬面肉卡邦尼意粉 $98卡邦尼意粉煮得啱啱好唔會淋，芝士味好濃郁，黑毛豬面肉其實口感都有啲似煙肉。仲有啲雜菌。加埋芝士粉都幾好食韓式豬手沙律 $92超大份嘅沙律🥗，有好多件厚切嘅韓式豬手，啖啖肉食落好正，如果覺得油膩仲可以連埋沙律菜一齊食。蜂蜜韓式炸雞（無骨半份）$108炸雞半份嘅份量都幾多，無骨更加方便，肉質仲幾嫩，面頭有幾件炸年糕、底部有炸薯條。味道係甜甜地咁韓式雜莓牛角包窩夫 $72好鍾意呢款甜品，牛角包窩夫外脆內軟，好香嘅牛油味，而且上面仲有士多啤梨🍓同藍莓🫐食完超滿足伯爵茶鮮奶咖啡 $48比起就咁飲鮮奶咖啡，多咗淡淡的伯爵茶味，香氣都幾均勻利是多來沙冰 $48見到好多人飲呢杯沙冰，底部有士多啤梨醬，可以攪勻先飲。味道唔會好糖漿，亦都唔會太甜 Ban Chan&Cook (太古)📍太古太古城道18號太古城中心二期2樓222A號舖

好出色嘅韓國餐廳 食物款式都幾多而且每樣食物都好高水準👍🏻 餐廳係以自助形式出去攞餐具同埋斟水 呢度連水都有好多款好鍾意佢嘅croffle 好鬆脆🧇 係我同朋友食過最好味既croffle🥰最鍾意嘅就係個韓式炸雞 上面有少許芝士粉 配埋蜜糖汁一齊去食好正😍 另外個蛋包飯份量都好多 menu有教到原來食蛋包飯應該係要longitudinal咁切開個蛋！而且個carbonara年糕配埋烤雞都好特別😋 carbonara醬汁同年糕好夾

朋友家住太古城，係呢區周圍搵好野食佢今次就介紹我黎呢間新派韓國餐廳🍴果然無介紹錯～比個overview大家睇睇（仲未上甜品🍮）一行兩人，我地會唔會大食左啲😂甜辣炸雞🍗外脆內裡多汁，肉質仍然柔軟仲配埋少少炸過既年糕條同埋薯條驚死你唔夠飽咁😂五花腩🐷層次分明，足夠油香但又唔肥膩仲有啲生蒜同埋辣椒可以夾埋啲生菜食🥬棉花糖消化餅底甜品❤️好睇又好食！

之前嚟都排曬隊 攞咗飛都等好耐先入到去食但因為口味、質素令人滿意。所以親疫情冇乜人 走返嚟食～慢慢嘆！喺外面俾咗錢買餐，之後先嘟leave home safty app入去揀位坐！好多位，放心！個機響 就自己出返去拎嘢食！半自助啦我認為係🙈個蛋包飯好好味隔離有d沙律同肉。另外個炸雞係柑橘味配兩個醬料可以隨意點嚟食👍👍唔夠可以出去fill醬。個人覺得粉紅色個千島醬唔錯唔錯！！但比較肥😁😁😁😁你懂的！！！

今日一個人去太古有啲嘢要搞，順便食埋飯～喺想食好西嘅心情下就揀咗依間🤗💚明太子慢煮雞肉蛋包飯💚💵$112個蛋包飯真係幾靚😍而且味道都好好食😋蛋包飯嘅蛋作為主角當然唔可以失色☺️切開蛋包嘅時候裡面啲蛋仲停留喺有少少蛋漿流動嘅狀態～雖然切嘅時候無網上啲片咁治癒，但係個賣相都好靚😍飯係加咗蕃茄醬嘅炒飯，味道帶少少酸～依個蛋包飯嘅汁比較少見，唔係一般嘅咖喱汁or茄汁，而係用明太子醬～作為明太子fans嘅我表示非常滿意🥰好重明太子嘅海鮮鹹香味，而且醬汁份量都好足夠～正💞雞胸都幾唔錯～雖然係雞胸肉，但係一啲都唔鞋😍配埋明太子醬同蛋汁一齊食就更正🥰另外仲有少少沙律菜俾你吸取下纖維添～💜利是多來沙冰💜💵$48就咁睇個名真係好難估佢係咩味🤔其實佢係士多啤梨沙冰，係種假假哋嘅果jam味，但係唔似藥水～冰粒感比較大，唔推薦～💕overall💕蛋包飯好食😋

見到Ig 好多foodie 介紹呢間韓式餐廳，睇相見到都好似唔錯，抽空同男朋友食。餐廳係自己簡好食物再自行出去付款，付款後再自行取餐。兩個人好餓，叫左一份燉牛肋骨蛋包飯、一份炸雞（蜜糖、芝士）、一份韓式泡菜豬肉煎餅。燉牛肋骨蛋包飯一上枱就好香，瞬間令人流口水🤤🤤🤤 牛肋骨燉得好軟，肉輕鬆離骨，而且飯亦已經有汁煮入味，三者都好香！泡菜豬肉煎餅嘅汁望落好辣，但食落唔辣，反而煎飯脆口香甜，不過中間食到有骨，唔係軟骨果種，扣少少分。炸雞叫左初雪同蜜糖雙併，味道未算驚艷，但份量夠，不過不失，炸雞配上炸年糕同薯條，炸韓式年糕反而好吸引，外脆內軟。可惜今次被分配嘅位置唔近窗，相信近窗嘅位置景色更美。推薦指數⭐️⭐️⭐️⭐️