放工經過想食個粉麵，一入到去諗住坐卡位，明明有吉枱都逼要同其他人搭枱🥲都唔緊要喇，張餐牌攝係枱面玻璃下面仲要啲字對住對面食客，問佢拎張餐牌都要比個呀叔鬧，然後睇餐牌3分鐘都無就催人落單，不斷介紹有咩好食，但我只想靜靜地睇下有咩好食我落單會仲快😮‍💨 上餐速度快，但叫左走青都唔記得走青，味道無特別，叫左牛三寶唔覺有咩特別，走既時嘅比錢見可以比卡，問清楚要唔要消費滿幾錢先用得，呀叔態度勁寸咁「你比一蚊都用得」，然後全程埋單語氣又係勁差，真係貼錢買難受☹️

（10分為滿分：🌕） 味道：🌕🌕🌕🌕🌕🌕🌕🌕🌑🌑 和牛三角腩($168)+套餐($38) 佢menu上就幾款套餐，我地叫左感覺上最好食既和牛三角腩，完全冇叫錯，燒完入口即溶，油脂味好夠但又唔會漏☺️☺️☺️份量岩岩好唔會太多又唔會太少👍🏻👍🏻👍🏻 溫泉蛋紫菜飯 牛蒡燒汁紫菜伴飯 每人叫左一碗飯去食，因為覺得2款都各有特色，但我地一致認為牛蒡燒汁個碗好食啲😎😎入邊配料勁足，啖啖食落都好有口感，同埋好夾燒完既肉一齊食🥰🥰溫泉蛋紫菜飯就勁足紫菜，加埋蛋漿都係勁好味😍😍 一小時任食牛舌($98/每人) 而家佢仲推出緊任食牛舌優惠，鍾意食牛舌既我地完全唔會放過喇🤣🤣2款牛舌一款厚身一款薄身，各有千秋😎厚身有咬口得黎唔會韌，薄身食落爽口，仲有得任食，唔係唔試呀嘛😏😏😏 菠蘿特飲梳打/富士山飲品($22) 食燒肉唔飲野一定會覺得好口渴，所以每人都叫左一杯特飲黎飲😝😝富士山個杯勁打卡able☺️☺️不過味道就稍為冇咁出味，我會推介菠蘿特飲多啲🤪🤪飲落係細個飲fruit punch既味道，清爽得黎又唔會太甜，燒住肉飲岩曬😎😎😎 吉列蠔($32/4隻) 我地平時去其他餐廳都好鍾意叫吉列蠔，呢到4隻中係32蚊勁抵食🤩🤩同埋佢係即叫即炸，上到枱一咬新鮮熱辣仲爆曬汁😋😋每人2隻都唔夠喉呀😂😂😂 雞皮餃子($38/4隻) 呢個係見佢幾得意就叫左黎試下🤣🤣🤣係雞翼既外皮加餃子既餡，好似都係第一次食咁既配搭，有新鮮感😛😛 價錢：🌕🌕🌕🌕🌕🌕🌕🌑🌑🌑 呢到既食物單點都唔算特別貴，重點係佢冇加一，所以感覺再抵啲😍如果唔想煩諗食咩佢仲有個二人餐都幾抵食嫁😆😆 交通：🌕🌕🌕🌕🌕🌕🌗🌑🌑🌑 位於西營盤同香港大學站中間，2邊地鐵站行過去都可以，揸車就唔太方便嫁喇，記得去開個頭可以search定埋附近啲cafe chill住一個下晝再去食燒肉做晚餐🥰 環境/服務：🌕🌕🌕🌕🌕🌕🌕🌕🌑🌑 成個餐廳入面都有好多日本style既裝飾，好似去左日本咁樣😂😂然後想提一提佢梳化既位置係坐得好舒服，又夠位置放袋，唔使攬住自己個袋黎食野舒服曬😎店員服務都好好，上菜都好快，又可以慢慢燒黎食唔會你走😁😁 性價比：🌕🌕🌕🌕🌕🌕🌕🌑🌑🌑 呢啲每人一個鐵板燒肉比較有特色，有得食又有得玩，啲肉既質素都好高質，入口即溶，份量都好充足，價錢合理，如果經過開西營盤個頭不妨去一次😎😎☝🏻☝🏻

本身係想試隔離好出名既山本屋，但太多人喇唔想排🥲 （10分為滿分：🌕） 味道：🌕🌕🌕🌕🌕🌕🌕🌑🌑🌑 紅燒牛三寶麵($96) 牛肉既份量唔算多，不過都叫忟得稔，牛筋反而有少少硬，金錢肚就中規中矩喇。反而個麵既質地反而有啲驚喜，同埋麵既份量都算多，整體都算合格🤔️ 慢煮豬軟骨便當($98) 豬軟骨用左糖醋既方法去煮，食落酸酸甜甜都幾開胃，便當仲有滷肉飯同小食，滷肉飯份量超夠🤣但小食（鴨血同豆腐）就非常一般，男小編望到都唔係好想食😂😂 古早起司芋泥肉鬆蛋餅($62） 呢個蛋餅係全餐最好食，蛋餅皮夠脆，同埋芋泥好足料，食落都唔會太甜，芋泥味又夠出🤫會爭食呢個蛋餅，每人2舊太少喇🤣 珍珠奶茶(跟餐+$19) 珍珠奶茶最失望👎🏻👎🏻👎🏻👎🏻👎🏻 一黎到望落個色好淺就知奶野😂😂😂，完全唔似平時個啲既顏色，飲落勁淡口，唔知飲緊咩，同埋啲珍珠好硬🤣食多幾粒都feel 到頂住個胃🤣 價錢：🌕🌕🌕🌕🌕🌕🌗🌑🌑🌑 價錢算比較貴，同春水堂價位相約，但感覺又未夠春水堂咁好食，應該唔會再食多次😂😂 交通：🌕🌕🌕🌕🌕🌕🌕🌕🌑🌑 係大圍圍方入面，基本上一出火車站已經上到商場，交通算方便。揸車既朋友都有停車場🚗🅿️，但係上網睇啲出入口都好窄下🙊 環境/服務：🌕🌕🌕🌕🌕🌕🌕🌑🌑🌑 侍應好有禮貌，上菜亦好快，整體黎講算唔錯🤪 性價比：🌕🌕🌕🌕🌕🌕🌗🌑🌑🌑 整體發揮屬正常水平，價錢偏中上，同埋入座只限60分鐘😅坦白講呢度有少少扣分🤣如果去到圍方唔想排長龍可以食一食，但唔算話係特別推介🤫

因為成日都要去觀塘打波，已經試過好多間觀塘餐廳，呢間係少數食完會想再食既餐廳🥰🥰 （10分為滿分：🌕） 味道：🌕🌕🌕🌕🌕🌕🌕🌕🌑🌑 手撕雞便當($65/9折$58.5) 呢個手撕雞好有誠意，雞肉質感夠滑唔柴，似雞髀肉，食落有麻油味，岩曬健身jj 食🥹唔夠既話仲可以叫特盛，便當仲有好多配菜，營養夠曬均衡🫡 特盛紫菜牛肉便當($77/9折$69.3) 之前都食過佢地既牛肉飯，今次再試下睇下keep唔keep到水準🫡食落仲好過一年前個陣，牛汁加埋便當啲配菜一齊食個口感同味道都正，個味其實好似以前吉野家個隻（已經好耐無食吉野家既牛飯🥹） 邪惡蛋之戀：芋泥肉鬆脆皮蛋餅($39/9折$35.1） 台灣野就當然要食蛋餅，呢度蛋餅個size勁足料，同埋佢啲芋泥係勁多，個皮都整得夠脆，鍾意蛋蛋餅既朋友一定岩食！ 全手作芋頭鮮奶加特濃芝士奶蓋($32/9折$28.8） 上次黎都有飲芋頭鮮奶，但今次加左芝士奶蓋味道再昇華一級，勁厚既一層奶蓋，然後一飲就飲到勁有咬口既芋頭😍😍😍黎到必飲🥰 珍珠奶茶加胚芽($26.5/9折$24.3) 珍珠奶茶🧋係食台灣菜必飲呀，今次加左胚芽，勁足料，啖啖都會飲到，好似有健康左既感覺🤣🤣 價錢：🌕🌕🌕🌕🌕🌕 正常牛肉飯/手撕雞便當都係50幾蚊，份量足料味道又唔差，岩曬打工仔放lunch時間食👅 如果幾個人黎仲可以share下啲小食添🫡 交通：🌕🌕🌕🌕🌕🌕🌗🌑🌑🌑 位置係駿運士多附近，講真唔算特別方便，不過個度好多工廠大廈，好多番工既朋友仔都應該會順路食到😛 環境/服務：🌕🌕🌕🌕🌕🌕🌕🌗🌑🌑 座位都唔算逼，環境企理同乾淨，員工都好nice 😝 性價比：🌕🌕🌕🌕🌕🌕🌕🌕🌑🌑 呢間係我地隔左一年再食既，估唔到都有驚喜，出左啲新款同仲好食過第一次，價錢都算親民架😜

我地終於唔係淨係食家後既餃子喇😂😂😂岩岩去開旺角行街，咁岩見到呢間好多人排隊就去試下😍😍 （10分為滿分：🌕） 味道：🌕🌕🌕🌕🌕🌕🌕🌕🌑🌑 招牌餃子貳號配溫泉蛋紫菜拌飯($54) 餃子貳號其實就係小籠包餡料同味道，但我就唔知點解佢叫呢個名喇😂😂想知既可以幫我問下店員🤣🤣🤣呢個食落都有驚喜，但我覺得蒜芯豬肉餃再特別啲😍😍不過溫泉蛋紫菜拌假就好好食，呢個配搭不嬲都係會食到停唔到口😂😂 蒜芯豬肉餃配豆漿蝦湯烏冬($54) 係門口等緊既時候已經見到好多客人寫低既紙仔話最好食係蒜芯豬肉餃😍😍果然信大家講既野係冇錯👍🏻蒜芯好香口，亂亂地然後有好香既蒜味；係真係停唔到口咁食😛😛豆漿蝦湯烏冬聽落好特別所以叫左，食落就正常，烏冬質地都煮得唔錯，但會覺得紫菜拌飯好食啲🙈🤣 關東煮($38) 因為見到餃子店有關東煮好得意就叫左黎試下，一碗都有好多料，蘿蔔、竹輪、魚蛋等等每樣2舊，仲有一隻溫泉蛋，我放埋落碗飯到撈😂😂😂 吉列炸蠔($46) 一碟有4舊，上枱既時候係熱辣辣既，炸到外脆內爆汁🤣🤣好味好味😋 餃子雙拼(10隻)墨醉雞餃配粟米豬肉餃($52) 因為當日男小編肚餓都飛起，佢自己再叫左佢個餃子雙拼黎食😂😂墨醉雞餃平時就好少見所以叫左，粟米豬肉餃就有粟米粒粒有口感😆😆 支裝豆漿($9) 係細細支樽裝既壹品豆漿，正常冇咩特別，但方便在飲唔曬可以拎走繼續飲🤣🤣🤣 價錢：🌕🌕🌕🌕🌕🌕🌕🌕🌑🌑 我地瘋狂亂叫野都係$250埋單，叫到成張枱都放唔曬咁濟，同埋最後都飽到上心口，所以都覺得幾抵食，啲餃子雖然冇家後個啲咁大隻，但係都足料好味，都算係抵食之選😛 交通：🌕🌕🌕🌕🌕🌕🌕🌗🌑🌑 係通菜街一生懸麵隔離個鋪位，所以一定好易搵到，我地當日泊左係Moko行落去大約10-15分鐘，但平日消費$200就免費3個鐘好抵，大家如果平日你旺角要善用呢個優惠呀😍😍 環境：🌕🌕🌕🌕🌕🌕🌕🌗🌑🌑🌑 鋪頭光猛企理，位置都唔算少，所以唔會話要等好耐，但佢會建議齊人先入座，因為上菜其實都幾快，不過當日去個冷氣有啲熱，食得有啲啲辛苦🙈🙈記得櫈底係可以用黎裝野呀，同埋鋪頭啲牆上面貼左好多memo啲內容好搞笑，食既時候記得睇下🤣🤣🤣 性價比：🌕🌕🌕🌕🌕🌕🌕🌗🌑🌑 呢間鋪頭全部店員都係後生仔，做野都好有活力，服務都好好，價錢唔算貴，餃子味道都有驚喜，大家經過開都可以去支持下佢地喇😛😛而家佢仲會每個客人送一杯小清酒🤩

見過好多人介紹，但試完覺得好失望😮‍💨😮‍💨😮‍💨

（10分為滿分：🌕）
味道：🌕🌕🌕🌕🌕🌕🌑🌑🌑🌑

抹茶窩夫派對+莓之戀($298)
其實好耐之前已經見到人食佢個綠茶Tea set但一直都未的起心肝去試，今次經開個頭諗住試下點知就得番甜品Combo，有少少失望🥲不過難得都去左就叫左個抹茶窩夫同草莓芭菲食下喇🫣

抹茶窩夫係幾好食既，個窩夫好濃綠茶味，然後配搭埋中間有一球綠茶雪糕同紅豆，好快就KO曬成碟😃不過旁邊啲cream大多同食落都好味，寧願佢比多一球雪糕算😂😂

莓之戀就有啲失望，其實本身想叫香印個款但佢話冇，又唔想食蜜瓜就叫左士多啤梨🍓，但係啲士多啤梨好酸，士多啤梨味雪糕就唔錯🍦然後又係cream為主，比多次機會我我應該唔會叫😂😂

柚子梳打(套餐加$10)
因為特價加$10一杯就叫左一杯試試，正常發揮，不過不失，亦都算大杯，$10黎講算ok😂😂

Brownie(打卡社交平台送)
我地成日去到啲餐廳見到打卡送野都會挑戰一下，今次係每人送一舊brownie，但真係免費冇好野😂😂😂舊brownie硬到食唔到，仲覺得有啲啲酸味，不過免費既野就唔可以要求咁多，大家下次可以唔使特登打卡🤣🤣

價錢：🌕🌕🌕🌕🌕🌑🌑🌑🌑🌑
其實呢個甜品combo真係唔算平，不過上到去想食甜品就得呢個選擇，正餐黎講都係$150左右一份，睇其他人叫份量都正常既，不過唔知味道如何🫣

交通：🌕🌕🌕🌕🌕🌕🌕🌑🌑🌑
係荃灣廣場行過去好近，係蘇媽後面咪錶場既唐樓上面，樓下係一間gym房，一開頭都用左啲時間搵係邊幢樓😂😂😂不過啲咪錶場多車到一定泊唔到🙈

環境/服務：🌕🌕🌕🌕🌕🌕🌑🌑🌑🌑
上網睇就係用露營style黎形容佢，但上到去其實得一個帳篷🏕️你鐘意可以影下相😂😂我地其實都叫做有book位，但上到去都係full曬，仲要住入去動物房，我後因為寵物味道比較濃烈，都係等一陣再坐番出去普通枱，咁book位既作用係咩呢😂😂然後唔係坐地下個啲位都係普通2人枱，同埋環境有啲嘈，老實講唔算坐得好舒服，係得個冷氣叫做夠涼😀

性價比：🌕🌕🌕🌕🌕🌑🌑🌑🌑🌑
覺得網上啲傳宣太多同埋影到啲野食環境好靚，搞到上到去有比較大既落差🫣🫣野食唔算話好平，味道就不過不失，所以都係試過一次就夠，唔會特別想再去🙈

最近好似好興食brunch buffet，就同左朋友去大擦一番😎 （10分為滿分：🌕） 味道：🌕🌕🌕🌕🌕🌕🌕🌕🌑🌑 因為張枱太細，我地叫左太多野，所以影出黎啲相會比較混亂😂😂😂想詳細睇有咩食可以望下個menu😍😍每次落單同佢要幾蟹人份量，我就簡單講一講有影到相既幾樣喇🤓 北海道鱈場蟹腳(每人一客)/松葉蟹腳(無限叫) 我個人黎講鍾意松葉蟹腳多啲，因為啲肉厚好多😛😛可以無限refill好正，不過4個人食得2把較剪有排剪，要把握時間🤣🤣 主菜可選一款 迷你香蔥碎吞拿魚腩飯 我其實唔太食蔥，呢個都叫做食到1-2啖，不過如果唔加太多蔥會好食好多，因為影響左個口感，同遮左啲吞拿魚味🙈 精選手握壽司拼盤(4件) 呢個會好食啲，4款魚我唔記得有邊款喇，但4舊都好味😋如果個拼盤整多幾舊仲開心😎 刺身 當日有三文魚，帶子，八爪魚，油甘魚，但每次叫4人份佢都係黎咁少，完全係一人份😂所以我地係叫幾次，再每人食一碟，刺身新鮮冇雪味，切得都好厚，好味😍 烤A4宮崎和牛配柚子汁 呢個好味到瘋狂encore，即呢張相係佢見我地瘋狂叫就問我地要唔要一碟加大版，即係一碟有16塊😂😂入口即溶，加埋柚子汁酸酸地，完全唔漏，真係可以食好多塊😎 松葉蟹肉茶碗蒸 因為年紀大唔可以淨係食生冷野，所以每人都食左個茶碗蒸打底，一食滑溜溜咁滑入喉嚨，加埋啲松葉蟹肉就有啲咬口🤩 天婦羅 冇咩特別，仲要叫左幾輪都冇黎，有啲失望🤯🤯 價錢：🌕🌕🌕🌕🌕🌗🌑🌑🌑🌑 星期日既brunch 每位$588加一可以食3個鐘，唔算話好平，如果間唔時同朋友/屋企人慶祝都可嫁，成日食又真係唔掂😂😂😂🙈🙈🙈岩岩睇番openrice訂座有85折，有折抵好多，有興趣既不妨去試下😛😛 交通：🌕🌕🌕🌕🌕🌕🌕🌑🌑🌑 中環站一出行5分鐘左右就會到，不過棟大廈叫做係斜路既最高，夏天行上去真係有啲熱🙈🙈🙈中環就路好諗揸車喇，我都唔識可以係邊到泊🫣🫣🫣 環境：🌕🌕🌕🌕🌕🌕🌕🌕🌑🌑🌑 環境好闊落，枱同枱之間都會隨好遠，私隱度都算高，不過有啲搞笑係當日一張比較遠既枱有幾位中年女士不斷要望過黎我地張枱，仲要扮我地自拍影相，純粹只係搞笑咁用iPhone後鏡頭自拍影相📸️，佢地見到又要跟住做😯😯 服務：🌕🌕🌕🌕🌕🌕🌑🌑🌑🌑 我地當日星期日中午去食，係完全唔夠人手，落單係用最原始既手寫，然後口碟好大隻，食完唔夠人手收就會食到成枱都係碟😂😂😂😂 性價比：🌕🌕🌕🌕🌕🌕🌕🌑🌑🌑 以前後生就好興同朋友去旺角尖沙咀食日式放題，而家老左個胃食唔到咁多野，但依然鍾意食日本野同放題形式，呢類半放題既brunch buffet就岩曬，質素有保，款式都唔少，等你有限既胃口都可以盡情食到高級既食材😎😎😎

（10分為滿分：🌕） 味道：🌕🌕🌕🌕🌕🌕🌖🌑🌑🌑 起司蛋餅($35) 起士蛋餅上到枱一啲都唔細份，餅皮係比較重蔥味，個人覺得有啲似蔥油餅，但如果怕食蔥既人可能會覺得太重蔥味😂😂😂cheese黎講唔會話多到可以拉司，但係每啖都食到芝士，呢個價錢黎講算係唔錯👍🏻👍🏻 招牌迷你剉冰($32) 其實佢仲有一個叫招牌綜合芋香剉，問左店員分別就係一人份同二人份，配料一樣除左迷你係冇芋頭😆因為我地都係熱得濟想食下凍野，但又唔算特別好芋頭，所以就叫左迷李🤣上到枱都好大兜，每樣配料都好多，珍珠、芋圓、紅豆🫘等等，個冰就淋左啲煉奶甜甜地😋整體感覺唔錯，個人覺得2個人share都夠食🤣🤣 價錢：🌕🌕🌕🌕🌕🌕🌕🌕🌕🌑 成日都覺得香港食野愈來愈貴，但呢間就主打價錢平，大部分小食同甜品都係$40樓下，因為我地係家後食完正餐，所以係到都係叫左一個蛋餅同甜品，埋單都係$67😂😂應該係到食個晚餐2個人主菜，小食加甜品都唔過$200😎 交通：🌕🌕🌕🌕🌕🌕🌕🌗🌑🌑 佢係位於家後隔離2個鋪位，我地次次食家後都見到佢係冇人食，今次經過見到佢咁蛋人食，就諗住試下，因為我地成日都成功係呢條街泊到咪錶，所以好鍾意去家後食野😂平時泊咪錶既攻略係落車睇下邊幾架車就黎夠鐘就泊係佢附近等😎 環境：🌕🌕🌕🌕🌕🌕🌕🌗🌑🌑 細鋪頭黎講好乾淨企理，同埋好光猛，不過我地2個人入到去佢就要我地坐bar枱，唔比我坐其他4人枱😂但之後黎啲2人又唔使坐bar枱😂😂不過都冇咩所謂既，仲可以借佢棟蘭花黎影啲長輩圖😂😂 性價比：🌕🌕🌕🌕🌕🌕🌕🌑🌑🌑 如果想話平平地咁食一餐，呢間一定係一個好選擇，分分鐘仲平過茶餐廳/冰室，而且款式種類都多，味道一定唔會係最驚艷，但都夠曬足料，經過開個頭想食台灣野既可以一試😝😝

🌟 都市樂。紅磡🌟 （10分為滿分：🌕） 味道：🌕🌕🌕🌕🌕🌕🌕🌕🌑🌑 秘製炆牛肉配飯($98) 見佢秘製同限量就叫黎試下😍😍牛肉超淋，好入味同好清新但唔會話好漏個種感覺😋😋然係仲有一樣好淋好好食既蘿蔔同紅蘿蔔，望落去一兜好似好細咁，但其實食食下都幾飽😛佢既白飯仲要可以任添，不過本身都好大碗所以我地都冇再食第2碗🤣🤣🤣 辣醬炒豬肉配飯($68) 呢個好惹味送飯一流，個辣度係小辣剛剛好，有少少辣又唔會辣到食唔落🤪🤪午餐份量黎講岩岩好，佢仲有跟餐既伴菜，好多款式又有得任加，不過都係個句食得得曬先好refill，唔好浪費食物呀🫣 糖漬檸檬梳打($22) 檸檬梳打上到枱係紫色既，但我地都未解構到係咩令到佢紫色🤔😂😂不過勁大杯，好在叫左一杯share，天氣咁熱飲唔曬拎走一路行一路飲岩曬🤣🤣同埋入面食到勁多檸檬肉，感覺真材實料😍😍 泡菜薄餅($48) 泡菜薄餅total有3塊，每一塊都好足料，唔會覺得淨係食到好厚粉既味道，而且泡菜酸酸辣辣既感覺加埋香口既薄餅超好味🥰🥰 價錢：🌕🌕🌕🌕🌕🌕🌕🌗🌑🌑 初頭睇openrice淨係見到晚餐menu，仲諗緊如果午餐食就覺得有啲貴，但塊到發現午餐係平啲就覺得幾抵食，$68一個餐可以食到飽，有配菜同白飯refill，如果可以包杯簡單既野飲會再開心啲🫣🫣不過佢都有提供好飲既凍麥茶飲😄😁 交通：🌕🌕🌕🌕🌕🌕🌕🌗🌑🌑 係黃埔站出口行過去好方便，我地係紅磡行過去就有啲啲遠，附近餐廳林立，佢位置巷仔入面，都用左啲啲時間先搵到😂😂 環境/服務：🌕🌕🌕🌕🌕🌕🌕🌗🌑🌑 鋪頭位置唔大，多數都係2人枱，但都叫坐得舒服😌都岩打工仔午餐同幾個相熟同事去食，老闆娘應該係韓國人，食食下聽到佢同熟客傾計，感受到老闆娘對煮食既熱情，而樓面既應該就係佢個仔，所以係個到食都覺得有種溫暖既感覺🥰🥰 性價比：🌕🌕🌕🌕🌕🌕🌕🌗🌑🌑 成日都會覺得啲韓國餐廳單價唔會特別平，呢間午餐價錢黎講好合理，質素都有一定水準，大家去開支持下呢啲家庭式既小店😍😍🥰🥰

因為要過海整啲野，所以要快快食個晚餐，經過見列呢間裝修幾特別就入左去試下喇😛😛 （10分為滿分：🌕） 味道：🌕🌕🌕🌕🌕🌕🌖🌑🌑🌑 和牛漢堡Combo($139) 和牛漢堡見openrice都好多人會叫黎試，所以就叫左一個combo，即係有薯條既餐試下，個肉味係好濃，同埋都口感幾好幾軟熟，不過都幾飽肚，男小編食左3/4都覺得已經好飽😂😂不過薯條就係mc Donald薯條，冇太大特別，個人鍾意食粗薯條多啲😝 豬肉漢堡($87) 佢total 5款漢堡，其實想叫cheese試但因為唔鍾意食bacon就叫左豬肉漢堡，但點知都係有bacon😂😂😂呢個整體黎講就冇咩特別😂😂冇咩肉味，但有啲洋蔥碎就加番啲分🥸🥸 Coconut Pineapple Gelato($56) 我地叫左個standard size既gelato試一試，可以揀筒/杯，但為左方便share食，所以叫左杯，不過上到枱係覺得稍為細啲啲🫣🫣2個人食幾啖都食完🤣🤣味道黎講，個pineapple 味係幾出，仲好似食到啲菠蘿/椰子粒粒，不過會建議唔好加上面啲醬，有啲啲影響左個味道🫣😛 價錢：🌕🌕🌕🌕🌕🌕🌖🌑🌑🌑 Burger價錢都係平時差不多既價錢，貴啲個啲要過$100，如果想食平少少都可以揀豬肉漢堡就會低過$100😝😝不過gelato價錢就稍為貴啲啲，因為見佢個鋪頭名係有gelato，所以都叫左一個黎試下🤣🤣 交通：🌕🌕🌕🌕🌕🌕🌕🌑🌑🌑 係時代廣場行番出去鵝頸橋方向，係正過馬路個個位置，因為佢鋪面唔算大，所以唔算好突出，但係入面食緊都會見到好多人經過都會透過玻璃裝入黎望下😂😂過海食野通常都係因為有野要做所以冇揸車，但附近最近都有時代廣場既停車場😛 環境：🌕🌕🌕🌕🌕🌕🌕🌗🌑🌑 入面鋪頭唔算大，都係得3-4張枱，但佢既裝修都有啲格調，係走一個藝術既風格🤔老實講，入到去唔會覺得似係食漢堡包😂😂咁岩去食既時候算早所以唔算好多人，食得都幾舒服🤩🤩 服務：🌕🌕🌕🌕🌕🌕🌕🌑🌑🌑 鋪頭既店員係外藉人士，不過廣東話非常好，我地叫完野有另一枱入黎同佢用英文溝通😂😂但大家下次黎唔使擔心可以用廣東話的，不過佢地都幾忙，整野食又係佢地，落單收錢都係佢地🤣🤣 性價比：🌕🌕🌕🌕🌕🌕🌕🌑🌑🌑 而家食burger真係大部分都要過$100，如果大家覺得貴，呢到仲有一款叫tasting，就醬份啲但平啲，岩啲胃口冇咁大既女仔，但呢到既和牛漢堡係唔錯既，經過既不妨可以試下😋😋