影片
更多
2023-03-23
109 瀏覽
Banchan & Cook我好耐之前係time square食過一次。記憶中試左炸雞同蛋包飯都幾好味，野食份量亦都幾大份。尋日同呀媽去太古城食飯行街，唔想煩食乜所以就揀左佢。餐廳好寬敞，啲桌好靚，玻璃底下鋪滿曬花。雖然係假花，但都睇得出裝修有俾心機。呢到採用自助形式，自已搵位，去counter落order 之後去拎野食。出邊有得斟水同埋拎餐具。雖然可以減低人手，但感覺似好靚既一個mini food court。✨傳統紫菜包飯 $78蛋、紅蘿蔔、青瓜、醃蘿蔔、牛肉 每一啖都好脆口，如果可以落埋麻油會更香。✨無骨醬油蒜頭炸雞 $108除左炸雞之外仲有年糕同埋薯條。每一嚿雞都鋪滿曬醬汁，味道甜甜地，蒜味較淡。年糕煙韌，薯條出奇地一直都keep住好脆。✨燉牛肋骨蛋包飯 $162有2大嚿牛肋骨，腍曬既蘿蔔、紅蘿蔔同蘆筍。基本上啲肉一撕即開，腍身既。蛋包飯表面睇落好smooth，切開入邊係半生熟既蛋。✨南瓜提拉米蘇 $52南瓜味既tiramisu，個蛋糕好濕潤，比平時食開咖啡味既甜。✨焦糖脆脆鮮奶咖啡 $48由於我嗌既係凍飲，所以啲焦糖脆脆唔會溶。可以就咁食少少再飲一啖咖啡，甜得黎又有咖啡香。✨
尋日同呀媽去太古城食飯行街，唔想煩食乜所以就揀左佢。
餐廳好寬敞，啲桌好靚，玻璃底下鋪滿曬花。雖然係假花，但都睇得出裝修有俾心機。
呢到採用自助形式，自已搵位，去counter落order 之後去拎野食。
出邊有得斟水同埋拎餐具。
雖然可以減低人手，但感覺似好靚既一個mini food court。
✨傳統紫菜包飯 $78
蛋、紅蘿蔔、青瓜、醃蘿蔔、牛肉
每一啖都好脆口，如果可以落埋麻油會更香。
✨無骨醬油蒜頭炸雞 $108
除左炸雞之外仲有年糕同埋薯條。
每一嚿雞都鋪滿曬醬汁，味道甜甜地，蒜味較淡。年糕煙韌，薯條出奇地一直都keep住好脆。
✨燉牛肋骨蛋包飯 $162有2大嚿牛肋骨，腍曬既蘿蔔、紅蘿蔔同蘆筍。基本上啲肉一撕即開，腍身既。蛋包飯表面睇落好smooth，切開入邊係半生熟既蛋。
✨南瓜提拉米蘇 $52
南瓜味既tiramisu，個蛋糕好濕潤，比平時食開咖啡味既甜。
✨焦糖脆脆鮮奶咖啡 $48
由於我嗌既係凍飲，所以啲焦糖脆脆唔會溶。可以就咁食少少再飲一啖咖啡，甜得黎又有咖啡香。
✨熱水蜜桃茶 $42
好香桃味，係自然既甜味。
張貼
