반찬앤쿡 Banchan and Cook (太古城中心)

營業中

休息中

約咗同事去太古城中心lunch，早咗出嚟(12:30)所以經過Banchan and Cook見少人排隊，就決定入去😜因為平時都見排晒長龍🫣見佢哋餐牌今期推出咗特式蕃茜菜式☘️，咁就點幾款試吓，總括嚟講個蕃茜味帶香草味但又無中菜嘅芫茜咁濃味☺️韓式炸雞 (無骨半份）炸雞皮脆內軟，熱辣辣再點吓個蕃茜醬，帶出香草滋味。而啲配菜年糕薯條都唔可以忽略，好好味！燒醬油黑毛豬白切肉配大醬生菜呢碟係我最欣賞嘅菜式，個黑毛豬夠嫩滑，而配上適當嘅肥膏，夾埋蒜片、泡菜、韓式醬响生菜裡面，一口咬落去就feel到唔同層次嘅味道，濃味而不膩，不停食咗幾件！蕃茜海鮮蛋包飯嚟Banchan and Cook一定要點蛋包飯，好出名的。蛋皮一界開就見到蛋漿流出嚟，而海鮮都做得唔錯，新鮮又口感彈牙。牛肝菌蛋包飯個蛋皮一樣咁好食，而個汁係非常濃烈嘅肝菌味，感覺健康又滋味。喜歡佢個前菜紅菜頭沙律，特別又鮮甜！韓式雜莓牛角包窩夫明明係窩夫嚟但原來係牛角包壓出嚟，配上糖漿甜甜的，口感煙韌，邪惡甜品係特別好味清新香橙綠茶沙冰天氣熱，朋友都忍唔住點杯沙冰飲，呢杯好fresh橙味綠茶，清甜得嚟又無違和感，中和返食物味道濟州綠茶咖啡呢杯凍咖

🇰🇷韓式蛋包飯專門店🐥明太子慢煮雞肉蛋包飯 $112估唔到明太子汁同蛋包飯都夾😚飯係醬油炒飯，有少少洋蔥同紅蘿蔔粒🥕個蛋好嫩滑，而且份量好足🍳雞肉就不過不失🦑海鮮煎蔥餅 $89口感豐富，出面好脆，海鮮有咬口😋一定一定要趁熱食，如果咪會有D油膩（唔好問我點知🙊）留意返太古城分店所有野都係自助形式，要自己出去落單同取餐💁🏼‍♀️餐廳空間感十足，用上木色調，坐得舒服☺️欣賞餐廳既用心，淨係水都有三款👍🏻

之前同朋友堂食過幾次，覺得佢味道都幾唔錯，對得住個價錢👍🏻👍🏻可惜嘅係新界冇分店🥲而家喺附近返工，同啲同事間唔中都會食佢嘅外賣，尤其慢煮雞胸沙律🥗折後$78，賣相望落去似清淡，原來咬落口有驚喜，雞胸好Juicy唔嚡我而且好夠味，唯一我麻麻哋佢嗰汁，嗰種酸有少少似變壞嘅味，但整體都係好食嘅～雜莓牛角包窩夫🧇推介😍外脆內軟，甜度啱啱好，上面嘅玉桂粉提升晒成件事，除咗粒好酸嘅士多啤梨🍓藍莓都好大粒爽口，折後$58，好抵食🤤🤤🤤仲有佢啲炸雞同泡菜煎餅都好好食！！！

上次試過東涌個間, 發現太古城呢間正正響落地玻璃旁邊, 可以響室內享受陽光, 就去左食lunch luuuu餐廳以自助形式, 店員會guide你去點餐同坐枱, 門口落單後就可以自行搵個靚位坐低😌燉牛肋骨蛋包飯 $142份量好大份, 切開個蛋中間啲蛋汁會流出黎好邪惡😳牛肋骨十分之入味同腍身, 無咩平時難咬嘅筋位, 聽聞韓式嘅做法加上梨去煮真係可以令到肉質軟滑🤤旁邊嘅配菜蘿蔔冬菇同薯仔全部都係甘甜入味 飯底仲要係蕃茄味 成件事好有心思😍韓式無骨炸雞(半份) $108平時最怕炸雞乾爭爭, 呢度嘅炸雞做到鬆脆多汁, 配上初雪芝士粉帶點甜味, 簡直係perfect match🙈旁邊仲有薯條同年糕作為配菜, 誠意100分環境尚算舒適乾淨, 仲要免收加一, 值得再去!

去太古shopping, 食Banchan & Cook 一定係我哋既不二之選。店舖位置係商場開放式位置，十分開揚，枱之間隔距亦寬濶，用餐感到十分舒適。燉牛肋骨蛋包飯 $142賣相好靚，牛肋骨肉軟淋，醬汁香甜濃，非常入味。蛋火候煎得十分有水準，切開蛋時保持流心效果，香滑。部隊鍋拉麵 $98韓國午餐肉、香腸、茄汁豆、芝士、年糕、韓國辣醬加埋韓國煮麵必用既煲，真係好有風味。韓式辣炒年糕 $89餃子炸得非常香口，加上韓國傳統既粉絲餡，不會太滯，不錯不錯。年糕非常煙韌，辣醬味道迎合返香港人既口味，不會太辣，韓國魚糕同年糕混合一齊食。👍🏻甜辣併蜜糖無骨炸雞 $208炸雞非常香脆，肉質嫩滑有肉汁。甜辣醬非常野味，甜辣比例調教十分恰當，而蜜糖醬口味亦非常順喉，唔會有漿住喉嚨既感覺。炸年糕外脆內煙韌，好有咬口。仲有炸脆左嘅薯條墊底，吸晒d醬汁，非常好味👍🏻食飽飽就開開心心回家去😊😊

𝗰𝗿𝗶𝘀𝗽𝘆 𝗰𝗼𝗮𝘁𝗲𝗱 𝗯𝘂𝘁𝘁𝗲𝗿𝗺𝗶𝗹𝗸 𝗳𝗿𝗶𝗲𝗱 𝗰𝗵𝗶𝗰𝗸𝗲𝗻 𝘀𝗺𝗼𝘁𝗵𝗲𝗿𝗲𝗱 𝗶𝗻 𝗿𝗶𝗰𝗵 𝗮𝗻𝗱 𝗳𝗹𝗮𝘃𝗼𝘂𝗿𝗳𝘂𝗹 𝗽𝗮𝗿𝘀𝗹𝗲𝘆 𝘀𝗮𝘂𝗰𝗲, 𝗰𝗮𝗻 𝘆𝗼𝘂 𝗿𝗲𝘀𝗶𝘀𝘁?🤤 𝘁𝗵𝗲 𝘀𝗵𝗼𝗽 𝗶𝘀 𝘀𝗽𝗮𝗰𝗶𝗼𝘂𝘀, 𝗻𝗼 𝗳𝗮𝗻𝗰𝘆 𝗱𝗲𝗰𝗼𝗿𝗮𝘁𝗶𝗼𝗻 𝘆𝗲𝘁 𝗰𝗼𝘇𝘆 𝗮𝗻𝗱 𝘁𝗶𝗱𝘆! 𝘁𝗵𝗲 𝗳𝗼𝗼𝗱 𝘄𝗲𝗿𝗲 𝗾𝘂𝗶𝘁𝗲 𝘁𝗮𝘀𝘁𝘆 𝘄𝗶𝘁𝗵 𝗴𝗲𝗻𝗲𝗿𝗼𝘂𝘀 𝗽𝗼𝗿𝘁𝗶𝗼𝗻 𝗮𝗻𝗱 𝗴𝗼𝗼𝗱 𝗾𝘂𝗮𝗹𝗶𝘁𝘆. 𝗱𝗲𝗳𝗶𝗻𝗶𝘁𝗲𝗹𝘆 𝘄𝗼𝗿𝘁𝗵 𝗮 𝘀𝗲𝗰𝗼𝗻𝗱 𝘃𝗶𝘀𝗶𝘁!.平時好少食韓國菜但久唔久都想食下韓式炸雞，外脆內嫩嘅炸雞配上番茜醬即刻降低油膩感，半份都有七件雞連炸年糕同薯條幾抵食，招牌蛋包飯都可以配番茜醬夏天食就啱哂～ 另外幾有驚喜係carbona年糕，每條都煙煙韌韌仲好掛汁，索哂啲熱溶芝士😛 最鐘意都係最邪惡嘅烤朱古力棉花糖，半溶化綿花糖夾埋消化餅食好食到癲！

都有一段時間無食韓國餐了，今晚突然好想食，知道呢間Banchan and Cook係食新派韓國菜，所以去試下。餐廳係半自助嘅，店員帶我坐低後會遞上餐牌，揀好咗自己出去買，然後係座位等，食物預備好後再出去拎。餐具同飲品都係自己拎的。💎 燒醬油黑毛豬白切肉配大醬生菜$162豚肉煎香後厚切，黑毛豬肉味濃厚，味質鮮嫩，配上新鮮生菜口感一流。💎 韓式辣炒年糕 $89年糕較挺身，口感軟熟，有彈性。配上甜甜辣辣的韓式醬，令人很開胃。💎 芝士味炸雞(有骨半份) $118本人偏好吃有骨炸雞，雞炸好後配上薯條及炒年糕，再灑上芝士粉。口感很惹味。人均消費💰 ： ＄ 185總結✍ ： 食物質素高，環境舒適。

想試咗好耐，不過次之行過都排哂隊。今次時間較早，行過冇乜人，即刻搵個靚位先。餐廳係自助形式，搵位坐低後就去cashier落單，之後就拎部機仔埋位等，見到機仔震嗰陣就可以出去攞野食喇😊餐廳有自助水吧，仲有4款唔同口味嘅水可供選擇，餐具都係自取，我自己好鐘意哩個形式，仲可以試吓唔同味道嘅水😆✨牛肝菌蛋包飯 $102自行用刀喺蛋上介一刀，滑溜溜嘅蛋就會蓋滿飯面，蛋面上嘅牛肝菌味道香濃，旁邊嘅雜菌亦好香牛油味，另外有埋沙律菜，食得健康啲🥬 白飯係珍珠米，粒粒分明好咬口，咬落偏硬啲啲，對我嚟講冇問題，不過唔鐘意食太硬嘅話可以配埋雞蛋食，口感會冇咁硬。✨青口海鮮炒年糕 $108龍蝦汁好香，一上菜已經聞到香噴噴🤤 年糕係粒粒球狀，同樣咬落係煙韌但偏硬少少，我自己都頗喜歡哩個質感，不過亦可能有朋友仔唔習慣會覺得有啲硬。青口肉就細粒咗啲，size反而似淡菜😂 帶子唔算好細粒，咬落腍腍地👍🏻 蝦仔大大隻，肉多又爽口，配埋龍蝦汁更好味😋🔍整體感覺：餐廳位置好寬敞，裝修環境好舒適，打卡好地點📸 韓式fusion菜有特色，味道都好味，而且仲有自助水吧fill唔同款式嘅水，哩個做法幾好👍🏻

不知不覺點到滿枱都係野食😂唔想食太飽，於是點咗好幾樣小食😋菜式唔算正宗，偏向西式一點點🤏🏻-無骨炸雞揀咗柑橘味醬料，酸酸甜甜清新嘅風味，外酥內嫩我覺得很可以！另外卡邦尼年糕我都幾鍾意，有時唔想食太辣，又想食煙煙銀銀嘅年糕係唔錯嘅選擇，加埋芝士同煙肉鹹鹹香香，一口接一口喔😚.另外呢度嘅甜品有Croffle呢！🥐牛角包唔算太酥，偏向麵包嘅感覺，不過面頭嗰浸玉桂糖粉好香，忌廉淡淡唔會太膩👌🏻.🍜濟州海鮮拉麵 $98🍗柑橘炸雞(半份) $108🧀卡邦尼年糕 $92🥬泡菜豬肉煎餅 $78🧇韓式雜莓牛角包窩夫 $72-🥘반찬앤쿡 Banchan and Cook 🏡地址: 太古太古城道18號太古城中心二期2樓222A號舖☎️電話: 22173268🕙營業時間: 08:00-21:00 (Mon-Sun)———————————————🌿以上圖文由Bobowannaeat版權所有，轉發需授權喔

今日朋友帶左我去食間韓國餐廳今季推薦嘅特式菜式都係同蕃茜有關嘅查一查原來蕃茜同芫茜雖然外型好相似但味道就唔同蕃茜濃度比較低似香草嘅清新感覺又會用黎增加食物嘅清新感所以一向怕食芫茜嘅我都無咁抗拒一齊試試蕃茜菜式泡菜芝士紫菜包飯包飯要趁熱食芝士做到拉絲哦～泡菜味濃酸酸辣辣好開胃蕃茜無骨炸雞炸雞好嫩滑就算無沾上蕃茜醬嘅炸雞都好入味沾左蕃茜醬嘅炸雞會多左一種香草味幾特別烤雞卡邦尼年糕烤雞外層焦香內裏嫩滑好味！再配上平時就咁食會好膩嘅卡邦尼年糕感覺就唔會咁寡年糕飽肚當主食都得！蕃茜海鮮蛋包飯當店招牌蛋包飯配上蕃茜海鮮蛋包飯當然滑嫩海鮮都做得相當唔錯！魷魚好軟嫩大蝦都爽口彈牙清新香橙綠茶沙冰呢個沙冰唔會好甜鮮橙味幾refreshing今次食嘅兩個蕃茜菜式都無平時食芫茜好濃烈嘅草腥味反而只係似香草醬即刻易接受好多唔食芫茜嘅朋友相信都可以大膽一試發掘下未試過嘅味道！

呢間咁靚嘅裝修好岩我呢啲Hkgirl打卡😬服務半自助形式，去到搵位坐底，然後睇好食咩就可以去收銀處落order俾錢，你會得到個裝置等響返位前可以係drinks bar拎杯水，水都有唔同口味e.g.檸檬水、水果水、蘋果水、蔬菜水個裝置響嘅時候你可以去拎食物啦😋🔸燉牛肋骨蛋包飯 $142牛肋骨好多大塊，有3大塊，都好易切開好淋！份量都好多，蛋+飯都已經好飽！蛋切開會有蛋流出嚟，蛋都大到可以包住個飯🍳🔸烤雞卡邦尼年糕 $92呢個好好食，推介必點！如果你中意creamy、cheese嘅話，呢個岩晒你，佢個汁係好濃郁，年糕好煙靭，上面啲雞扒好嫩滑🔸泡菜芝士紫菜包飯 $78厚厚的芝士係表面，呢個有少少泡菜味道、少少辣，紫菜包飯係韓國特色，食完好想念韓國🇰🇷🔸清爽番茜無骨炸雞（無骨半份）$108呢份炸雞都幾出色，佢外脆內軟，表面都淋左少少芫荽蓉，好特別！🔸韓式雜莓牛角包窩夫 $72呢個甜品特別啦！因為佢唔同平時食個啲窩夫，唔係脆身的，佢係用牛角包整出嚟，所以會比較硬身，但會有牛角包嘅香味，食落甜甜地都幾好食😋仲會好飽肚🔸清新香橙綠茶沙冰 $48呢杯沙冰唔會太甜，反而有清清淡淡嘅味道好fresh，同埋

Ban Chan&Cook餐廳環境寬敞舒服，引入自然光，感覺休閑寫意，新menu的主題係番茜，蛋包飯同炸雞都有佢嘅口味，配搭幾特別🌱雖然用餐係半自助形式，需要到收銀處落單及自己取餐，但過程中店員好helpful及有禮貌，服務方面其實唔錯👍🏽.🌀明太子慢煮雞肉蛋包飯 $112𠝹開炒蛋，嫩滑嘅蛋漿完美覆蓋整成個飯，實在吸引，明太子少少辣咁，份外惹味雞肉係亮點，食到清新嘅香草味，肉質細嫩仲有沙律菜伴碟，感覺更健康.🌀烤雞卡邦尼年糕 $92年糕煙煙韌韌，卡邦尼醬有濃厚芝士香味，令年糕變得juicy，呢個配搭令人一試愛上❤️烤雞皮脆肉嫩，加上芝士粉調味，同卡邦尼年糕互相呼應🧀.🌀泡菜豬肉煎餅 $78泡菜嘅酸同辣十分開胃，加上煎餅香脆嘅口感，作為餐前小食十分適合.🌀清爽番茜無骨炸雞 $108傳統嘅韓式炸雞大多數以濃厚嘅醬汁調味，以番茜煮成醬淋上炸雞，又別有一番風味炸雞外皮薄而且脆，捨棄濃厚醬汁，配上清新嘅番茜醬，感覺清爽，好適合炎炎夏日☀️伴碟仲有炸薯條同年糕，會唔會太幸福🥰.🌀韓式雜莓牛角包窩夫 $72近期大熱的人氣小食❤️‍🔥一份有兩件唔使同朋友爭食🤣🤣有牛角包的酥香🥐同窩夫的香脆🧇煙韌軟糯的口感令

去太古探舊同事，他們知道我是芫荽控，說一同去Banchan食韓式芫荽炸雞。去到就知同事搞錯了，芫荽不同番茜，Banchan做緊的是番茜菜單，而番茜在韓文有長壽的意思。唔緊要啦，番茜更加親民，不會有強烈氣味，一樣好食。Banchan的太古分店與別不同，它是半自助形式，自己取餐。飲水也是自斟，餐廳還備有四種口味的清水，非常細心。餐廳佈置幽雅，柔和陽光從大玻璃窗射入，既溫暖又明亮。番茜海鮮蛋包飯（$138）番茜有骨炸雞（$118）蛋包飯和炸雞都是這餐廳最受歡迎的兩樣食物，我們全選了用番茜入饌。兩樣都是用了同一款番茜醬，顏色亮綠，味道清新帶少許酸，配味道濃烈的食物最適合不過。烤雞卡邦尼年糕（$92）烤雞連皮烤得非常香脆，卡邦尼醬中有大量芝士，非常香濃。韓式豬手沙律（$92）用滷水製作的韓式豬手Q彈入味，不肥不膩，骨膠元滿滿。烤朱古力棉花糖（$78）棉花糖下是消化餅碎，一齊食就甜度剛好。濟州綠茶咖啡 （$48）焦糖脆脆凍鮮奶咖啡（$48）綠茶咖啡上的串燒三兄弟好可愛。焦糖脆脆非常大塊，落足本，好好飲。

2022年5月11日 星期三今日又帶左屋企人去太古城食lunch，今次呢間餐廳主要係韓國菜，而且網上有唔少正評，所以都好期待一去到唔需要等太耐就已經安排入座，裡面既裝修幾有特色，風格同格調都有韓式既感覺餐牌好colourful，重點菜式係蛋包飯，有好多唔同配料可以選擇，價錢都唔算太貴，於是我哋叫左兩個蛋包飯，再加幾個小食同飲品share點完餐後，店員就示意話餐廳采取自助拎餐，而且出面既飲品可以隨意飲用，除咗一般嘅水之外，仲有幾款特色既水提供，我就試左由右邊數起既第二款，飲落有淡淡既蘋果香味，加上有檸檬既酸，飲完之後幾開胃等左大約15分鐘左右，食物就黎到，先到既係燉牛肋骨蛋包飯，一切開蛋皮，見到裏面嘅滑蛋鋪滿晒每粒飯，唔會過熟，感覺好輕盈，燉牛肋骨煮得好腍，一咬就咬開到，肉味好香濃之後有韓式連骨炸雞半份，冇諗過叫半份都有咁多，炸粉唔算太厚，但外皮炸得好脆身，裡面既雞肉仍然保持嫩滑，仲有幾舊炸韓式年糕附上添至於另一款蛋包飯就係蕃茜海鮮蛋包飯，有大蝦、青口同八爪魚，加上蕃茜、芫荽等香料一齊煮，味道好豐富，海鮮唔會煮得過熟，其中蝦肉仲好彈牙呢個係韓式豬手沙律，份量都唔少，每舊豬手都好入味，唔會

First time to try out this place! Went there for lunch. 12.30pm前到已經要排隊，坐滿晒人🙈，慶幸岩岩淨番左2人枱同朋友可以坐，miss左第一輪應該要等到1點半到先會有位….叫左個牛肋骨蛋包飯，牛肋骨煮得好入味，夠林同分量size good~ 個飯覺得有d淡如果可以濃味多小小就好。個蛋係好滑蛋，係好食既但個人鐘意反而煎香口小小～ 再叫左杯mocha跟餐但唔太出色，無咩朱古力味。環境舒服，約朋友坐耐d傾計岩晒