반찬앤쿡 Banchan and Cook (太古城中心)

營業中

休息中

今日約咗朋友，行過太古城見到呢間新餐廳，裝修又靚靚的，跟住睇吓個餐牌，d食物又好似幾吸引，就決定入去試一試。近排天氣咁熱，諗住食清啲，於是我叫左個⭐️明太子慢煮雞肉蛋包飯⭐️雞肉係用慢煮嘅方法式煮，保留左雞肉嘅肉汁同肉味，味道清清淡淡。蛋包飯都係淡淡的味道，不過，加入喊喊的明太子醬係上面就啱啱好。如果要減肥或者想食清啲嘅朋友可以一試。另外一提，出餐好快，唔洗5分鐘。全餐廳都係自助形式，餐具器皿都係即棄。

在太古城中心返工， 同客人食飯，所以選了這間韓式cafe，感覺比較寫意一些。泡菜燉五花肉蛋包飯份量很大， 泡菜五花肉味道比較濃郁， 五花肉經過醃制配合埋泡菜非常之野味， 蛋包飯雞蛋煎得很滑溜， 炒飯底味道適中， 配合泡菜五花肉，味道剛剛好。韓式炒年糕味道偏辣， 味蕾非常刺激， 可惜汁醬太多 ，食咗幾舊之後， 感覺會膩， 所以我們吃不完。韓式炸雞點了兩款味道一款芝士和一款蜜糖， 炸雞非常出色， 兩款味道都很好吃， 炸雞入面還有炸薯條和炸年糕， 雖然炸雞比較熱氣和油膩， 但是真是太炸得太好吃了， 雞肉亦非常之嫩滑，所以我們忍不住吃完。飲品叫了蜜桃和荔枝梳打可惜兩款味道一般。服務只是一般， 因為餐廳沒有服務員，如要購買食物要出去自助點餐自助取餐，餐具亦是自己取， 餐廳價錢不算便宜，但整個餐廳沒有服務員，如有需要你一定要行出櫃檯詢問，完全是高級餐廳快餐店質素， 好像去了food court，還有就足堂食的話他們盛載食物的碗碟也是即棄，非常之唔環保。

呢間韓系fusion店鋪好多人推介，之前就同朋友約食飯就決定試一試!!<泡菜燉五花肉蛋包飯> $105𠝹開脹卜卜的蛋包，內裡水潤嫰滑嘅蛋漿就可以覆蓋着成個飯🤩蛋包飯幾有心思，係炒飯底，有不同配料，令炒飯冇咁齋，更為香口🌟！而且泡菜口味偏甜，唔似我哋平時食偏鹹辣嘅泡菜，更加容易送飯，唯一可取嘅地方就係五花肉口感偏韌，肉質都較為乾，如果可以煮得淋啲/更加吸收泡菜嘅味道就更加好了~不過整體來講呢款蛋白飯都幾啱我口味，因為個人黎講都幾鍾意甜嘅菜式！！

見到都唔想食！買完先知全部用外賣兜裝！勁唔環保！食過其他分店！無論賣相、服務都好！呢間要自己排隊買之餘！仲要自己去拎！最好笑係個窩夫幅相係有cream!但攞嗰時冇！我問個職員！佢居然答我係因為外賣盒唔夠位裝😒咁係你哋問題！食開都有😕我問佢先求其唧冇味既cream比我！強烈唔建議去呢間分店🙅🏻‍♀️

是日睇完小黃人🤣🤣已經唔知食咩。加上出發前掃左太安樓一轉。所以決定食少少🤏🏻😂😂。行左一圈終於揀到佢Banchan and cook😊係見openrice好多人比評語就入去做下白老鼠。我哋8點40分先到。佢9點閂。店員姐姐接收埋我哋做last order。好好人😁😁叫咗兩杯野同一份炸雞。😁😁我係openrice見到有一杯有三色丸嘅。點知店員話係上一季嘅特飲🥲，結果我就叫做今季嘅夏日特飲西瓜🍉。另一杯係mocha。。西瓜🍉特飲。打卡好一般。有4粒西瓜係入面。係加西瓜味糖漿。可以唔試。除非你非西瓜不飲🤣🤣好味: 😋😋。蒜香味炸雞🍗無骨。係好多汁嘅炸雞。每一件都勁多醬。雞皮都算脆。我個人幾鍾意。佢個底有薯條。味道可以。係脆嘅。仲有年糕。好飽肚。好味: 😋😋😋😋呢餐我會當宵夜咁睇。算可以呀。。加上夜晚就閂又無咩人。環境都舒服呀。。某啲枱仲有花花裝飾。🥰🥰

前後黎食過兩次，呢度唔單只坐得舒服，而且食物多選擇蛋包飯好足料！蟹子勁多，好味辣年糕同餃子好大份，食到好飽～餃子相對比較普通甜品尚可，賣相靚，精緻但主菜特別啲好食啲

今日終於嚟到呢間超人氣嘅韓國菜，6:30嚟到啱啱好有位唔駛等，但係過咗一陣呢就已經排晒長龍真係超級多人嚟食！呢間已經久仰大名，真係好出名呀，好多人都推介好多好評，今次試過又真係覺得係幾好食嘅，但個價錢偏貴份量都唔算好多。唔知點解太古呢間分店係用外賣盒嚟裝住，影得唔好睇同埋唔環保🥹唔知係咪用外賣盒嘅關係份量都比較少。太古呢間分店係自助點餐形式，要自己落單自己去拎嘢食，唔使收加一，個水都有兩種口味一個有薄荷葉同埋好多蔬菜香草，另一個係普通檸檬水？個人覺得普通水就夠啦，唔係太鍾意薄荷太草青味道。🍗無骨炸雞 一份 $208 (7.5/10)跟餐送左個沙律，係得4小粒嘅薯仔沙律🤣🤣正常味，薯仔都夠淋，冇乜沙律醬。一共14舊，每舊嘅炸雞大細，大過乒乓波少少，一啖一舊🤏🏻有炸年糕同埋薯條，年糕煙煙銀銀，薯條正常都微脆偏淋少少。蜜糖炸雞香甜，甜甜哋，即叫即炸，外脆內軟，炸得唔乾身，芝士炸雞外皮灑滿芝士粉，比較鹹香，有啲似食芝士粉嘅薯片？$200來講份量都唔算好多，兩個人食都係啱啱好？以為一份嘅價錢可以三四個人食？價錢偏貴，但個味道係OK嘅！🍴炸芝士豬扒忌廉年糕 $105 (7.5/10)炸豬扒都香脆，

🍗 無骨蜜糖炸雞半份$118食炸雞雖然有骨會更嫩滑，但我更喜歡無骨雞嘅啖啖肉。韓式炸雞，外層唔會有肥膩感，雞皮鬆脆唔油膩，而且外皮有陣陣牛油淡香，加埋蜜糖真係令人食唔停口。 仲有香軟年糕，我真係後悔叫半份炸雞🫢。🐽芝士炸千層豬扒$112原來係用豬肉片卷住芝士炸，做出一層層cheesy感覺。而即叫即炸，外層份外香脆，突顯肉質鬆軟嘅口感。🐔明太子慢煮雞肉蛋包飯 $112慢煮雞肉唔會嚡熠熠，雖然比較淡味，但配上明太子汁就剛剛好。炒蛋好creamy，切開仲好gluey，就咁配炒飯已經好好味。🐮烤牛肉蛋包飯 $98烤牛肉整體比較濃味，所以omelette 蛋無特別配上醬汁，令味道能夠中和。牛肉加洋蔥，雖然唔係肥牛，但食落都好淋好入味。🥐韓式雜莓牛角包窩夫$72牛角包窩夫係我近期最愛嘅邪惡甜品，鬆脆熱辣辣嘅牛角包，配上肉桂砂糖，蜜糖，雜莓，真係會食極都唔厭。🍫凍朱古力咖啡$38咖啡味唔係好濃，比較似唔太甜嘅凍朱，toppings有朱古力碎及忌廉，攪勻之後飲到朱古力碎都幾有咬口。🥛夏至士多啤梨香蕉乳酪$48乳酪最緊要夠凍，鍾意佢比較清新，用士多啤梨同香蕉嘅原味，唔太甜應該無落糖水，係健康之選。餐廳實

好耐冇去旅行🧳，好彩香港係個美食天堂😋想食咩地方嘅美食大部份都可以係香港搵到，今日就揀咗韓式美食，可以望梅止渴下🤩牛肝菌蛋包飯係蛋中間切🔪開，蛋汁流入係飯度，好滋味！烤雞卡邦尼年糕，年糕同卡邦尼醬汁估唔到咁正！入口 creamy好Q彈，豬手沙律🥗豬手份量勁多，夾埋沙律菜一齊食清新爽口，無骨炸雞配搭清爽嘅番茜，減低油膩感！仲有年糕同埋炸薯條🍟超正呢！食埋個甜品，雜苺牛角包窩夫，有士多啤梨🍓同藍莓加上糖霜，甜甜地好美味。最後點咗2杯新出飲品，香橙綠茶沙冰同埋綠茶咖啡，綠茶配搭香橙同沙冰，好Fresh感覺，啱晒依家嘅天氣☀️牛肝菌蛋包飯$102烤雞卡邦尼年糕$92韓式豬手沙律$92清爽番茜無骨炸雞（半份）$108韓式雜莓牛角包窩夫$72清新香橙綠茶沙冰$48濟州綠茶咖啡$48

太古城有Banchan & Cook, 環境開揚幾闊落！menu野食不錯幾吸引，蕃茜海鮮蛋包飯， 有大蝦，魷魚，青口 bb, 蕃茜醬汁做基調，帶點香草清新感覺！蝦大隻烤得幾香口夠爽彈，青口 bb幾鮮味，配上蕃茜汁更突出味蕾感覺。蛋包飯做得幾好唔會太熟太乾！內層仍然嫩嫩半溶狀態，蛋香幾正。烤雞卡邦尼年糕，味道相當creamy, 卡邦尼既忌廉奶油香好到位，又唔會太膩，醬汁包住年糕， 煙煙靭靭好有咬口幾好食，烤雞好香，keep到彈性質地！啖啖肉又多肉汁。韓式豬手沙律， 肥瘦到均稱！肉與樣之間層膠質幾正，而且經已調好味，配上下層既沙律菜，中和過多肉既油膩感。韓式炸雞。清爽蕃茜汁作調，清爽感十足，唔會炸到太多油，一啖一口幾好肉！蕃茜汁幾香，完全減膩。不錯！韓式雜莓牛角包窩夫，窩夫帶有幾香既肉桂味， 味道又唔會太甜，而質地帶有一份煙韌感覺！ 還有士多啤梨，藍莓更增健康感。清新香橙綠茶沙冰，幾新穎既配搭！微甜幾重綠茶香，又唔會有太苦澀味，冰涼透心。

.🔖 𝑩𝒂𝒏𝒄𝒉𝒂𝒏 𝒂𝒏𝒅 𝑪𝒐𝒐𝒌 ｜ 𝑻𝒂𝒊 𝑲𝒐𝒐之前見到銅鑼灣店評語唔係特別好，所以一直冇諗住試。行開太古城竟然見到呢間餐廳竟然係Openrice排第一，咁就試吓係咪太古分店特別好食🫢。.首先餐廳係以開放形式，裝修類似Food Court之類，以自助落單、攞餐。Menu上選擇都算多，有蛋包飯、韓式炸雞、年糕同意粉等等。.當日一攞餐就嚇咗嚇，因為全部食物都係以外賣膠盒裝住···明明我見之前上網啲相都係用碟架喎😂。真係唔知係咪餐廳最近冇人洗碟，但用膠盒裝成件事感覺唔同曬🥺。.講番食物，最好食係個燉牛肋骨蛋包飯，牛肋骨整得好淋亦好入味，而舊蛋都得幾滑，用把刀一界開都有流心嘅效果🍳。份炸雞叫咗一半蜜糖炸雞，同一半初雪芝士炸雞。炸雞份量夠多，都有年糕同薯條係入面。個人認為雞件炸得啱啱好，肉質幾滑唔會太乾，但調味方面就一般般，算係正常嘅炸雞🫣。烤雞忌廉年糕就好濟，食完幾啖己經好飽。.飲品嗌咗杯濟州綠茶鮮奶，但覺得個綠茶味真係好假，唔似係用綠茶粉開嘅，一啲都唔似我喺濟州飲嘅綠茶喎。而且杯野好鬼甜，飲咗一半放棄咗，絕對唔建議大家嗌呢杯。🥵*整體黎講，呢間韓國菜真係普普通通，唔算係特別好食，未

Bookmark左依間餐廳好耐，係花系韓式cafe，野食好打卡able，今日終於有機會試喇。七點鐘到，已經要等幾枱喇。等左三四個字終於有位坐。鋪頭係太古城Open Area，係自助形式既餐廳，首先自己去左比錢買野食，跟住拎左個alarm，響就可以去拎野食喇。依度既Menu好fancy，好靚，見到佢出名蛋包飯，所以叫左兩個。等左一陣，野食都有了，但見到佢原來用外賣盒裝住既，聽返職員講係因為疫情，所以最近都係因為防感染控制用即棄兜。蕃茜海鮮蛋包飯+牛肝菌蛋包飯：蛋包飯真係好正，一介開就有流心既creamy滑蛋。蕃茜飯都幾清新，配以海鮮同沙律都唔會太漏。牛肝菌飯係配以白飯同野菌汁，配以牛油雜菇都幾豐富，但相對會漏啲。海鮮煎蔥餅：滿滿既海鮮煎餅，再加上辣汁真係好惹味。韓式炸雞（無骨半份）：即炸好脆，但雞肉唔會乾柴，再加上莞茜真係好正。最後甜品，韓式雜莓牛角包窩夫：本身以為係牛角包+窩夫，心諗牛角包呢，原來窩夫既質地係牛角包，甜甜地咁，配上砂糖係面，好似又食緊牛角包又食緊窩夫咁。清新香橙綠茶沙冰：綠茶味好濃，但唔會太甜。濟洲綠茶咖啡：咖啡味較濃，較少綠茶味，都唔錯，兩杯飲品都解膩總結，餐廳食物質

太古城滋味蛋包飯今日再次來到Banchan & cook 吃晚飯，之前在東涌試過它們的食物，一試難忘，覺得十分滋味，所以今曰再來吃蛋包飯。我們點了韓式豬手，豬手份量很多，豬是厚切的，有很多件，沙律菜十分新鮮，好爽口，清甜冇渣。我們點了番茜海鮮蛋包飯，牛肝菌蛋包飯。蛋包飯的蛋很足料，很厚，很滑。海鮮很多，有開邊燒大蝦，八爪魚，青口。蝦肉爽口，八爪魚鮮甜。今次點了番茜無骨炸雞，炸雞伴上，薯條及年糕。炸雞炸得香脆，好吃。今晚，當然少不了我最喜歡的甜品，牛角包窩夫。這是我百吃不厭的，牛角包有質感，比起一般窩夫更加好吃，配上楓糖漿，及玉桂粉真是錦上添花。飲品方面，選了香橙綠茶沙冰及紅豆鮮奶。綠茶沙冰冰涼清新，口感清爽，與炸雞是絕配。#Banchan&Cook #COFFEETIME #韓式餐廳 #太古 #銅鑼灣 #東涌 #咖啡 #炸雞 #芝士拉絲

_____好味指數：🌟🌟🌟🌟🌟抵食指數：🤑🤑🤑🤑係太古行完街就去食餐好嘅慰勞吓，呢間餐廳係我喺太古城最有印象嘅，而佢哋會定期更新菜單，而今次睇完新menu我就決定要開「香茜」盛宴🤩不過有啲可惜嘅係因為衛生署嘅政策，就算堂食都只可以用外賣盒裝食物🍱雖然冇用碟裝咁上鏡不過好食就得啦🙆🏼‍♀️✅蕃茜海鮮蛋包飯香茜主菜其一🌿首先蛋包香濃幼滑，喺中間切開流心嘅蛋漿就流哂出嚟🥚而炒飯亦粒粒甘香可口🍚海鮮有蝦、魷魚、青口等，爽口帶有淡淡海水味🦐成個蛋包飯味道唔會太濃，所以加埋蕃茜醬同新鮮蕃茜成個味就會更加出✅烤雞卡邦尼年糕用咗雞腿肉，口感嫩滑又有彈性🍗而年糕份量好多，同係比較幼身，非常有咬口✅燒醬油黑毛豬白切肉配大醬生菜黑毛豬好厚身，肥瘦相間，烤得焦脆🐷將豬肉放上生菜或者紫蘇葉，再加入青辣椒粒、蒜片同泡菜，配埋大醬一齊食口感更滋味✅韓式炸雞（無骨半份）雞肉炸得黃金香脆，脆口肉嫩🐔旁邊配有香脆嘅炸薯條同韓式年糕🍟然後仲有主角蕃茜，令成個炸雞更惹味🌿✅韓式雜莓牛角包窩夫以牛角包制成的窩夫包，切開有好多層，非常酥脆🥐配有新鮮紅莓、藍莓同士多啤梨，味道香甜🍓✅濟州綠茶咖啡賣相十足，杯上面有三粒丸子，口感軟糯🍡

餐廳位於太古城中心天橋位置有落地大玻璃睇到室外環境 幾chill啱哂嘆陣咖啡食下甜品☺️蕃茜海鮮蛋包飯 $138 (必食👍🏼)蛋包飯外表睇落去冇咩特別但一切開 啲滑蛋仲係流心 好正好好食芫荽醬汁幾特別 有啲似青醬味 個醬味道唔算太濃 適合第一次試既人配料方面一啲都唔孤寒 有大蝦青口八爪魚烤雞卡邦尼年糕 $92卡邦尼年糕份量中等 烤雞煎得非常之香口 個汁教得好濃好重芝士味同好creamy個人黎講 我覺得仲好食過一般韓式炒年糕韓式雜莓牛角包窩夫 $72 (必食👍🏼)牛角包窩夫新鮮熱辣整出嚟 牛角包既麵包味好香 仲帶陣陣甜味比起一般窩夫特別得多而且仲有士多啤梨 藍莓做toppings焦糖脆脆鮮奶咖啡 $48咖啡好重焦糖味 味道中規中矩比出面coffee shop出色既係佢啲脆脆令到成杯飲品口感更豐富