Ann Mamma Thai kitchen by 張秀玲

營業中

休息中

呢間泰菜bookmark左好耐，朋友聚會終於嚟到😛餐廳門口擺滿植物，裝飾得好靚，裡面環境舒適，可以同朋友輕鬆傾下計😉建議要訂枱，因為都幾滿🤓1.大蝦炒金邊粉 ($118)份量十足，3個女仔都食唔哂🫨金邊粉酸酸甜甜好開胃🤤蝦肉大大隻好彈牙😬2.泰式無骨滷水豬手 ($118)豬皮好滑，用滷水汁煮完食落唔會有油膩感👍🏻豬手好厚肉，入哂味，係稍嫌有啲鞋，可能滷得耐咗😅3.木瓜沙律 ($75)好fresh，沙律個酸辣汁可以解濟😂個人覺得辣左少少🫢4.泰式墨魚餅拼蝦餅 ($75)墨魚餅加左香葉一齊炸，可惜香葉完全掩蓋咗墨魚味道，雖然都食到墨魚粒😅蝦餅比較推薦，蝦肉超彈牙訓鮮，同泰式辣醬係絕配😋

假期跟朋友去了位於荃灣的Ann Mamma 品嚐泰國菜，門口擺放好多盆景裝飾，相當有泰國風情。座位差不多已全滿，幸好還有2人位不用等。午市套餐選擇都頗多套餐包括飲品，大部分不用加錢。凍泰式青檸茶 茶底用上泰國茶葉，甜度適中，味道清新。豬頸肉撈檬 $73將醬汁倒落檬粉，有青瓜絲、洋蔥絲等豐富配料，味道甜酸幾開胃，豬頸肉脆邊，肉質腍中帶脆，幾香口，又有厚厚的札肉。海南雞配油飯 $73賣相吸引，海南雞份量夠多。雞肉啖啖肉又嫩滑，點上黑豉油及辣醬一流。

今日去咗荃灣嗰邊，朋友介紹我去食呢一間泰國菜，店舖唔大，食物價錢相宜，所以就去食下喇我哋叫咗沙嗲，燒得香口，雞肉嫩滑，沙嗲醬惹味另外泰國炒菜有泰國特色，加咗香料令到啲菜好香口！食泰國嘢，梗係要食金邊粉，金邊粉好多粒，味道啱啱好，食到停唔到口，金邊粉酸辣辣，啱晒夏天，夏日炎炎食我哋仲叫左個芒果糯米飯，芒果好甜，糯米飯有斑斕葉味，好食！太耐冇去泰國食住呢個可以望梅止渴天氣咁熱要嗌返杯龍眼冰，新鮮龍眼放咗喺飲品上，龍眼好清甜！

第一次寫食評，真心覺得食物幾好食都冇用，服務才是重要，因為在香港好味好地道的泰國菜店多的是。這間店舖服務極差，負責人忘記booking，仲話我沒有聽電話冇confirm booking，細問之下，根本冇致電！仲要態度極差！永不再去！

早就聽聞荃灣有好多特色小店，今日我食既lee間就係其中之一間———Thai Kitchen by 張秀玲lee餐廳頭相當隱蔽，位置係香車街街市旁邊，如果唔係有朋友介紹，我絕對唔會行過去果邊食飯，因為完全唔覺得附近會有餐廳。餐廳食物種類繁多，木瓜沙律、咖喱炒蟹、海南雞、串燒、泰式炒河/炒飯、飛天通菜、……黃咖喱雞，咖喱味道濃郁，偏辣，份量超大👍小食拼盤（蝦餅、春卷、泰國雞棗），最令我驚喜既係蝦餅，超級彈牙，與泰式酸辣醬配搭一流😋，大推。炒泰國椰菜苗，非常有泰國特色，夠鑊氣，椰菜苗非常嫩👍泰式奶茶，真心推介lee杯奶茶👍👍👍，應該係我喺香港飲過最接近係泰國飲嘅味道，超正💢💢💢總結嚟講，店舖裝修精緻，食物味道正宗，唯一需要注意既係lee間餐廳因為長時間太full booking，所以需要提前預約先可以食到，不過我覺得都係值得嘅。

餐廳位置相當隔涉，大熱天時放工老遠由中環黎荃灣想食好西，行到身水身汗，去到餐廳7:30pm個侍應話今日full booking 啦，俾張卡片我。點會諗到平日勁隔涉既餐廳都要book 枱，同埋連足夠既walk in 位都冇。係咪以為自己米之連三星呀？ 早個星期六日有打過電話問有冇得book, 餐廳話冇得book，只能walk in???!!!! (所以今次平日去就直接去，然後佢而家同我講佢full booking?) 之後朋友黎到，個侍應又出返黎話而家個張cancel booking, 但8點要還枱？？？？？（黑人問號）🤯🤯🤯🤯 7:30入去，8點還枱咩玩法？ 我食到，你煮唔煮到呀？！ 入去俾你賺盡呀？ 以後都唔會黎架啦，祝你好運呀！

烤雞青木瓜沙律配白飯 $68。之前食過覺得都好食，今次叫返一樣嘅。但今次個飯係好乾，睇相都知。同埋個飯唔夠熱。午市套餐都包野飲，呢次揀咗凍泰式奶茶，沖得好好飲，唔會太甜，好消暑。而個雞排烤得岩岩好，同埋佢個肉醃得好入味，係咖喱味，仲有一個泰式甜辣醬可以點。個青木瓜沙律就好爽口，少少辣，好開胃。如果個飯煮得好啲就更好啦。今次12點左右到，唔使等位，12:30開始多人。午餐份量都好大份又包飲品，食物質素都幾好，$6x-7x左右都算幾合理。下次會試吓佢嘅麵。另外都推薦試佢嘅泰式奶茶。

見到咁多好評以為係咩好西想食好耐⋯點知極普通⋯正常泰國嘢 冇話特別好食 ⋯平時係旺角熟食市場買嘅泰國咖喱都好食過呢間⋯個芒果糯米飯好普通 感覺同平時係街邊買一盒盒嗰啲冇咩分別仲要服務態度不太好 啲員工黑口黑面咁⋯仲要成間店好細 每張檯距離都唔遠 隔離檯大聲小小講野已經好嘈 成個進食過程都好唔舒服⋯感覺好似身處大排檔咁。

📍荃灣見到餐廳張餐枱上放住塊紙coaster, 上面寫住’only good vibe’, 同朋友食好食嘅嘢，又真係可以帶出好嘅氛圍😋首先講咗唔好嘅地方先: 餐廳有限時, max 1hr 45 mins, 想食慢少少或者試多幾道菜時間都有啲趕; 其次地點比較偏遠，無論喺荃灣或荃灣西地鐵站行過去都起碼要十幾分鐘；另外餐廳座位比較逼夾，其他客人坐喺旁邊回音會比較大；好彩我哋坐門口角落位，冇咁受兩邊騷擾講返食物質素: 沙嗲串燒，兩串雞兩串豬，味道還可；泰式燒豬頸肉，燒得好香，夠入味辣椒膏炒藍青口，青口份量幾多，加埋泰式配料，夠哂鮮嫩惹味至於兩杯泰式特飲，分別係凍泰式奶茶同芒果百香果沙冰；可能行咗幾遠路，所以覺得特別好飲😅最後甜品方面，掙扎咗好耐想要椰汁芒果糯米飯，但最後揀咗泰國街頭椰子味雪糕🥳🤭並不太甜；椰子味好出，同埋有兩片海底椰同花生點綴，作為飯後甜品，一流下次有機會再去的話，一定要試埋佢哋嘅蝦醬炒飯，豆醬炒通菜同椰汁芒果糯米飯

-食過呢間泰國野幾次都好高質🥰 雖然有兩層空間唔細但係之前平日lunch去都多數要排隊🙈 如果晚餐去最好都係book定枱😛大蝦炒金邊粉 $118呢個必叫😋 金邊粉炒得幾香幾有鑊氣😍 調味岩岩好唔會過酸 🫶🏻 蝦雖然唔係好大隻但都幾爽口😙沙嗲雞/豬肉 (4串) $75豬肉串燒得岩岩好唔會太乾，沙嗲汁嘅花生味好出好香😋青咖喱雞 $96一嚟到見到咁多菜以為叫錯左，原來咖喱雞都有咁多菜😛 青咖喱質地有啲唔夠濃，雞嘅份量幾多同埋都嫩滑，有咁多菜好似幾健康😆 不過有啲菜倒如南瓜同茄子就煮得唔係好夠冧🥲 整體黎講一般🥲烤薄餅 $52味道同口感唔錯！不過呢個價錢嘅話略嫌份量少左啲🫣🍉西瓜沙冰 $48好新鮮足料，天氣咁熱飲到透心涼~青檸梳打 $28正常唔錯~📍Ann Mamma Thai kitchen by 張秀玲 荃灣曹公坊11號地舖旺角通菜街1號威達商業大廈地下N號舖

📍 Ann Mamma Thai kitchenby 張秀玲-荃灣 呢間餐廳由泰國人主理，環境好chill適合打卡📸餐廳內裝是大地色配上竹編元素白天採光很好👍走進店內即可感受到滿滿的泰式風情🇹🇭✨ 黃咖哩牛腩配白飯牛腩帶點筋膜，口感軟腍🐮肥肉唔多，食得出炆左好耐，好入味同夠腍。咖哩微辣且香氣十足白飯嚟多一碗🍚✨ 泰式燒豬頸肉飯豬頸肉嘅份量係超級多🐽食極好似都仲有燒到好香口.面皮焦脆而豬肉大大塊唔會好乾韌都唔錯👍✨泰式奶茶奶香非常醇厚，淡淡的碳燒味🫗而且可以選擇無糖！就是僅加煉乳再無其他糖，不會太甜更清爽一點～好有泰式風味🫶🏻✨泰式青檸茶有梅味，有驚喜～夏天解渴一流❣️

👍🏼抵食指數：⭐️⭐️⭐️😋好食程度：⭐️⭐️⭐️⭐️⭐️如果講到荃灣最好食嘅泰菜，一定係喺香車街市對面嘅Ann Mamma Thai kitchen！一早聽聞過Ann Mamma Thai kitchen 幾好食，但每次行過都full booking。今次終於提早一星期 Book 位，食飯前一日，餐廳打嚟問要唔要 #咖喱炒蟹 ，因為要預訂，見佢哋誠意拳拳，當然要試下啦！餐廳內嘅梳化布置，以及木枱、長玻璃，確實有種宜人舒服感覺。主菜咖喱炒蟹確實無令人失望，份量足夠3-4人進食，隻蟹大大隻，蟹殼入面都好多膏，蟹鉗嘅肉都好鮮甜，而咖喱屬於唔辣嘅 #椰汁黃咖喱 ，撈飯或者簿餅食係絕配！另一個極力推介係 #大蝦金邊粉 ，比起一般金邊粉唔算太油，或者啲粉個痴埋一舊，配合埋基本嘅花生粒同辣椒粉，口感一流。而小食拼盤中嘅雞棗比平時嘅小食較為特別，比較彈牙，有肉汁，好juicy ！溫提：餐廳只收現金，見到隔離枱嘅食客因為唔夠錢，要出去㩒錢；咖喱炒蟹需要早一日預訂啊～ 

Ann Mamma Thai kitchen 是我經常光顧的泰國餐廳，位於荃灣地區。這家餐廳備受住在荃灣的朋友們的推薦，因為他們的美食實在令人難以抗拒。特別是他們的午市套餐，價格實惠且物超所值。這次我點了烤雞青木瓜沙拉（走飯），烤雞的份量相比以往有點小，但味道依然鮮嫩多汁。他們的烤雞總是能保持一貫的美味水準，讓我每次光臨都能品嚐到滿足的口感。泰式無骨鹵水豬手飯是另一道我推薦的菜色。這道菜以滷豬手為主料，搭配上泰國特色的調味料，味道濃鬱醇香。每一口都散發著豬肉的鮮美，配上米飯，簡直是一種絕妙的組合。另外點了小食泰國雞棗這次我遇到的女服務生給我留下了不太好的印象。她回答客人時只會發出使用鼻音的"嗯"。當旁邊的客人不知道飲品的選擇時，她只是用一隻手指高空指向另一份飲品菜單，沒有給予基本的禮貌。她的無禮行為, 甚至讓人覺得食慾受到了影響。小總結❤️❤️❤️❤️📌午市套餐價格便宜且物超所值。📌烤雞青木瓜沙拉鮮嫩多汁📌女服務生缺乏基本禮貌。

在荃灣逛商場後，朋友提議去間特式小店食晚餐。所以走到福來邨附近，那邊都有幾間小店，最後選了「Ann Mamma Thai by 張秀玲」食泰國菜🥳。餐廳設計環境很舒服，寫意生活感覺出晒黎😚。餐牌上都是傳統泰國餐廳的菜式，小食、沙津、咖哩、熱葷、粉麵飯和甜品，亦有特式飲品，最後我們點了三款菜式。小食拼盤有，2件蝦餅，2件春卷和4件泰式雞棗 $99我很喜歡吃蝦餅和春卷，所以叫了這個拼盤，要趁熱，熱騰騰的，蝦餅相當香口彈牙，春卷都香脆，最有驚喜係個雞棗，配上甜酸醬味道很特別😋。生菜🥬肉碎包(豬肉）$112份量相當足夠，這個生菜肉碎包辣的味道適合我，有12塊生菜，生菜可以剛剛好食盡肉碎。入口時未感到辣，辣味是逐漸來，不過又末至於太辣，適合我口味不太吃辣😋。香葉肉碎飯🍚(牛柳粒）$96份量十足，牛柳粒彈牙入味不乾，連豆角粒一起炒，飯都很香飯味，配上牛柳粒醬汁味道很惹味😋。這裡環境舒服，今晚享受豐富的泰國菜，很滿足😍。

若果系荃灣廣場食厭左各名牌食肆，不妨過條大馬路，過來曹公坊幫襯一眾小店。而當中#annmamathaikitchen 更系當中婊婊者。如果冇訂座的話，一到晚飯時間，更要排隊入座。餐廳環境雖不大，但大多以梳化卡位佈置，舒適寛敞和開陽。泰式燒豬頸肉$80估不到份量咁多，豬頸肉啖啖肉須是薄切，但好有咬口，加入炒碎米作調味，沾點醬汁食，酸酸甜甜十分惹味。泰式雞翼$78雞翼炸得金黃香脆，幾脆身，咸香美十足，唔會太鹹，系個唔錯嘅小食選擇。黃咖喱牛腩$96 +烤薄餅$52 黃咖哩微辣惹味，牛腩炆得好入味，無需用力咬即可入口。入口軟淋又重牛味，烤薄餅一藍有8小塊，油香酥脆，配黃咖喱一流。整體唔錯，店員服務友善，主動為客人添水和換碟，留意用餐限時1.5小時，收加一服務費。