반찬앤쿡 Banchan and Cook (太古城中心)

早幾日去左太古城行街晚餐食左呢間韓式餐廳Ban Chan以木質簡約裝潢營造出輕鬆舒適的氛圍秋季仲有紅葉佈置 整體感覺舒服適合朋友聚會 或者一家人食飯<<Tasty treat combo set $398>>//烤牛肉蛋包飯//蛋包飯絕對係亮點蛋皮柔嫩 切開後蛋汁緩緩流出口感濕潤細膩 牛肉入味並不乾柴鹹中帶甜 整體層次豐富 //醬油黑毛豬白切肉配大醬生菜//韓國經典五花肉生菜包厚切五花腩經韓式醬油醃製後燒至微焦外層焦香 內裡軟淋肥瘦比例剛好搭配新鮮生菜、泡菜、蒜片口感由既鹹又辣帶少少酸入口滿足感十足//韓式炸雞 蜜糖 (無骨半份) //炸雞外皮酥脆且不油膩雞肉嫩滑 帶有淡淡牛油香蜜糖塗得均勻伴碟有薯條及年糕年糕軟糯 整體份量充足//BanChan & Cook 提拉米蘇//提拉米蘇口感柔滑 咖啡香而不澀面層鋪滿朱古力脆脆另外加份了紅豆係驚喜整體口感甜度適中 食落有層次//濟洲綠茶鮮奶 (凍) //茶香突出 與鮮奶融合後口感順滑入口不澀 清新解膩係用餐後的理想搭配 //溶化朱古力 (熱) //濃郁朱古力香氣 口感厚實但不過甜作為餐後暖心飲品最適合不過…查看更多

呢日同朋友一齊嚟咗呢間喺太古城商場裏邊嘅新派韓國🇰🇷餐廳食晚餐🤣呢度係自助形式，喺收銀落單俾錢，自己揀個靚位🤣，自己攞需要嘅餐具，食物做好之後就自己出去攞🤣$42「濟州綠茶鮮奶」：有凍有熱可以揀，咁要咗杯熱嘅，濟州綠茶非常濃郁，墨綠色，配埋鮮奶，完全唔甜，啱飲🤣$52「軟綿綿紅豆•豆花鮮奶咖啡」：都係有凍有熱可以揀，咁要咗杯凍嘅，少少甜，裏邊有啲紅豆同埋有幾小塊好滑嘅豆腐，幾得意🤣$102「橡果黑毛豬卡邦尼意粉」：睇個名就知道係新派卡邦尼意大利麵🍝，卡邦尼意大利麵當然係源自意大利啦🇮🇹，發展到世界各地就有好多不同版本，香港食到嘅 Carbonara 估計超過 99% 都唔係正式意大利版🤣，不過唔緊要，啱香港人胃口就得🤣；呢度嘅卡邦尼用咗脂肪含量極高嘅橡果黑毛豬嚟煮，黑毛豬仲黐住啲好煙靭嘅豬皮，有啲啲咬頭；意大利麵煮得軟腍腍，幾creamy，口味大眾化🤣$118「韓式炸雞半份」：可以揀有骨/無骨，揀咗有骨，味道揀咗原味🤣；炸雞被厚厚嘅脆漿包住，外邊脆脆哋，食得好飽🤣$182「醬油黑毛豬白切肉配大醬生菜」：黑毛豬肉大約78%瘦肉22%脂肪，夠甘香又有醬油味🤣，仲可以用生菜包住 黑毛豬+泡菜+生蒜片+韓國甜豆豉醬 一齊食，幾好食🤣$68 Banchan & Cook 提拉米蘇：甜甜哋，好creamy，好食🤣…查看更多

Banchan & Cook太古店充滿文青風格，座位之間間隔充足，既有PRIVACY又夠闊落。最大亮點必定是隨處可見的乾花裝飾，特別映餐桌內精心佈置花花擺設。餐廳主打韓式fusion 菜。另外亦設有自助鮮果水供應，誠意十足。加上，Banchan & Cook採用半自助式點餐及取餐模式，全日不設加一服務費，對我們來說是一大好處呀。🍝 1. 橡果黑毛豬卡邦尼意粉橡果黑毛豬瘦中帶肥卻不膩口，食落帶咬口同油香。意粉亦帶濃濃蛋香和忌廉，掛汁力強，黑毛豬作配料比傳統煙肉版本更多層次。🥓🥬 2. 燒醬油黑毛豬白切肉配大醬生菜韓國經典五花肉生菜包的升級版，厚切五花腩先以韓式醬油醃製燒香，外表帶微微焦香，肉質軟腍。配上新鮮生菜、泡菜、蒜片及清辣青椒絲，混合鹹、辣、酸香，一啖落肚超滿足。🌶️🍗 3. 火山炸雞誠意推介炸雞迷必食！火山炸雞屬辣味之選。炸雞一定要揀連骨，火山醬略帶辛辣感，炸雞外脆內嫩，辣得來伴隨微甜，非常過癮。🍧 4. Banchan & Cook 提拉米蘇Tiramisu整體口感偏mousse狀，內餡有紅豆和咖啡香，容易入口。🍹 5. 軟綿綿紅豆·豆花鮮奶咖啡飲品以豆腐花、紅豆鋪底，加入鮮奶，面層再沖上濃縮咖啡。三重分層，口感豐富。好似飲緊咖啡版紅豆豆腐花，新鮮感層次感爆登。🍵 6. 濟州綠茶鮮奶人氣必喝！首先茶香突出，再融合鮮奶。飲落不澀口，舒舒服服消滯醒神。Banchan & Cook 太古店性價比強，一定深得上班族喜愛。…查看更多

成年冇返香港, 約左港島朋友黎哩度食晚飯, Banchan其實以前都去過佢地分店, 野食唔錯, 不過好多人同限時, 今次黎太古哩間分店雖然係自助形式, 野食餐具清水全部要自己拎, 不過勝力唔限時可以慢慢坐慢慢傾, 而家要搵一個咁嘅地方食飯都唔容易~座位闊落舒服餐具紙巾同水都係自己出去拎野食係自己去收銀度落單, 之後俾個電子籌, 電子籌響就自己出去取餐烤牛肉蛋包飯($98)  - 雖然哩度嘅蛋包實際係將蛋放喺飯上面，不過蛋都好滑，烤牛肉好腍冇筋。蛋包飯份量好大份，絕對夠兩個人食。燒醬油黑毛豬白切肉配大醬生菜($182) - 黑毛豬夠厚切醃得好入味，肥瘦適中，生菜新鮮爽脆，包住食冇咁油膩。無骨柑橘炸雞($108/半份)  - 第一次食哩個口味，食得出柑橘酸甜味，幾清新都唔錯，下面仲有少少薯條同年糕。提拉米蘇($68) - 同平時嘅tiramisu有啲唔同，係加左紅豆同朱古力碎，質地濕軟都唔錯，估計冇落酒，大人細路都啱。溶化朱古力($42) & 水蜜桃茶($42) - 野飲正常發揮，相對野食性價比冇咁高。哩個價錢哩個質素雖然都有好多選擇， 不過要唔限時真係唔多，所以想同朋友搵個地方可以慢慢食慢慢傾都係唔錯嘅選擇。…查看更多

餐廳以「自助式體驗」與「花系裝修」為主打，開放式空間被滿室綠意與乾花包圍，淺木色桌椅搭配垂吊燈飾，營造出小清新氛圍。係櫃檯點餐後便可自取餐具、靜候取餐，全程無須多餘交流，I人天堂。🥚烤牛肉蛋包飯視覺與味覺的雙重享受——用刀輕輕劃開蛋皮，濃郁蛋漿即湧出，覆蓋底下的炒飯。烤牛肉份量慷慨，肉質軟嫩帶炭香，與滑蛋的綿密形成對比。🥩柑橘韓式有骨炸雞炸雞外皮酥脆，裹上清甜的柑橘醬，酸甜平衡不膩口。搭配的年糕煙韌有嚼勁，底下仲有大量薯條，誠意十足。🐷醬油黑毛豬白切肉肥瘦相間的黑毛豬厚切，以醬油輕醃後香氣撲鼻，入口油脂甘潤。建議用生菜包裹，加上大醬、蒜片與泡菜同食，層次分明。🍹士多啤梨紅桑子梳打果味清新，氣泡細密，是解膩之選🍹軟綿綿紅豆.豆花鮮奶咖啡雖因溫度無法呈現漂亮分層，但豆花滑順與紅豆綿甜意外融合，咖啡醇厚，值得一試。🍰提拉米蘇打破傳統用左紅豆餡料，芝士輕盈濕潤，紅豆的甜與咖啡的微苦碰撞出驚喜。🌟呢度適合追求安靜、不被打擾的獨食時刻，食物水準中上，尤其推薦蛋包飯與創意甜品。…查看更多